Chau's Dim Sum

五個人3點幾黎食點心，帶左三個老人家一齊黎試下！整體黎講，啲點心全部都熱辣辣，即叫即蒸，老人家表示滿意。但係咩都要趁熱食，食得有啲急。周師傅蝦餃$17因為得返一籠，只有兩粒。本人無食，屋企人試下。佢哋認為唔太好食！一夾就散，皮太厚，蝦細細粒，介乎鮮蝦同蝦乾中間！脆皮馬拉糕$24佢有傳統嗰款同脆皮哩款，我哋想試下新質地，所以揀左脆皮！脆皮哩款偏乾身，如果想食鬆軟嘅蛋糕，揀傳統應該會比較好！迷你蝦春卷$25真心太迷你，食唔到入面嘅餡係咩，只知咸咸哋！金銀蒜蒸排骨$25哩碟好食！上枱時，感覺新鮮熱辣之餘，排骨彈牙，易離骨！下面仲鋪左芋頭，又入味，又夠粉！XO醬炒蘿蔔糕$37小心俾上面嗰片辣椒呃左，其實唔辣㗎。聞落好香，但食落無咩XO醬味。就咁食件糕係有蘿蔔香，點埋後加嘅辣醬比較好食。乾脆叉燒包$24一上枱姨姨就話「哩個要襯熱食！」我哋都唔敢怠慢，快快手清左佢。個包比較實同厚身，老人家話應該係粉太厚，所以口感普通，包幾「痴」牙。Hae 包$26即係流心奶黃包，都係一籠兩粒。一打開，有滿滿嘅餡。奶味重，鍾意食奶會喜歡嘅！蟹子燒賣$16蟹子就係燒賣上面嘅分量咁多，哩款燒賣係豬肉餡。肉質彈牙，無岀面嘅燒賣咁油，味道ok！蟲草花蒸雞飯（套餐）$45上枱時，大家都有細細聲咁讚歎！佢唔係盅頭飯，係籠仔上，飯下面仲鋪左荷葉！飯嘅分量都幾多，五個人，每人都食到一小碗，仲可以有剩。套餐可以加一份點心，仲要免茶芥。我哋食嘅時候，已經見左四位男仕自己黎食哩個餐。點心我哋揀左菜心全走！迷李雲呑雞$23個湯有兩粒雲呑，兩片雞，加少少菜。湯清甜，雞夠滑但又唔係「林」到唔使咬，雲呑係豬肉餡。粒粒奶凍咖啡糕$16有少驚喜！咖啡味好岀色，屋企人話似齋啡，加埋少甜奶凍，剛剛好。連唔食奶嘅屋企人都係咁叉咖啡部分黎食。結：選擇唔多，但勝在新鮮岀爐。屋企人話可以再黎試其他嘢！…Read More

喺深水埗周圍行，總會發現又好食又經濟嘅美食，依間點心店細細間，午餐時間坐滿不同食客，伯伯，阿姐，學生仔，西裝友，各式其式。店名周師傅點心，我坐近門口，無緣見他一面。原本以為係傳統點心店，點知一睇餐牌，佢有各種特色食品，價格相宜，激起我鐘意食新嘢嘅機因。即刻點咗脆皮馬拉糕,焗烤後表皮香脆嘅馬拉糕，非常香蛋味，鬆軟內層雙重享受粒粒奶凍咖啡糕，師傅將咖啡凍上的花奶做成粒粒狀，一次可以食到兩種口感同味道同非油炸脆脆嘏多士——非常香芝麻味，未上到枱已經聞到，香脆可口牛肉球係完件牛肉，冇加好多粉，好鮮味…Read More

