Miyaha (Closed)

今晚我們喺觀塘牛頭角道附近做完嘢之後，行過見到呢間「宮葉」都幾多人排隊等位，應該出品都幾好，所以我們就決定入去食晚飯！我們叫咗日本海鮮拉麵嘅湯底係豬骨濃湯，味道相當濃郁，拉麵嘅麵質好煙韌彈牙，不過就略嫌配菜嘅份量比海鮮多！燒鯖魚丼同燒三文魚丼嘅鯖魚同三文魚係新鮮即煎，而且煎得都幾芳香，肉質都幾軟滑，溫泉蛋嘅效果亦做得幾好，撈埋啲珍珠米飯一齊食，真係好惹味！芒果批嘅批底非常鬆脆，牛油味相當香濃，內層仲有一層薄薄嘅朱古力，加上香滑嘅忌廉，再將超香甜嘅芒果舖滿表面，真係超正呀！宇治抹茶心太軟係整成心形，所以賣相相當吸引，真係非常有心思，切開一半見到流心嘅效果做得幾好，但可能抹茶嘅味道過度濃郁，所以味道極之苦澀！芒果拿破崙嘅拿破崙都幾酥脆鬆化，吉士醬嘅味道亦唔會過甜，但芒果嘅份量就相當少，呢點係令我們比較失望！…Read More

正正抹茶甜品💚足料水果茶🍉拉麵一般🍜整體性價比頗高😋星期三夜晚七點幾，我地七個人黎到就直接上二樓坐。上層有好多位，之後有更多人黎都坐唔嗮。✏️我們的食單甜品：✅宇治抹茶拿破崙 $46✅日本紫薯雪糕芭菲 $48👌🏻宇治抹茶心太軟 $46👌🏻芒果批 $38正餐：👌🏻和風豬軟骨拉麵 $54👌🏻關西叉燒拉麵 $52✅洛神紅梅菓茶 +$8❌白桃西柚菓茶 +$8✅宇治抹茶拿破崙 $46：抹茶醬味道出乎意料地濃郁！拿破崙脆脆地同醬一起吃既口感好有層次。生果都新鮮，仲有唁韌綠茶蕨餅。✅日本紫薯雪糕芭菲 $48：好豐富！有抹茶雪糕、紫薯蓉、馬卡龍、火龍果、蜜瓜...咩都有啲既感覺很棒。👌🏻宇治抹茶心太軟 $46：整體而言不錯，只是心太軟裡面的抹茶味道一般。焗既時間控制很好，真的是流心。值得一提既係罕見既心形蛋糕。抹茶雪糕側邊既脆脆似一舊舊糖，無咩口感。👌🏻芒果批 $38：芒果份量足，但依然有點貴。餅底比較碎，上面有層薄巧克力。👌🏻和風豬軟骨拉麵 $54：豬軟骨夠冧，份量恰當，其他配料比較少。麵質同湯底似即食麵質素，不要抱太大期望。呢個價錢唔可愛，但可以+$8有杯足料水果茶，心理平衡返小小。👌🏻關西叉燒拉麵 $52：麵質同上，叉燒偏肥。✅洛神紅梅菓茶 +$8：好多水果！味道清新，大大杯可以兩人分。落單時有問可唔可以少甜，職員話無得揀甜度，幸好不算太甜。❌白桃西柚菓茶 +$8：好似藥水味...應該係水果配搭問題。🏠上層好靜，地方闊落，好好坐。👳🏻‍♀️職員態度幾好，但甜品等左好耐先送黎，效率有啲低。…Read More