Project B

太子好多好嘢食，今次嚟試下呢間西餐，非常滿意佢嘅食物質素，真係樣樣都好食👍🏻唔係hea煮，非常值得再嚟👏🏻👏🏻香草忌廉紐西蘭青口($98)份量不錯，有好香嘅迷迭香香草味，忌廉味都好濃郁，青口唔細粒，點埋啲汁食好正👍🏻黑松露燒春雞($138)非常好食嘅燒草雞，必叫👍🏻👍🏻春雞外皮燒得好脆卜卜，冇乜皮下脂肪唔擔心會肥，肉質嫩滑有雞味，有肉汁完全唔乾😋😋黑松露醬係畫龍點睛之處🤤秘製焗豬扒飯($80)飯係用咗蛋漿炒過，有誠意～味道即刻提升👍🏻豬扒係炸過但肉質唔乾，芝士蕃茄醬汁酸甜適中好開胃，再加埋隻太陽蛋一流～啲蛋黃撈埋啲飯度食好好味😋自家製窩夫拼鮮果雪糕/朱古力($78)賣相擺盤好靚🥰窩夫有蛋香，脆得嚟唔會硬到刮到口腔，香蕉上面有薄脆焦糖，夾埋啲雪糕一齊係完美嘅甜品😆…Read More

Project B😋😋😋有質素歐美多國菜深水埗咖啡店、通透門窗、以灰、深木系色襯托的歐陸風格西餐廳、坐位寬敞、門前剛好有半圓行人專用區、好似去咗一趟歐洲、陽光照射、嘆住咖啡、享受人生！Tea Set2:30 PM ~ 6:00 PMSet A: 法國鵝肝手打牛肉漢堡 🍔$128鵝肝微煎香、夾在手打厚身牛肉漢堡、香濃芝士片、蕃茄、酸青瓜、配上黑麥漢堡包、足足有五寸高、鵝肝入口即溶、油脂香味撲鼻、creamy yummy 😋 成寸厚手打牛漢堡、熟度剛剛好、微粉紅、濃濃牛香味、肉嫩汁多夠juicy 、芝士蕃茄酸青瓜、口感豐富、食到舔舔脷！厚切脆薯條、炸至金黃香脆、不油膩、趁熱食😃Free drink : Ice Cappuccino ⋯夏曰炎熱、配杯凍咖啡、休閒寫意。Set G: 自家製窩夫拼鮮果雪糕$88烘烤窩夫分切四件、份量大大份、窩夫厚件、烘至金黃、面層脆口、內裏軟綿綿、配朱古力蛋糕球、香蕉片、車厘子、藍莓、真係美味又滋味！飽肚又滿足😋Free Drink: Cranberry juice、簡單紅莓汁、抗氧化、清新透心涼！炸軟殼蟹南瓜忌廉扁意粉$98軟殼蟹好大隻、賣相吸引眼球、外脆內軟夠Juicy、炸至金黃酥脆、不油膩、配扁意粉、沾上濃濃南瓜忌廉汁、意粉煙煙韌韌有嚼口、口感豐富、味道好夾!配凍檸茶、港式飲料、最佳配搭！Project B深水埗長沙灣道22-24號恆盛大廈地下港鐵太子站E出口、步行約6分鐘…Read More

太子行去深水埗方向，中途見到依間酒吧餐廳。環境幾開揚有落地玻璃，地方闊落樓底高，唔會好應聲，坐得舒服，而美食選擇唔少，價錢經濟。香草忌廉紐西蘭青口 $98紐西蘭青口一盤十多隻，青口大隻肥大肉厚，味道鮮甜嫩滑，青口貝的足絲清得好乾淨，可以大啖放心食。醬汁以白酒煮忌廉味道香濃，好掛汁非常美味。墨西哥焗雞肉卷 $48餅皮煙韌有嚼口，餡料有雞肉、芝士、洋蔥和黑橄欖，加上了酸酸辣辣的莎莎醬、牛油果醬和沙律醬，味道豐富口感有層次，小食好味充滿墨西哥風味，必食推介。蜜糖黑椒雞中翼 $62雞皮炸得微脆，肉質嫩滑有肉汁，氣炸的唔油膩，沾有黑椒蜜糖，惹味香口好食。黑松露帶子天使麵 $108帶子厚肉好大粒，煎香了表面，肉質彈牙鮮甜。天使麵份量好多食完堅飽，有菇、三色椒、洋蔥增加不少口感，加上香濃的黑松露醬撈麵食，都ＯＫ唔會好油。自家製窩夫拼鮮果雪糕 $88香噴噴的熱窩夫充滿蛋香，口感外脆內軟，淋了朱古力醬味道甜美，配上忌廉和海鹽雪糕，甜中帶咸清新口味，冷熱交融啖啖滿足。…Read More

Happy Wednesday收工同咗姐妹去深水埗揾食，見到有間西式cafe & bar叫Project B，除咗有室內座位，仲有部分户外位置，感覺都幾chill！黑松露軟殼蟹手打牛肉漢堡（$108）餡料豐富，即炸軟殼蟹好香脆，牛肉都煎得好好，外面焦香入面半熟，配埋蕃茄、酸瓜、半融芝士同黑松露醬，值得一提嘅係麵包特別用咗黑糖麥包，食落少少甜味，好特別！加拿大豬鞍配蜜糖芥末籽汁（$178）好有誠意！豬鞍好厚肉，煎到軟腍又juicy，蜜糖芥末籽汁幾清新解膩，配菜有經典波浪薯條同烤雜菜。墨西哥焗雞肉卷(2pcs) （$48）個人超推薦呢款雞肉卷，內餡有雞肉、洋蔥、芝士，熱辣辣嘅焗雞卷上面有蕃茄莎莎醬、牛油果醬同沙律醬，味道層次好豐富，送酒一流！自家製窩夫拼鮮果雪糕（$78）現烤熱窩夫加上士多啤梨、藍莓同芒果雪糕，最後淋上朱古力醬，窩夫外香脆內鬆軟，淡淡蛋奶香配上雪糕同忌廉，每一啖都好滿足。另外見到有精選二人餐都幾抵食，三百蚊唔洗，有湯、主菜、意粉/飯同飲品，下次經過可以再黎食！…Read More

星期六最中意訓到自然醒 仲要即興搵朋友去食個Lunch 點知搞下搞下 ， 搞到可以食Lunch 亦可以食Tea 於是我們叫了一個Lunch Set 食主食，叫了一個Tea Set 食甜品😂Lunch Set 叫左西西里烤豬鞍（ $85 ）大大份豬鞍，切落去有肉汁，食落唔鞋，配上酸酸甜甜的西西里醬，勁開胃😍Lunch Set 附上飲品，朋友揀左Cappuccino，好勁既拉花，好可愛的圖案。好香帶少分Nutty的Cappucciono。➰Tea Set ➰自家製窩夫拼鮮果雪糕（$88）香噴噴的蛋香味，配上香濃而不甜的朱古力醬及新鮮香甜的草莓和藍莓、且還有石枝街味道的雪糕。 熱辣辣的窩夫配上凍冰冰的雪糕，正😋再配埋一杯淡淡較為重牛奶的的Mocha Latte，滿足🥰Happy Saturday🥳整體而言，CP值高的休閒餐廳。…Read More