18 ODDITIES

📍小草十八怪石鍋米線雖然係石鍋所以諗住佢要啲時間整，不過都算等得耐，催咗一次單，樓面唔係太夠人手🤔柴火麻辣湯 黑毛豬梅肉片 墨魚丸 豆卜 薯粉至於呢一個麻辣湯底嘅面，首先一上枱就見到成碗嘢係偏深紅近黑多過紅，一聞落去唔似我平時食開嘅麻辣味🤔 不過始終未到都係要試咗先可以判斷，一飲落去第一個感覺係有少少苦，好似有藥材嘅味道咁樣🫢 睇返個湯底係柴火，但係應該唔關藥材事(?) 入面嘅梅肉片有三塊，墨魚丸就一粒切開兩邊有四舊，豆卜都有幾舊嘅，淨係份量係平均偏少。至於薯粉就正常啦，不過因為索得太多汁食落去都有少少苦味，所以最後都食唔晒🥵極品蟹皇湯 十八怪照通炸醬 腐皮 生菜 米線乍醬唔係平時食開嘅味🧐但因為太咸所以都唔識形容係咩味，咸到咁細兜都食唔晒😂腐皮生菜呢啲正常啦😜米線係偏幼身嗰款，都正常嘅。個湯呢…我本身好期待，見到佢加咗隻蛋俾我仲好開心添🫠點知嗒落就好似清湯咁，完全無蟹/海鮮味🥲同行人話隻蛋係用嚟俾錯覺你，等你以為有啲蟹膏，個湯有啲質感🫣食到碗底有少少好細粒好似麵包碎，懷疑係蟹肉嘅嘢…😥其實無蟹肉唔緊要，我都係想要陣味啫…但真係無應該可以改名做：極清蟹皇湯底蝦膠釀豆卜呢個小食算係幾好味，係啲蝦膠釀落去啲豆卜度，入面嘅蝦肉都食落去味道豐富，如果豆卜炸得好脆，一咬落去有兩個層次而且味道好，都推介嘅👍🏻芒果凍頂烏龍茶呢杯嘢都值得一讚😂 份量夠晒大，而且入面嘅芒果味都好濃，唔會係死甜嗰種味道。話說食完嘅時候，我哋問收錢嗰個究竟柴火麻辣燙入邊嘅柴火係乜嘢，跟住佢一句「唔知喎」就完咗，諗住幫佢兜可能係用啲特別嘅方法整，所以有呢隻味都唔得😅 整體來講價錢都係算平嘅，不過值唔值得就見仁見智啦，而且我哋嗌三個餸係冇得自己加落去個碗度玩都冇得玩嘅😂🍽️小草十八怪石鍋米線 (旺角)旺角亞皆老街36-38號龍飛大廈地下3-4號舖…Read More

再次到訪旺角呢間石鍋米線餐廳，上次食過可以自己煮的石鍋米線，今次嚟食串燒同川式涼麵。😝呢度啲串燒真係幾抵食，款式多又可以自己選擇辣度，全部都燒得好香好惹味，海蝦香脆到可以連殼食，蝦肉鮮味；墨魚咀好爽口彈牙；雞軟骨爽脆。🍆原條燒茄子必食！！原條茄子開邊燒，夠晒大條，茄子好淋，加上香蔥同金蒜好惹味，味道啱啱好唔會太鹹又唔會太油膩，推薦👍🏻🍜川式涼麵我揀咗小辣，酸酸辣辣好開胃，再加上青瓜同雞絲好夾，熱辣辣嘅天氣食呢個最正😚🤩呢度啲特飲都超級大杯，2個share都有多，🥭芒果凍頂烏龍茶芒果香味幾濃，中間有淡淡的烏龍茶味，酸酸甜甜好開胃，生津解渴。繁忙時間好多人幫襯，整體食物質素真心唔錯，價錢貼地；環境都幾舒適又夠哂方便，地鐵站一出行兩步就到。…Read More

