Hello Coco

有日係石峽尾探完朋友後想搵下有無咩糖水食，就上網search到依間都幾多好評既糖水小店，於是我同朋友就特登行黎試下啦！店鋪位置位於石峽尾較入既地方，但都非常易搵。黎到之後先知道原來依間係主打椰子類既甜品，而且主打健康同天然，太適合又想食甜野又怕肥既我🫣店鋪出面已經擺左好多款甜品，真係好難簡！最後我同朋友簡左一款甜品，一款飲品，咩都試下😛✨芋泥鮮奶桃膠小丸子 由於我係芋泥控，所以一見到依個已經心心眼😍當見到碗糖水時已經覺得好驚喜，因為真係好大碗好足料！一碗有好多桃膠同小丸子，每啖再加埋芋泥真係好夾好滿足！同埋成碗糖水都唔會過甜，味道岩岩好，唔會話食完好滯好漏，我個人覺得足料到真係可以當一餐食都可以🤭👍🏻✨紫薯芋泥西米露依個就係飲品黎既～都係同佢地一碗碗既糖水一樣十分足料，飲落去已經吸到好多芋泥😂紫薯味同芋泥都配合得剛好，而且都係天然味道唔會係d假味🫠味道不太甜，凍冰冰都好快飲哂總括而言依間糖水小店十分足料，而且主打健康天然，味道都唔會太甜，值得一試👍🏻…Read More

你好椰 (石硤尾)📍石硤尾偉智里2號金玉大廈地下223號舖-食完晚飯肚仔依然空虛未滿足，所以OpenRice 一下附近有咩甜品舖就發現左呢間個名有玩味嘅外賣甜品店試試！雖然係專營外賣，款式分分鐘拍得住堂食糖水店！-🍨 芋泥鮮奶桃膠小丸子 $48全新手打芋泥系列，一眼就望到十分足料嘅芋泥，仲有大量桃膠（真係好多），而小丸子分量都唔少！桃膠清埋得好好，完全冇雜質！小丸子煙靭！番左屋企之後煲番熱先食，個人覺得熱左嘅芋泥味道提升左更出色！果然係冬日暖意，啖啖滿足❄️❤️-食得出店主想客人品嚐到原味道，所以甜度主要來自原材料嘅天然糖份，感覺冇乜加糖，呢一點好讚👍🏻👍🏻-🍨芒果西米露 $35新鮮芒果大大粒鋪滿晒表面，芒果肉又甜又有香濃芒果味！西米有別於坊間果啲size，佢地用左大粒嘅西米增加口感👍🏻👍🏻 -🧋蜂蜜菊花桃膠茶 $25菊花味好清香！桃膠配蜂蜜，係呢個咁乾嘅天氣底下，特別滋補養顏❤️-🧋腐竹桃膠茶 $22腐竹糖水加桃膠嘅味道🫶🫶 甜度低！同樣桃膠份量非常多，每一啖都成口滿嘅桃膠！👍🏻👍🏻 講真平常自己係屋企煲一定會重手啲，但佢地嘅份量之多係絕對多過自己會落嘅份量🤭 呢個價錢… 真心抵到不得了….-❤️店主花左好多心思創作不同新甜品，注重健康之餘，微細位亦睇得出佢地嘅細心。例如外賣盒同外賣樽仔都係好硬淨，就算外賣番到屋企都唔會有任何滲漏或變形。樽仔頂近更有個飲管洞，方便客人直接唔洗開蓋都能夠直接品嚐！ 👍🏻👍🏻👍🏻👍🏻👍🏻 有誠意又有實力嘅小店最值得被欣賞！ …Read More

石硤尾看似係住宅區，其實亦隱藏不少美食。今晚去完品香樓（一間定期都會幫襯嘅中菜館），在附近搜尋糖水店，發現到啲間好嘢「你好椰」。唔好睇佢店舖細細，只有外賣不設堂食，其實有好多唔同款式嘅糖水選擇。先嚟個總結，佢嘅糖水絕對係用心製作，足料之多係前所未見😆，例如有桃膠嘅糖水，直頭桃膠仲多過糖水，足料得驚人😆😆😆 而且鍾意佢唔會太甜，更能突出食材嘅原味道，適合怕甜嘅人士。芋泥鮮奶桃膠小丸子 $48啲個係必試推介，芋泥係新鮮自家手打，份量多得驚人，目測整碗糖水佔咗一半都係芋泥😍，而桃膠嘅份量亦都非常多，配合埋日本鮮奶，仲有煙煙韌韌嘅小丸子，真係超好味😋 味道唔甜，強烈建議翻熱咗再食，當芋泥與鮮奶融合之後，味道係十級提升😍果然係啖啖滿足😌芒果西米露 $35啲碗西米露，成碗都係滿滿大大粒嘅西米，上面仲有大量嘅芒果肉。而芒果係勁鮮甜一啲都唔酸，勁讚！而糖水味道唔算甜，雖然冇加椰汁，但都好好味😋桃膠腐竹水 $25雖然叫腐竹水，但其實整支都係桃膠😆😆啱晒女士滋補養顏😎再配合淡淡嘅腐竹味，好有「家」嘅感覺，除咗屋企自己整，出街買根本唔會有咁多料😆我都係翻熱咗再飲，味道係會更佳。蜂蜜菊花桃膠茶 $25蜂蜜味唔算特出，但有清香嘅菊花味，味道有少少似五花花，再配合桃膠原來係好夾。4樣甜品，啲樣算係最「流質」了🤣，但依然食到滿滿嘅桃膠，正！總結：除咗阿媽煮嘅，未見過一間糖水店可以咁足料🤪 除咗足料，糖水都係用心製作，款式選擇多，價錢經濟，諗唔倒理由點解唔試吓。唯一缺點係地方隔涉，只適合同區客或駕車人士。如果在旺角開分點，應該會大賣👍🏻…Read More

今晚好想食糖水，經過石硤尾見到這間糖水舖有點人氣，想必味道不錯，所以買來試下! 這裡有好多不同款式的糖水選擇，見手打芋泥幾特別，買了兩款芋泥糖水，加多枝桃膠腐竹水飲，原來芋泥是新出品！ 1.芋泥鮮奶桃膠小丸子($48)2.芋泥仙草配牛奶奶凍($39)3.桃膠腐竹水($25) 1.一打開有好香芋頭味，好足料，有大大舊芋泥同好多小丸子，撈起仲有好多好大舊桃膠！食落好重芋頭味，芋泥仲有芋頭粒，桃膠好滑，小丸子好Q彈，加埋牛奶混合芋泥的芋頭味奶，好好味，啱曬喜歡芋頭的我！ 2.這碗都係好足料，有大大舊芋泥、大大舊仙草和牛奶奶凍。芋泥入面有芋頭粒，軟硬適中，仙草好爽，牛奶奶凍好滑，整體食落好有口感，食完好透心涼！ 3.桃膠腐竹水未開已經睇到成枝入面好多桃膠，喝下味道好像平時的腐竹糖水但不太甜，感覺健康，加了桃膠好爽口好有口感，滋潤養顏又好味!下次跟另一半來這裡吃！綜合評分：9.5/10餐廳名稱：你好椰餐廳地址：石硤尾偉智里2號金玉大廈地下223號舖…Read More