Maruju Japanese Shokudo (Closed)

今日和老婆,外父和外母往葵芳新都會丸十日本食堂食晚餐,我們點了茶碗蛋,海膽軍艦壽司,牡丹蝦壽司,帆立貝壽司,關東煮盛合,自家製鰻魚玉子燒,忌廉芝士鰻魚卷,炸蝦卷,露筍雜菇炒野菜,香煎雞扒,丸十豚肉丼,蝦味噌櫻花蝦烏冬和抹茶雪糕配紅豆白玉丸子,茶碗蛋食落香滑,蛋熱辣辣 ,入口即熔,關東煮盛合材料豐富,有魚糕,獅子狗,福袋,竹輪和羅白,湯底味道清甜,魚糕,獅子狗,福袋和竹輪彈牙,羅白吸收湯底美味,整份關東煮口感滿足,自家製鰻魚玉子燒鰻魚肉質鮮甜味美,玉子食落香甜,整份玉子燒口感味美,忌廉芝士鰻魚卷飯粒軟綿,炸蝦卷蝦食落彈牙,佐酒一流,露筍雜菇炒野菜露筍爽脆,雜菇和菜食落爽口,而木魚絲能帶出蔬菜美味口感,香煎雞扒雞扒肉質鮮嫩,食落爽脆,丸十豚肉丼豚肉食落肉質肥美有油花,醬汁惹味口感滿足,蝦味噌櫻花蝦烏冬湯底食落鮮甜,鹹度適中,葱花能帶出烏冬美味,櫻花蝦食落彈牙,整份烏冬材料豐富合感十足,最後抹茶雪糕配紅豆白玉丸子抹茶甜度適中,食落香滑可口,紅豆味道香濃,白玉丸子軟滑,餐廳座位闊落舒適,期間餐廳有抽獎活動,結果抽到八爪魚壽司,八爪魚食落彈牙,餐廳食物美味,材料新鮮,食了一頓美味日本料理晚餐…Read More

味道★★★★*自家製鰻魚玉子燒每次光顧必點✨玉子內的明太子和鰻魚，都真材實料，其中鰻魚玉子燒充滿蛋香，仍有蛋漿流出，並且鰻魚/明太子令玉子燒味道層次跟上一層樓，令人回味無窮。*鐵板燒地雞鐵板一直保留熱力，令板燒雞保持熱辣辣🔥但雞肉仍然嬾滑，CP值高，完全值得一試！*丸十刺身盛壽司刺身部份亦非常出色，食材絕對新鮮，能夠食到當中嘅鮮味！唔會有"梅肉感"😶環境★★★環境整潔乾淨舒適，喺餐桌上有口罩袋和消毒酒精提供👍服務★★★★侍應服務態度，又帶位，以致用餐完結都令人感覺舒適舒服😌而且都會好體貼一直留意有冇需要加水！而且落order速度都好有效率。CP值★★★★絕對值得再三回顧🤍✨…Read More

我和朋友都是第一次到此店，到達時間下午4:45，已經過了下午茶時段，唯有散叫一些小食，邊吃邊吹水。。。可能因為過了下午茶繁忙時段而又未到晚市，整間餐廳只有一位服務員在樓面，他放低小吃時，連茶杯及餐具都忘記給我們。我們一共叫了三碟小食：1. 自家製鰻魚玉子燒 $68蛋卷燒得不錯，熟度剛剛好，很嫩滑，不會太老而且仍有些蛋汁，有蛋香嘅味道配合鰻魚汁，效果不錯。2. 燒七味魚翅 $ 48服務員未放低一刻已感覺到好香嘅燒魚味，配上七味粉，非常惹味。3.雞皮餃子 $68第一次食雞皮餃子，起初怕成口油，諗住吃一件試吓，其他就交給朋友吃，誰不知我竟然吃了大半碟，估計因為雞皮能鎖住雞肉汁，完全冇漏出來，肉汁喺裏面，配合雞皮嘅香口，雞肉鮮甜嫩滑，兩種口感配合得宜，所以不覺得油膩。…Read More

