PUTIEN (Gateway Arcade)

最近間唔中都見到莆田嘅鰻魚廣告 – 「只有活鰻魚 才敢清水煮」 鰻魚節嚟喇🥳 今次莆田鰻魚節推出5款不同風味嘅鰻魚菜式！包括「山泉水煮活鰻魚」、「紅糟鰻」、「普寧豆醬焗鰻魚」、「蒜蓉豆豉蒸鰻魚」同埋新品「辣子燒鰻魚」。👑酥炸冰心榴槤 $58/位熱熱脆皮包住凍冰冰雪糕球，外脆內軟，外熱內冷，一啖食落去口感同味道都好豐富，滿滿榴槤蓉甘香濃郁😍 喜歡食榴槤嘅朋友必點‼️✨金湯佛跳牆 $228/位集合咗鮑魚、海參、瑤柱、松茸、竹笙、花膠、鵪鶉蛋，材料豐富，湯底香滑濃稠😋 即刻感覺富貴咗🤭✨芋香鴨 $98我超喜歡食芋頭，哩個就啱哂我😆 面層香脆外皮包住濃滑芋蓉同鹹香滷鴨肉，咬落卜卜脆，鹹中帶點芋蓉嘅香甜味🤩✨莆田荔枝肉 $98/例同咕嚕肉一樣酸酸甜甜，外層鬆脆，肉質夠腍，肥瘦適中，而且真係有荔枝肉架😄✨馬來風光 $88/例通菜爽脆唔老，鮮香三巴醬帶點點辣更香濃美味😊✨普寧豆醬焗鰻魚 $188哩款係2022年莆田鰻魚烹飪大賽嘅榮譽推薦菜式！真係做到醬香蒜香魚肉香，普寧豆醬好鮮味，鰻魚肉質爽滑，底層腐皮吸收咗醬料味道好香，連蒜頭都好好味👏🏻✨興化炒米粉 $118/例興化米粉係不含糯米成分，以純大米製成嘅米粉，充滿米香又彈牙，仲有多款不同海鮮配料。莆田嘅頭水紫菜係採用發芽後30日內收成嘅極品紫菜，再嚴選長15厘米長嘅鮮嫩紫菜葉片為基礎，高營養之餘亦保留食材嘅最佳口感，配埋莆田獨家辣媽醬就更惹味👍🏻✨福建特色海蠣煎 $128食福建菜點可以冇海蠣煎！滿滿海蠣同香蔥，材料好足料😄 之前食過半煎半炸嘅香脆版，今次唯一不足就係唔夠脆，同平時煎蛋冇咩分別😅✨桂花陳皮燉雪梨 $48/位清甜桂花陳皮糖水，再加埋雪耳，滋潤之餘同時潤肺💕🔍整體感覺：餐廳環境乾淨衞生，坐位舒適，空間寬敞。職員服務都好友善。食物質素都味道都幾好，想試多啲菜式，一家人一齊去食就啱哂👨‍👩‍👧‍👦…查看更多