除左上酒樓食點心，現時香港都開了很多新式點心店，形狀和味道都十分創新，但係今日試哩間點心店就有少少不同。餐牌的款式不算十分多選擇，而點心款式的都是大路的款式，但係最特別的地方在於他會將一啲傳統的點心作小小改變，但係出來的效果就幾有睇頭。脆皮馬拉糕傳統的馬拉糕是比較油膩和鬆軟，這個特別在於他的外皮是脆脆的，而質地就像牛油蛋糕，甜度適中出爐熱辣辣食就是美味之極。蝦多士真的是蝦多士，傳統上的是炸的，但這個應該使用烘烤的方法去做，蝦是切碎然後再加一些材料混合而成，和方包一齊烤，上碟是香噴噴這個做法就會比我們傳統吃的烤多士高出一籌了。流心奶黃包造型很可愛奶黃流心效果很強，味道就較甜，作為一個熱甜點來吃也算是不錯的。咖啡奶凍糕咖啡味足，奶味做得不錯混合了的味道可以當作一個好好味的Latte 啫喱食。另外他的蝦餃燒賣亦是有誠意之作最主要是食得出肯定是自家製造，不是現成的行貨。價錢來說不算很貴，可以說是大眾化價錢。…Read More

周師傅點心座落於深水埗北河街這個不顯眼嘅地方，從個餐廳名就以為佢係一間好傳統嘅老式點心店，入到去先發覺並唔係呢回事。鋪面不大，但坐滿了人，有老人家也有後生的。點心有傳統嘅，亦有創意新派點心。傳統嘅杞子桂花糕好香桂花味，好滑呢個打破傳統嘅粒粒奶凍咖啡糕，咖啡味好香，夾雜著粒粒奶凍，多重嘅口感，感覺新奇又好味。脆皮馬拉糕外脆內軟，佢保持到傳統馬拉糕嘅鬆軟同蛋香，但脆脆嘅外皮令口感有更豐富嘅層次一般嘅蝦多士都炸得油立立，但周師傅呢個寫明係非油炸蝦多士，所以好乾爽，芝麻味好香，蝦膠好彈牙。XO醬炒蘿白糕，蘿白糕大大粒，XO醬好惹味，又唔會太辣， 配菜有好爽口芽菜同西芹，夾埋一齊食好好味。最後叫多個傳統金銀蒜蒸排骨，蒜蓉味好香，排骨蒸得啱啱好，好彈牙，肥膏又唔會太多，掂呀！唔飲茶嘅其實都可以揀汔水，奶茶檸茶之類，啱晒我地呢d怕飲熱嘢嘅人。…Read More

今日放工去咗深水埗，之前返工是這附近，難得回來，原來都好多地方改變了不少，開咗好多食野的餐廳今日就黎到這間新穎點心餐廳，唔算好大，但可以讓客人坐得舒適，有電視又可以坐耐點傾下食下。服務都唔錯，老闆會同客人傾談下，又會問下客人對食物的意見！食物選擇有新穎的點心及傳統點心，又有飯腸粉等等！好多野都好吸引， 好想試！脆皮馬拉糕香脆外脆內軟，熱辣辣又香噴噴；好鬆軟又香蛋味！正喔推介必試之選蝦多士好香脆、好多粒粒黑白芝麻，唔油膩；蝦好彈牙又爽口，配上甜酸醬汁好夾好好食XO醬蘿蔔糕大大碟，熱辣辣！好香脆可口，4邊都煎得好靚；配菜有芽菜、爽脆西芹，點上辣汁更野味好食！老闆會問食唔食得辣而調節辣度迷你雲吞雞材料豐富，雲吞好多餡，有：冬菇、豬肉，雲吞皮又薄又滑，口感一流；雞肉好滑好有口感；菜芯好軟好翠綠；湯也不會咸，剛剛好籠仔咸魚肉餅飯飯同肉餅分開上，所以汁不會令飯太濕；咸魚好香、好濃味；豬肉餅軟淋有好香蒜蓉味，配飯就一流啦下次想試埋其他點心，好特別（如：咖啡糕、Hea 飽等等）…Read More

