Chiu Ball (Closed)

今日下午要去尖沙咀會合朋友， 打算先吃午餐。 經過金馬倫道 有間裝修得幾潮嘅粉麵店， 正合心意想吃潮州嘅河粉。雖然係食中式粉麵不過都有型格嘅裝修。每張 點菜紙都可以 重用， 因應個人口味可以揀唔同配料芽菜，冬菜 ，芫茜蔥等等。揀了店家招牌推介《自家牛三鮮》，非常期待！牛爽腩嘅部分， 最為肥美， 肥瘦相間，又夠厚切，肉味濃， 份量足。 牛筋都超大件又入味又夠腍。 第三鮮係牛肚， 估唔到軟韌度剛剛好， 唔會炆到好似酒樓點心咁腍到一咬就爛， 做到保持咬囗。河粉幼細，滑得嚟好爽口。加咗超級推介嘅墨魚丸， 內有墨魚粒， 夠曬真材實料。留意到檯上嘅調味料 齊備而且有特色， 分別有一瓶<黃燈籠椒>和<紅燈籠椒> 做嘅辣醬。 有天然嘅辣椒香味， 冇油份，好西式嘅椒蓉!麵食轉加特飲$10@分別試咗《話梅柚子雪碧》和《咸檸雪碧》用咗支裝嘅雪碧， 雪碧本身已雪凍而且仲有冰杯底， 淨係睇都覺得非常解渴消暑！話梅柚子味道更多一個層次， 個人較喜歡鹹檸雪碧。炸鯪魚球熱辣辣 上枱， 夠香口， 好彈牙，凍咗少少都唔會縮水， 蘸上最夾嘅蜆蚧 最為鮮味！試咗少少《魚三鮮》仲加了 紫菜。 魚角好爽彈， 魚味夠濃。 唯獨個粗麵鹼水味比較重。《豬手麵》 豬手夠腍夠入味。是日油菜亦非常驚喜， 竟然是又甜又嫩嘅菜心！一般茶餐廳嘅油菜都比較老。吃畢枱上食物 都感到非常滿意， 食物由湯底，粉麵， 調味料，用料到飲品設計都用心做絕不馬虎。…Read More

係尖沙咀食唔少西餐廳，今次想食翻啲中式啲既，就揀左呢間食牛雜面既餐廳。由尖沙咀地鐵站B2出口直行，行7-8分鐘就到，裝修、燈光同環境都同普通牛腩面檔好唔同，乾淨整齊而且好新淨，座位寬敞，有高雅兼懷舊feel。揀左招牌主打湯面：自家牛三鮮（牛腩、牛筋、牛肚）生面，有河粉、米粉、粗面、米線同淨食揀，仲有得揀配料，冬菜、蔥花、芜茜同芽菜，鐘意食咩配料就點咩，而且枱面有三種醬汁、豉油麻油，夠哂方便客人配合自己口味。三鮮完全令我有驚喜，夠入味夠腍，冇咬唔爛既情况岀現，面同肉既份量亦足夠一個人食個下午茶，係足料既，生面煮得岩岩好，唔腍唔黏，亦冇鹼水份。油菜、生炸雞翼、生炸雲吞王、滷水豬大腸油菜份量足，唔老唔多渣，附上蠔油，但整體蒜味較重。生炸雞翼好香口，加泰式甜酸醬係個好好既配合。炸雲吞不得不讚，真係落足料，但又唔會太大難放入口，脆卜卜，但就嫌皮太厚，炸岀黎硬左啲。豬大腸係友人嗌既，係足味既豬大腸味，鐘意食豬大腸既朋友可以一試。飲品通常唔係茶記既涷奶茶都唔好飲，呢間既涷奶茶就係茶記既話，十分有驚喜。服務餐廳既待應係兩位後生女，同客人解釋餐單都ok有耐性有禮貌，上菜速度理想。係尖沙咀想食個午餐下午餐，呢間係一間好既選擇，人流唔會多，環境明亮乾淨整齊，價錢唔貴，比起同區野食平。…Read More

位於金馬倫道嘅呢間小店，裡面嘅裝修簡約整齊，比起傳統粉面店坐得更舒服，感覺更高級。幸好還未到晚飯時間，唔會坐得太過擠拥。餐廳叫潮丸，主打係丸類，但睇返餐牌，仲有好多招牌菜，例如牛三鮮，魚三鮮，滷水拼盤，好多唔同款嘅小食。每一枱都有3款辣椒醬，有紅椒，黃椒同傳統辣椒油，試晒3隻後，我比較喜歡黃椒辣中帶甜。牛三鮮有牛腩，牛肚，牛根，但就無牛丸，所以唯有自己加$15特級牛丸王。特級牛丸王質感結實，好彈牙爽口，果然係特級！牛腩炆得好冧好入味，牛肚厚身，咬落去啖啖肉，唔會好靱，牛根又冧又有膠質，果然好鮮。魚三鮮有魚旦，魚片頭，同魚皮餃。魚旦好彈，好鮮甜，魚片頭同魚皮餃亦一樣好味，比平時任食火鍋嘅更新鮮，更甜。滷水拼盤有好多款，有滷蛋，五花肉，豬手，豬大腸，豆腐。豬手大大件，好入味，豬手皮好彈牙，裡面嘅肉炆得好冧。呢個拼盤份量超多，非常抵食。…Read More