小編唔係第一次黎呢到食啦～ 上次蠔季🦪嚟食過既感覺幾好，所以到蟶子季🦪就再黎食🤩 一樣咁好食😋 啲蟶子當造又高質，肉質厚肉飽滿，嫩滑鮮甜，食完幾滿足😌 而莆田其實係福建既一個市，背山面海，有豐富既海產，亦都盛產獨具特色既美食，所以呢間餐廳用左莆田黎做名，全部野食都有本土風味ga😜 裝修簡潔時尚，燈飾同中間既座位都行迴旋 (5 😍 係滿分，🤩係半分）海蟶促銷 - $219蒜蓉蒸海蟶 🧄🦪 (好味指數：😍😍😍😍😍)呢到既蟶子🦪係黎自福建莆田哆頭村，呢條小漁村有600幾年養蟶🦪既歷史，因為佢地既純黑泥灘塗土質肥沃，好適合海蟶🦪生長ga～ 小編首先揀左經典既蒜蓉味🧄，香口惹味，集油香同鹹香於一身既蒜蓉🧄用黎配海鮮真係一流，更加突出到蟶子🦪既鮮味🤤 蟶子飽滿厚肉，鮮嫩彈牙唔會韌，品嚐到蟶子🦪既原汁原味，差啲連汁都想飲埋😂九層塔海蟶煲 🌿🦪 (好味指數：😍😍😍😍🤩)試左個濕既煮法，跟住試個乾既～ 啲蟶子有炸過🔥 炸到金黃酥脆咁，裡面集蟶子無縮水，一樣飽滿厚肉，嫩滑爽彈唔會韌～ 配埋氣味清新，辛香濃郁，味道獨特既九層塔🌿就更加鮮甜同香口😋百秒黃花魚 🐟 - $78 (好味指數：😍😍😍😍🤩)呢個黃花魚🐟係佢地既招牌黎ga😜 上枱既時候都仲係熱辣辣既，香氣撲鼻～ 特色就係用明火🔥炆100秒就可以上枱，魚🐟啱啱好熟之餘，肉質保持到細嫩又索住到肉汁同有彈性，有鹹香又鮮甜～ 連湯底都好鮮味，所以我忍唔住清晒🤤芋香鴨 🍠🦆 - $98 (好味指數：😍😍😍😍🤩)芋香鴨🍠🦆同上次嚟既時候咁好食🤩 主要係喺芋蓉🍠入面加左澄麵同豬油🐷，咁炸起黎個表皮就會金黃香脆～ 配埋軟滑粉糯既芋蓉🍠，味道清新淡雅，唔會太濕又唔會太粉～ 配埋帶有鹹香既鴨肉🦆，肉質香酥軟嫩，感覺滿足又唔覺得濟😋福建紅菇海鮮滷麵 🍄🍜 (好味指數：😍😍😍😍)因為用左紅菇🍄，所以有淡淡既天然粉紅色幾靚🤩 紅菇🍄生長喺溫度同濕度比較高既環境，喺福建沿海地區比較多見，有淡淡既芳香同埋幾爽口～ 好少可見湯麵🍜會落咁多料，餐牌寫足足有14樣咁多🤩 包括有蝦仁🍤、蟶子、蜆🦪、豬肉🐷、菠菜🥬、娃娃菜🥬、豆卜等等，味道鮮甜，海鮮鮮味彈牙，有豬肉🐷令到個麵🍜香口啲，菜就煮到幾腍甜，仲有清新嫩滑既菇🍄，連下面既麵線🍜煮到軟腍，都索到湯🥣既味道，夠晒惹味～酥炸冰心榴槤 - $58 (好味指數：😍😍😍😍🤩)作為榴槤既big fan，一見到就毫不猶豫咁叫左😌 表皮係幾靚既金黃色，夠薄同酥脆，暖暖地咁而裡面係凍冰冰、細緻creamy既榴槤mousse，一熱一凍既感覺好正🤤有足料既榴槤，味道濃郁誘人😍～好味指數：😍😍😍😍🤩推介指數：😍😍😍😍🤩…查看更多

全球第100分店開張，全線正價食物8折優惠，做到8月13號。福建新加坡菜係香港坐得舒服又色香味俱全既真係唔多，莆田真係算數一數二。之前食過美麗華個間，搬咗之後第一次食。今日兩個人叫咗6樣嘢。前菜揀咗冰鎮鮑魚。整得好入味而且好腍，加上個汁有少少沙冰咁，好特別。海蟶有9種煮法 相信大家都唔陌生，成日有廣告。我哋今次揀咗蒜蓉蒸同埋鹽焗海蟶。蒜蓉蒸再加埋個唔鹹嘅豉油汁，好正。鹽焗就食到本身嘅鮮甜味。如果先上鹽焗後上蒜蓉蒸嘅次序會更加好。海蠣煎唔會係炸得好勁個隻，我中意煎嘅感覺，加埋佢嘅辣汁好夾好好食。芋香鴨嘅鴨肉好嫩，唔肥，加埋新鮮炸，外脆內軟。甜品試左金錢粿，甜甜地又煙韌，幾特別，不過可以甜多少少，呢日食有幾嚿唔夠甜。整體都好好食。環境唔錯，新裝修，係2人枱比較細。服務都好好。…查看更多

