Polaris

上個月同朋友約咗係大埔小店Polaris食晚餐，發現原來新界東有間咁高質嘅小店🥹前幾日趁星期五放工又再次由港島遠征到大埔，為咗美食，來回兩小時係值得！黑松露牛肝菌蘑菇湯 $48————————————黑松露同牛肝菌嘅味道都非常香濃，啖啖蘑菇顆粒感，超足料。店員送上去皮嘅凍蕃茄仔比我哋Refresh吓口腔，酸酸甜甜嘅味道，每粒都非常多汁，非常開胃！炙燒開心果奶蓋綠妍 $48————————————個奶蓋勁出色，薄薄一層炙燒增添咗香口嘅感覺，開心果味好濃郁，同時又唔會太甜，奶蓋勁厚，超柔滑超綿密，配上清新嘅綠妍🍵個配搭好正。農場草莓乳酪明治牛奶 $48————————————好多士多啤梨肉🍓甜甜一杯好易入口，好有少女心💕蘋果木煙燻日本章魚•蒜蓉蛋黃醬 $88————————————墊底嘅墨汁薯蓉超有驚喜，除咗入口超香之外，口感既順滑又超綿密。再配上刁草同埋蒜蓉蛋黃醬，層次更加豐富，再加上小蕃茄解膩，章魚有少許Smokey感，口感彈牙🐙雖然主角係章魚，但其他配料都非常出色，整個配搭都非常有誠意。油甘魚刺身•秘製奶油汁•刁草油 $88————————————油甘魚刺身味道清爽，肉質較厚實🐟配上餐廳自家製嘅秘製Cream sauce同松子仁青醬，加上紅椒粉、刁草、刁草油，既精緻又能帶出刺身嘅鮮味。虎蝦北海道帶子龍蝦汁扁意粉 $138————————————份量好大🍝虎蝦同帶子都煎得好香，龍蝦汁非常濃郁，扁意粉好掛汁。48小時慢煮美國黑毛安格斯牛小排•烤雜菜•紅酒燒汁 $298————————————慢煮可以減少烹煮時嘅水份流失，保留食物嘅原汁原味，牛小排肉質軟腍，同時保持到肉質juicy。餐廳嘅紅酒燒汁用咗大量牛尾骨同蔬菜熬製兩日兩夜，非常用心，紅酒汁配牛肉真係好適合。莓之戀人 $98————————————好似座山咁大嘅甜品⛰️雞蛋仔係即叫即整新鮮出爐！配上Berries🫐仲有雪糕🍦自家製提拉米蘇 +$48————————————惠顧Main course, Pasta等等，就可以優惠價$48享用餐廳自家製Tiramisu，每一口都口感軟滑細膩，好Creamy！…查看更多

4點幾5點想食個early dinner見佢地冇落場就入左去4點幾都仲有lunch set!叫左兩個set一黎先上是日餐湯 - 南瓜湯甜甜地幾好飲，唔係好多忌廉所以唔會好漏份量適中第一個set揀左 - 慢煮加拿大保濕豬鞍•黑醋蜜糖提子汁•烤雜菜豬鞍中間仲有少少粉紅，爽口唔韌個表面煎得幾香，加左啲碎鹽係面係加分既烤蔬菜好食！香得黎仲保留到好多水分！薯蓉都好綿！成碟都配合得好好！值得食！第二個set揀左 - 明太子芝士忌廉大蝦扁意粉好多明太子！醬汁濃稠，掛晒係啲意粉上面！蝦身煎香左，爽口彈牙！好食，不過食得多會漏。餐飲 免費跟熱檸蜜，可加$3轉凍飲，或者半價轉飲手工咖啡或特飲。甜品+$48配自家製提拉米蘇冇讚冇彈，正常發揮…查看更多

大埔的一間cafe小店，舖仔細細，但裝修雅緻，坐落都算舒服，服務員態度幾好，但由於舖頭人頭有限，只有兩位廚師，菜品等級時間非常長，當日6位去食，差不多是一位食完先上第二碟，希望可以改善。《南瓜湯》⭐️⭐️Set lunch跟的南瓜湯，Creamy 冇渣，飲落香滑，但隻碟邊好舊好污糟，扣左少少印象分。《$88 煙三文魚忌廉燴飯》⭐️⭐️⭐️忌廉飯好Creamy 好香，面頭灑上芝士粉，加上三文魚咸咸地提味，簡簡單單已經好好食。《$74 紅菜頭油封4小時雞肉燴飯》⭐️⭐️賣相好特別，成個飯係紅菜頭既紅色，雞肉嫩滑，調味飯咸咸地，相當有趣。《$128 虎蝦北海道帶子龍蝦汁忌廉扁意粉》⭐️⭐️⭐️⭐️虎蝦蝦肉肉質唔粉，厚實彈牙，帶子生熟度適中，扁意粉偏硬，掛汁，龍蝦汁味道唔會過鹹，不錯！《$168 慢烤羊架·薄荷啫喱·烤雜菜》⭐️⭐️⭐️⭐️份量比想像中大一點，有兩件羊架（每件有兩枝骨），相當厚身。食落有少少羶，但咬落唔會靭，配薄荷醬岩岩中和番，更加減輕左油膩感。《$168 慢煮加拿大保濕豬鞍·黑醋蜜糖提子汁·烤雜菜》⭐️⭐️⭐️⭐️⭐️豬鞍煮得岩岩好，好大份，咬落去仲有滿滿肉汁，一點都唔乾，而且肉質爽口嫩滑，油脂感重，但配番黑醋蜜糖提子汁，酸甜清新解油膩，值得一推！《$48 Polaris 水果茶》⭐️⭐️⭐️⭐️特飲跟餐有半價優惠，最後埋單$24水果茶酸甜開胃，飲到淡淡既茶香味。再加入橙士多啤梨藍莓等水果，飲落相當清新。《+$38 自家製提拉米蘇》⭐️⭐️⭐️⭐️食落好creamy ，聞到幾重酒味，配上可可粉，口感食落相當飽滿。…查看更多

