Sangeetha Vegetarian Restaurant

晌香港，印度菜好普及，素食菜館近年亦大行其道，但專賣印度素菜嘅餐廳你又知唔知有幾多家？我就唔多清楚嘞，只喺最近就去過尖東嘅「Sangeetha Vegetarian Restaurant」一掃印度素菜，食素，就梗要預埋喜歡食素菜嘅老婆啦。呢家餐廳位處一入夜就鬼咁靜嘅永安廣場，餐廳內嘅環境好簡單，好平民嘅感覺，完全無咩華麗嘅裝修，感覺就喺既然食素，就毋庸奢華，但仍光鮮企理，菜式定價亦親民，更唔收加一，怪唔得只喺閒日夜晚，都有咁多「鄉里」幫襯，唔少喺一家大細，猶如飯堂。打開餐牌，第一版就有餐廳嘅詳盡介紹。原來其歷史不短，而且，更喺跨越多國嘅連鎖餐廳。由於餐牌都比較厚，又易屈起埋，非常難影嚟俾大家參考，好彩事後發現佢哋有設立網頁，更上載整個餐牌，故此索性編輯一下放上嚟等大家易於參考。如你所見，菜式非常之多，由湯品、前菜、炸餅、什錦烤串、麵條、蒸米糕、印式輕食、麵包及咖喱、煎餅、班戟、掛爐烤餅、米飯、印度套餐、鐵板、北印度風味、兒童套餐、蔬菜、飲品、鮮榨果汁、奶昔、小食，到甜點，一應俱全，多到眼花繚亂。餐牌唔止印刷精美，亦中英對照，有啲店員仲識幾句廣東話，唔使太擔心溝通問題。芒果味印度奶昔（Mango Lassi）$35如無記錯，小弟嚟親食印度嘢，都喺必叫呢一款芒果味印度奶昔，有啲就譯為芒果酸奶，因為喺以鮮芒果肉跟乳酪打成，故入口有陣陣醒胃嘅乳酪酸香味，而且，芒果味亦香甜濃郁。菠蘿汁（Pineapple Juice）$35呢度有唔少果汁選擇，更標明鮮榨，呢杯菠蘿汁一睇就知喺鮮榨，皆因仲睇到果汁內有唔少果肉嘅纖維，入口菠蘿香味天然清甜，不過，唔知喺咪講求健康關係，上文杯芒果酸奶，呢杯菠蘿汁，以及稍後介紹嘅石榴汁，都唔多冰凍，只喺入口涼涼哋嘅感覺。石榴汁（Pomegranate Juice）$45好少飲石榴汁，所以，幾有新鮮感。色澤鮮紅，望落仲以為喺西瓜汁添，試咗一口，雖然石榴味都好出，但對比起上述兩杯飲品，味道比較清淡一啲，但感覺就覺得好健康咁。咖喱角（Samosa）$40幾常見嘅印度前菜，既然喺素版，裡面就當然只得啲薯仔、蔬菜、青豆啦，特別之處就喺包到拳頭咁大。外皮口感比較酥化，卻唔油膩，配以印式甜酸醬及薄荷乳酪醬，食落更清爽。洋蔥炸餅（Onion Vada）$60炸餅無論外形，抑或口感都有啲似炸薯餅，我哋揀咗洋蔥口味，不過，洋蔥味嘅感覺唔喺好強，而且，好大件一個，幾個人共享就最好，一人一個都嫌太飽肚。配上嘅醬汁都好特別，白色嘅有少少芝麻香、又辣辣哋；白色隔離嗰兜都喺有點辣，但就帶薄荷味；再隔離就喺常食到富香料層次嘅咖喱；最邊邊大兜啲嘅喺咖喱雜菜。蕃茄香辣班戟（Tomato Chili Uthappam） $70無咩辣椒公仔嘅溫馨提示下，今勻真喺中咗伏，咪以為喺表面啲紅粉辣，喺班戟裡面堅有唔少青辣椒，嗰啲先非常之辣，而班戟嘅質感正正就喺平常晌麥記食早餐時嘅熱香餅嗰種，軟綿綿，但配鹹食個人感覺一般。蘑菇咖喱（Mushroom Masala）$75瑪沙拉喺混合多種具芳香性嘅香辛料所做，喺印度料理嘅萬能香料，就算呢道菜只配鮮蘑菇，一樣好好食，啲蘑菇好爽口，個汁底稀杰度啱啱好，香味有層次，微微哋辣，十分惹味，無論撈飯，抑或配印度烤餅，同樣咁正。蒜香烤餅（Garlic Naan）$40既然叫咗道瑪莎拉咖喱，咁就梗喺要叫番一客印度烤餅，蒜香口味簡簡單單就最合心水，一客有4件，仲加咗少少芫荽碎，啲烤餅入口香，配咖喱真喺一流，略嫌啲餅稍為韌身咗，唔知喺咪一早嚟到，擺耐咗嘅關係。咪睇啲店員好似茶記啲阿叔，個個感覺都幾親和，唔會不耐煩咁，招呼都幾好架，而且，上菜速度勁有效率。此外，枱上放有收費嘅樽裝水，但同樣有放有水壺和水杯，有免費開水供客人飲用。越夜，就見越多「街坊」嚟幫襯！…Read More

