JKJ POT

許久沒有吃雞煲了！這家雞煲店的雞可以選擇去皮去骨，亦可選擇雞髀肉，真是太貼心了😋😋 一隻雞對兩個人來說份量十分足，肉質香滑，雞煲汁香氣四溢，卻不會太濃味，味道調配得剛剛好。此外，還有可加20元換煲的選項，讓後續的火鍋不會過於油膩。我們還叫了龍蝦湯底，雖然少了些配料，有些失望。但湯的味道同樣香濃，後來加湯繼續吃的火鍋都繼續保有濃郁的龍蝦風味。而火鍋的配料也十分豐富，鮑魚新鮮、洗得很乾淨，牛肉更是鋪滿雪花，牛肉味濃郁但絕不油膩🤤 值得一讚的是響鈴即叫即炸，送來時還是熱脆的，香氣十足，平常不喜歡吃響鈴的我也忍不住吃了不少呢(◍¯∀¯◍)總之，這家雞煲店的菜品份量十足，配料豐富且新鮮，值得一試呢！😋 好味程度：8.5 / 10🫧 環境整潔：8 / 10🕯️ 整體氣氛：8 / 10🏃🏽‍♂️ 性價比率：7.5 / 10🧑🏻‍🍳 服務態度：8.5 / 10…Read More

上年行完街嚟咗依間店食雞煲.一年之後, 仲係好掛住佢嘅味道, 所以放工約咗朋友仔一齊去食. 佢有張tick tick紙俾你揀食咩, 但係你都未必會慢慢揀.因為店員好快就會問你係咪食雞煲, 佢會叫廚房炒定雞先. (放心! 係nice mode咁問嘅.)值得一提嘅係, 如果叫豬皮, 建議講明同D雞一齊炒, 因為D豬皮會入味好多, 好食好多.雞煲單鍋 - 半隻雞 (HK$159)講返個雞煲先.我哋3個人叫咗半隻雞份量就啱啱好喇.佢有得揀大/中/小/唔辣.我哋叫唔辣都覺得D雞肉好惹味, D洋蔥都好好食.成個雞煲都勁香.食完D雞就可以加湯打邊爐.佢都有幾款湯底揀.可能個湯底比較清, 我就唔係好食到個湯底係咩味喇, 淨係食到雞煲味.火鍋 - 清香皮蛋芫茜湯 (+HK$74)有幾樣食材係值得推介嘅:1. 自家製即炸響鈴 (例: HK$59)佢真係即炸㗎.上枱嘅時候仲係熱辣辣嘅.我覺得就咁食都得, 口感超酥化, 食落亦唔會有油淋淋嘅感覺.2. 鬼馬墨魚 (半: HK$35)即係油炸鬼上面有墨魚滑加蟹籽.擺落湯底一分鐘就食得.口感係好豐富.墨魚滑好彈牙, 蟹籽咬落一粒粒咁, 油炸鬼仲係有少少脆口, 而且吸晒湯底嘅味道.3. 手切頂級安格斯 (例: HK$239)唔會太肥又有牛香.飲品方面, 我哋叫咗降壓解脂洛神花茶 (HK$58).佢真係好大支, 而且好冰凍.我覺得依度嘅洛神花茶都幾好飲, 佢比起其他餐廳嘅洛神花茶冇咁酸, 亦都好解渴&好解油膩.係值得推介嘅.整體來講, 依度嘅雞煲火鍋真係好好食.好多雞肉, 而且火鍋材料都好正.連飲品味道都唔錯.店員反應快, 服務亦都好好.所以係值得再嚟嘅!…Read More