椒鹽哆頭蟶(139hkd)呢段時間做緊推廣$219可以試到2款，都幾抵食，椒鹽海蟶無裹好厚嘅炸炒，唔會好油膩，但都好香口，一份都有最少十幾隻，粒粒海蟶都好飽滿😍九層塔海蟶煲(129hkd)如果係九層塔嘅真愛粉一定會大愛，九層塔嘅香味好突出，海蟶炸得剛剛好，上面淋上甜甜嘅醬汁，幾match呢個蔥爆嘅味道😍鮑魚辣椒🌶️小炒肉(158hkd)呢個屬於小辣，加左豆豉入去炒所以好惹味，入面都幾多肉，有4-5塊鮑魚，連鮑魚都好入味，送飯一流🍚芋香鴨(98hkd) 我第一次食芋香鴨，外皮炸得勁酥脆，一啖咬落去係軟綿嘅五香芋頭蓉，唔係太食到芋頭嘅顆粒感，芋泥打得好細緻，入面嘅鴨肉好多，無鴨騷味，平時唔食鴨嘅朋友都值得一試👍🏻鐵鍋包菜飯(118hkd)佢真係成個鍋咁上，入面好足料，有冬菇、蝦米🦐、瑤柱、肉片，高麗菜好爽口鮮甜，幾有屋企嘅味道🥰#foodiblum中式 …查看更多

精美四小拼（$138）九轉小腸、蝦苗頭水紫菜、家鄉燜筍干、阿溜土筍凍，個人超推薦號稱「紫菜中的黃金」嘅頭水紫菜，又酸又甜，非常開胃，至於冰鮮直送嘅土筍凍就睇吓你敢唔敢食，口感其實似竹笙，幾煙韌，秘方醬汁都幾惹味！今日係要嚟莆田食蠔，$209可以揀兩款海蠣菜式，幾抵食，我哋揀咗福建特色海蠣煎同海蠣煮泗汾。海蠣煎咬落軟糯煙韌，每啖都有海蠣嘅鮮甜加上蛋香、蔥香，如果鐘意食辣嘅朋友可以試下蘸埋特製辣媽醬更加惹味！海蠣煮泗汾嘅蠔感覺更大隻，泗粉即係地瓜粉，加上冬菇、瘦肉、洋蔥等，煮到非常入味軟腍，真正湯鮮粉滑！莆田扁肉湯（$32）每次嚟莆田必點嘅扁肉湯，由皮到餡都係用肉做的，細細粒好入口，皮又煙韌，加上紫菜同蔥，微酸開胃！大白菜燉軟豆腐（$128）份量幾大，選料好用心，用咗黃芯大白菜、海鮮、咸肉、自製農家軟豆腐、唐芹等燉煮，軟豆腐吸收曬啲濃湯，口感綿密軟腍，小朋友老人家都啱食！芋香鴨（$98）外面金黃酥脆，入而係滑順綿密芋泥再包住滷鴨肉餡，香口又唔會過膩，口感好豐富！…查看更多

呢排人人都食蠔🤤經朋友介紹過左黎尖沙咀食飯，佢話呢間D海蠣煮得好惹味👍🏻而且環境又靚，坐得好舒服😌果然冇介紹錯我哋2個人叫左4餸1甜品🤤🌶辣子鮮海蠣：粒粒海蠣都炸到脆卜卜，加上辣椒炒過，咬落有少少麻辣味，又唔會辣到食唔到👍🏻九層塔香燜海蠣：呢個菜上枱好香，店員教我地要撈一撈先食🤩因為D熱汁撈完沾滿每粒海蠣，加上D九層塔ge 香，令D海蠣粒粒都好香甜。鮑魚紅燒肉：好細心嘅安排👍🏻有蠟燭係底熱住，咁D紅燒汁就唔會「瓊」左！加分位 睇圖都見到五花腩層層分明👍🏻佳品👍🏻鮑魚割花好細緻，所以鮑魚同腩肉都入曬味👍🏻芋香鴨：D鴨肉淹入味，仲撕到一絲絲，加上芋泥包裹住再炸！一個菜，食到炸得酥脆，芋泥綿密，鴨肉絲絲鮮味。仲好有層次嘅心機菜👍🏻冰心炸榴連：好大舊榴連肉🤩而且外脆內軟，外熱內冷，作為飯後甜品👍🏻一流成餐飯感受到D餸全部都係心機菜，每個菜都好多功夫，而且連上菜嘅店員都極細心講解一下最佳食法！我覺得呢餐飯係一種享受🤩😌好正…查看更多