近排大埔多左好多cafe比大家chill下😍呢間cafe開左半年都冇架🤫食完覺得都好正要介紹比大家🥰環境都唔錯😌店員都好nice💕一黎到就主動介紹佢地既主打😎💕南瓜湯配麵包🍞 (Lunch跟餐)每日都會有唔同指定既湯☺️今次就係南瓜湯😍飲得出係真材實料☺️好creamy🤤又食到啲南瓜蓉 幾有口感😋好好飲😍好欣賞佢哋就算係餐湯都好用心準備🤓麵包係有烘過🍞配佢預先準備既黑醋橄欖油 好有去高級餐廳既感覺🤣💕虎蝦龍蝦汁扁意粉🦐 店員極力推薦我地食呢個意粉😚咁就緊係試下佢有冇料啦😎另外仲推薦我地食all day breakfast😌諗住下次再同大家試下🤓講返個意粉先🤪超有水準😍果然冇介紹錯！就先個賣相已經好吸引🤤大大隻虎蝦🦐都幾新鮮彈牙😋個龍蝦汁好出色 見到仲有啲洋蔥碎 睇得出佢個龍蝦汁都係用心調配過😚又唔會太咸 啲意粉好掛汁 煮得啱啱好 唔會太淋亦都唔會太硬 建議大家一定要叫黎試下❤️💔脆炸薯條配黑松露醬 🍟Side dish嗰到唔係太多款式可以選擇🥲本身想試西班牙風乾黑毛豬火腿配法國麵包同番茄莎莎 點知話冇曬風乾火腿 咁就諗住嗌炸魷魚圈配自製他他醬 又冇🥲唯有叫個薯條食下啦 有啲失望☹️啲薯條好似超市急凍薯條咁 食落去又唔夠脆 偏淋😭係個黑松露醬挽救左成件事😂下次都係試其他小食💕自家製提拉米蘇 +本身都幾鍾意食Tiramisu 就叫左黎食☺️都唔錯😌唔會太濕 酒味都唔會太重💕丸久龍膽宇治抹茶鮮奶🍵 💕熱情果四季春 勁推薦‼️‼️ Lunch如果叫特飲可以減$16😉抹茶鮮奶都唔錯😋唔會好甜 但相比之下熱情果四季春係好出色😍😍😍上面會見到玫瑰花瓣🌹飲落去都有淡淡玫瑰味🤤亦都係用新鮮既熱情果去沖😚酸酸甜甜好清新🌱…查看更多

不時都會行大埔，但就比較少行太和果邊。今天專登坐多一個站，由太和站行出大街，見有不少小店食肆，就只有這一間有人龍，一於入去試下。叫了兩個午市套餐，很有驚喜，味道好，擺盤靚，小店有酒店高級西餐廳水準。南瓜湯和橄欖油醋麵包南瓜湯很順滑香甜，個人覺得稍為甜咗少少；麵包配橄欖油醋幾特別，麵包就細咗少少。牛肝菌黑松露意大利飯（$88）這是朋友叫的，因我對意大利飯好抗拒。可是我又超喜歡菇菌類，所以取了一匙來試。不得了，好香濃的菇菌和黑松露味道，加上兩種芝士，味道非常好。整碟意大利飯有不少牛肝菌和鮮冬菇片，米粒軟稔中帶點煙韌，口感軟滑。結果我分咗朋友差不多半碟，從此對意大利飯改觀。虎蝦龍蝦汁扁意粉（$88）上碟大大隻虎蝦好吸引，但最好吃的是那個龍蝦汁，龍蝦汁蝦味香濃，還有不少洋蔥粒。扁意粉軟硬適中又掛汁，每一啖都吃到濃濃的龍蝦汁，食完隻碟乾乾淨淨，不會有汁剩下。這個意粉我可以日日食。農埸草莓乳酪明治牛奶（+30）真材實料，杯中有整整一大粒草莓切片，草莓汁加yogurt酸甜清爽。Matcha Latte（+28）優質醇香抹茶加牛奶，入口順滑，香厚濃郁，只有淡淡苦澀味。是日蛋糕（+38）是柚子口味，擺盤非常美，抽子味很香濃，芝士蛋糕口感有少許煙韌，很特別。自家製提拉米蘇（+38）口感軟滑到好似食緊軟雪糕，自家新鮮製作確是不同。小店雖然空間不大，但有酒店級的食物質素和誠意。…查看更多