One Night Pot

星期天和爸爸弟弟到鮮一夜晚飯，當天下午訂枱，去到不用等位，還有窗邊卡位坐，地方濶落舒適。我們點了一夜皇御套餐。1. 紅燒花膠翅 : 食到少少翅邊，湯就煮得比較杰。2. 野生竹笙拼溏心靚鮑魚 : 鮑魚雖然細隻，不過入味夠諗，合我口味，竹笙爽口，配搭不錯。3. 五色刺身拼盤 : 三文魚肥美、帶子鮮甜，甜蝦、北寄貝和希靈魚我就沒有食了。4. 即炒奇妙雞煲 : 其實上枱時已經全熟，叫了小辣，可以接受，不過太鹹，雞肉亦比較乾和"鞋"。5. 安格斯肥牛 (送一碟) : 我覺得比較韌，爸爸和弟弟都認為幾好食。6. 航母海鮮拼盤 (送一碟，每天5-7款): 今次包括蠔、蜆、蝦和蚌，全都新鮮好食。7. 湯底選了雙拼 (加$30) - 蕃茄薯仔湯 :  好酸，雖然見到少少蕃茄，但感覺像是茄汁加水調配出來，後悔點了這湯底。- 藥膳養身鍋 : 味道不錯，可以一試。8. 任食火鍋配料分5大項目 :- 精選鮮肉類 : 豬牛雞腸仔蟹柳都有，推介豬頸肉。- 生猛靚海鮮 : 我們只點了炸魚皮、脆肉鯇、基圍蝦和白鱔片，除了白鱔片外，其餘都不錯。- 特式肉丸類 : 我們只點了手打墨魚滑、老油炸鬼和菠菜腐皮卷。老油炸鬼比較硬，推介手打墨魚滑。- 經典餃子類: 我們只點了鮮蝦雲吞和魚皮餃，兩款都普通。- 新鮮蔬菜類 : 必食甜粟米，真的很甜，我們點了兩次。9. 甜品有雪米磁和牛奶公司的牛奶冰，不過我已經太飽，吃不下了。整體來說，服務不錯，食物新鮮但欠驚喜。…Read More

上網見到鮮一夜火鍋放題，食火鍋放題有十頭糖心鮑魚都是第一次見，最是令我心動，於是訂了位，與朋友一斉去食那豪華的火鍋放題。餐廳位於21樓，可以俯瞰附近景色，裝修清雅，湖水藍顔色的整齊卡位，令人倍覺醒神。一夜皇御套餐$268。Part 1 (非任食)紅燒花膠翅，掌上明珠併溏心靚鮑魚，五色刺身併盤，即炒奇妙雞煲。被溏心鮑魚吸引而來的十頭溏心鮑魚肉質軟淋帶溏心，鮑魚味十足，真是意外驚喜。即炒奇妙雞煲值得贊的奇妙雞煲，可選擇大中小辣，嫩滑的雞肉非常入味，真是奇味無窮。五色刺身拼盤有帶子，赤蝦，三文魚，希靈魚，北寄貝。刺身顔色亮麗，非常新鮮，點上介辣鼓油，鮮甜味美。Part 2。(非任食)我們要了個香濃豬骨鍋湯底食火鍋，奶白的豬骨湯底十分清甜。航母海鮮拼盤有象拔蚌，生蠔，貴妃蚌，蝦及蜆。各樣海鮮都非常新鮮甜，濃厚的豬骨湯底令海鮮味道更進一層。安格斯肥牛每次火鍋，肥牛都會是主打，鮮一夜與平時食的牛肉有不同，除顔色亮麗外，肉味感覺特別的濃厚。食完非任食的Part 1 及Part 2，另外還有任點任食的60多款火鍋配料。包括有我喜愛的肉類 牛柏葉，美國肥牛，鮮豬潤，鯇魚腩，鮮魚頭 及脆肉鯇.......等，鮮腐竹，甜粟米，炸魚皮，養身秋葵........等。新鮮蔬菜,甜品及十多款飲品，可於自助區自取。因太美味了，與朋友一邊暢敘一邊食，不知不覺食得太飽了，真是滿載而歸了。嘩，第一次食火鍋放題有於酒樓飲宴一樣的豪華又美味的感覺，真是十分推薦。…Read More

