皇仁書院舊生會﹝中菜部﹞

🥰 “皇仁書院舊生會” 算係 “預約困難店” 嘅佼佼者, 今時今日都要等六個月, 仲要只接受 “皇仁” 校友預訂, “算了吧, 如無意外”.🥢 天有不測之風雲, 人有霎時之禍福, 今日掹老友 “肥強” 衫尾 參加江湖大佬飯局. 室內格局就係老牌中式飯店或者會所, 少少似 “香港大學同學會” 或者 “昌哥”. 我事前唔知道食乜, 張菜單嘅 “書法” 原來都係呢度嘅招牌.🦪 糖桂花餞桶蠔. 桶蠔啱啱熟, 桂花味道頗有新鮮感. 🤗 原盅花膠響螺爵士湯. 味道濃郁鮮甜, 材料非常豐富, 充滿驚喜, 當服務員收走湯渣嘅時候, 大家都好唔捨得. 我覺得係全晚最好食嘅菜式.🐟 大海斑雲耳蒸斑球. 陳皮味道出色, 但我食咗兩件都唔夠滑.🦐 白胡椒焗中蝦. 用白胡椒粒炒, 惹味而不膩, 創意十足.🐂 鮮茄紅酒燴牛尾. 炆得好腍, 底汁非常平衡. 另外蒜蓉包都係大受歡迎.🐟 大海斑蔥油炒斑腩. 香噴噴.🦀 荷葉肉餅拼膏蟹. 賣相十個讚, 蟹算係大隻多膏有肉, 可惜肉餅唔係好吸到蟹味.🐢 脆皮炸子雞. 普通, 非常普通.🍄 雜菌干燒伊麵. 飽了.🫘 腰果露湯圓. 我鍾意呢個腰果香味, 如果甜多少少就更好.🍉 西瓜. 話梅粉塞咗, 可惜.🤗 總結: 大廚烹功超水準, 菜式甚具創意, 有緣再戰!…Read More

朋友每年都會拉大隊過來吃老派舊菜。這裡會員制，所以每次筆者都是拉衫尾湊熱鬧。:):):)由於老派食店不會收得太夜，故此建議盡早入座，以免造成上菜太急趕之感覺。塲內間隔有獨立包房，方便會員晚飯暢談。砂礓炆豬手~一端上檯面，香濃沙礓味道飄揚，入味開胃菜，大家三兩個戰步，一掃而空。發財金多扣沙井𧐢豉~一眼看這道菜就想起過年，大大隻花菇炆得入味，𧐢豉甘香又夠大隻，咬落相當 Juicy, 配上髪菜，喜氣洋洋。火曈雞包翅~先來一大碟翅放在面前，大家雙眼已在發光。之後再在燉盅盛起那老雞、爪子、金華火腿等⋯⋯店員才一一分在碗上，看得出㕑師烹調用心，選料上盛，每碗都分得滿滿，分量足夠每人再添加。每次我們吃完這雞包翅已飽了一半以上。雞蛋焗魚腸~看著這個大大的砵頭端上檯面時，已很吸引，很喜歡在這些老派店吃這道菜。魚腸甘香肥美。雖然坊間一直都說魚腸無益，但每每遇上此情此景，唔理後果，食咗先講！雲耳腿茸蒸班球~蒸得剛剛好，入口嫩滑。蟹粉蝦球扒菜苖~天使魔鬼的化身，邪惡的蟹粉，配上大蝦球和菜芯，絕對可以多吃一口。魚肚蝦干豆苖~來到這個時候，清清淡淡，去除飽滯的感覺，重新再接再厲去迎接下一道菜。脆皮炸子雞~雞皮炸得香脆可口，肉質鮮味嫩滑。另外還有:生炒糯米飯~現在已很少店舖真的是生炒，但這裡是，而且還相當美味。蝦子干燒伊麵~滿滿的蝦子舖滿整碟伊麵，伊麵做得很乾身，奈何蝦子唔夠香。甜品:冰糖燉木瓜~甜度適中，秋冬滋味無窮，䁔在心頭。由於大家飲到不亦樂乎，越吃越起勁，尾聲那三道菜，很快也吃清光，才想起沒有被相機食先。當晚老友遠道從加國回來飯局，帶上這支 Royal Crown ，此乃來頭有氣派，蘇格蘭威士忌就試得多了，這次加國老威帶給大家意外驚喜，蜜糖香氣甜美，酒體圓潤，餘韻悠長⋯⋯就是為此，大家邊講邊飲邊吃，尾聲三道菜，沒有任何一個人記起要為菜色拍照，望能見諒。老實說，這些老店真是一年一度吃一次夠了，否則膽固醇嚴重超標，老派菜, 手功精巧鑊氣夠，在這裡, 筆者不下吃過三五七次以上，但每次都會有驚喜，多謝老友久不久帶我過來熱鬧一下。…Read More