成日行旺角，都會望到十八怪嘅banner，個店名夠怪，所以一直想試呢間好耐原來呢間主打石鍋米線，可以揀店員煮畀你，定自己DIY，當然後者比較會有樂趣檯上面有教學，店員亦會Brief一次開頭先倒蔬菜落個鍋度，然後就倒晒啲生嘅肉類落去，倒埋湯底噏一噏等一分鐘後就放埋米線同熟肉入去，再噏半分鐘，滾燙嘅米線就成了蟹湯底幾香，米線夠晒彈性，九樣餸真係好豐富，仲可以揀多米線荷葉飯都好有實力，唔好睇啲飯有醬汁咁，其實蒸到啲海鮮味入晒落啲飯度，啖啖都勁鮮，仲配以大量海鮮𠻹用豆卜炸成嘅炸蝦，真係好特別，將豆卜反一反，形成勁脆嘅外表，點埋甜辣醬食好過癮檸檬雞係好多人嘅家政堂回憶，第一味餸就係煮佢，不過呢碟當然同嗰時係兩回事啦！人地係專業嘅，先炸到咁脆卜卜咁嫩口呢間都有串燒選擇，大胃呢個時候想食嘅蔬菜，嚟個燒原條茄子就最好不過，又大條又香蒜味，夠晒頂癮嘢飲都有特別嘢，胃民就夏天先嚟養生飲熱檸茶大胃嗰杯芒果烏龍茶對比之下，大杯到呢，啱晒水怪飲…Read More

今日來旺角同朋友食飯，上到樓上地方都幾大，卡位梳化座位都幾舒服，張枱都夠大。呢間餐廳招牌係可以自己煮的石鍋米線，唔想落手嘅都可以揀由店員煮，仲有明爐烤魚，石鍋飯，荷葉飯，串燒，川式涼麵… 石鍋米線套餐湯底選擇多，我揀咗火腿瑤柱肉骨湯，濃底好香濃，石鍋keep住湯底溫度，食到最尾都係熱辣辣👍🏻餸可以揀三餸/六餸/九餸，豐儉由人。我揀咗五香辣豬軟骨，貢丸，鹵水腩肉，日本蘭王雞蛋，墨魚丸，生菜，蘿蔔，小草酸辣炸醬，北海道帶子，好豐富😝小草酸辣炸醬酸酸辣辣好開胃；鹵水腩肉肥瘦分明，軟熟又唔會太油膩；墨魚丸爽口彈牙；北海道帶子雖然唔係好大粒，但係好爽口鮮味；五香辣豬軟骨炆得好淋好入味，軟骨爽脆，醬汁惹味😋我今日好肚餓叫咗加底份量米線，加$5就有一大碗米線好抵食，米線爽口，軟硬適中👍🏻串燒海蝦燒到好香脆，脆到可以連殼食，燒汁好香濃惹味；蝦肉幾鮮味，爽口彈牙，抵食推介🥳串燒翠玉瓜好新鮮爽脆，配上椒鹽好惹味涼拌雞絲雞絲伴青瓜好開胃，醬汁香濃又有少少辣，非常開胃黑椒味噌封門牛柳石鍋飯上碟出晒煙，聞到好香黑椒味，封門牛柳牛味香濃，肥瘦適中，醬汁超級香濃惹味，鍋底會有少少飯焦，好焦味，飯量好多，石鍋keep住溫度，食到尾都仲夠熱😍青檸檬薄荷梳打；芒果凍頂烏龍茶兩杯特飲都超級大杯，好抵飲🤩芒果凍頂烏龍茶有芒果香味，酸酸甜甜好開胃；青檸酸甜清新配上有氣梳打，天氣咁熱必叫消暑之選石鍋米線同串燒好有特色，整體食物質素都不錯，價錢貼地，好少見到咁大杯嘢飲；服務態度友善；環境舒適，地點方便，值得推薦。…Read More