逛商場逛到攰，見有些許餓又未到晚飯時間，決定搵間日本野點幾味輕食解吓饞。旁邊就係元氣，以價位比較起來丸十都算貴價，心中自然有期待，相信食物質素唔會遜色。$198六片和牛薄燒，包裹著切段韮菜，表面灑上蔥花及炸蒜。韮菜不多、並無爽脆感，和牛片肉味頗淡，勝在入口帶油香，加上香脆又帶略微韌勁嘅蒜片提香，算係拉上補下過關最平價嘅玉子燒反而唔錯。蛋卷軟嫩、蛋汁充分，鰻魚油脂多、滑嫩不腥，整體口感好嫩好滑好飽滿。愛食刺身嘅朋友恐怕會大失所望唔新鮮又帶腥氣，唯獨吞拿魚夠厚身又唔腥；鮮蝦頭大身細，但蝦頭幾多膏。壽司手勢唔錯，握得結實不散，飯粒大小適中不濕不乾，預先加入豉油同醋拌勻，味道足而淡香，不需額外調味灸燒蝦同中拖無咩特別，中間嘅金目鯛軟嫩又有魚香，吞下後口腔仍保留餘韻，算係失望中嘅小驚喜。…Read More

見到日本野永遠都受唔住誘惑會自動幫襯👻事實係呢間野令我有少少失望既 全部野相睇都好靚出黎就另一回事～和牛丼幾香 肉質幾嫩但飯冇乜味 唔太值得一試😢個雞又係好失望 好嚡好乾dry過我個人呀大佬但個玉子燒極驚喜 鰻魚同蛋比例啱啱好 蛋又滑又好食 再返黎都只會係因為呢個😻環境其實有啲逼 枱與枱之間好似痴埋一齊咁 我就快可以同隔離枱一齊食😀夜晚繁忙時間呢間野都有位我就好欣賞既 但佢明明好多人食 可能因為太逼好多位坐～成間野性價比麻麻 呢個價可以食到質素好啲既日本野…Read More

去任何一間食店如果能夠睇住啲食物烹調過程食物嘅質素同感覺都大大提高今次係葵芳一間叫丸十日本食堂排隊人數好多我地選擇坐Bar 檯位反而好快就入到去我地揀咗究極鐵板燒晚餐  $480包括 (蟹肉沙律、前菜、大蜆味噌汁、鵝肝、南非鮑魚、波士頓龍蝦(半隻)、野菜燒、丸十鐵板和牛炒飯、米國牛肉(厚燒)------------------------------蟹肉沙律 + 前菜前菜係螺肉 味道同出面食到都無太大分別蟹肉沙律份量都幾多夾埋啲沙律菜一齊食又新鮮又爽脆好好食------------------------------大蜆味噌汁味噌湯加大蜆亦都好飲又濃郁味噌雖然普通但加咗大蜆風味唔同咗之外更加鮮甜------------------------------鵝肝呢個一定要講超級好食 大啖食好滿足因為鵝肝好大件下面用牛油多士煎香邊鵝肝同牛油多士互相輝映原來咁樣食係好夾------------------------------南非鮑魚鮑魚外觀雖然唔吸引但唔韌入口彈牙味道有少少畀調味料蓋過不過味道都唔錯 有驚喜------------------------------波士頓龍蝦(半隻)半隻份量都多肉嘅比例一個人絕對夠食肉質幾嫩滑，無異味可以大大啖咁食 食肉獸嘅人啱哂口味------------------------------野菜燒雜菜咩都有啲落咗啲牛油味道一般 但新鮮夠健康食完一啖又一啖好快食哂------------------------------丸十鐵板和牛炒飯睇到個炒飯面啲落咗好多料櫻花蝦、蔥花、蛋、和牛碎粒同埋一啲不過呢啲和牛係我唔係太喜歡嘅味嚟只係我個人問題因為落咗唔同配料 炒飯顏色好豐富味道亦都好香 每一啖飯都食到每種配料食到點哂頭 給個讚 ------------------------------米國牛肉(厚燒)佢有得揀厚燒或者簿燒最後我就揀咗厚燒想食下牛肉肉感而且可以揀生少少或熟少少牛肉中間位少少生大約7-8成熟牛肉外表煎得都好均衡和牛肉脂分佈比例都合適------------------------------自家製鰻魚玉子燒 $68外觀好吸引鰻魚都大大件而且玉子稍甜每一啖都食到厚厚嘅蛋鰻魚幾香再加上醬汁超級開胃…Read More

