Wagyu Yakiniku Ichiro (Pak Shing Building)

餐廳環境幾舒服，幾寬敞，唔似平時食開果間得塊膠板隔住。食物有啲係店員送上，有啲會經輸送帶自取，擺盤賣相好靚。第一次黎試下Course B $448，25款精選牛肉，連埋海鮮，雞，豬，蔬菜，熟食炸物等總共有102款，選擇都好多。當中有唔少不常出現在一盤燒肉店的選項，例如牛刺身，牛外橫隔膜。首先上枱的是Course B預設的桶·盛合與舟·盛合，有雞肉，腩肉，牛肋肉，牛里脊，帶子以及蝦。擺盤幾靚，食落都正。之後當然要試下牛刺身，有款係似薄切牛扒，外層熟，內層生，食落都幾嫩。另一款特選拌生牛肉，用雞蛋拌匀，口感順滑，牛味幾濃。多款牛肉之中，薄切牛里脊大大塊賣相吸引，不過放落網有少少痴，反而厚身啲既牛肉燒得更靚。當然食落既質感都唔一樣，試左好多款，好滿足。牛肉之外，我覺得海鮮都好吸引，廣島蠔肥美，帆立貝大隻。熟食炸物都唔錯，吉列蠔吉列蝦都幾脆口，炸粉唔會太厚。最後忍唔住叫埋個水冷麵同和牛壽司，都唔錯。到最後既最後，當然係食甜品，望住個雪條櫃，款式同級數望落都高級過一般燒肉放題餐廳，真係想瘋狂食晒咁多款，能力所限只係食到三枝…其實除左雪條，個甜品櫃，飲品區都幾多選擇，除左罐裝飲品，有幾款果茶，感覺幾健康。.今次食Course B 都好滿足，但見到餐廳有日本和牛識別號，産地係鹿兒島同宮崎，再望到個牛肉櫃同處理房，下次想比貴啲試下Course C/D…Read More

今日嚟到和牛燒肉一郎一間任飲任食既日式燒肉餐廳提提大家佢地真係日日爆滿記得book位啊！超寬敞既座位坐得舒服自在我哋order左C餐裏面有一隻木船舟·盛合來自美國同埋澳洲嘅牛肉、豚肉、海鮮同埋蔬菜桶·盛合有一個會出煙既木筒係座位旁邊既燒肉新幹線路軌送過黎裏面有小田牛牛肋肉同埋小田牛牛里脊肉除左以上食物其他都係任食任飲只需要透過QR code去佢地網頁order外面亦都有沙律吧、飲品吧同甜品吧仲有自家調配嘅「美人水」 大家可以試下detox一下船入面裏面有一兜脂肪原來愛嚟開鑊用嘅燒熱個網然後只要掃一掃就冇咁容易癡底啦依個網係可以隨時叫職員更換嘅咁就可以食得健康啦先燒牛里脊肉同牛肋條肉牛筋條味道好好點少少燒汁就更惹味淘小姐好欣賞呢個特選伴生牛肉生蛋生牛肉撈埋就食得好少地方有得食生牛肉架而且味道好好食完要encore! 炙燒牛外橫隔膜就咁點檸檬汁同wasabi就食得呢兩款牛真係不得了再encore! 生蠔、帆立貝海鮮質素都唔錯飲食要均衡，記得食多D菜蔥花牛舌職員黎卷好比我地燒咁多蔥夾埋一齊真係好食壽喜燒薄炙牛肋肉、大判壽喜燒牛里脊肉每邊燒兩三秒就夠架啦豬都唔錯～食燒肉點可以冇啤酒呢？而家期間限定每位$68就可以任飲飲足兩個鐘Saporro啦～食完燒肉食埋支荔板雪條perfect！…Read More