雞煲(全隻雞) ($219)點左小辣(之前試過中啦，食到後尾覺得太辣)，配料花椒八角，蔥蒜，芹菜炒得好香，雞煲好濃味，偏甜，雞都好入味，不過亮點係豬皮，完完全全吸晒啲汁，雞煲係可以選擇你鍾意食嘅部位，可以揀淨雞胸，淨雞髀打邊爐點左皮蛋芫西湯 ($39)，雞煲好濃味，所以清淡啲嘅湯底會搭啲自家製即炸響鈴 ($59)店員好好，知道我哋想食響鈴，叫我地要早啲點，因為等得比較耐，剛剛炸起，好酥脆手打香蕉墨魚丸(半份)($55)第一次試，中間有少少香蕉蓉，感覺比較「特別」，貪得意可以試試仲有皇帝菜($49)，萵筍($49)，蓮藕片($49)，鮮淮山($59)，桂花蚌 ($109)，手切極品靚牛皇($231)&牛柳粒($119)打邊爐我最鍾意食係淮山，吸晒啲湯，牛肉同牛肉粒好好味，脂肪分布好均勻，牛肉粒一定要食，桂花蚌都新鮮，都好爽洛神花茶($58) 一啲都唔甜，亦都唔會好酸，食咁濃味嘅雞煲係好好嘅配搭，亦都比較健康…Read More

因為武漢肺炎大家隔咗幾耐冇聚過餐？因為「火鍋家族」大家隔咗幾耐冇打過邊爐？天氣咁凍，最啱就係打邊爐，我哋偏偏就唔敢打不過山林道嘅呢間《尚上下夏 養生雞煲火鍋》防疫工夫做到足，發燒客人唔俾入、提供消毒搓手液、餐具統統用即棄嘅等等等等，防疫意識夠晒高，等客人食得安心💛再加上袁國勇教授其後已經表示認為，病毒係透過飛沫傳播，而唔係因為打邊爐令病毒霧化。大家人少少都不妨去打下邊爐啦🍲《尚上下夏》雞煲惹味，配料新鮮好食，大件夾抵食，防疫又做到足，最重要夠黃🎗️，超級推薦💛雞煲單鍋 雞半隻 ($159)+ 瑤柱群翅雞湯 ($49)呢到嘅雞煲可以揀一隻／半隻，仲可以揀指定部位，唔駛食到自己唔鍾意嘅部位！雞煲湯底亦都可以自選，我哋揀嘅係瑤柱群翅雞湯，其實都比雞煲味掩蓋咗，所以「瑤柱群翅」味道唔係好食得出。自家製即炸響鈴 ($59)打邊爐唔少得響鈴，呢到嘅響鈴即叫即炸，超大舊，上枱時熱辣辣。餐廳建議我哋可以將雞汁淋上去食，呢個新奇嘅食法，估唔到又真係好好味🤩鬼馬墨魚 油炸鬼墨魚滑 ($35/半份)呢個係「餐廳必食」嘅，油炸鬼釀入墨魚滑加上滿滿嘅蟹子😍墨魚滑嗰邊擺落湯底一分鐘就食得，吸盡湯底味道，墨魚滑爽滑彈牙，仲食到油炸鬼脆身嘅口感。清熱滋潤竹蔗茅根 ($58)打邊爐燥熱，竹蔗茅根養陰潤燥清熱氣唔少得💛其他推薦菜式💛：特選黑豚肉 ($109/例)招牌手打四寶丸 ($60/半份)- 墨魚丸、鯪魚丸、蝦丸、豬肉丸健康什菜籃 ($79)醬芥 ($12/人)-Menu:…Read More

是日同朋友慶祝生日,一行6人去到尖沙咀山林道尚上下夏 - 養生雞煲火鍋食晚飯好快安排好入內快快手點野食鴛鴦鍋雞煲全隻足料龍蝦湯+美顏豆腐牛奶湯先食雞煲BB辣都OK香口而不太辣到野飲日本手工黑啤,津路烏龍茶,加多寶,可口可樂,西瓜汁,柑桔蜜溏心皮蛋豆腐都幾好味既即食食物千頁冰豆腐入湯再食吸收日月精華手切極品靚牛皇唔會太肥又有牛香味頂級牛柳粒牛味好濃特選黑豚肉-豚香味十足又唔會太肥海龍王拼盤有珊瑚蚌蟶子皇新鮮鮑魚虎蝦花膠桶帶子皇花甲皇桂花蚌海鮮新鮮好味道生劏白鱔片鱔油香味濃自家製即炸響鈴放湯即食,幾脆健康什菜籃都有幾種可以食,都OK鮮淮山-味道清甜午餐肉打邊爐必食組合鮮蝦雲吞,美味魚皮餃都幾好食鬼馬墨魚-用油炸鬼做個底加墨魚滑及蟹子在上面,都幾特別,食左一次再叫多左一碟蝦膠釀鮮冬菇-蝦膠口感唔錯…Read More