葵芳新都會大裝修之後，多左好多新餐廳！其中一間就係＂丸十日本食堂＂啦～呢日同朋友行過葵廣之後，就決定試一試呢間餐廳！　入到去，店面好闊落，裝潢都幾無印風，令人覺得好舒服，冇焗逼感。除左有卡位外，仲有吧位。不過有得簡，都係想坐卡位多D～落完單之後就已經好快上菜啦！鐵板牛肉壽司漢堡之前已經聽聞過米漢堡，所以今次見到呢間餐廳有，即刻叫左黎食。平時食開既包變左飯，而且仲要用日本精米！煎完之後帶點飯焦，咬落鬆脆～中間夾左我最愛既牛肉，經鐵板燒左一燒，味道都唔同D ～仲有芝士，蕃茄同生菜等，好食都停唔到口！絕對可以再安可！鐵板燒地雞雞肉好有炭燒味，配埋蔥黎食一流！自家製鰻魚玉子燒　蛋仲保持到＂嫩＂同＂滑＂，蛋味好濃。配埋咸咸地既鰻魚，味道變得好豐富。再加少少燒鰻魚既醬汁，食落唔會覺得好乾～久違地食左個好食既玉子燒！！丸十彩虹卷 有生文魚，吞拿魚等魚生配上牛油果，青瓜等蔬果組合而成。味道清爽唔會膩～而且size岩岩好，一啖可以食晒！抹茶雪糕配紅豆、白玉丸子 抹茶味道濃郁，紅豆唔會太甜，但唯一不足之處係白玉有點硬，好似解凍未完成咁。抹茶阿法奇朵 朋友叫左呢杯阿法奇朵，倒左Ｄ熱熱地既抹茶醬之後抹茶味double up！而且雪糕質地好滑，口感好好！大推！整體而言，餐廳環境好又寬敞，上菜速度快，食物味道好，係可以再光顧嫁！…Read More

自家製鰻魚玉子燒新鮮雞蛋透過師傅手工一層一層包覆，將燒鰻魚包覆在嫩煎的蛋捲裡，鰻魚魚肉細緻，油脂豐富，肉身夠厚。層層交錯口感，鮮甜、蛋香、鰻魚香，令人難忘。雪花牛舌牛舌厚切串燒，爽口彈牙，簡單配上海鹽黑椒調味，無得輸。炸軟殼蟹卷軟殼蟹即叫即炸，熱辣辣、脆卜卜、唔油膩。配合切得幼幼的青瓜絲、酸 May May 壽司飯、大大粒三文魚子、脆口蟹子… Perfect Match !丸十究極の卷海膽色澤金黃、表面乾身、顆粒明顯、味濃、肉厚肥大、甘甜、零腥味，好味到心心眼。三文魚子大大粒 + 脆爆。吞拿魚蓉剁得夠幼細、魚油香味豐盈。海の櫻花卷第一次嘗試，脆口櫻花蝦配搭壽司飯包住啖啖肉帶子刺身，口感、味道，相當匹配。澳洲和牛薄燒牛肉油香爆棚。…Read More

