Wooden boat

呢間木船係太和都開左好幾年，成日經過都好多人食，今晚8點同女友經過，見咁岩有一張枱就入去食。入面環境都好舒服，好多木同麻繩既裝修。而我地坐既位個設計就好似真係一隻木船入面咁，幾靚架！不過冇影到，你去過就會明咁我地兩個人就叫左3個食物，加2杯野飲。餐牌第一頁好有趣的，係泰文既教學！餐牌入面基本上每個食物都有圖，好易揀！先黎既係泰式鳳爪沙律，都幾大碗，仲要有足足半碗都係鳳爪，過足口癮，開胃之後上既combo 小食拼盆，有4款小食，每樣兩件，兩個人食岩岩好。個炸蝦球好香好好食！之後既重點來了！招牌菠蘿炒飯配虎蝦！ 上枱既時候我眼都突埋！第一次食菠蘿炒飯有呢種視覺上既震撼，整得好有心機！食落炒飯都好香，好足料，有雞肉粒、蛋、提子乾、肉鬆、菠蘿粒；而兩隻虎蝦都應該幾鮮，d 殻好易剝開，非常正呀！我地仲叫左兩杯飲品，呢杯「脆爆芒果園」好巨型呀！係芒果乳酪沙冰，上面有d 爆谷，入面仲有粒芒果麻糬，超級豐富 咁呢杯飲到尾就幾甜既，有食左甜品既感覺！而另外呢杯「夏日芭東海灘（菠椰）」都好靚啊！味道好清新！ 雖然唔係好肯定入面係咩成份，有椰汁同少少菠蘿既味，奶昔既口感，都好解渴，好特別！呢杯我覺得係必試的！最後連埋加一$433，以我地叫左咁多野，同埋呢個質素，抵呀！…Read More

呢間木船泰國菜我已經係第三次嚟食啦，因為佢位於火車站旁邊，非常方便就腳，而且菜式款式新穎，真係要食多幾次先得！上次我嚟食就係叫呢個菠蘿炒飯，同埋飲巧克力巨人，賣相超靚，雖然好想再食，不過今次決定叫啲新嘢。首先我就食咗青木瓜沙律，辣度適中，唔會遮左酸甜嘅味道，作為前菜開胃一流！另外，小食拼盤每樣小食有兩件，個炸蝦球裏面夾住一條蔗，本來我以為係木條，原來係食得嘅！清清甜甜，配搭着炸物食冇咁乾。另外，呢個米紙卷都10分香脆！呢個椰青海鮮焗飯簡直係重點要食嘅！係三重椰汁味嘅享受！最上面有多到漏嘅椰漿，仲加埋火炙過嘅芝士，飯裏面亦有買椰肉，再配埋旁邊個杯椰汁，成個椰青用盡晒，完全唔浪費。我哋仲叫咗一個生菜包，不過唔係包肉碎，而係豬頸肉。我最鍾意沾嗰個泰式醬，非常惹味，一片生菜最好包住兩至三片豬頸肉，咁樣食我覺得個味道最平均。食到有啲口渴，就飲番杯野。脆爆芒果園最正係有粒芒果味嘅雪米糍，同埋爆谷。杯泰茶亦唔太甜，啱啱好。…Read More

