Cheung Chau Bing Sutt

🍽 芒果三色圓冰💰$68🌟8.5/10➰雖然以呢個size嚟講覺得偏貴🤏🏻但食落都有驚喜因為佢個芒果冰嘅冰底係超濃芒果味好似食緊芒果汁咁🤤反而係個芋圓有少少失望冇乜味又唔算煙韌不過夏天食冰真係好似飛咗上天咁爽🤪🍽 芒果糯米飯💰$45🌟9/10➰有驚喜 推介！！！勁多椰汁 勁濃郁🤤🤤芒果🥭又好甜糯米飯粒粒分明得嚟又好煙韌！正😆整體所有配料都好match每一啖都好滿足必食啊！————————————————🏋🏻‍♀️🗣呢一餐就真係……Cheat Meal la🤣No comment-抵食指數：🌕🌕🌕🌑🌑食物：🌕🌕🌕🌕🌑環境：🌕🌕🌕🌑🌑邪惡指數：🌕🌕🌕🌑🌑-📍長洲北社海旁19C號地下-💰人均消費：$50-$100…Read More

如果喺長洲食甜品，除咗芒果糯米糍、夜晚嘅宵夜檔，大家仲會諗起咩？原來長洲一早已經有平時大家食開嘅甜品舖。呢間長洲冰室雖然叫冰室，但係絕對唔係茶餐廳，而係一間甜品舖。店主本身係長洲人，同女朋友一齊情侶檔開咗依間手工甜品舖。餐廳最主打係芋圓刨冰甜品，最特別係泰式奶茶口味，另外仲有好似椰皇桃膠三色圓燉奶、日式抹茶蕨餅等特別甜品。上網睇相餐廳非常吸引，因為好明顯睇到餐廳有啲位置特別多日光，而且無論枱定係個盤都係好木系，再加上盤上刻有自己餐廳嘅名，非常之有長洲本土特色。餐廳係行歐陸風格，外面藍白色為主，入邊裝修係工業風，仲會有啲室外位，格外有放假嘅感覺。當日係星期一下晝兩點半，位置喺北社海旁，如果由碼頭出發大概行四、五分鐘就到，係主街同巷仔中間既橫街，近大家食海鮮嘅大排檔，啱啱嚟到嗰時人感覺未算多，但我哋好彩，一嚟到就坐到最後一台唔駛等，而且係坐到我覺得影相最靚嘅室外位，一來有日光，二來係木枱。餐廳係入去counter比錢落單先再出餐，當我地坐低落咗單無耐，出面就開始有人排隊見人龍，到我哋食完走嗰時條人龍已經有至少七八人，高峰時甚至有10幾人，雖然係星期一但都係好多人幫襯，唔知係啲人特登提早請假放復活節假定點，因為見佢哋裝束都唔似係長洲人，但可以睇得出依間甜品舖嘅人氣程度遠超其他舖頭。-1️⃣ 泰式奶茶三色圓冰 💰63（👅: 8.5/10）落單後大概等10分鐘左右就有，好少何見到泰式奶茶味嘅刨冰同甜品，所以就叫咗嚟試，呢個同時係佢哋熱門人氣之選。刨冰份量好多，所以食到一半啲冰已經融融地，刨冰偏粗身大粒，唔係棉花冰個種入口即溶。泰式奶茶味幾濃，奶味重茶味都出，而且都平均分布喺啲冰底，唔會話食到中間味道會淡咗，不過味道偏甜，有時會蓋過其他配料嘅味道。芋圓分量唔少，偏硬身啲，食落幾煙韌，紫薯、芋頭、番薯嘅味道都食到，除咗芋圓仲有紅豆，紅豆食囉唔會太甜。雲呢拿雪糕上面都有少少泰式奶茶醬，不過雲呢拿味就比較普通，如果可以轉做其他口味嘅雪糕會更好，例如椰子味。-2️⃣ 芒果三色圓冰 💰68（👅: 8.5/10）芒果比起泰式奶茶口味更加common，但依個刨冰冇紅豆感覺冇咁飽，所以就叫左呢個。外觀上非常吸引，因為都係充滿芒果色，無論係刨冰、芒果肉、定係上面嘅芒果雪糕。芋圓食落依舊煙韌爽口，不過都會比芒果汁嘅味道蓋過。芒果食落幾甜，芒果雪糕就食落較普通，似雀巢雪糕，但芒果控嘅我食落都係非常滿足。-🌟芋圓刨冰嘅口味非常之多，有六款，除咗上面兩款仲有抹茶、黑糖、椰香、仲有期間限定既bailey口味，味道都係非常之大路，所以緊有一款啱你食，尤其係而家天氣咁熱好似夏天咁，食刨冰就岩哂，刨冰普遍都係好入味，但會稍微蓋過芋圓嘅味道，而芋圓食落都係煙韌Q彈，份量豐富，雖然刨冰價錢偏貴，但喺長洲食到有質素嘅甜品都係值得。-👅味道: 8.5/10🍴環境: 7.5/10💰消費: $131 (服務費: NA)❗️堂食最低消費每人一份甜品/飲品…Read More