牛魔王再次岀動，找了一間在佐敦新開的日式燒肉餐廳。環境寬敞舒服，自助吧的區域相當有質感，讓人吃起來特別有風味 ，整體來說很有驚喜！主打的放題套餐有多款選擇，平日價錢由$398至頂級的$1048不等，沙律、飲品和甜品都是自助的，而每份菜式也設單點的價錢。先看看自助吧，飲品類色彩繽紛很有特色，先有五款美人水，如排毒健美綠茶、甘荀蘋果美人水等，和約十款的100%鮮果汁。我們選了西柚汁和蘋果蘆薈，解膩又健康🍎而沙律也是每日精選幾種款式，有柚子明太子凱撒沙律、螺絲粉沙律、健康雜豆沙律等等，沙律醬汁也是自選，總有一款會喜歡💕 吃燒肉前先吃個新鮮沙律很開胃先來了一份舟·盛合，賣相很豪華，打卡必備😆 這一份盛合包含肉、海鮮、魚貝和蔬果，真的包羅萬有。裡面有牛肋肉、牛肋條肉、牛里脊肉、牛外橫膈膜、帶子、大蝦、雞肉、豚肉。帆立貝和大蝦份量十足～而爐的火侯夠猛，很容易就燒岀漂亮烤紋。本日の宝箱是每日不同的精選高質肉品，這天就是新鮮即切的小田牛西冷🐮 獲獎無數的「小田和牛」來自九州鹿兒島，牛舍特別採用混合十二種獨特複合飼料餵飼小田牛，令其肉質更健康美味。這片小田牛西冷油脂豐富，肉質細緻軟嫩，而且肉味香甜濃郁，只需落少許鹽就很好吃了一場來到也試試這裡的肉壽司，左邊是生牛肉壽司，而右邊是牛大腹肉壽司，原味呈現牛牛的美味～牛大腹即是牛拖羅，肉身柔滑，真的入口即溶另外這個炙燒壽喜燒壽司必點！色澤粉嫩的肉片帶漂亮的雪花，看起來油亮油亮，光看就覺得好吃！店員即場為我們炙燒，可按口味選擇生熟度，很貼心。油脂豐富但吃起來不油膩，充滿高雅的脂香。店員將溫泉蛋打入醬汁的碗中，肉片可以直接沾取蛋汁來品嚐主食點了壽喜燒牛肉丼和香蔥海苔溫泉蛋拌飯，邊燒肉邊吃飯，真的很滿足雖然吃得很撐，但甜品同樣重要！甜品櫃的選擇真的花多眼亂，有井村屋牛奶金時雪條、明治栗子紅豆雪條、鹿兒島SEIKA忌廉曲奇味雪條、日本樂天迷你雪見大福芒果和綠茶雪米糍和明治煉乳芒果雪條等等，看到也很開心。另外買有一些乳酪慕絲杯，同樣好吃呢😋…Read More