一直都聽到話皇仁舊生會嘅中菜好好食，今次因為朋友係舊生嘅關係，終於可以一嘗所願啦！上菜之前有啲小食，分別有炸魚皮同炸腰果，對我來講，炸魚皮我都算食得幾腌尖。呢度完全唔會過分調味，魚皮同埋腰果都冇油益味，魚皮夠薄夠脆真係好味道！平時出去食小菜，有時都會食下炒鴨菘，今次呢就係食炒鴿菘，用新鮮爽脆嘅生菜包住，除咗鴿菘之外，仲有一啲臘腸啊西芹啊等等，食落去口感非常唔錯！我係一個唔鍾意食熟蠔嘅人，但係呢一個蜜餞金蠔真係令我欲罷不能⋯⋯隻蠔完全冇腥味，外層炸得酥脆，加埋個桂花糖掛上去啱啱好，唔會話好甜好膩咁。識得我嘅人都知道我係無湯不歡。之前朋友問我，例如呢度食飯想飲乜嘢湯，我以話不說就話要杏汁豬肺！去過好多唔同嘅地方飲呢一個湯，都好失望，就知道呢個湯係一個手工湯，唔容易可以煲得好味！呢度呢個湯我飲咗三碗，年金唔鍾意飲杏汁嘅大少都忍唔住清晒！可想而知呢個湯係幾咁好味吖冬天係食蟹嘅季節，呢一個蟹粉扒豆苗，底層仲有啲豆腐喺度，撈埋嚟食真係絕配！接着嚟嘅就係斑球兩味。前者用上杞子紅棗雲耳陳皮嚟蒸，想像唔到佢啲配菜都咁好味，啲杞子同埋紅棗非常甜，雲耳又吸哂啲魚汁。而且啲魚蒸得剛剛好， 唔會過火！後者就係用美極嚟封煎，走一走油，再加美極嚟封煎！夠乾身，又夠味，食落下時仲有炒炒脆呢個椒鹽陳皮蝦，又係炸得非常香口，絕對唔會有過多嘅油仲留係隻蝦度！呢個脆皮炸子雞喺呢一度叫做鎮店之寶相信都唔會話誇張！睇下個皮啲色幾靚！咬落去一滴滴嘅汁流出嚟，超級juicy ！潮式炒飯都係呢度嘅拿手菜，炒飯煮得好一啲都唔容易，要乾身得來又要有少少油掛喺面先至好食！佢完全拿捏得好好！每一啖炒飯咬落去都有啲蔥呀蛋呀炸蝦米呀咁，口感豐富一行12人，其實食到中間都已經飽飽地，因為真係好足料份量好夠。但係，見到呢個滑捋捋嘅腰果露，真係忍唔住要清哂佢呀！又香又濃又滑，好味道！絕對係呢餐完美嘅句號啊…Read More