朋友係忠實嘅米線關注組成員😅佢今日帶左我黎呢間個名好有趣既米線店食晏，配料有成40幾款選擇，眼都花埋😂呢度採用QR自助落單，仲有好多個人化選擇，例如係店員幫手煮埋定自己煮，多飯/多米線，少飯/少米線，多蔥走蔥等等👍👍❤️芫茜，蘿蔔，鯛魚片，皇帝菜，豬潤，十八怪照通炸醬，五香辣豬軟骨，香辣蕃茄牛肋條，日本蘭王雞蛋，極品蟹皇湯配飯 💰9️⃣5️⃣呢個係我點既，因為尋日食完米線所以今日想食飯多啲😀九個餸超級豐富！！🤭個蟹皇湯好鮮味！個人認為做湯飯既湯底一流😍最推介以下幾樣😋鯛魚片：口感勁彈牙兼嫩滑～豬軟骨：好香，夠淋夠入味👍牛肋條：酸酸辣辣幾開胃，肉質唔韌蘿蔔：夠淋，清甜無渣～❤️墨魚頭，響鈴，生菜，五香辣豬軟骨，花膠，牛柏葉，滷水雞腎，魚浮泡，日本蘭王雞蛋，柴火麻辣湯配米線 💰9️⃣4️⃣朋友覺得佢個柴火麻辣湯幾辣，我試左一啖覺得個味超特別！😱 有啲似香料臨炒燶之前嘅味道，市面比較少有😵米線爽口彈牙👍朋友就比較推介以下既款式：花膠：算厚身，有口感，只係需要加兩蚊，超抵食🙌🏻豬軟骨：軟骨位有咬口，肉既部分炆得夠淋😋蘭王雞蛋：一路都聽聞蘭王雞蛋與眾不同，果然蛋香味非常濃郁！貴得黎有原因🫢雞腎：入味👍 口感介乎淋與爽口之間～❤️芒果凍頂烏龍茶 💰2️⃣5️⃣超大杯！😱完全係king size既啤酒杯黎😨 烏龍茶底幾香，唔會太甜，超抵飲！😂😂用石鍋上對保溫有非常好嘅作用💯香港始終唔多呢種咁正宗嘅米線，所以今次決定試左呢個先🤭佢其實仲有其他烤魚，串燒同籠仔荷葉飯好吸引😍 我諗起碼要黎多三四次先試得晒🤣…Read More

今日來旺角搵食，呢間餐廳主打石鍋米線🍜，仲有荷葉飯，串燒，明爐烤魚，川式涼麵，小食等等…地方都幾大，座位都幾舒服，呢度係用QR code落單，準確落單之餘又可節省人手👍🏻串燒海蝦🦐- 😍外殼燒到好香脆，卜卜脆到可以連殼食，燒汁好香口好惹味- 蝦肉新鮮，爽口彈牙- $25/4隻性價比高👍🏻雞中翼- 幾大隻，外皮燒到好香，內裏肉質細嫩蝦膠釀豆卜- 😋炸得好香脆，有啲似炸雲吞嘅口感，外脆內軟不過唔會好油膩- 配埋甜酸醬好開胃石鍋米線套餐(九餸）- 可以自由選擇米線DIY自己煮或者店員幫你煮，可以煮出自己心儀嘅味道同熟成度👍🏻- 湯底選擇多，有香辣金湯，酸菜魚湯，火腿瑤柱肉骨湯，沙嗲湯，馬來肉骨茶，柴火麻辣湯，極品蟹皇湯，有辣有唔辣，任君選擇- 我揀咗酸菜魚湯，酸酸地好開胃，湯底好清- 我揀咗墨魚丸，貢丸，冬菇，五香辣豬軟骨，鹵水腩肉，豬肚，生菜🥬，蘿蔔，腐皮- 五香辣豬軟骨炆得幾淋幾入味，醬汁惹味；鹵水腩肉五花肉層次分明，肉質軟熟不油膩；冬菇幾厚身- 米線嘅份量都幾多，好滑lulu 瑤柱蒜蓉海鮮荷葉飯- 🤩材料豐富，有扇貝，鮮蝦🦐，魷魚🦑，脆肉鯇，蟹柳，瑤柱等等- 扇貝厚肉新鮮鮮味；鮮蝦肉質結實；魷魚爽口鮮味；脆肉鯇肉質爽脆無咩骨- 荷葉飯加咗瑤柱同冬菇好香- 建議可以多啲蒜蓉🍋青檸檬薄荷梳打- 青檸好清新，酸酸甜甜配上有氣梳打，生津解渴- 好大杯，一杯等於平時杯裝三至四杯嘅份量😂加配只係$12都幾抵飲👍🏻🥭芒果凍頂烏龍茶- 芒果汁味比較重，酸酸甜甜好開胃- 烏龍茶味比較淡整體食物質素都唔錯，價錢相宜，石鍋米線同籠仔荷葉飯及串燒幾有特色；服務態度友善；環境都幾舒適，地點方便。…Read More