聞說佐敦開咗一間格調高檔嘅日式燒肉「 和牛燒肉一郎」， 賣點係提供獨家靚和牛。好難book。 今日喺佐敦開完會快閃放工， 就相約屋企人提早開餐！有別於一般日式燒肉店， 即使坐滿人都唔會有油煙焗促， 冷氣好夠凍， 裝修設計有cyber feel～ 時尚新穎。本身唔係食肉獸， 戰鬥力麻麻地， 最終冇揀到放題，還是單點較好，可以慢慢食唔使咁急趕。 當然一定要加錢 order沙律，甜品飲品吧！ 因為當你見到擺放得咁整齊嘅果汁，沙律， 日本直送嘅雪條，雪糕， 完全冇可能抗拒～ 去一轉日本都食唔到咁多款式嘅雪條。餐廳以提供來自鹿兒島嘅「小田和牛」出名。 有幸點了這個是日寶箱:小田和牛西冷 。由餐廳的智能路軌送出， 甚有噱頭！都係仙氣十足咁出場～ 和牛脂肪分佈平均， 肉質帶有光澤。 可整塊或剪開喜歡的大細，燒十數秒就搞掂， 散發出牛油香氣， 入口融化，十分回味。生牛肉壽司（二貫） 牛大腹肉壽司（二貫）朋友話要食生牛肉， 其實生牛肉冇乜味道， 還有一點點筋，還好沒有腥味。 牛大腹肉味稍為多一點。炙燒壽喜燒壽司一大塊靚牛肉， 炙燒數秒， 同時間把生雞蛋混合特制甜醬油， 牛肉蘸上壽喜燒汁特別鮮味，軟滑！舟·盛合集合美國， 澳洲等上乘嘅和牛的不同部位， 還有豬腩肉， 雞肉， 海蝦，帆立貝和各款蔬菜菇類。牛肋肉好有嚼勁， 帆立貝勁鮮甜有海水味～ 豬腩肉😋 肥瘦相間， 甘香美味。涼拌小食盛合，泡菜盛合感覺上泡菜味道ok， 但係比較腍身， 大豆芽菜夠爽脆。沙律吧也試了兩三款。 三文魚沙律， 意粉沙律。每份獨立盛載夠衛生，沙律菜新鮮爽脆。博多豚骨拉麵面質好幼滑，不過偏腍。 湯底唔會好濃味。壽喜燒牛肉丼壽喜燒牛肉壽司延續篇， 牛肉也是又腍又入味，配合蛋汁， 飯嘅份量幾足，夠曬飽喇！選了幾款甜品， 味道唔錯， 慕絲蛋糕小巧精緻。明治藍莓乳酪， 乳酪中和肉類嘅油膩。北海道雲呢拿， 香濃嘅雲呢拿味道又唔會太甜。雪糕雪條嘅size 細細支， 絕對可以試多幾款！甜品吧那邊也可以沖熱茶…Read More

呢間餐廳主打6款任食和牛放題套餐，價錢由$348到$1098🤩每日新鮮空運牛肉、豚肉、雞肉同海鮮。設有自助區無限量供應沙律🥗丶飲品🥤同甜點🍰💗泡菜盛合($58)包括有大盛辣白菜泡菜、青瓜泡菜、白蘿蔔泡菜，味道辛辣偏酸🇰🇷💗涼拌小食盛合($58)包括有大盛涼拌荳芽、涼拌菠菜、涼拌紅蘿蔔，味道清淡帶麻油香🥢💗舟·盛合($248)🐂4款美國和牛或澳洲和牛（牛肋條、牛外橫膈膜、牛里脊肉、牛肋肉）🐖2款日本產豚肉（豚里脊肉、豚肋肉）🐓日本產雞腿肉🌭蕯摩豚香腸🦐2款海鮮：海老、帆立貝🥬6款野菜：南瓜、茄子、意大利青瓜、杏鮑菇、冬菇、粟米芯💗鹿兒島黑毛和牛特選盛合：7種類($498）全港獨家供應「小田A4和牛」🇯🇵特別採用混合12種唔同材料嘅飼料餵飼，油花呈大理石狀，肉質柔軟鮮嫩，油脂豐腴細膩，包括有牛肋間肉、肩胛肉、牛霖、西冷、肉眼、牛肋肉、三筋🐃💗生牛肉壽司($78/ 2貫）生牛肉片筋位多較難嚼，勝在無血腥味🍣💗牛大腹肉壽司($118/ 2貫）牛大腹肉結實有嚼勁，越嚼牛味越出🐮💗博多豚骨拉麵($68)麵條幼身滑溜，但豚骨湯未算濃厚。配料方面有叉燒、糖心蛋、子薑漬、木耳絲、蔥🍜💗壽喜燒牛肉丼($78)牛肉片軟滑纖細，肉味香濃，富香甜醬油味🥓將半熟溫泉蛋刺穿撈落飯一齊食更加甘香。配料有嫩豆腐、京蔥、紫蘇葉、涼拌紅蘿蔔絲🍚💗炙燒壽喜燒壽司($98/ 2貫）將一大片小田和牛用火槍炙燒，肉質幼滑細緻，油脂齒頰留香，接近入口即化🔥點上拌均嘅半熟蛋同壽喜燒醬汁，味道香甜惹味🥚…Read More