我是熱愛美食及旅遊，不受拘束的人馬座。如何將兼故玩樂但又不用花太多金錢呢？我有一套心得！可一邊享受美食，一邊儲Asia Miles。可一邊消費一邊儲里數，務求一分一毫也用得其所。就是挑選與Asia Miles合作的餐廳了，里數增長快超多！於這裡用餐逢星期一滑費$1=1里數，就算其他日子消費$2=1里數，自從知道這個優惠計劃後便回不了頭了。丸十日本食堂裝潢是走日式風格，採用淺色木色調及柔和放射式光線，當晚侍應安排了我和朋友在廂座，空間十足，加上軟軟的皮沙發及私隱度較高的座位真是讓人一整個大放鬆。溫室青瓜伴麵豉醬 $28前菜我和朋友都想來點輕盈的食物先開開胃，這些小青瓜非常清爽，咬下去脆脆的又多汁，很新鮮。麵豉醬味道挺特別，是一粒粒比米還小的豆子，綿綿的，口感不錯而且味道很好吃。溫泉玉子伴燒澳洲和牛爆丼 $148賣相很震撼阿~ 牛肉滿得快要爆出來了！這叫旁邊的玉子怎麼辦阿~ 哈哈店舖貼心的用木盒盛著和牛丼，因這份量真是一不小心就會把飯粒弄跌了，有先見之明阿~ (舉姆指)和牛熟的程度剛剛好，肉質非常嫩，帶燒烤的風味。日本珍珠米飯粒煙煙韌韌的，將玉子拌著飯一起吃，連蛋香及肉汁，質素整個昇華。還有什麼比吃一口滿滿的熱蛋拌飯更滿足呢~緋紅卷 $138明太子那獨特的味道仿佛有種魔力，嚐過第一口後便一直念念不忘。只需要很少一匙，便讓整碟意粉或飯充滿風味。一般我吃明太子都是生吃的，這緋紅卷內的明太子用紫菜卷著炸過，口感較實，本身明太子咸度挺高的所以這幼幼的份量剛好。牛肉抹上了一層烤汁，卷物不需以蘸豉油，就這樣最好吃。卷裡包裹了生菜及青瓜，巧妙地將明太子、牛肉與蔬菜間取得平衡。自家製鰻魚玉子燒 $68一層又一層嫩滑玉子，略帶微甜，加上軟腍鰻魚。食材用心烹調得好，就算材料簡單也真的很美味。雞之盛宴 $98共有5串串燒，分別為：雞肉丸子、雞肉、雞翼、雞皮及軟骨連肉。一個盛盒能品嘗不同部位及口感的雞肉，而且每一串味道都很優質。特別欣賞雞翼，皮脂已完全烤走，剩下薄薄脆脆的雞皮，最厲害的是雞肉內的水份沒有被烤乾，仍然保持嫩滑多汁。配上日本生啤，真是最佳享受！抹茶是自助沖調的，味道很濃郁，大約加1.5匙就差不多了，可因應個人口味再作週整。這餐廳已被我列入喜愛名單了~ 不論服務態度及食物都很高水準，而且最重要是能儲Asia Miles呀~ 嘻嘻…Read More

在旺角非常受歡迎的丸十, 來到葵芳了, 人氣依然很強, 而葵芳店不再專注於壽司, 有更多的小食、串燒、鐵板燒等, 更加符合我喜好。店內裝修以日系淺木為主調, 感覺很年輕, 很舒服。煎餃子$38餃子皮薄薄的, 餡料有肉香, 煎到剛好, 不會太燶, 每隻都幾大隻, 算抵食。田園盒子$98喜歡蔬菜的, 不容錯過這拼盤, 它有茄子、冬菇、青椒仔、蕃茄、甜薯仔, 感覺都是輕輕的燒過, 不會很熱氣, 但相對沒那麼香口, 蕃茄用上橙色的, 又甜又爆汁, 青椒仔亦清新味道, 它被木魚絲蓋過了。自家製鰻魚玉子燒$68玉子燒比想像中的出色, 做得很滑溜, 內裡鰻魚沒太鹹, 味道很配, 但鰻魚有少許細骨。松葉蟹肉壽司漢堡$98似乎也是招牌菜之一, 但米飯漢堡給人感覺比較乾身, 我們也不太喜歡, 內裡的松葉蟹, 鮮味也不突出。波士頓龍蝦$238鐵板燒的波士頓龍蝦, 有整整一隻切半, 算是蠻抵食的, 肉已起了出來切成一件件, 吃得方便, 入口質感很爽, 似是新鮮龍蝦來的, 帶點鹽味, 已經足夠, 旁邊附上龍蝦膏, 鹹香惹味, 蘸龍蝦肉一起吃。…Read More