這一段時間都食了很多放題火鍋，要數美味又豪華的，鮮一夜火鍋莫屬。鮮一夜食材新鮮又美味，那豪華軟腍的十頭溏心鮑魚，十分清潤茲補的紅燒花膠翅，即炒奇妙雞煲.....真是令我覺得回味又難忘。餐廳裝修清雅，整齊的卡位，湖水藍的顔色，令人感覺舒適愉悅。餐廳有三個任飲任食套餐一夜難忘宵夜套餐$148。有蒸鮮之選套餐$228我們選擇了一夜皇御套餐$268。隨餐附送的有紅燒花膠翅十分清潤茲補，掌上明珠溏心鮑魚，五色刺身拼盤，即炒奇妙雞煲。五色刺身拼盤有三文魚，帶子，赤蝦，希靈魚，北寄貝。航母海鮮拼盤，安格斯肥牛。真是十分豪華及吸引。十頭溏心鮑魚肉質軟淋，先上的是紅燒花膠翅，十分清潤茲補，花膠有大量骨膠原，男女適合，女仕尤爲喜愛。豪華的掌上明珠溏心鮑魚，真是甚𤔡吸引及期待。鵝掌非常腍滑，溏心鮑魚軟腍，鮑魚味濃郁，豪華之餘又美味，真是極贊。五色刺身拼盤有三文魚，帶子，赤蝦，希靈魚，北寄貝。其中希靈魚，非常爽口，口感有點像食明太子。即炒奇妙雞煲可選擇辣度，嫩滑的雞肉，沾著濃郁的秘製雞汁，真是既真是既入味又惹味。食完雞煲後我們選擇了香濃豬骨鍋湯底食火鍋，湯底豬骨味濃航母海鮮拼盤有爽口的象拔蚌，鮮甜生蠔，大大隻的又鮮甜的貴妃蚌，鮮甜又美味。安格斯肥牛顏色鮮豔，肥瘦均勻適中，牛味濃郁。食完隨餐附送的豪華版，都已差不多有七八成飽了。另外還有任點任食的60多款火鍋配料，時令蔬菜,甜品及十多款飲品，可到自助區自取任飲任食的，我們㸃了，牛栢葉，鮮魚頭，鮮腐竹，甜粟米，炸魚皮，養身秋葵其實每樣都覺得非常美味，當中我最喜歡鮮魚頭，牛栢葉。最後以甜品綠豆沙，朱古力和雲呢拿雪糕，為今晚的豪華版美食…Read More

朋友生日試新嘢， 一行四人第一次嚟到荃灣鮮一夜火鍋， 呢度真係好驚喜好多嘢食， 雞煲，刺身，海鮮，花膠，鮑魚乜都有 餐廳地方都好寬敞，梳化卡位亦都坐得好舒適！ 我哋一坐低就點左一夜皇御套餐268蚊一位， 套餐包括紅燒花膠翅， 掌上明珠併糖心靚鮑魚，五色刺身拼盤，雞煲， 跟住我哋叫咗個杏汁豬肺鍋， 包海鮮拼盤&安格斯肥牛! 仲有幾十款火鍋配料任食 ，啤酒汽水任飲， 糖水雪糕都係任食！一坐低店員會送上紅燒花膠翅& 掌上明珠聽唐心靚鮑魚， 花膠翅真材實料， 鮑魚鵝掌炆得好入味！跟住就倒刺身喇， 有希靈魚，三文魚，赤蝦，北寄貝，帶子， 刺身好新鮮，四人份量啱啱好然後到雞煲出場， 有幾種辣味可以選擇， 我哋叫咗微辣，雞煲都做得好出色！海鮮拼盤方面會因應當日嘅人數安排份量， 有生蠔 ，螺片 ，蝦， 蜆，貴妃蚌！杏汁豬肺窩入面有好多豬肺，湯底都非常清甜 我哋未開始打邊爐已經每人飲咗一碗！安格斯肥牛肉質嫩滑有好濃郁嘅牛肉味道火鍋配料任食超值嘅火鍋推介，飲飽食醉既一晚， 店員還送給我們一支白酒，非常開心啊！ 性價比超高嘅火鍋餐廳！…Read More