皇仁舊生會等左幾年先食到一啲都無誇大，首先要符合以下條件:1.首先你要約齊11個朋友因為中菜部係不接幾位的散客，只接受一圍圍的訂檯。2.其次要認識就讀該校的舊生才可以幫忙訂位。3.更重要有耐性等待，因為訂位一般要最少三個月前呢， 因為每晚招待的食客不多。 但是可以好肯定告訴大家等待是值得的。是晚預訂了$5198 金玉滿堂宴（12人套餐）翡翠鴿片鴛鴦蚌仁第一道菜已經色彩繽紛，青黃椒，花枝，貴妃蚌等的組合，單看顏色已胃口大開，伴碟嘅橙同青瓜一點也不馬虎，大顯廚師刀功，切得厚薄均一，擺放得整整齊齊。花枝炒嘅時間拿捏得非常好，非常爽口。炒鴿片頗嫩滑，沒有想像中肉質粗糙，實在意料之外，味道不錯。當中放在底部的微辣爽脆子薑，令這道菜的味道更豐富。糖桂花美國桶蠔這道菜令我立即想起流浮山的蜜餞蠔，是晚的桶蠔比流浮山的多了一份桂花獨有的香味，各有風味。12隻桶蠔每隻均十分飽滿肥美，份量不少，整齊地排列在碟上。桶蠔先經油炸，外皮鬆脆，然後再配上清香桂花蜜，這個配搭令人不自覺地想多吃一點。原隻鮑魚佛跳牆單看湯上的鮑魚串燒，已令我們驚嘆不已。侍應姨姨撈起來的湯渣，當中有一隻如德國豬手般巨大的金華火腿，大家不期然想到這個真材實料的湯品味道一定十分美味。果然湯底濃郁美味，侍應姨姨告訴我們這款湯品用上大量的食材，共煮了八個小時以上呢，金華火腿的味道，完全融入湯中， 再加上鮑魚串，難怪這款湯的味道是如此難忘，不知不覺飲了三碗。。。。。椒鹽陳皮中蝦以油泡過的中蝦，肉質彈牙，特別是蝦殼以椒鹽的方法炸得香脆可口，絕對可以整隻吞下去。可惜陳皮味略嫌不足，而且不知何解椒鹽是甜味的，我們一行十人也覺得這道菜實在太甜了。並立即向侍應反映呢，成為這晚的敗筆。柚皮生扣鵝掌12隻炆過的鵝掌整齊地圍繞碟，加上蝦子調味，鵝掌亦香軟腍滑，伴着碟中的兩大件厚身柚皮。柚皮口感鬆軟，雖然不是珍貴的食材，但是製作的方法十分繁複，在香港並不是很多地方可以吃得到呢。製作時要先把柚皮燒焦外層，然後用刀刮去或用手擦丟黃色外層，沖洗乾淨後再用水泡浸，功夫繁多，所以在家不容易做到，能夠吃到這道菜十分幸運，而吃到好吃的柚皮更是難得！脆皮炸子雞炸子雞的上碟的形態十分有功架，外皮炸至金黃色，充滿光澤，皮薄香脆，雞肉嫩滑。肉質一點也不乾，還保留了部份嘅肉汁。還有炸子雞下面的子薑，也有畫龍點睛之妙。煎焗班腩這道菜一上檯，美極鮮味立即撲鼻而來，斑腩炒得夠鑊氣，而且相當惹味，薑蔥也很入味。腰果露湯圓 一端上桌就聞到香濃的腰果味，單看相片已看到十分幼滑，腰果磨得十分幼細，而且甜度適中，香甜幼滑。芝麻湯圓外皮煙韌，芝麻餡美味，令人急不及趕緊舀一匙來品嚐，如此美味的甜品令今天晚上畫上完美句號。後記今天晚上真的十分滿足，荷葉飯和炒麵也是高水準之作，不過眼闊肚窄。值得一讚飯後水果的西瓜也附上了梅粉，實在細心！…Read More

期待期待又期待，12月book 4月先有得食。今次食完又要即刻book定下次 9月再嚟。Book呢間嘢前唔洗夾定人架，只要一出聲，萬千對手都高舉，唔洗驚凑唔夠人 。首先佢嘅好處係每枱都有間房仔，大家可以好free。一開始時有friend話，間房隔音好渣喎，隔離好噪。。。唉！洗乜驚，我地去到邊都係最噪果枱，人地咪仲驚？！開飯喇！！第一味。。。我唔食，因為係乳鴿，評唔到 第二味。。估都估唔到係炒飯lei! 因為有小朋友，先上D平易近人及老少咸宜嘅硬嘢頂下肚先！炒到d飯粒粒分明經已唔簡單，仲唔油果下令人食落感覺好健康呢！跟住係好鬼馬嘅釀油條。呢個好特別，要即食(我地嘅指標係3秒內即食)。我地連食野都要達標，果然係一班好出色嘅銀行員工   。。唔知係邊間呢？！再落係我嘅至愛。。美國桶蠔。蜜糖甜、桂花香、桶蠔肥，配搭絕。全晚票選(其實得我自己落票;P ) 第三名!飲湯喇！第二名(又係得我落票;P) 係湯，睇下d湯渣就知份量足，個湯清甜到呢。。。呢個肺湯暫時係我飲過至巧味嘅！跟住果兩味唔想講，鵝掌無食，無得講。但d friend 就讚口不絕，咁應該係好味嘅。 條魚就errrrr, 蒸耐咗囉，唔知係咪養魚所以無魚嘅鮮味，但唔係專門食海鮮嘅地方，蒸魚一般都係呢個水準，所以我唔太失望。登燈done櫈!!!票選第一，我投呢碟蝦！我唔建議剝殼食，成隻連殼食(蝦頭除外) 先有意思。呢個真係不得了，估唔到陳皮可以配蝦，又脆又香，陳皮嘅香從喉嚨入，鼻孔出。。。(今次失約嘅朋友，你地走寶喇！)上雞喇！須然已經好飽，但見到反光嘅雞皮，不得不上一件。呢個算係普通得嚟又不失水準的一道菜，算ok嫁！麵、飯(經已食咗)、甜品等standard 一定有啦，都係好好味！！全晚最失敗係個friend 帶得一支紅酒，十幾人分一支酒緊係唔夠啦！唯有現場叫一支開啦，失敗中之失敗，完全要俾零分。大家記住酒係要多幾支傍身先得嫁！ …Read More