之前行經通菜街已經留意到有間新開嘅米線舖，名稱好特別叫「小草十八怪石鍋米線」。其後再喺社交平台米線群組見到大家瘋狂討論，令到我想食嘅決心更加大🤣，自己食一次先參究到好食與否。我同朋友星期日下午兩點半鐘去到都要等位，餐廳人氣超高👏，而且留意返樓層面積好大，座位數量都多！即使晏啲嘅時間散咗食午餐嘅人，但客人仍然源源不絕。呢度環境乾淨企理，冷氣充足，加上有大玻璃窗透光，感覺舒服。此外，餐廳嘅裝修令人印象深刻，黃加綠嘅組合色調好矚目💚💛，並以植物同裝飾花作點綴，整個格調有別於一般米線店。想簡單食碗米線的話，最平$35有交易。不過如果有時間同埋想食得繽紛啲，就可以揀石鍋米線！米線以外，佢亦有賣籠仔荷葉飯以及串燒同小食，選擇非常之多，樣樣都好吸引😍。石鍋米線🍜($85)，任選九款配料，不可重複，同時麵底同湯底亦有得揀。食呢個石鍋米線絕對需要有足夠空間，因為湯底、麵條、餸料同石鍋器皿全部分開上。客人其後就可以按照教學，逐一將食材加至石鍋煮熟。可供選擇嘅配料超過三十款，由左上順序講到右下🍖，佢哋分別係牛丸、紅燒牛肚、紅燒牛筋、鹵水腩肉、黑牛柏葉、五香辣豬軟骨、鳳尾虎蝦仁、封門牛柳以及香辣蕃茄牛肋條。基本上全部餸料都幾好，除咗牛丸得一粒，份量太少🙈，性價比低。個人最推介嘅有封門柳、牛肋條同蝦，部份料本身已經醃咗味，所以食落好惹味。米線湯底有五款選擇，包括香辣金湯、沙嗲湯、酸菜魚湯、馬來肉骨茶以及火腿瑤柱肉骨湯。原本想試吓辣湯，但店員話有啲客食完係咁嗌辣。我哋最終要咗火腿瑤柱肉骨湯，佢唔同市面上嘅豬骨湯，味道唔太鹹，但好入味，而且最重要係佢夠熱🔥，溫度絕對係食湯麵嘅關鍵。麵底可選配米線、幼薯粉、公仔麵或者飯，我哋揀咗米線，麵條偏幼身，上枱時經已淥開咗，所以喺石鍋再煮時係咁咦滾兩吓就OK👌，否則會變太淋。但份量唔算多，得一個碗仔。介紹完啲食材再講吓石鍋米線嘅製作步驟📝，首先係要將啲蔬菜同肉放哂入石鍋，之後加湯攪拌冚蓋焗一分鐘，最後再放入麵條焗多半分鐘就搞掂。過程快捷簡單，純粹係添加玩味元素。小草百寶荷葉飯($48)，米線之外呢度仲有荷葉飯食，荷葉飯以籠仔裝住，四四方方，看似好多，但其實係正常份量，因為個籠深度只得一半。百寶飯滲透出淡淡嘅荷葉清香🌱，飯粒熱辣辣蒸起好正。所謂百寶即係有雞肉粒、臘腸、粟米、蔥同杞子等，雖然啲料看似普通，但成啖食起上嚟係好豐富同滋味🍚。椒麻蝦膠腐皮脆卷($26)，腐皮蝦卷係自家製，脆脆嘅腐皮包住爽彈蝦肉🦐，而椒麻估計係指個汁，個汁酸酸辣辣，帶點泰式風味。另外，我哋仲叫咗堆串燒🍢，雖然細細串，但都係抵，你諗吓街邊啲外賣店都係呢個價位。我哋要咗孜然羊肉串($16)、沙嗲牛柳串($15)、順化炭燒豬肉串($12)、雞肉串($15)、雞軟骨($22/2條)、豬大腸($10)、翠肉瓜($10)同埋牛油粟米($10)。咁多款之中我認為羊肉最出色，孜然味好夾，羊肉香而不羶。飲品方面🥤，我哋都轉咗特飲(原價$25/跟餐價$12)，佢哋分別係青檸薄荷梳打同埋芒果凍頂烏龍茶。我以為寫住特大嗰啲先係加大碼，點知原來呢兩杯都係。飲品大杯到可能有一升😳，傻的嗎？兩杯味道算係咁，唔太甜，而且用料唔孤寒，例如薄荷梳打嘅青檸都俾到足。總括嚟講，小草十八怪充滿驚喜，除咗改咗個好名之外，食物味道同菜式設計均令人滿意😋。石鍋米線定價貴啲，但普通版米線同飯及小食其實算抵食。我親身食完之後，認為可以為餐廳平反一下，佢絕對係可以再食之列！…Read More