尖東以前是香港最高尚新派特色煙花之地，熱鬧非常，酒店食市夜總會臨立，令人流連忘返，記憶尤新，處處美食繁多，五光十色招牌，飲飽食醉，但是今時今日，已經是風光不再，居然再次光臨一間印度素食餐廳，其美味可口健康咖哩不是浪得虚名，名副其實，始終如一正宗美味印度咖喱食物，又食物造得出色，清香味美，平民價錢，環境尚算清幽企理，而且其厨師效率其高，出菜奇快，對著精緻咖哩美食，真是滿足喜愛印度咖哩的食客，用料充足，非常濃郁喉嚨，還有咖哩中的薑黃素可以使人更健康健腦，對防止關節腫大及炎症，心血管疾病有莫大益處！不妨多吃一些，是我最喜歡印度咖哩原因！何樂而為，一舉兩得，又美味又健康！！！門面簡約而潔淨，正宗印度素食咖哩餐廳，值得再光顧！印度菜式各類都有，價錢公道，尤其印度咖哩特別豐富香料，十分香濃，而味超正，適合香港人的味道，份量足夠，肚滿而還！印度香料高度口感濃郁而清爽，味道特別，細緻雅香，配合米飯及印度薄餅就更加出色濃香，充滿味蕾，其香料由印度新鮮運到，天然食材料:有薑、蒜蓉、辣椒，丁香，蘿勒，豆，茴香，肉柱及黑椒等等而製作而成的醬料！加強食物的味道，令人耳目一新，細嚐滋味，一吃難忘！香氣芝士味道，濃郁清新之口感，用印度香料配合而成的爽口香味，熱辣辣，有一種齒甲流香，十分新鮮味道美香的菜式，惹味燒烤，亳無肥膩，奇特味蕾而一口一啖非常，一定要品嚐！脆脆煎餅，配上三種印度特製醬汁，配搭剛好，帶出味道，質感滑脆而有些帶甜而味美，十分香濃，不要錯過些脆脆酥油印度煎餅阿！Fruit Punch 三層味道，有西瓜，奇異果，橙汁製作而成，冰涷清涼，可口非常，甜度適中，有助消退咖哩濃味！而Mango Lasssi 又突出芒果的清香宜人的味道，甜酸不高，順滑腸胃，夠特色出色！咖哩角(Samosa)正宗印度食物，香香脆脆，配合薄荷及燒烤醬汁就有一種暖暖綿綿的口感，希望再次重臨 Sangeetha Vegetarian 印度餐廳，價錢經濟，飽滿非常的印度菜，正、正，正！…Read More

今日同友人行完尖沙咀掃完貨,在同一商場內見到有間印度餐廳好多人,好奇之下,便和友人進去餐廳到試下這裏的格局有點似快餐店,但是有店員招呼的。服務都很好。我地望下個餐牌,真係好難決定,因好多睇個名也不知道是什麼,所以我和友人就憑感覺叫了幾款食物。春卷 有5 條,裏面是包著什菜,有點黑椒做調味,感覺有些少微辣。食落脆卜卜,好香口。這個有點似港色口味。印度酥油香料薯仔餡煎餅 ,煎餅依道有好多款式,我地要了薯仔餡的煎餅。這個呈三角型的煎餅,卜卜脆的裏面包著薯蓉洋蔥餡,不辣的,另外配了三種唔同的醬汁,有辣有唔辣的,食一個都好飽蔬菜炒飯 這裏的炒飯是用印度米的,長幼型,唔似中國米咁香,不是太大黏性。蔬菜切到很幼細,同印度米的瘦長好配合,味道有點淡,但好香香料味。中式椰菜花特登叫了個中式嘅菜,唸住是唔辣的,點知咁多款最辣是這個菜,一顆顆椰菜花,軟硬程度是剛剛好的,但味道頗辣,我和友人就不能吃太多,嗜辣的應該很喜歡吃印式芝士鐵板燒烤 印式芝士究竟是咩冬冬,友人和我都好好奇,所以叫了這道餸。鐵板上有好多件一件件四方型橙色的“芝士”和青椒,但好奇怪咁熱的鐡板為什麼芝士不會溶呢？一咬落去好彩唔辣的，咬多幾下,似中式豆腐干,,好特別芒果味印度奶昔 都好大杯,好杰身,甜度適中,食完啲辣嘅食物,即刻飲返啖，就辣味無晒。正。當我地食完走的時候,已是全場滿座。門口更有好多印度人在等位。我唸這間印度菜館一定好地度，好出名…Read More