🥭芒果三色圓冰 $68芋圓煙韌 芒果勁甜 好足料最欣賞佢唔係普通刨冰 而係用芒果打出嚟嘅真•芒果冰👍🏻不過球芒果雪糕就比較普通 雀巢味嗰日好熱所以叫咗芒果冰涼爽啲佢仲有特別啲嘅泰奶同baileys味㗎!…Read More

相信大家都聽過長洲冰室呢間打卡甜品店😆餐廳設有室外室內嘅位，室外嘅位比較闊落舒服。而且餐廳設有最低消費，大家要留定個肚子食甜品啦😙------------------------------芒果三色圓冰 $60 【7.8/10】芒果嘅顏色配上紫色嘅芋圓真係啱曬打卡😻芋圓口感幾煙韌爽口，食得出有紫薯、芋頭同埋蕃薯三隻味。芒果雪糕幾甜，有啲似雀巢雪糕😂 剉冰嘅芒果味唔會愈食愈淡👍🏻------------------------------芒果西米露 $26 【8/10】呢個甜品比較普遍，表現正常。雖然冬天唔係芒果盛產季節，值得一讚嘅係芒果都幾鮮甜😋------------------------------椰皇桃膠三色圓燉奶 $55 【7.5/10】燉奶熱辣辣，係寒冷嘅天氣下飲真係暖入心扉🥰 燉奶表現正常，奶味可更突出。…Read More

芒果三色圓冰（$60）最突出既係三色芋圓，口感十分煙韌，q彈，有咬口。味道方面亦都好明顯咁係一入口就食得出紫薯，番薯同芋頭既味道，呢一點係幾驚喜既。因為之前食既芋圓好少會食到咁明顯既分別，多數都係用顏色黎估係邊粒打邊粒😂所以大推呢間有芋圓既甜品👍🏼👍🏼芒果雪糕味道偏甜，可能落咗練奶。質感係類似gelato 質地既雪糕，比較creamy實在。剉冰係比較綿，入口即溶既雪花口感。細節位都做得很精緻，例如係餐具，同埋碗甜品真係同張相一張present得咁靚。以呢個價錢食到咁高質既甜品，超值👍🏼希望遲啲可以開多啲分店，唔使要搭船入長洲先食到喇😭…Read More

又一年冇黎長洲啦，今次就同埋自己既小狗同埋朋友一齊黎到呢間我每次都會黎既甜品店。我地今次帶埋小狗一齊入店，本身都怕唔俾，但可能佢係袋入面同埋細隻，所以冇俾人話!由於我地今次好夜先黎到，所以都唔需要等位就可以入去了，而且老闆娘知道我們趕船，甜品都好快整到俾我地。仙草黑糖三色圓冰($53)，由於我好中意食仙草同埋芋圓，所以次次黎都會點呢款甜品食。刨冰面有芋圓、芋泥、薏米、紅豆，當然內裡還有仙草！刨冰已經淋上黑糖，因為天氣炎熱，店員會提醒我地盡快食用，以免刨冰溶哂，另外如果唔夠黑糖也可以跟店員講。芋圓很煙韌，整碗味道剛剛好，唔會太甜，係解暑的好幫手!芒果三色圓冰($58)，這款刨冰面頭有芋圓、芒果雪糕還有芒果，還淋有芒果醬和淡奶，芒果味好濃，刨冰食到最尾也不會變淡!呢間甜品店真係值得一去再去，除左有刨冰，也有其他不同的甜品及甜品選擇!…Read More