1) 鮮蝦炒金邊粉 ℍ𝕂$𝟠𝟠雖然賣相沒有圖片那麼漂亮，但味道還是不錯的而且份量也算多，而且蝦很彈牙，所以可以一試的.2) 公車諗霸 ℍ𝕂$𝟟𝟠其實是生蝦刺身來的😂😂這個不過不失吧🤪.3) 招牌菠蘿🍍炒飯配虎蝦🍤 ℍ𝕂$𝟙𝟝𝟠這個真的是必點呀!!小pop看餐牌時一看到這個已決定要點這個呢，很搶眼😂😂不過當然，除了搶眼之外，味道還是不錯 小pop才會推薦呢菠蘿🍍很甜，虎蝦很大隻🍤，也開了邊，比較方便食用，蝦也彈牙的不過飯少了一點，可以多一些便好了🤪.4) 泰北沙律串燒拼盤 ℍ𝕂$ 𝟙𝟚𝟠拼盤有2串豬肉，2串雞肉，2串牛肉和1份豬頸肉小pop只可以說，全部都很好食🤣這道菜也是小pop推薦的.5) 唔係炒既街頭泰北生菜包 ℍ𝕂$ 𝟟𝟚肉碎炒得很香，很惹味，不過唯一要留意的是，生菜包真的很辣😖.6) 青芒俠大戰翠兒雞 ℍ𝕂$ 𝟙𝟛𝟠雞炸得很脆，但炸雞仍然十分juicy😋而且很滑青芒果可沾砂糖吃，不錯薯角也炸得很脆.7) 馬拉盞炒椰菜苗 ℍ𝕂$ 𝟟𝟠有蝦米仔，份量也很多少少辣，很開胃.8) 脆爆芒果園 ℍ𝕂$ 𝟝𝟠很大杯的，是2個人的份量喔芒果沙冰打得很幼滑，沙冰入面還有芒果糯米糍呢表面又有cream, 爆谷和芒果肉一次過滿足你各種願望呀😆.9) 夏日巴東海灘 ℍ𝕂$ 𝟝𝟠其實是菠蘿椰奶沙冰😆不賣相依然很吸引，不過小pop覺得淡味了一點菠蘿和椰子味也不是很濃.小pop是家人去食的，所以一早就訂了位如果大家想去的話，一定要預先訂位喔因為小pop當天去，門外都有很多人在等呢總結是，小pop會在去食第二次的🤪因為性價比真的很高呢，除人數，每人都是ℍ𝕂$ 𝟙𝟝𝟘左右，小pop覺得不錯呢…Read More

泰國菜是自己愛吃的其中一種菜之一，以酸、辣、咸、甜、苦五味的平衡為特點。用料主要以海鲜、水果、蔬菜为主。Wooden boat 距離太和站約8分鐘路程，方便易搵。入到餐廳，左望右望👀，設計幾靚，枱和天花板都以木材構成，天花板更掛一些粗繩，牆上有2幅船的畫，感覺自己就在海上航行🚢跟朋友坐低，服務員送黎2杯水和menu，望左一陣order左4樣野食脆爆芒果園串燒雞柳泰炒飯泰式鳳爪沙律Combo小食拼盆(小)繼續欣賞木船餐廳設計，同時聽住西洋🎶，覺得自己黎到泰國。沙律先到，接住拼盤，沙律五顏六色，拼盤看上去不錯，共4種食物，有甜蔗蝦，春卷， 魚肉片及魚波波配上泰式甜酸醬，春卷和甜樜蝦外脆內熱，好好味。鳳爪夠爽和酸辣脆爆芒果園和串燒雞柳泰炒飯到，哇味蕾蠢蠢欲動。雞柳肉滑，飯炒得色香味俱備。有芒果糯米磁，焦糖脆爆谷，和粒粒芒果肉粒，好味，食到泰國芒果味，好有滿足感。最後服務方面，欣賞服務員常幫我加水，唔晒我叫。整體而言，木船👍🏻，會再約朋友黎食。…Read More

呢間餐廳嘅裝修貫徹木船主題。店內裝修就係一架大木船，牆身、門口全部都係木板舖砌。門口右邊有木造嘅船位，天花吊飾有纜繩、船燈等等。兩旁有圓形鏡模仿船嘅窗口，加上色彩繽紛嘅噴畫，見到心情都好d～食物飲品造型設計都幾靚十分吸引眼球，味道唔錯。青木瓜沙律 $62沙律都幾大兜，味道係泰式酸辣汁個味，食落有蒜、酸、辣、甜四種味道混合，同生蝦點嗰個汁味道接近。沙律入面有車厘茄、提子仔、青木瓜、紅蘿蔔絲、腰果、花生等等。一開始食覺得沙律清甜清爽，食到下面就越嚟越辣，蒜味都變得濃郁幾過癮，一個沙律食到唔同感覺幾得意。Combo 小食拼盤（細）$52小食拼盤有蔗蝦、春卷、泰式魚蛋同泰式魚餅。呢個菜cp值高！醬汁味道偏甜，個人最鍾意個蔗蝦，熱辣辣，香脆彈牙，食落口仲有淡淡蔗汁香甜味。另外魚餅都好特別，質感好軟。春捲香脆、魚蛋質感係屬於比較鬆散嗰種。招牌菠蘿炒飯配虎蝦 $158第一次見菠蘿炒飯擺得咁靚☺️有兩隻大大嘅虎蝦，炸得香脆，蝦肉結實彈牙。仲有一串又甜又多汁嘅菠蘿。下面有肉鬆同紅色嘅泰式辣醬，甜甜辣辣有蒜味。炒飯飯粒分明唔會太濕，有炒蛋、雞肉、提子乾、菠蘿肉等等配料，鹹甜適中，味道不俗。脆爆芒果園 $58呢杯芒果沙冰酸酸甜甜，表面係大量忌廉，仲有焦糖醬、爆谷、芒果粒，後面仲有粒芒果雪米糍，入面係雪凍嘅芒果cream。芒果smoothie 本身都好冰凍幼滑。夏日巴東海灘（菠蘿椰子）$58椰子沙冰都係打得好幼滑，仲有半片菠蘿。椰奶味濃郁，最正係可以刮椰子肉食～…Read More