小編就最鍾意食雞煲， 而小編最近新寵就莫過於尖沙咀山林道嘅「尚上下夏」， 雞煲嘅特色之處係可以選擇雞嘅不同部位， 全隻或半隻，雞脾肉或雞胸肉，或兩溝都有！😏 鐘意食嫩滑雞肉嘅食客梗係揀淨雞脾肉啦！ 鐘意啖啖肉嘅就要揀雞胸肉啦！😂 餐廳裝潢以懷舊香港🇭🇰為主題， 簡約嘅裝修，大排檔嘅檯櫈，gas爐嘅火鍋， 就最能體現香港大排檔風味啦！😆 鍾意食嫩滑雞肉嘅小編梗係揀淨雞脾（半隻）（$159）啦， 一睇就知道雞煲有幾足料！ 加入大量洋蔥和芫茜，香氣四溢～ 辣度要左小辣， 但已經夠晒麻，夠晒香， 而且雞煲越食越辣～🌶 雞煲比較乾身， 雞件嫩滑入味，麻辣惹味！😋 豬皮吸晒雞煲嘅醬汁，正！ 食完雞煲之後， 就可以選擇不同湯底打邊爐啦！ 美國🇺🇸桶蠔（$169） 一份有四、五隻「巨型」桶蠔， 每隻都有一隻手掌之大✋🏻～👀 只看貝柱有成粒波子咁大，便知道桶蠔絕對唔惹小😏！ 桶蠔好新鮮，洗得乾淨，沒有多餘嘅腥味， 肉質肥美鮮味，值得一試！😋 自家製即炸響鈴（$59） 一份響鈴有7-8條，份量好慷慨呢！ 而且全部即叫即炸，香脆可口。 皇帝菜（$49）幾新鮮， 唯份量略嫌太少。 …Read More

記得早前經過山林道有間店名比較易記既火鍋店叫"尚上下夏", 所以係網上一SEARCH之下見到唔少好評, 所以我地今晚就去一試。今晚係星期日, 晚飯時段店內全場爆滿, 幸好我地等左陣都好快有位。店內裝修富有港式大排檔風味, 不同之處就是可以在冷氣下打邊爐。醬料方面, 每位HK$12, 可自由混醬黎呢度當然要試下佢地既招牌菜----雞煲【雞煲單鍋】HK$158/半隻雞煲可以揀辣同唔辣, 我地揀左唔辣。半隻雞已被切件, 而且已經煮熟了8成半, 上檯後稍為再焗一下就食得。當中除左有雞件外, 仲有少少豬皮同埋大量配菜。醬汁較杰, 鹹中有點少甜。 不過雞件就未見入味~呢度有一與眾不同既係平時出面食完雞煲, 都會直接加清湯/清水就開始打邊爐, 但呢度既係要另揀湯底。我地就揀左【瑤柱群翅雞湯】HK$48湯底係直接加落食完既雞煲中,不過就未見有瑤柱, 只見一件翅骨, 同埋大量配料【手切頂級安格斯】HK$238 (大)色澤紅潤, 脂肪分佈平均, 帶點牛味【鬼馬墨魚】HK$58香脆油炸鬼上加了墨魚滑同埋大量既蟹子, 呢款亦是吸湯底精華既其中一款。油炸鬼吸左湯底味道, 略有彈牙既墨魚配上粒粒蟹子, 口感豐富。【鮮蝦雲吞】HK$64雲吞比較細粒, 入面既蝦粒好爽口【手打蟹子蝦滑】HK$88全晚我地最喜歡就係呢款蝦滑, 鮮甜彈牙, 當中更有少少既蟹子, 更滿足到口感【蝦膠釀鮮冬菇】HK$75覺得呢度既蝦滑做得不錯, 所以我地再ORDER埋釀鮮冬菇, 冬菇厚度有點爽, 雙重爽口感, 正!【自家製即炸響鈴】HK$58果然係即叫即炸, 響鈴既皮好薄, 就咁食既口感好鬆脆, 不過豆味唔太突出整體黎講, 呢度既質素同樣很有大排檔風味, 加上以傳統既GAS爐做火鍋, 充滿港式味道既火鍋店。…Read More