Dessert Playground

今日同友人係銅鑼灣行到累～口痕就想食個甜品咁岩經過沛公甜品個陣6點幾未係咁多人唔洗等位就決定入入去試下啦～門口乾淨企理～唔錯唔錯～睇睇餐牌都有幾多選擇下，聽講沛公甜品嗂嘅榴槤甜品幾出名下 但自己唔食榴槤 無緣一試個芒果千層戟真係好好味～d cream一d 都唔漏！仲要啖啖芒果肉呀！一碟有齊咁多野試 滿足到我想一次過試晒咁多樣野嘅心願！個楊枝金露啖啖芒果肉 好味道芒果腸粉感覺好新奇 個皮好好味！嘩！個糯米糍入面有咁大粒芒果肉嫁！仲有陣陣玉桂香味tim~室內環境乾淨舒適～ d 位又好坐～下次一定會再黎門口仲有好多外賣甜品比人買番屋企～仲要好平 下次買比媽媽食先！…Read More

本來想買另一間，點知無開，附近最近就呢間，櫥窗好大，甜品一盒盒獨立包裝放晒入櫥窗雪櫃，外賣價錢仲非常吸引，本來都無買外賣，即刻揀咗三款再入內落單，店內好光猛，桌椅乾淨整潔，好舒服嘅環境，店員好爽手，我一講好佢已經入晒袋，再用八達通比錢，5分鐘唔使走得！返到屋企放入雪櫃，攞出來食！獨立包裝雖然唔環保但攞得好安心，又唔怕會比雪櫃吸乾水份！芒果千層班戟：芒果肉多，忌廉好滑，而且唔太甜，班戟薄而唔乾！好大件，食完都幾飽！宇治金時：抹茶紅豆都係我鍾意嘅配搭，可惜呢件餅除了忌廉滑，抹茶味唔夠，紅豆又較硬（未至於咬唔到）同軟軟嘅忌廉班戟唔夾！一般！雪中落日：名字特別，椰汁外皮彈牙又滑溜，中間芒果餡唔多，但夠軟滑，口感好夾，唔太甜，好似食條彈牙腸粉一樣！幾特別！食物唔錯，包裝企理，店員服務好，有笑容有送客，又爽手！抵讚！…Read More