已經好耐冇踏足葵芳新都會廣場，原來呢度開左間標榜「香港首創」的當店精米餐廳！所謂「精米」，其實就係將米糠從粗硬既玄米表面輾走後打磨而成的白米。至於「當店」的意思就係在餐廳內進行精米的工序，避免白米的水份、香氣和味道隨著和空氣接觸在運輸過程中慢慢流失。當日咁啱係首日開張，所以等位的人好多，未夠七點喺出面等緊既人重多過裏面！鍾意鐵板燒的朋友一定唔可以錯過呢將bar枱呀！呢度的綠茶係自己用綠茶粉自己沖制的，適合晒不同要求的顧客，想要幾淡或者幾濃悉隨專便！自家製鰻魚玉子燒 ($68)︰絕對係不可不點的人氣之選！燒得洽到好處的玉子燒裏面是非常juicy的鰻魚，一大啖咬落去的感覺幸福滿瀉！三文魚牛油果壽司漢堡 ($68)︰非常飽肚，適合擁有驚人胃口的大胃王！一上枱時以為是類似那間連鎖式日本快餐店出品之流，但入口時感覺完全不同。新鮮的三文魚刺身、清新的牛油果同用米飯煎成的米餅配搭一起時感覺非常特別，值得一試。壽司冬甩 ($88)︰這個「冬甩」其實係充滿著innovation既創意卷物。外型可愛精緻不特止，壽司用上色彩繽紛既食材，粉粉嫩嫩既顏色攞黎影相呃like實在最適合不過！雞胸軟骨 ($25)︰非常特別，從來都未食過雞胸連軟骨既串燒。不過，雞胸實在有點鞋口，如果有只係雞軟骨既option會更好。雞肝 ($25)︰燒得幾入味，但口感麻麻地，只係因為雞腎賣晒既2nd choice而已。雪花牛舌 ($25)︰非常juicy，絕對係必食之選！秘製的醬汁讓人胃口大開，加埋檸檬汁落去一齊mix埋的感覺超正！鐵板燒日本南部地雞 ($88)︰燒雞既皮非常香脆，入口時發出的聲響就好似食薯片一樣！雖然如此，由於走地雞是從日本取材，所以肉質嫩滑，即使用上高溫烤製雞皮仍能鎖住肉汁，入口時非常juicy，是整晚最unexpected的驚喜菜式！溫泉玉子伴燒澳洲和牛肉爆丼 ($148)︰非常有特色的爆丼飯。食之前先將溫泉玉子在碗內打散，再淋在和牛肉爆丼上。和牛燒得剛剛洽到好處，juicy得驚人既澳洲和牛配埋玉子的「蛋牛飯」非常惹味開胃，連一向唔多鍾意食飯既我都忍唔住成碗食晒！臨走時喺門口見到的機器，想必係同製作「精米」有關的！總括黎講，呢間餐廳的菜色夠晒創意，睇得出係花過心機去設計，務求在競爭非常激烈的日本餐廳中突圍而出。除左座位夠晒闊落，無論兩小口子、三五知己或一家大細都非常適合之外，餐廳的服務質素亦十分到位，雖然只是剛開張，但店員已經十分了解每道菜色所選用的材料及烹調方法，呢種做生意的心態實在值得鼓勵！…Read More