海洋超級漁港 (深海龍躉專門店)

今晚和家人吃晚飯，訂了一家佐敦站附近的人氣海鮮酒家。餐廳以海鮮馳名，裏面有大魚缸，養住龍躉、龍蝦、鮑魚等生猛海鮮。座位闊落，每枱都有適當距離，空間感不錯，亦有廂房可供選擇。枱上的晚市推廣相當吸引，有多款菜式選擇。晚市優惠：“上湯西澳洲龍蝦伊麵”一大碟上枱，一斤以上的開邊澳洲龍蝦，讓人垂涎欲滴。龍蝦肉質鮮甜，爽口彈牙，鮮味十足。伊麵份量不少，口感爽滑，上湯及龍蝦汁滲透其中，非常美味。晚飯優惠孖寶：“脆片南乳吊燒雞”一大隻黃油雞，外皮燒得卜卜脆，而且十分香口，肉質細嫩幼滑，火候剛好，點上南乳醬，味道更佳，真是必食之選。“流浮山枝竹炆龍躉頭腩煲”原煲熱焫焫奉上，龍躉腩啖啖肉，配上枝竹、冬菇等配菜，加上濃濃的醬汁，炆得入味，伴飯最啱。“彩椒酸甜咕嚕肉”咕嚕肉肥瘦適中，新鮮炸起，香噴噴。配上新鮮青紅椒和菠蘿，色、香、味俱全。“脆皮燒腩仔”這裏出色的燒味，皮脆肉嫩，三分肥，七分瘦，甘香爽口。送“紅豆沙”惠顧晚飯還有紅豆沙奉送，紅豆多而起沙，質素讓人有驚喜。…Read More

與好友相聚當然少不了來中式酒家聚餐，中式酒家以圓桌聚餐，方便聊天，而且可以點多款餸菜一同分享，慢慢吃慢慢傾。酒樓有抵吃的晚市優惠，可以點選枝竹羊腩煲或者脆皮南乳吊燒雞，我們揀了一隻脆皮南乳吊燒雞，只需$68 。開初擔心$68的吊燒雞會不會細細份呢？但一看到這客晚市優惠，真的覺得十分抵吃。脆皮吊燒雞外皮脆卜卜，皮薄脆，中間的肉質嫩滑啖啖肉，十分出色。而且份量很足，有足足的雞，又抵食又美味，來吃晚餐，必定要點選！另外我們還點了一客四人套餐，點套餐的好處是菜式包羅萬有，不用費神點什麼菜式。我們也十分欣賞這個套餐，因為份量足，而且款式選擇又多，又有海鮮，又有肉，仲有精美的甜點。高湯白灼基圍蝦，基圍蝦大大隻，又爽又彈牙，蝦肉新鮮鮮甜，令人吃完一隻又一隻。份量也多，每人也可以吃很多隻。燒味拼盤，有叉燒、燒肉、燒鵝。啖啖肉，叉燒蜜香味濃，好惹味。燒肉外皮香脆，中間的肉一層層的，啖啖肉超滋味。燒鵝又香又惹味而且仲十分多汁。足料煲靚例湯，湯十分足料，是日所飲的粉葛豬肉湯，老火足料靚湯，而且湯渣都大大兜，入面有超多腍身的豬肉等等，連湯渣都相當美味啖啖肉的。而且湯的份量超多，每人也可以飲上了兩至三碗。碧綠油泡龍躉球，龍躉球超大塊肉厚，啖啖肉魚味鮮甜又好味，啖啖肉的吃龍躉球，又沒有骨吃起來老少咸宜方便食用。金銀蛋蒜子浸時蔬，青青的蔬菜，蔬菜十分入味，清甜爽口，份量充足，大滿足。紅酒燴牛尾煲，做得相當出色的一道菜，牛尾炆得腍身，又香又啖啖肉，做得相當出色。相信這一道菜，廚房也花了不少功夫，炆得又入味，又腍身，很少可會吃到這麼出色的牛尾煲。海洋流沙包，包皮軟綿綿熱辣辣的，一咬下流心奶黃餡一湧而出，甜甜的相當好味。紅豆椰汁糕，相當精緻，一層是紅豆糕，一層是椰汁糕，二合為一。甜甜的口感帶點清爽。吃得飽飽的一頓晚餐，菜式精美口感味道十分好，而且相當抵食。…Read More

前排同屋企去咗佐敦食飯，餐廳食物質素唔錯，佢哋會提供免費嘅前菜花生同埋甜品紅豆沙，食到好滿足。而且係正地鐵站隔離，位置夠方便，值得推介。一坐低即刻叫咗脆皮南乳吊燒雞，餐廳做緊優惠，半隻都只係38蚊！雞皮好脆，而肉質肥美嫩滑，高質又抵食。脆皮燒鵝拼化皮乳豬，呢個組合真係太正，可以一次過食曬我最鍾意嘅兩款燒味。燒鵝皮烤得夠香口，咬落油脂感十足，乳豬皮則非常香脆，肥而不膩。紅酒燴牛尾煲，牛尾同蘿蔔都煮到好入味。而且夠哂足料，牛尾多到差啲食唔哂。日式海皇什菜煲，海鮮種類好多，有魷魚、蝦、蚌，加埋唔同嘅蔬菜同粉絲，味道清清地又好健康。海洋極品海鮮粒炒飯，炒得好出色，粒粒分明。種類又夠多，配合埋菜粒，口感好豐富。翠塘香滑豆腐，豆腐好滑，食落去甜甜哋有啲似豆腐花，幾啱送飯食。除咗紅豆沙，我哋仲叫咗飲茶時候最鍾意嘅養顏紅棗糕同埋杞子桂花糕。清清地又唔會太甜，仲可以養顏。…Read More

這間海鮮酒家位於佐敦的新寶廣場，主打精緻巧手粵菜，尤其深海龍躉更是招牌菜式。所有小菜均即叫即製非常新鮮，份量充足且價錢大眾化，適合多人聚會。晚市時段設有很多優惠，如優惠孖寶及海鮮孖寶等等，性價比非常高。脆皮南乳吊燒雞 - $38/半隻半隻肥美飽滿的燒雞，香酥的雞皮薄脆且不油膩，雪白的雞肉嫩滑多汁，可蘸上鹹甜的南乳汁。脆皮燒腩仔 - $68採用新鮮豬五花腩燒成，肥瘦相間，肥而不膩，瘦而不柴，入口肉汁豐富，味道偏甜帶炭香，豬皮極酥脆。生猛龍躉兩味 - $408蒜子陳皮蒸頭腩龍躉頭腩取自骨腩位，帶少許大魚刺，有著豐富的骨膠原，魚味較濃及入口較嫩滑，厚厚的魚皮煙煙韌韌膠質極豐富。油泡龍躉球約六大塊厚厚的龍躉腩扒不帶魚刺，有豐富營養和膠原蛋白，魚皮煙煙韌韌好重膠質，魚肉受過油特別嫩滑，還有西芹及木耳等。海鮮孖寶 - $328果皮蒸南非鮑魚四隻南非鮑魚厚肉爽身，有著明顯且濃郁的鮑魚鮮甜味，軟嫩腍滑，口感煙韌彈牙，口感及味道皆一流。豉油王乾煎基圍蝦份量十足的鮮蝦好易去殼，肉質嫩滑充滿彈性，染上鹹香的豉油醬汁。…Read More