這間位於荃灣的火鍋店，位處二十一樓，居高臨下，更可飽覽荃灣一帶的景色，享受美食之餘又可以欣賞窗外景色，真是嘗心樂事。這裏的仼食火鍋，除了基本的仼食火鍋配料外，還有花膠翅、鵝掌拼溏心鮑魚，刺身、雞煲等，認真豪華兼吸引。仼食火鍋分 Part 1 和 Part 2, 加上有 2.5 小時任飲仼食，吃完 part 1 已經飽了大半，加埋 part 2 的仼食火鍋配料，吃罷真是要捧著個肚走。一夜皇御套餐 （HK$268)Part 1: (非任食）▪️紅燒花膠翅未吃火鍋前，先來過熱身！每人一碗紅燒花膠翅，花膠配魚翅，認真夠豪！▪️掌上明珠併溏心靚鮑魚吃完花膠翅，還有每人一份溏心鮑魚配鵝掌，鮑魚鵝掌炆得夠入味。▪️五色刺身併盤食完中式，還有日式刺身併盤，有三文魚、帶子、赤蝦、希靈魚、北寄貝，份量按人數而定。▪️即炒奇妙雞煲接著雞煲上場，有多種辣度選擇，由走辣至大辣可供選擇，辣椒加上大量洋蔥、莞茜等，味道又香又惹味。Part 2: ▪️火鍋湯底 湯底選擇有八款，仼選一款，亦可加$30轉鴛鴦鍋。我們選擇了芫茜皮蛋湯。▪️送-航母海鮮拼盤 （非任食）每天提供5-7 款時令海鮮，按人數比例安排份量。當天有鮮蝦、蜆、桂花蚌、生蠔、螺片等。▪️送-安格斯肥牛 （非仼食）安格斯肥牛每人兩片，肉質嫩滑。▪️火鍋配料任食 另外還可以仼點又叫超過六十款的火鍋配料。時令蔬菜則可往自助區自取。▪️飲品任飲 超過十款飲品及啤酒任飲▪️雪糕仼食醬料區湯底、糖水及用餐工具可自行取用門面內在環境餐牌…Read More

同M佬去咗一個10幾日嘅long trip，你問我哋最掛住嘅味道，一定係打邊爐！之但係周街都係火鍋店，而位於荃灣嘅鮮一夜火鍋嘅最大賣點就係：鮑！參！翅！肚！餐廳行半放題路線，嗰套餐名叫「一夜皇御套餐」，好似好勁揪，等我哋試下掂唔掂。五色刺身拼盤一開始食嗰刺身先，有三文魚、帶子、赤蝦、希靈魚同北寄貝。新鮮冰凍，三文魚厚切肥美，北寄貝爽口鮮甜，正。鮑汁扣海參併溏心靚鮑魚嘩，第一個重點到啦！餐廳用料一啲都唔馬虎，採用澳洲鮑魚同南非海參，而且炆得夠晒腍，鮑魚彈牙，海參爽口軟滑，配埋嗰濃郁嘅鮑汁，真係無得彈。紅燒花膠翅湯底厚身，店員話嗰湯底係用鮮雞熬足3個鐘，唔怪得之咁香濃。花膠腍身，魚翅爽口，真係好正。即炒奇妙雞煲有大中小辣畀大家揀，我哋揀咗中辣，非常香口，雞件嫩滑，不過如果加多啲洋蔥、蒜頭同香草，會更加惹味。火鍋湯底6款湯底，任君選擇。有藥膳養身、重慶麻辣、杏汁豬肺、養生椰子雞、香濃豬骨同芫茜皮蛋。我哋揀咗藥膳養生鍋，一打開就有好香濃嘅藥材味，有紅棗、杞子、黨參等藥材，仲有大大舊豬骨，非常足料。航母海鮮拼盤拼盤有基圍蝦、沙白、生蠔、貴妃蚌同青口，非常新鮮。其中基圍蝦肉實味濃，沙白鮮甜無沙，生蠔肥美厚身。安格斯肥牛每人兩塊，雪花分佈平均，牛味濃郁，正。話明係半放題套餐，大家可以任身超過30款火鍋配料，有美國肥牛、豬頸肉、基圍蝦、手打丸等。未完呀，仲有是日糖水、自家製五花、冬瓜茶同汽水飲品，$268一位，真係食到攬住個肚走，好滿足。…Read More

