台灣霧之戀

見到厚福街呢間飲品店，又有少少肚餓口渴，就去睇吓啱唔啱飲～一望就比佢個超級芒果三重奏系列吸引咗，芒椰呢個配搭好有童年嘅感覺！🤣我就叫咗個芒果椰奶x小芋圓 ($42)😆飲品一出嚟我都好驚訝，因為佢識噴煙！🤣杯邊有啲窿窿，啲煙就喺嗰度出嚟🤣 (可惜影相影得唔係太清楚，要用心睇🥲)打卡真係一流🤣影咗一輪相之後就可以飲喇～上面個兜兜都裝住唔少芒果同埋椰汁，可以用隻小匙羹𢳂嚟食～椰汁唔會太甜，好香椰味，而芋圓細細粒，好易咬，都好煙韌～飲咗幾啖就將成兜芒果撥哂落去杯飲品度😆芒果、椰汁同芋圓原來都好夾😆飲品個噴煙效果好有驚喜，令我下次都想試吓其他飲品係咪都咁有驚喜😂…查看更多

話說同朋友食完lunch意猶未盡，所以就睇吓有啲咩選擇，見到呢間嘅超級芒果系列好吸引，所以就排隊試吓（Lunch都有人排隊買）我哋一人揀咗一杯芒果椰奶x小芋圓，依家仲要買第二杯半價，超級抵飲。我哋應該都有等咗5分鐘，第一眼見到真係wa左一聲😂好大杯，而且仲好多煙出緊，成件事好夢幻，即刻襯返個舖頭名，佢哋個杯設計好特別，芒果擺喺最上層同椰奶分開，而且仲可以用匙羹食，好體貼😂下面一路有乾冰🧊住，所以🉑️以keep到凍嘅程度，椰🥥奶好香而且唔太甜，啱晒我🤤芋圓嘅份量都好多👏🏻成件事非常好👍🏻好滿意，下次嚟尖沙咀會再飲🤞🏻…查看更多

台灣飲品店越開越多，要突圍而出真係唔容易。今日經過厚福街見到有人拎住一杯冒煙既飲品，充滿夢幻既感覺🧚‍♀️。追隨之下發現原來呢杯飲品係嚟自同一條街既台灣霧之戀！我上述嘅飲品屬於超級芒果三重奏系列，系列包括白雪珍珠、蘆薈爽同小芋圓。芒果正正係我水果入面既favourite😍- 芒果椰奶x小芋圓飲品分左兩部份，下面係椰奶同芋圓，上面就係大量香甜既芒果粒。芋圓好煙韌，咬落唔會粉，一啖椰奶加一羹芒果令人好滿足😋。杯既底杯放左乾冰，造成冒煙既夢幻效果。佢地既彩虹Logo都好可愛，飲品亦自帶仙氣，女朋友一定好鍾意❤️…查看更多

前兩日同朋友去開尖沙咀，諗住去厚福街嘅小黑糖買返杯嘢飲，但突然見到隔離鋪位噴咗啲白煙出嚟，好奇嘅我地抬頭望下先發現係哩間早排好多人打卡嘅霧之戀，所以決定同朋友每間買一杯嚟飲🤪• • • • •🧚🏻‍♀️芒果椰奶x小芋圓🧚🏻 [$42]第一次試哩間所以決定買杯最多人叫嘅「芒果三重奏」系列😼落咗單之後唔洗等好耐店員已經拎咗杯嘢飲出嚟，一拎出嚟已經全杯散發白煙好夢幻🦄認真望一望原來係嘢飲杯裝咗落一個再大啲嘅杯，兩隻杯中間嘅位置放咗少少乾冰，所以店員加咗水落去就會散發白煙🤩嘢飲杯上面再有一個碗仔裝住芒果粒粒，可以一路飲一路𢳂芒果食🤪下層嘅飲品係椰奶加小芋圓，椰奶味道好濃，小芋圓係迷你小芋圓，都夠煙韌🤓不過略嫌有少少圖文不符🙈本身張圖見到上層嘅芒果粒粒係大粒啲同埋裝滿個碗，但現實係迷你芒果粒加芒果蓉咁，同埋只係裝到個碗嘅一半🤭• • • • •總括嚟講覺得佢飲落味道一般，但喺佢散發白煙嘅時候用嚟打卡都係唔錯嘅選擇👍🏻• • • • •📝餐牌：…查看更多

🧋經過厚福街 見到呢間新開嘅茶飲點 好大隻字寫住香港人加油同買一送一 諗住試下🥭超級芒果三重奏🥭芒果椰奶x小芋圓 $42原來呢杯係冇買一送一 要$32以下嗰d先有 但有個果凍冒煙氣泡水都好啱打卡🧋呢杯個樣真係好靚 店員好貼心 會確保你係到先加氮氣做冒煙較果 好多煙 好過癮 記得準備好相機打卡呀💕🥭上下分開 所以上層一係當糖水咁食 一係要食一啖再飲野 上層係芒果椰奶 芒果粒粒完全唔酸下層係椰奶加芋圓 芋圓口感好QQ 椰奶都夠滑夠味 不過因為係雙層杯 為左做冒煙較果 容量比較少 幾啖就飲晒💛總結杯野飲味道唔錯 打卡都好適合 係街拎住都會有途人望下 除左呢個 下次都可以試其他性價比比較高嘅飲品🧋買一送一只限7pm前（星期六日都ok) follow fb/ig ,再出示畫面。（買一送一唔包招芒果二/三重奏，芒椰奶西，oreo系列同阿華田）…查看更多