爸爸喜歡一到假日就戴我地去茶樓飲茶食點心，食黎食過都係果2間🙈我食到有點悶悶😂 發現左深水埗有間食點心既餐廳，就戴爸爸去“周師傅點心”食下有創意既點心😆位置係北河街，深水埗地鐵站ᴀ2出口，一出就見到“周師傅點心”既招牌，好方便呀👏🏼等左太約5分鐘左右就入得係門口等既時候有個叔叔同爸爸傾起計上來😂介紹我們一定要食脆皮馬拉糕、蝦多士Menu 有中英對照，而且仲有圖片！方便長者、遊客..了解食物既樣子，很貼心呀💕茶錢$5/1位脆皮馬拉糕 $23講明係脆皮馬拉糕當然同平時食果啲軟棉棉既感覺唔同啦😝新鮮熱辣辣，即叫即爐咁...外層好香脆，表面同果底都脆卜卜，入面就好鬆軟軟棉棉的！乾脆叉燒包$22為食小胖子對叉燒包既好感不大，但爸爸好想叫既關係，作為乖乖既我當然要叫同食啦😂✨侍應姨姨仲溫馨提示我地：要快d食，因為唔趁熱食之後會乾身。叉燒包外層焗到金黃色，而且有小小爆口看到入面的叉燒🤤咬落去係脆脆的，外層唔知係唔係搽左啲蜜糖，甜甜的❗️入面就好鬆軟，啲叉燒唔會好乾身好好食呀！令我對叉燒包改觀左，有小小愛上了❤️Hea包 (流心奶黃包)$23我最期待既蛋黃哥ʜᴇᴀ包黎啦.......督一督先👉🏼入面既奶黃即刻流出黎😍真正做到流心的效果ʟɪᴋᴇ ᴀʀ 👍🏼 奶黃的味道有鹹蛋味，奶黃戴點咸咸的味道 好香濃😚北茹棉花雞 $32冬茹味很濃，雞肉好嫩滑，魚肚既份量有好多！籠仔鳳爪排骨飯 $26荷葉翻鋪底，飯軟硬適中吃到荷葉的味道。粒粒奶凍咖啡糕 $16喜歡飲咖啡的朋友必試呀❗️❗️超級特濃既咖啡味，並加了奶凍粒🥛。令濃郁的咖啡味☕，咬上奶凍時把2者溶合為一體，令到整體的味道不會太過苦澀🤟🏼🐷為食小胖子後記📝:在深水埗這個舊區裏尋找小店不會是一件難事，但這間“周師傅點心”確實給了我驚喜💗保留了傳統特色的點心，再配合了我們年輕人喜歡的創意點心。適合一家大細、任何年齡的人也很適合，夠曬有心意💕！…Read More

師傅用心製作嘅點心，用街坊價賣俾人食！超級值得推介👍🏼流心奶黃包外貎超級可愛，hea到爆的蛋黃哥樣，咬起來真不好意思。蒜蓉開邊蝦蒸飯一上來就湧泉香噴噴蒜蓉，蝦肉都係新鮮既，所以拌飯都會好正🤩兩個人分享啱啱好蝦餃脆皮馬拉糕🤯真係正到爆炸，我本身已經好鍾意食馬拉糕。師傅將外邊嘅皮全部烤至香脆，有一陣一陣嘅烤培味道！到嘅時候記得叫一個！桂花糕咖啡糕☕️其中一個我最鍾意食嘅甜品，入邊嘅咖啡凍香濃味道、另外有奶凍方塊，兩樣伴隨着食。…Read More

想想已經好一段時間沒有吃中式點心，今晚和女友到深水埗，地鐵一出就見到這間周師傅點心，天氣太熱不想四處走，於是入去試一試。各式傳統點心、蒸飯都有，最特別是有不少創意點心，是真材實料的從做法上創新，並非街外「得個樣」的所謂創意點心。乾脆叉燒包叉燒包外觀爆口僅微微露餡，賣相十分對辦，叉燒包焗得香脆，外層微甜，內裡仍鬆軟，餡料汁豐味美，叉燒香濃可口。Hea包其實是流心奶黃包，外表有趣，包皮蒸熟後軟滑剛好有嚼勁，而奶黃蛋黃味香濃，非一般工場式點心可比較。醬王蒸鳳爪鳳爪炆得軟腍入味，醬香濃郁，盡吸醬汁的精華。XO醬炒蘿蔔糕蘿蔔糕事前先裹上粉炸得酥脆，再以XO醬爆炒，香氣誘人，辣而不嗆，十分惹味。迷你雲吞雞少見的點心，兩粒雲吞餡料紮實，雞肉嫩滑，湯底鮮甜清爽，可以中和一下其他濃味的點心。蟲草花蒸雞飯份量大得有點驚人，足足有一整個蒸蘢的大小，米飯蒸得粒粒分明，配以滑雞、蟲草花和木耳，加入少許豉油，令人一口又一口。脆皮馬拉糕最後以另一款創意點心作結，馬拉糕外層香脆，帶有微微的焦香甜味，內裡鬆軟棉密，十分有驚喜。…Read More

