捌加廿陸天婦羅居酒屋

喺尖沙咀行完街想搵食，見呢間日式定食小店「捌加廿陸」主打自選天婦羅定食，仲有好多餸選擇，一於就試試佢🤓今次我哋都揀咗自選天婦羅定食，價錢都係$30起，可能揀唔同嘅天婦羅，每份都會配前菜＋龍蝦味噌湯。🍜 熱烏冬（鰹魚湯）自選天婦羅定食 烏冬滑溜彈牙，配咗鰹魚湯底，好好食。每款天婦羅炸得啱啱好，全部都係即炸即食，正❤️‍🔥 今次試咗4款餸，松葉蟹鉗鮮甜，廣島蠔大隻多汁，牛肉餅肉香濃郁，全部都係即炸即食，熱辣辣最正🔥🥢 熱蕎麥麵（鰹魚湯）定食 另外一份揀咗熱蕎麥麵配鮮帶子、半熟蛋、皇帝蟹棒同南瓜。天婦羅帶子都幾大隻，炸到外脆內嫩，最驚喜係個半熟蛋天婦羅仲keep到好流心，係橙色嘅流心蛋黃🧡皇帝蟹棒好鮮味，好彩兩個都有叫，唔使爭😂！btw個人覺得食天婦羅一定要嗌南瓜😋🍍🍦 甜品 炸菠蘿伴海鹽雪糕 佢嘅炸物玩到連菠蘿都可以炸！冰菠蘿就聽得多，但炸菠蘿到底好唔好食？原來真係可以做到外層薄脆，裏面都keep到多汁香甜，配上海鹽雪糕，鹹甜交錯，一凍一熱，清新又解膩😝🪑 小店環境呢度裝修好有日本魚市場嘅感覺，好啱鍾意打卡嘅人士，趁機扮吓去咗日本食嘢😂📍 捌加廿陸天婦羅居酒屋 (尖沙咀)尖沙咀緬甸臺8號凱譽地下17號舖…Read More

餐廳：捌加廿陸天婦羅居酒屋地點：尖沙咀棉登徑菜式：天婦羅居酒屋餐牌：自選天婦羅定食，天婦羅丼，丼飯，小食，飲品，期間限定，酒水。晚市有加一。自選天婦羅定食呢度有自選天婦羅定食，好flexible。白飯/冷烏冬/湯烏冬/冷湯蕎麥麵底$30，有加料主食要加錢，然後就加錢加料自選啦。冷烏冬好大碗，個湯夠清而烏冬有咬口又滑溜，可以揀蔥同日式芥末份量，好體貼。面頭有好多京蔥同蔥花，我揀左多蔥。鮮帶子 加$20帶子肉真心鮮美又嫩，好香帶子味。帆立貝 加$13帆立貝比帶子細隻少少，連裙邊。黑虎蝦 加$13黑虎蝦蝦肉鮮甜。雞肉 加$13雞肉好大件。蓮藕 加$9成個餐包清淡龍蝦味噌湯一碗，漬青瓜一小件同鮮橙半件。三文魚籽紫菜天婦羅 $68另外點左個期間限定，紫菜一客三片，好特別，炸得好薄脆。另上一滿兜三文魚籽，爆汁鮮味夠新鮮，份量超多，多到紫菜唔夠餸。嘗試一啖有紫菜又有三文魚籽，要少少技巧。芝士吉列豬扒 $58芝士吉列豬扒一大塊，已經切開5件方便食用。吉列皮好脆，入面豬肉好嫩口，加滿熱融拉絲芝士，熱辣辣上枱，墊有椰菜絲沙律。伴有沙律醬令入口更滑溜。呢款炸物正！唐揚炸雞 $48唐揚炸雞一客五件，正常size。加有大量沙律醬同啡色醬汁令入口更滑溜，炸得皮脆肉嫩，有肉汁。墊有椰菜絲沙律。炸菠蘿伴海鹽雪糕 $28一大片炸菠蘿面頭加上一球藍色海鹽雪糕球，再加上脆脆。香甜多汁熱辣辣炸菠蘿配少少鹹嘅融化海鹽雪糕，味道口感超正！總括而言，天婦羅皮夠脆，入面食物多汁好味，不愧為天婦羅專門店。吉列炸物就好抵食！座位全部都係吧位，好似日本小店。枱上面有七味粉，同多款調味料，連櫻花蝦仔同魚仔都有，跟餐都有天婦羅汁。…Read More