今晚相約到朋友去太和一帶搵好野食，行到太和路近翠怡花園一帶時，見到有間食泰國菜的餐廳，它的門面有别於一般的泰國菜餐廳，看似沒什麼特别，但一開門進去便見到餐廳內裝飾得像在船艙內一樣，天花掛著一束大麻繩及設計特別的小燈，旁邊有很多面鏡，就像船艙內的窗口一樣，而餐廳的中間打單位置伸延出有張大枱像船頭一樣，內裡還可存放食具，真的打做得非常别具心思。 我們坐低後商議點了青木瓜沙律、Combo小食拼盤、溶岩椰青海鮮焗飯，還有兩杯飲品，我點了杯用新鮮草莓打製成的沙冰，他們叫泰公主，泰文叫帕差拉吉蒂雅帕，朋友就點了杯脆爆芒果園，睇著menu上的圖片已非常吸引，menu上第一、二頁還寫滿簡單的泰文，可給客人參考學習。 和朋友一邊聊天，很快我的飲品便出場了 泰公主沙冰，色澤紅紅的，當店員放抵它時已聞到很香的草莓味，飲落，嘩，草莓味濃郁，有別於出面飲到的沙冰。接著青木瓜沙律都來了，青木瓜非常有咬口，配埋酸酸味味的泰式醬汁加埋小紅提的清甜味道，整體非常之夾。到Combo小食拼盤及溶岩椰青海鮮焗飯都出場了，溶岩椰青海鮮焗飯用了個大椰青裝著，滿滿的飯和海鮮，面頭淋上椰漿汁製作成流出來的溶岩漿，飯旁邊放著一杯水，我正奇怪為何會放著一杯水在那裡時，朋友便諗到那杯應該是原先那個在椰青內的椰青水，於是朋友飲了一口去確認了，Bingo, 海鮮飯中有蝦，巳預先剝好殼，方便食用，帶子慢煮成八成熟的狀態，食落口感嫩滑，墨魚圈爽口彈牙，而青口食落還有海水及鮮甜的味道係當中，有別於平時出面食的雪藏無味道，至於下面個炒飯，當中加有蛋、紅蘿蔔和菜絲混合埋濃濃的椰漿汁和芝士一起去焗，筆起的時候還可與內裡的鮮椰肉一起配合食，非常滋味獨特。而小食拼盆，當中有庶蝦、肉丸，魚餅和米紙春卷4款不同油炸小食，庶蝦彈牙鮮甜，肉丸吃得出是用新鮮的豬肉打成的，咬落還有些肉汁流出，魚餅吃落鮮甜，至於米紙春卷就非常香脆可口。在我們一直享受緊美味的食物時，朋友的飲品突然登場了，脆爆芒果園，非常巨大，面頭滿滿的忌廉上充滿新鮮的芒果汁及爆谷粒, 而杯中就是用了新鮮的芒果和乳酪打製成的沙冰，朋友話飲落酸酸尾尾，非常之清新，她一邊發掘及飲用時還飲到有新鮮的芒果粒係裡頭，突然她吃到一粒軟棉棉的物體，原來是粒麻曙，她說還飲到些似啫喱狀的物體，估計是menu 上寫的芒果布甸吧，朋友說口感十足，非常之過癮。全部的食物都非常新鮮美味，我們吃到非常之飽和滿足。…Read More