有段時間經常跟妹妹到深水埗買布料及走訪不同布行，對深水埗都頗為熟悉。一段時間沒有再去，知道會再訪時，特意於前一晚搜尋一下會否有特色餐廳新開張可以一試。見網上不少人說這間周師傅點心不錯，好像是剛轉手了，主打特色點心，決定一於去試一試。地點十分易找，但滿懷期望的去，一進店就被店員黑面。一人打理樓面，明白會忙碌，但店員的態度也未免太過沒有禮貌。說話沒有尾音，而且說話語氣好像不想提供服務。是剛被食客惹怒？真的不知道前因後果，但第一個感覺實在令人失望😞到後期店員的態度有所改善，主動提及某些點心要盡快食用。可能真是受了氣，當時十分氣憤吧！牆上貼滿餐廳推介的菜式，部分在平日的點心店難以找到。位於深水埗區，價錢也就不會很貴，可以放心在餐紙上點上想吃的食物。這夜點了數樣點心，茗茶每人$5，有普洱，鐵觀音及香片可選，價錢實惠。乾脆叉燒包（$22）草根佶計廚師👨🏻‍🍳將叉燒放於焗爐中焗過，造成外面乾身脆囗的質感，外皮金黃色，中間不會太乾，叉燒餡料味道不錯，算是有點新意的點心。脆皮馬拉糕（$23）同樣把馬拉糕🥧給焗過，造成外脆內軟的口感，感覺比平日的馬拉糕實淨，不及平日的鬆軟，不過這正是做法上不同的結果，有點像蛋糕仔的口感，味道上不會太甜，一客分到6件，十分抵食。感覺不會是很驚喜，但新意取勝。Hea包（$23）Hea包其實係流心奶黃包，上面印有可愛的蛋黃哥圖案❤️。一撕開包身，奶黃馬上流出來，流心程度令人滿意😍，不過味道是偏甜的奶黃餡，如果換上鹹蛋味的奶黃餡相信會更好吃。粒粒奶凍咖啡糕（$16）凍咖啡糕一客3件，咖啡糕中加入奶凍粒🥛，一方面有濃郁咖啡味☕，加上奶凍部分令味道不會過於苦澀，味道不錯👍🏻。XO醬炒蘿蔔糕（$34）另外，草根姐妹👭點了一個屬於酒樓經典小炒系列的「XO醬炒蘿蔔糕」，帶辣的XO醬🔥味道夠惹味，令人特別開胃。份量上不少，但口感上稍為削了點，令人有少失望🙍🏻。另外如果蘿蔔糕內可加上更多臘味做配料，味道應該會更豐富。平均大概50-70一個人，價錢十分抵食！加上點心方面有特色，味道還算不錯👍🏻。就是愛到深水埗這些舊區尋覓一下這些特色小店，價錢不貴又有驚喜，這間也是值得一試呀！…Read More