餐廳：捌加廿陸天婦羅居酒屋地點：尖沙咀棉登徑菜式：天婦羅居酒屋餐牌：自選天婦羅定食，天婦羅丼，丼飯，小食，飲品，期間限定。晚市有加一。自選天婦羅定食呢度有自選天婦羅丼，好flexible。白飯/冷烏冬/湯烏冬/冷湯蕎麥麵底$30，有加料主食要加錢，然後就加錢加料自選啦。冷烏冬好大碗，個湯夠清而烏冬有咬口又滑溜，可以揀蔥同日式芥末份量，好體貼。廣島蠔 加$20 廣島蠔好多汁又大隻。黑虎蝦 加$13 黑虎蝦都好大隻，蝦肉鮮甜。鮮帶子 加$20 帶子肉真心鮮美又嫩，好香帶子味。雞肉 加$13第一次食天婦羅雞肉，好特別！成個餐包清淡龍蝦味噌湯一碗，漬青瓜一小件同鮮橙半件。花尾龍躉 $28 另外點左個花尾龍躉天婦羅，大大件。肉質有咬口，魚味濃，下底墊有好多脆脆。唐揚魷魚鬚 $38 唐揚魷魚鬚一客有十幾件，Size易入口。整得皮脆肉有咬口，唔會太鹹，伴有檸檬汁調味，墊有椰菜絲沙律解膩。唐揚炸雞 $48 唐揚炸雞一客五件，正常size。伴有沙律醬，入口會更滑溜，炸得皮脆肉嫩，有肉汁。墊有椰菜絲沙律。芝士吉列豬扒 $58 芝士吉列豬扒一大塊，已經切開6件方便食用。吉列皮好脆，入面豬肉好嫩口，加滿熱融拉絲芝士，熱辣辣上枱，墊有椰菜絲沙律。伴有沙律醬令入口更滑溜。呢款炸物正！炸菠蘿伴海鹽雪糕 $28第一次食炸菠蘿伴海鹽雪糕！一大片炸菠蘿面頭加上一球藍色海鹽雪糕球，再加上脆脆。香甜多汁熱辣辣炸菠蘿配少少鹹嘅融化海鹽雪糕，味道口感超正！總括而言，天婦羅皮夠脆，入面食物多汁好味，不愧為天婦羅專門店。吉列炸物就好抵食！座位全部都係吧位，好似日本小店。枱上面有七味粉，同多款調味料，連櫻花蝦仔同魚仔都有，跟餐都有天婦羅汁。…Read More

人氣天婦羅店由旺角開到黎尖沙咀🤩估唔到尖沙咀店仲細過旺角店😳真係要早啲黎食先唔洗排隊😉叫左一個定食再加小食share~~自選天婦羅定食🍱$30🆙🔸龍蝦味噌湯及前菜，味噌湯有淡淡龍蝦味😋🔸主食都有好多款式揀🤗飯/冷熱烏冬蕎麥麵～為左試味噌海老湯黎尖沙咀店😛熱烏冬（味噌海老湯）湯底味噌同海老味平衡得好，唔會互搶大家既味道😚濃得黎又唔會太鹹🦐仲可以任加櫻花蝦呀😆烏冬份量都唔少呢🔸自選天婦羅$9-$23 😌fafafoodie揀左5款🤤鮮帶子($20)❣️、黑虎蝦($13)❣️、竹輪($13)、鱚魚($13)❣️、大啡菇($9) ❣️🍄‍🟫🍄‍🟫特別推介必點大啡菇天婦羅🤩菇天婦羅成日見，但大啡菇既天婦羅真係第一次食🤪外脆內超級juicy😍😍#活虎蝦天婦羅 🍤❣️活虎蝦天婦羅比黑虎蝦更厚實😊蝦味更濃郁😗重點連蝦頭都炸埋俾你🦐炸蝦頭超爆香蝦味呀‼️HKD28#芝士豬扒 🐷🧀🧀🧀除左天婦羅，仲有其他炸物😉拉絲芝士吉列豬😗趁熱食是必須的😎HKD58#磯燒鮑魚配帶子❣️磯燒鮑魚軟嫩入味😚帶子爽口彈牙😙佢仲有2款size既龍蝦天婦羅架HKD58晚市加一服務費捌加廿陸天婦羅居酒屋#fafafoodie_尖沙咀…Read More