今晚同朋友黎到哩間泰國餐廳食晚餐，menu咁多選擇之中，最後叫左以下四樣配兩杯特飲～青木瓜沙律（$62）除咗青木瓜之外，仲有紅蘿蔔絲、洋蔥絲同小蕃茄，並用左青檸汁作為調味，食落冇沙律菜嘅草青味，酸酸甜甜非常開胃！Combo小食拼盆（小）（$52）有網紋春卷、泰式魚餅同蝦餅。特別要讚下網紋春卷，春卷外皮炸到好酥脆，食落都唔會太油膩，配埋泰式辣醬，非常好食！串燒雞柳泰炒飯（$78）串燒雞本身已經有用香料燒製，燒完雞肉依然滑嫩，配埋沙嗲醬，鹹甜俱備！而泰炒飯鑊氣十足，裏面配有洋蔥、蛋花、青豆同臘肉，仲有醬汁調味，單單食個飯已經好好食，配埋串燒雞更加滿足🤤👍🏻！冬蔭功明爐烏頭（$138）魚肉一啲都唔腥，而個冬陰公湯底做得非常出色，飲落去酸酸甜甜帶點微辣，令人一啖接一啖，推薦！脆爆芒果園（$58）呢個芒果乳酪沙冰，上層有厚厚的一層cream、芒果粒、popcorn 同芒果雪糕糯米糍等配料，睇落去賣相非常吸引！將cream同沙冰混合一齊飲，飲落似奶昔，非常好飲！夏日芭東海灘（菠椰）（$58）椰子裏邊係椰子沙冰，椰子味濃郁，飲完仲可以挖椰子肉落嚟食～…Read More

最近約了一位大埔友舊同事吃飯，經這位在大埔成長的人推介，知道在太和站附近有間美味泰菜館＂木船＂。 去到餐廳差不多7點，已經差不多坐滿人。 我們點完菜後，再看看四周，原來已全場爆滿，門口也開始有人在等位。 餐廳牆壁上掛上圓型鏡，遠看好似船窗。 另外配上麻繩狀吊燈，令人置身在船上餐廳進餐感覺。菜式有好多選擇，而且餐牌有大量食物圖片，令人容易明白每款菜式。唔係炒嘅街頭泰北肉生菜包（生菜十分新鮮，餡料加上大量配料，十分好味）黃咖哩牛腩配薄餅（肉嫰咖哩汁濃，味道也不錯）招牌菠蘿炒飯配虎蝦(令人驚喜，打卡必食)夏日芭東海灘(椰青水磨成沙冰，加上菠蘿汁及菠蘿肉，味道清甜又清涼）脆爆芒果園(芒果味濃，啖啖芒果香，超大杯，似飲品又似甜品，好靚又好飲。)在餐廳全場爆滿情況之下，食物及服務仍可保持水準，這方面十分抵讚。…Read More

木船這間餐廳真是令我覺得好喜出望外，估唔到在太和都可以有咁高質的泰菜!!真是卧虎藏龍!!之前聽老公講過呢間餐廳D DRINK得別正，而且樣樣食品都係靚到不得了，所以我想帶媽媽食一次，慰勞她一直以來對我的照顧~就咁睇地址有點難搵，我打電話去問餐廳先知原來就在SEVEN隔離，門面睇落好高級外國餐廳咁呀!!我地勁好彩, BOOK左7點食, 入去果時咁啱有張枱唔洗等位，我地一坐低，就見到出面開始有人等位了，呢間餐廳應該是呢區的實力店!份MENU靚到我要影得佢呀! 呢杯爆脆芒果園真係每枱必點，雖然大杯到好似RUBY TUESDAY的TALL CAKE咁，但其實佢一D都唔溜唔濟，一個人絕對飲得哂 (可能因為太好味)真係大愛呀!! 有CREAM, 有PUDDING, 有鮮芒果奶昔，仲有爆谷同ICE CREAM MOCHI!!! 真係正到冇得再正~~!!一試難忘就係咁喇~~其實一開始我冇預佢咁好飲, 我以為佢都係得個樣，同埋睇落好似好濟咁, 真係估唔到最後我好輕易咁飲哂成杯~~~可能因為佢有點芒果的酸甜香氣夠哂開胃啦~~~我仲好懷念呢杯DRINK呀!!!!!我媽媽就叫左另一個SIGNATURE DRINK, 夏日巴東海灘~~即係菠蘿椰奶呀~我試左一啖, 覺得椰香十足, 口感香滑, 但我都係鍾意自己果杯~~~不過椰子控一定大愛呀!然後又俾個MENU幅相吸引左，叫左個焗飯，本身想叫菠蘿飯，因為真係超靚，但最後揀左熔岩海鮮椰青焗飯，因為呢個比較少食~所以就想試下~~一上枱比我想像中大碟, 旁邊有杯野，一問之下，原來是新鮮椰青水~~~超解甜解渴！個飯有濃厚的椰漿味，就咁睇好似好濟咁，但其實得面果浸係咁，入面有原隻帶子、青口、蝦，好足料，最正係個飯入面有好多賽膀蟹，飯味又好有椰青的解甜~~因為仲落左椰肉落去炒~~超級好食！！！必叫！我仲嗌咗個馬拉盞炒椰菜苗~~因為平時椰菜苗比較難，通菜又成日食到~~就想試下啦~~個效果幾好喎~~口感好爽口~~~馬拉盞又非常之香口開胃又唔會好辣~~仲有一樣推介!! 呢個超級無敵大蝦冬陰功湯粉係一定要叫!!!!無論當湯飲定係當粉食都係超級正嘅!!!佢呢有兩種蝦, 有虎蝦, 即係好大隻好鮮味, 一見就想食嗰隻另外仲有四隻櫻花蝦吉埋一串咁, 兩種蝦都好味嘅,爽甜的櫻花蝦同冬陰功湯出奇地夾~~肉質爽口彈牙, 令到成個整體感覺去到極致 仲叫左一個細的小食拼盤, 有泰式蝦餅, 仲有啲魚卷, 芋蝦咁~~~都幾好味仲有炸得非常之香脆的蝦餅!!!係勁多蝦肉做成嘅~~~成餐飯樣樣野都咁正~~食到勁飽呀~~下次再ENCORE…Read More