一講起去荃灣食野，我第一時間諗起沙咀道大鴻輝中心。因為呢棟大廈已經變成美食天堂，而且有大量火鍋或放題食肆進駐。今日我地搵到呢間新開張嘅鮮一夜私房菜火鍋館，試新野，我最鍾意架啦。而家如果食肆只用任飲任食黎做賣點已經唔夠啦，咁火鍋仲有咩新玩法呢？今次鮮一夜火鍋館推出「一夜皇御」套餐，細心睇下，原來係有「鮑參翅肚」，而且原價$268/位，而家新張期內只需$248/位咋。坐低再慢慢睇清楚先，原來有五色刺身拼盤、花膠翅燉湯、鮑汁扣海參/鮑魚、安格斯肥牛、航母海鮮拼盤等等。全部都係貴價食材，聽見都流晒口水啦。打頭陣嘅係養顏花膠翅燉湯，每位都有一碗。碗碗都有花膠，而且個湯身夠杰，湯味夠晒濃。絕對唔係溝水溝水再溝水嘅貨，非常足料。好想飲多一碗呀。海參炆得夠晒淋，又夠爽口彈牙。原隻鮑魚，配上鮑汁，口感同味覺都滿分。五色刺身拼盤有晒三文魚、希靈魚、北寄貝、甜蝦及帶子，最最最驚喜嘅就係竟然有三文魚腩，啱晒我呢個三文魚怪。另外其他刺身都好肥美，又夠新鮮。接住就輪到雞煲出場，我地揀左少辣。雞肉夠滑而且夠晒惹味，份量都幾多，最重要係佢唔係果啲越食越辣，越食越口渴果啲雞煲。食完個雞煲，店員好快手咁換左我地一早揀好嘅湯底--杏汁豬肺湯。而家屋企少煲湯，仲要係要花時間洗嘅豬肺湯更加少煲。個湯夠晒白，杏味很重，豬肺洗得好乾淨，飲落有種清新嘅感覺。等緊個鍋滾嘅時候，又係去攞汽水同預備醬油嘅時間啦。汽水係任飲，款式都幾多，任君選擇。安格斯肥牛--色澤分明，肉質嫰滑，淥幾秒就食得，爽呀。今日另一重點項目--航母海鮮拼盤。每日有5-7款時令海鮮提供，包括(大蜆、蟶子、細蜆、海蝦、鮑魚、鯇魚片、日本蠔、貴妃蚌)日本蠔同貴妃蚌都夠晒大隻，全部都好新鮮，唔駛其他調味料，淨係食佢份鮮味已經夠了。食完份航母海鮮拼盤已經7788啦，店員遞上其他火鍋配料比我選擇，仲有成30幾款添。但我已經飽了，最後只揀左個響鈴卷，因為呢樣係我每次火鍋必食嘅，貪佢可以吸收晒全晚火鍋嘅精華，等我可以回味一下。食完呢餐火鍋，先發覺打邊爐都可以好高質。鮑參翅肚絕對唔係酒樓嘅專利，呢度鮮一鍋都比到你，黎緊呢個冬天想打邊爐，又多個選擇啦。…Read More