同朋友買完相機配件，唔想食飯咁飽滯就跟佢一齊掃下街。發現左呢間新潮嘅點心店。就同朋友入去嘆返個一盅兩件下午茶。鐵觀音茶：估唔到呢度係一盅盅茶咁送上，可以無限ＲＥＦＩＬ。第一轉茶味唔出，等飲到第二三轉就啱啱好了。HEA包： 以梳乎蛋造型而製嘅流心奶皇包，流心程度雖然唔算太勁爆，但都ＯＫ有黃油，蒸包都夠軟熟加上奶皇餡甜中帶咸蛋香，味道幾好。XO醬炒蘿蔔糕：蘿蔔糕做成啱啱好一口大小，有口感之餘唔會咁容易吸油，所以食落夠乾身。配上ＸＯ醬嘅咸辣味道再加啲豆芽菜嘅爽脆，作功將一道早點食物變成一道小菜。辣椒醬炒腸粉：腸粉好煙韌，味道偏辣左少少同有啲咸。上枱時以為佢係韓式炒年糕，但食落係港式風味，都係適合加返少少海鮮醬同麻醬做返腸粉個味道最好。焗馬拉糕：顏色上比平時見開嘅為淺，味道都差唔多但蛋香味更濃。因為係焗製而成，表面多左層焦脆口感。輕盈質感如果閉眼食，會覺得佢似雞蛋糕多過馬拉糕。粒粒咖啡奶凍：幾鐘意呢個奶凍，一黎咖啡味夠濃香二黎質感較硬身，用筷子夾住黎食都無問題。加上黑白造型夠刹食，睇得又食得。籠仔蒜茸蒸開邊蝦飯：蒜香味好正，尤其係鐘意佢預先調好左個飯，唔加醬油已經好夠蒜香及荷葉香味。加上飯粒煙韌混雜鮮蝦嘅鮮甜味真係幾好食。點心黎講真係唔錯而且夠有創意，將舊款重新改頭換面，為食客帶黎新鮮感。加上呢度環境其實好靜，雖然出面就係鴨療街但顧客一入到黎就自動將音量收細，慢慢享受到嘆返一盅兩件嘅寫意。…Read More

去開鴨寮街買野，順便係附近搵埋野食行行下見到間掛住大大招牌既點心店，見環境同價錢都ok就入去lu。餐廳唔算大，平日七點鐘入座唔太多人，唔洗等位喔，座位都舒服既可能係深水埗地區既關係，餐牌價錢好經濟呀可以盡情"豪"食丫餐牌點心種類可媲美酒樓，煎炒炸焗，甜品，全部有齊！！仲有比傳統特別既點心，例如脆皮馬拉糕同乾脆叉燒包 個人鍾意食脆嘢，所以對啲脆嘅包都好有興趣另外有套餐選擇，一飯一點心包茶介 $45，都幾抵食點心黎喇，第一款係脆皮馬拉糕...賣相圓碌碌，幾吸引個皮脆卜卜好正丫！！食完之後，鍾意脆皮馬拉糕多過傳統既馬拉糕丫，外脆內軟口感豐富好多脆脆蝦多士標榜非油炸上碟的確完全冇油呀，多士脆卜卜，鮮蝦爽口彈牙，外層灑滿黑白芝麻，完全冇油膩感，perfect 迷你雲吞雞上枱熱辣辣，雖然係迷你版，但好足料湯都好清甜籠仔鳳爪排骨飯飽肚之選！鳳爪夠入味，排骨既肉同脂肪比例均勻，唔會好肥。飯既軟硬度適中炸雲吞$16/3件 好抵食！大大件，又夠脆口，蝦肉大大粒最後 食埋個甜品，粒粒奶凍咖啡糕甜品夠曬凍，唔會太稀或者太實。咖啡味夠濃，加埋奶凍一齊食味道好夾呢道最抵讚係全部點心都即叫即整，上枱熱辣辣。唔單止呀，茶都係非常滾熱辣！好岩鍾意食野熱辣辣既朋友…Read More

深水埗朋友推介wor, 咁就試吓啦! 第一次來到周師傅, 食物不但不錯, 也甚有特色! 同朋友仔點了七樣食物, 當中六樣咸食一樣甜點。咸食有皮薄多肉既蝦餃, 少肥肉極彈牙重菇味既燒賣, 超過香超新鮮既紅酒牛肉球 (完全不用加喼汁都好好味) 還有其稱為HEA 包既流沙奶皇包, 味道好吃, 如果包質再軼身點就更好了! 雞扎也不錯, 雞件算滑, 冬菇鮮嫩! 最想欣賞同大讚既係脆皮馬拉糕, 皮真的很香脆, 但糕身軟棉, 味道很香甜可口! 最後是咖啡糕, 繼馬拉糕後, 必食之選! 它極濃咖啡味, 軟滑彈牙, 啖啖咖啡香放入口, 又溶在口, 正到震! 全店不用加一, 又唔會迫人飲茶, 完全是值得一試既! …Read More