潮洲粉麵一樣可以新潮，尖沙咀嘅<潮丸>正正就係呢個諗法，店舖內嘅磚牆木枱凳簡約得黎又帶點時尚，同樣出色仲有佢地嘅粉麵，價錢合理又公道，黎食之前已經聽講佢地牛丸唔錯，分別試咗兩款粉麵同小食👍🏻<自家牛三鮮>濃郁牛湯加上牛腩、牛肚、牛筋另外仲追加必食牛丸，筋腩都炆得夠晒淋同夠入味，牛丸追加有三粒夠爽又有香濃牛肉味👍🏻👍🏻如果唔食牛嘅朋友<潮洲魚三鮮>可能係你另一個選擇，彈牙魚蛋魚片頭同埋香滑嘅魚皮餃，配上鮮甜湯底已經令成碗粉麵好好味，鍾意嘅仲可以加埋芫荽冬菜一齊食！至於小食試咗炸墨丸同炸雲吞王，墨丸普普通通唔算好特別好出色，相反雲吞王即叫即炸，鬆脆外皮包住彈牙鮮蝦肉🦐🦐，點埋甜酸醬一齊食真係唔錯！…Read More

今天去The One看電影前想吃熱騰騰的粉麵，在附近找到一間新開的粉麵店，裝潢很潮，環境整齊，招呼也比舊式粉麵舖好很多，粉麵配料可自由選擇，當然價錢也會貴一點。店舖除了有一般的辣椒油，還有很特別的黃燈籠椒醬和紅燈籠椒醬。生炸雲吞王 雲呑很大粒，炸得很香脆和鬆化，蝦肉也很爽口。崩沙腩撈麵 崩沙腩牛味濃郁而且肉質鬆軟，中間有一塊軟軟的膠質很軟滑煙靱，有些部位入口即溶，麵質爽口沒有鹼水味，還附上清湯，雖然收費$70也值得一試。自家牛三鮮 牛三鮮包括牛腩、牛筋和牛肚，份量很多，全部都燜得很入味，牛筋很腍牛肚很爽口，吃了崩沙腩便覺得這牛腩有點遜色。河粉還可以，湯底加了腩汁很好味。招牌滷水拼盤 豬大腸很入味而且一點也不油膩；我比較喜歡腍身的豬手，所以嫌它硬身了一點；滷肉比較肥了一點，豆腐和滷蛋普普通通，其實樣樣也滷得很入味。這個併盤份量真的很多，所以我們也吃不掉。話梅柚子蘇打 凡惠顧任何一款粉麵，便可以以$15飲用原價$22的特飲。柚子不太濃味，而且只有一粒話梅，所以我嫌不夠話梅味。可樂 凡惠顧任何一款粉麵，便可以以$10飲用原價$16的普通飲品…Read More

很有誠意的店。來了兩次，試了秘制豬三鮮米線和自家牛三鮮河粉。扎肉非常好吃，很有咬口。牛三鮮的牛腩酥爛入味，一點不差於以吃牛腩馳名的食店，醬料選擇也多，唯一要批評的是兩次的飲料。第一次點的檸檬茶，檸檬帶點苦澀，茶用茶粉開，味道不太好，這次的檸檬水的檸檬也帶苦澀味。食物價格合理，不收服務費，下午茶很划算，正常size的量但連飲料只需要48。老闆人很好，關注食客需要。但估計老闆要求也很高，細節做得很好，送食物到客人面前都用跟店面設計很夾的小托盤，靠近廚房放置餐具的地方也非常整齊。店內裝修簡潔清新，很喜歡吊燈的燈罩。唯大部分座位沒有靠背，所以不適宜飯後慢慢聊天。…Read More

愛湯粉麵的我一見到這店新開又去咗試了，尖沙咀港鐵一出行一陣就到好便利餐廳環境簡潔，一入門口有數張小檯後，行入少少就一張木系長檯，好鍾意呢種感覺，旁邊牆身也有單人一排長檯食物我點了杯凍檸茶$16，茶味剛好無苦澀味自家牛三鮮 $55入面有牛爽腩，牛筋，牛肚，我仲加$15要咗升級牛丸王牛爽腩爽口有嚼勁，而牛筋好嫩腍有少少漿口感最愛牛肚軟腍適中夠哂入味，河粉都係我喜歡嘅滑溜感另加嘅牛丸真係有別平常食開果啲，爽彈夠牛味生炸鯪魚球$30呢個不得了，雖然要$10粒，但真係好足料魚味夠之餘仲好香口，點少少蜆介已經好好食…Read More