最近發現香港也可以吃到龍蝦天婦羅，窩夫與蝦子餅一於去試試。之前光顧過捌加廿陸天婦羅居酒屋的旺角店，今次去新開的尖沙咀分店，位置就在一蘭拉麵旁。一人一個自選天婦羅定食，主食可選飯、冷熱烏冬或冷熱蕎麥麵，滿足不同客人的需要。定食的天婦羅選擇有28款之多。自選天婦羅定食($30起)包含龍蝦味噌湯、前菜及橙。窩夫的主食選了熱湯烏冬，湯底三選一，海老味噌湯味道不錯，加了櫻花蝦令賣相更佳，亦令蝦味更濃。四款自選天婦羅有軟殼蟹($23)、廣島蠔($20)、蓮藕($9)和茄子($9)，窩夫愛吃的軟殼蟹是半隻的份量，大大件肉夠厚，配上一層薄薄的天婦羅炸漿，外脆內軟，滋味無窮。蝦子餅的主食選了香蔥牛油飯($8)，蔥香突出，推介給愛吃蔥的朋友。七款自選天婦羅有鰻魚($20)、廣島蠔($20)、鮮帶子($20)、黑虎蝦($13)、帆立貝($13)、牛肉餅($13)和墨魚片($13)，特別推介鰻魚、廣島蠔和墨魚片。另點了兩款期間限定的天婦羅。活虎蝦天婦羅($28)的活虎蝦大大隻，鮮甜彈牙，加點柚子鹽更加滋味。花尾龍躉天婦羅($28)的花尾龍躉件頭不小，肉質結實，值得一試。最期待的活龍蝦天婦羅(大)($128)來了，連龍蝦頭上桌，賣相比在京都吃的更吸引。龍蝦身超厚肉，實在太滿足了，不要錯過龍蝦頭裡面鮮味十足的肉和膏，建議用來為龍蝦味噌湯加料。最後以炸菠蘿伴海鹽雪糕($28)作結，熱辣辣的炸菠蘿跟冰凍的海鹽雪糕一起吃，溫度上的差別配合又鹹又甜的味道，十分特別的體驗，要小心炸菠蘿爆汁燙嘴。…Read More

喺尖沙咀一蘭拉麵嘅隔離開咗一間有特色嘅居酒屋！呢間捌加廿陸天婦羅居酒屋主打各式各樣嘅日式天婦羅，餐廳整個裝修設計都洋溢住滿滿嘅懷舊日式風情，仲會播放住輕快嘅日文歌，氣氛爆棚🌟～蒲燒鰻魚丼💰HK$88有龍蝦味噌湯同埋前菜！龍蝦味噌湯多咗一種龍蝦嘅鮮甜味，好特別！蒲燒鰻魚丼鰻魚肉質嫩滑，配搭惹味嘅鰻魚汁、少量嘅紫菜碎碎同米飯，風味十足～自選天婦羅定食💰HK$30同樣都有龍蝦味噌湯同埋前菜！自選天婦羅就叫咗雞肉天婦羅、皇帝蟹棒天婦羅同埋南瓜天婦羅！每款天婦羅外層嘅炸粉都好薄好香脆，內裡食物依然保持鮮嫩多汁！主食揀咗熱嘅鰹魚湯烏冬，湯底濃郁，烏冬係偏幼身果種，掛湯能力高而且口感煙韌～雞皮餃子(5隻)💰HK$48外層嘅雞皮炸到好香脆，比人嘅感覺油而不膩！一咬落去啲餡料仲有少少爆汁嘅感覺～磯燒鮑魚配帶子💰HK$58磯燒鮑魚表層都有薄薄嘅一層炸粉，內裡肉質鮮美有彈性！而帶子天婦羅就外脆內鮮嫩～日本提子汽水💰HK$10味道酸酸甜甜，清新解膩～…Read More

餐廳：捌加廿陸天婦羅居酒屋地點：尖沙咀棉登徑菜式：天婦羅居酒屋餐牌：自選天婦羅定食，丼飯，小食，飲品，期間限定自選天婦羅定食呢度有自選天婦羅丼，好flexible。白飯/冷烏冬/湯烏冬/冷湯蕎麥麵底$30，其他主食加錢，然後就加錢加料自選啦。冷烏冬好大碗，個湯夠清而烏冬有咬口又滑溜，可以揀蔥同日式芥末份量。廣島蠔 加$20 另加一廣島蠔好多汁又大隻。軟殼蟹 加$23 另加一軟殼蟹有半隻，食到少少膏，都有好多肉食。鰻魚 加$20 另加一鰻魚係厚肉鰻魚。原條穴子 加$20 另加一原條穴子真係好大條，雖然肉少少薄。黑虎蝦 加$13 另加一黑虎蝦都好大隻，蝦肉鮮甜。那哥魚片 加$13 另加一那哥魚片好大條，肉質好彈牙，好似魚蛋。鮮帶子 加$20 另加一帶子肉真心鮮美又嫩，好香帶子味。帆立貝 加$13 另加一蓮藕 加$9 另加一成個餐包龍蝦味噌湯一碗，茄子一小件同鮮橙半件。磯燒鮑魚配帶子 $58 另加一我第一次食磯燒鮑魚天婦羅，好特別，外脆內彈牙，仲連個殼上比你。伴有帶子一隻。墊有脆脆上枱。總括而言，天婦羅皮夠脆，入面食物多汁好味，不愧為天婦羅專門店。座位全部都係吧位，好似日本小店。枱上面有七味粉，同多款調味料，連櫻花蝦仔同魚仔都有，跟餐都有天婦羅汁。…Read More