整個農曆新年都大魚大肉，又食盤菜又年糕又油角，去親友處拜年又食瓜子、開心果、朱古力等等，實在太邪惡啦，所以今日就黎食番個素黎平衡下，順便當KEEP下FIT都囉。今次揀嘅呢間素食餐廳係食印度菜嘅，內面都聚集不少印度人，令你有種仿如旅行去左印度嘅感覺。餐牌中英對照，而且仲有圖片參考，唔需要擔心睇唔明，或者落唔到單呢個問題。大家都知道食印度菜大多唔用餐具，都係直接用手拿起食物，所以佢地都喺近門口位置，設有呢個洗手盆，方便大家用餐前後使用。當然，佢地仍然會提供刀叉等餐具比客人使用啦。畢竟唔係所有人都習慣用手進餐架嘛。印度菜最出名係乜？當然係食咖哩啦，所以我地先叫左個咖哩角試試。話明係素食，裡面當然唔係我地平日食開嘅豬肉果啲材料啦，佢係用薯蓉、青豆及腰果做餡，配有椰汁及甜酸汁比你沾黎食。素排即係素食豬扒，外面炸得金黃鬆脆，裡面就係薯蓉。外脆內軟，感覺真係好似食緊吉列豬扒一樣。腰果黃飯用上印度香料炒成黃色，飯粒又夠乾身，而加入腰果又令到呢個飯更加香口，有需要更可沾上跟這個飯附送嘅乳酪加以攪拌，味道更加香濃。這款餡餅份量認真大件，但其實佢果皮好薄，而內有薯仔及豆蓉，口感香脆好味，唔沾醬汁就咁食都可以。北印度套餐係店員推介嘅，呢種烤餅就係最傳統嘅印度薄餅，配上5款甜酸辣等不同醬料比你，可以逐一配搭，睇下邊款最啱自己口味。另外，呢個套餐附送香辣炒飯，算係全晚最辣菜式，愛好辣味者不仿挑戰一下味霤。黎到呢度梗係唔會放過平日少有接觸嘅印度風味芒果奶昔啦。芒果味夠香甜，奶昔又夠滑，而且隱藏著絲絲椰香味道，感覺清新。而呢杯就梗係我個朱古力控老婆嘅朱古力奶昔啦，佢話個朱古力味夠濃，而且有種解辣嘅感覺，啱晒唔太食得辣嘅人。…Read More

印度人在香港定居的日子不淺，在香港漸漸建立了一個小印度區，特別在尖沙咀，不少印度人集結，還開設了印度餐館，讓印度美食在香港推廣之餘，也可以讓同鄉聚腳聯宜，一舉兩得，所以想要嚐到正宗的印度菜式，不妨大膽一點走進這個小小社區，其實他們也很親切，非常歡迎不同種族的人來嚐嚐他們家鄉的菜式，今晚我就大著膽子走進尖沙咀一間由印度人開設的印度素菜館⋯位於永安廣場內的Sangeetha Vegetarian Restaurant，沒有華麗的裝修，簡約的門面及座位，卻座了不少印度人，初時我們也有點戰戰兢兢，但當門打開，店員有禮地以流利的廣東話問我們多少位？我們隨即安心跟著店員引路就坐⋯餐牌上中英對照，也有一點圖片，但因為第一次食印度菜，所以看著餐牌也感到無所適從，到底要吃其麼好呢？不用怕，上Openrice search一下食評，就立即有點心水菜式了⋯印度的咖喱角好大隻，微辣的咖喱及香料，還有薯仔及鷹咀豆等混合的饀料，味道不錯呢﹗香料薯仔千層餅，在酒店的自助餐也常見到這款薄餅，而在正宗的印度餐館吃到的千層餅更加美味，有一點煙軔口感，還有2款醬料沾來吃，雙重滋味⋯印式芝士香料薯仔饀餅一定要試啊﹗有點像pancake，卻非常鬆脆，中間有不同味道的薯仔饀料，有火辣而香口的、有酸酸的、也有香料味道的，就算不沾任何醬來吃也十分美味⋯北印度套餐配的又是另一種薄餅，以掛爐來燒的更為香口，配有五款不同味道的醬汁，如酸忌廉、原粒鷹咀頭薯蓉、鷹咀頭蓉、咖喱及非常甜的蜜糖等，不妨試試找出自己最喜歡的味道，另外還有個辣辣的抄飯，辣到出汗好刺激啊﹗腰果黃飯的腰果份量頗多，每一口飯都吃到腰果，以印度常用的黃姜粉來抄，非常健康及營養價值很高呢﹗芒果味印度奶昔帶點酸酸的味道，有點像乳酸味道的奶昔⋯朱古力奶昔不算太甜，朱古力味如果可以再重一點會更佳﹗石榴汁味道相對淡一點，解辣還算不錯呢﹗別以為印度菜一定是辣辣的，我們這晚點了很多菜式，但實際辣辣的只有2款，而印度的薄餅款式超多，我們也試不完，而且每一款薄餅味道都非常出色且味道濃，就算不沾任何醬料也很美味，喜歡印度薄餅的朋友絕對值得一試啊﹗…Read More