Meet Fresh (Citywalk)

一知道芋圓甜品店「鮮芋仙」開咗就勁開心，我本身超鍾意食手工芋圓，加埋刨冰，夏天食啱晒！尤其炎炎夏日，收工冇胃口，食番碗鮮芋仙的冰手工芋圓，飽肚又滿足❤️我今次就試咗芋圓4號，貪佢有一大舊芋頭，好似好飽肚😆芋圓4號以冰爽的刨冰為基底，配上滿滿的珍珠、紅豆，入口冰涼的同時帶有豐富的口感，消暑又解渴！…查看更多

今次介紹既呢間甜品鮮芋仙，係台灣當地人氣芋圓糖水店，甚至係全球12個國家及地區好似日本、美加、澳洲等有800間分店。係前年喺銅鑼灣開咗第一間舖之後，上年年尾更加開咗尖沙咀同埋黃埔既第四、五間分店。每次經過銅鑼灣店都係大排長龍，就算受疫情影響冇晚市，外賣都係要排隊。鮮芋仙主打台式甜品，好似芋圓、仙草、豆花，堅持新鮮、現煮、現賣，即係所有原物料到店鋪，在後場烹煮之後再羅到前台銷售，一小時內賣唔哂就會掉哂，為左確保客人食到新鮮、Q彈的口感。-🥧⃣ 芋圓4號💰45（👅: 9/10）芋圓最人氣應該就係4號，4號嘅賣點就係有兩個好大舊嘅芋頭，每次都覺得太大舊食唔晒，芋頭好粉好香，係用芋香突出既大甲芋頭，口感綿密鬆軟，分量足夠但係如果佢再切細粒啲會更易食。呢個甜品有得叫凍或者熱，熱食就會係紅豆湯，但就算係冬天我都會揀食凍，因為成個甜品我最鍾意就係個刨冰底，佢係黑糖刨冰，食落夠凍夠甜，但又唔係死甜嗰種，一開始食嗰時啲冰仲係好硬，不過越食就會好快溶，喺半水半溶既狀態下溝埋其他配料好似紅豆同珍珠最好食。珍珠食落Q彈，紅豆煮過後有香味，至於芋圓有芋圓同地瓜圓，食落煙韌Q彈，芋圓會食到芋頭既顆粒，地瓜圓味道濃同好香。-🌟算係暫時係香港食過既芋圓甜品最好食，最好食在凍食個黑糖刨冰底，夠凍夠甜，同其他配料好夾，而且45蚊價錢黎講份量好多，如果係食左野再食會食唔哂。-👅味道: 9/10🍴環境: 7/10💰消費: $45 (服務費: NA)…查看更多

平時唔係好食芋圓，今日初嚐鮮芋仙，先發覺原來同出面差好遠！！今次叫左推薦嘅芋圓4號，有芋頭，紅豆同珍珠，個芋頭好淋好甜，超級好食又唔會話好滯，份量啱啱好！2隻芋圓嘅味都非常出，口感煙煙韌韌再配上好重嘅芋頭同蕃薯味，糖水方面又唔係好甜，非常好食！出乎意料之外，非常有驚喜…查看更多

每次夜晚經過 都會見到超長人龍 台灣過江龍 係有保證啲嘅🥳鮮芋仙主打芋圓同仙草 入到去拎個靚位 再去counter買飛 unun腳就開餐！.👉🏻芋圓4號($45)我地兩個女仔去食 一齊share都好飽😛本身想試下牛奶冰 但真係太大碗 驚食唔晒 最後決定叫呢個～芋頭口感綿密 甜度啱啱好珍珠同芋圓都幾煙韌 有咬口芋圓番薯味比較重紅豆軟硬度適中 但味道偏甜最底有刨冰 入面嘅糖漿食落唔會太甜 ok！———————————鮮芋仙 @meetfreshhongkong 荃灣楊屋道1號荃新天地一期地下G46號舖…查看更多