聽朋友說大埔有間特色泰菜餐廳開了，見星期四屋企冇煮飯就去試試門口同室內裝修到好似木船咁泰皇單骨雞翼，單骨雞翼炸得很香很脆配埋泰式燒烤辣醬泰式柚子沙律，材料有柚子、洋蔥、花生配搭泰式辣汁，食落好有泰國風味不得不提這個招牌菠蘿炒飯配虎蝦（必食），買相大方得睇，新鮮菠蘿串，加兩隻大虎蝦配上甘香的黃薑飯加豬肉鬆，清新醒胃特飲：帕差拉吉帝雅帕（泰公主），清新士多啤梨、蘋果、青檸沙冰，買相好靚，飲落都很清新，不會太甜另一特飲：脆爆芒果園，最啱喜歡芒果嘅朋友，底層放了芒果布甸再注滿芒果乳酪沙冰，上面有脆脆popcorn 同忌廉，再加個芒果麻糬😊仲要特大杯，兩個人飲1杯都夠咸肉炒椰菜苗，椰菜苗清新幼嫩…Read More

難得放假，夜晚相約媽媽到太和吃期待已久的泰國餐廳「木船」！才晚上六時左右，店外已見人龍，建議選擇晩飯時段來吃的朋友們早點來比較好。餐廳店內設計別具心思，跟店名互相呼應，於木船內進餐，氣氛一流！翻開餐牌，看到的不是招牌食物或飲料，反而是「泰文」教室，絕對是長知識時間！今晚由媽媽發辦，不消一會兒，餸菜逐一呈上。先來一個開胃醒神的泰式沙律！沙律內有白鳳爪、芹菜、蕃茄仔、洋蔥和紅蘿白絲。味道甜甜酸酸且微辣，喜歡！再來兩杯特飲，泰公主及脆爆芒果園。泰公主是新鮮士多啤梨汁，非常清新；後者則芒味爆登，味道比前者稍甜，但卻有多重口感！尤其喜歡爆谷和雪米糍！之後是招牌菠蘿炒飯配虎蝦！虎蝦肉質結實，充滿蝦香！侍應還為我們呈上調味粉，正當在疑惑是否放於飯上時，才發現原來調味粉為菠蘿調味！真的從來未試過這樣的配搭！非常新穎的食法！吃過充滿驚喜的菠蘿炒飯後，還有最後的流心芝士蝦餅波波和泰式炒通菜！雖然已經很飽，但還是給芝士蝦波吸引，蝦波外層脆卜卜，蝦肉彈牙，中間心還有芝士拉絲，滋味非常！而炒通菜則充滿蒜香帶微辣，不消一回兒亦跟媽媽全清掉呢！…Read More