食完午餐行過荃新天地，發現原來有鮮芋仙嘅分店，喜出望外，前排剛進軍香港嘅時候幾乎日日喺社交網站俾佢洗版，一直好想試，擇日不如撞日，一行四人即刻衝入去朝聖。店面唔算大，我哋揀咗向住商場內園嘅單行位坐低，揀好食物之後要先到收銀處點餐付款，食物準備好再出去自取。甜品選擇唔算多亦唔算少，主打芋圓同仙草，加入唔同嘅配料成為唔同嘅組合。一直想試呢個喺IG經常出現嘅布丁Q麻糬牛奶冰，賣相唔錯，用嚟打卡一流，估唔到出到嚟份量超大，兩個人分享都嫌多，三個人分就剛剛好，性價比超高！面頭係香濃細滑嘅牛奶雪糕，再淋上黑糖漿，配料有雞蛋布丁、小芋圓、Q麻糬同冬瓜凍。配料份量好多，鋪滿哂成份刨冰，從另一個角度睇效果依然澎湃。Q麻糬質感偏腍，黑白兩種Q麻糬食落差唔多，口感似香蕉糕，略嫌偏腍少少，而且味道過甜，感覺麻麻。小芋圓雖然細細粒，但口感煙韌，食得出淡淡嘅芋頭同地瓜味，芋圓果然係品牌嘅主打，冇令人失望。冬瓜凍甜度適中，味道似冬瓜茶，口感介乎啫喱同蒟蒻中間，感覺清新消暑。呢個組合本身有雞蛋布丁同杏仁布丁各一件，但杏仁布丁已經賣哂，所以兩件都係雞蛋布丁，有少少失望。雞蛋布丁口感嫩滑，甜度適中，但蛋味唔算香濃，中規中矩。刨冰好粗粒，係懷舊古早刨冰嘅口感，牛奶配上黑糖漿味道恰到好處，加上面頭嘅牛奶雪糕有部份溶化咗，令刨冰嘅牛奶味更濃，但如果配搭嘅係又綿又滑嘅棉花冰就更好。芋圓4號除咗有主角芋圓之外，仲有芋頭、紅豆同珍珠，芋圓煙煙韌韌，口感非常好，而且芋頭同地瓜味亦夠香，作為鋪頭嘅招牌，一啲都唔失色，但其他配料都普普通通，糖水係仙草嘅味道，而且偏淡，感覺唔係太夾，性價比亦唔高。仙草1號係用仙草配搭綠豆、蓮子同珍珠，仙草味道同港式涼粉一樣，但口感又軟又嫩，質素可以，但成個配搭質素平平，性價比亦同樣較低。可能因為呼聲過高令人期望太大，感覺除咗芋圓比較有水準之外冇乜驚喜，而且牛奶冰以外嘅甜品價錢略貴，如果對芋圓有興趣嘅不妨一試，但唔好抱太大期望。…查看更多

較早前見到有雜誌報導，話荃灣開間仙芋鮮，上網了解過原來是在台灣都幾有名氣既甜品店，我當然要去試試，咁我閒日中午時間跟女朋友去試，當日睇就一不多，但都坐滿，先睇餐牌，發現除到了芋圓外，還有其他，咁就事不宜遲，我馬上叫左個芋圓4號熱既，我女朋友叫左個招牌仙草沙冰，大約排左10分鐘左右，我哋原先叫咗兩個但都想試多一個，所以共叫左3個，第一個正，紅豆沙唔係好甜，芋圓好正，第二個芋頭蓉好正，仙草正常，紅豆正，第三個湯圓好味，芋圓好味，冰就麻麻，價錢最貴，總結第一二樣係會再食，下次再來…查看更多

台灣過江龍《鮮芋仙》，銅鑼灣店未開我都已經好想試，因為本人係一個超級芋圓控，但奈何每次經過都見大排長龍，不論黃昏或晚飯過後，但等待對於我嚟講唔太熱衷。直至上星期，得知荃灣開咗分店，去一田掃貨同時，順便一圓鮮芋仙夢。［芋圓4號(熱)$45］⭐️⭐️⭐️Menu非常簡潔清晰，已將主角分門別類，既然我係朝著芋圓而嚟，當然會揀手工芋圓啦，據聞芋圓由台灣製作，再送到香港煮熟，所以我非常期待芋圓口感同味道，結果令我大感失望！芋圓入口無Q彈感覺，而且味道唔太像蕃薯同芋頭，反而其他配料比較出色，如紅豆又腍又起沙、珍珠煙韌彈牙、大甲芋頭香軟細綿，所以我下次唔會再食芋圓，反而大推大甲芋頭。一人共消費：$45…查看更多