KiKi Noodle Bar (K11 Musea)

之前都有行過k11，多數去food court食嘢，種類夠多喺sogo pop up有試過小醋麵覺得不錯，夏天最啱食涼拌嘢今次拉埋朋友仔去k11 musea堂食星期六嘅夜晚7點，等咗大約15分鐘(兩張枱)就有得入座QR code下單，但係要㩒幾次先開到連結另外下單後無法睇訂單記錄，需問店員先睇到下單記錄我哋每人都order $148全日套餐小食有皮蛋豆腐主食有胡麻棒棒雞拌小醋麵麻醬係標準香嘅芝麻醬味小醋麵帶酸味，整體清新啱夏天而且有乾蒜都幾惹味但食到最後有雞骨😨飲品另加$18 無記錯係豆乳奶蓋仙草奶茶（最右），豆乳味淡朋友嘅芋圓珍珠就好煙靭（最左），整杯較甜珍珠奶茶（中間）不過不失…Read More

餐廳設計開揚, 有bar枱同普通2-4人枱, 環境都乾淨簡潔👍當日星期日去都有套餐叫, 仲要全日免加一, k11黎講算係幾抵食🤔套餐($148)包左1小食(6選1), 1主食(10選1), 餐飲就包冬瓜茶或白桃烏龍, 亦可加$18轉其他特別茶飲😛▫️🍢sɴᴀᴄᴋ· 胡麻秋葵🍢sɴᴀᴄᴋ· 涼拌燻蹄雲耳﹟小食方面都正常發揮, 秋葵加左無敵既芝麻醬, 無得輸👍而個燻蹄雲耳食落就酸酸甜甜, 面頭有海量蒜頭🧄辣味不太突出🤔🍴ᴍᴀɪɴ· 套餐—蟹黃油拌麵 $148﹟碗麵本身有少量蟹肉同蟹膏, 職員建議先加入蟹油, 再將一大碗滿滿既蟹黃倒入, 最後可按喜好加入醋去提鮮😍🦀食落鮮味濃郁, 每條麵都掛滿蟹黃醬, 啖啖creamy感, 很滿足😋🙌食完都唔會太重油膩感👍🍴ᴍᴀɪɴ· 套餐—胡麻棒棒雞拌小醋麵 $148﹟一黎到比砌成咁靚既外表所吸引, 又高又瘦🤩冷麵配上芝麻醬、雞絲、炸蒜同蔥絲, 調味剛剛好, 醬汁份量控制得宜, 剛好撈勻, 無多餘既汁留出黎, 而麵食落又唔會乾身😝份量都幾多, 食落係出奇地既清新味道😂💕🥤ᴅʀɪɴᴋ· 餐飲—凍白桃烏龍 ﹟叫左小冰小甜, 一開頭飲落清清地, 但又不失清香既茶味同桃味💕不過隨住冰既溶化, 味道都會相對變淡一啲🙈▫🥤ᴅʀɪɴᴋ· 餐飲—芝士海鹽奶蓋KitKat巧克力奶昔 +$18﹟依杯朱古力味都夠突出🍫甜度都相對高, 飲落質感似沙冰多過奶昔😂🤔吸完帶咸香既奶蓋再吸低下既朱古力會有助減甜度, 味道咸咸甜甜咁, 又幾得意😎…Read More

我地晚上大概8點幾去食~ 好好彩! Walk-in 咗5分鐘到就有位啦! 我地叫咗set dinner!胡麻棒棒雞拌小醋麵 + 台式腸 + 芝士奶蓋芋圓kiki 烤茶胡麻棒棒雞拌小醋麵:夏天食就岩，佢係凍食! 有雞絲加上芝麻同蔥花。一食落去，個麵質好爽口彈牙~加埋雞絲加上芝麻同蔥花~好香好清新既感覺。唔會覺得有肥膩既感覺。想有辣味可以加少少放係枱上的辣醬，又係另一番滋味。芝士奶蓋芋圓kiki 烤茶:佢呢到d芋圓好好食~ 唔會好林又唔會好硬~ 有咬口架!蟹黃油拌麵(推介🌟🌟🌟) + 秋葵 + 紫薯黑糖薑母鮮奶蟹黃油拌麵:KiKi 麵 配上有蟹油、蟹黃、蟹肉造成嘅醬汁~ 呢個麵值得一試，滿口都係蟹既味道，好鮮味~好邪惡呀!!!紫薯黑糖薑母鮮奶:呢個岩d 唔鐘意飲太甜野既人~ 唔會太甜!…Read More

麻麻地撈麵既我，唔知點解依排鍾意左去KiKi麵Lunch! 可能佢地款式多同幾好味🤔！近排佢地改左套餐既menu，之前（HK$98)，而家（HK$128)有一款小食+一款主食+一杯KiKi Tea，大家唔好誤會，佢地唔係加左價，只係轉左主食餐單🤤，可以選擇既款式正過之前好多！💁🏻‍♀️介紹下我覺得推介既款式比大家啦！小食：涼拌燻蹄雲耳🥰，酸酸的好開胃！胡麻秋葵，不解釋，簡單一道菜😂，就是美味！主食：胡麻棒棒雞拌小醋麵❤️❤️❤️之前冇set已經好想order，但覺得要成HK$118散叫唔抵食，今次終於有set，超好味，勁多手撕雞😌其實個味道只係胡麻醬加醋撈麵，但好開胃，食到停唔到口！蟹黃油拌麵🦀散叫要比HK$138，蟹肉都算多，油同醋都可以自行調教，最主要係個蟹黃😋，正，但如果成碗食哂應該會好膩。麻辣肉片紅白麵，鴨紅係我至愛，辣到孖潤腸咀都覺得好味😂🤣所以私心推介一下！辣雞拌麵，依碗都好辣，但雞滑，味道都好唔錯！KiKi Tea芝士海鹽雪絨迷你芋圓KiKi茶（HK$38)芝士味濃，微甜都好好飲，芋圓煙韌。…Read More

想黎依個新商場好耐lu，今日終於黎到lu，成日睇介紹話有好多間食肆，唔同選擇講到好吸引點知黎到第一個感覺係俾有錢人黎嘅地方🙈好似咩都好貴咁，同埋行落感覺一般...為嘅都係為雪糕🍦同試下行新商場心態黎😅太肚餓關係，唔熟地方就邊行邊搵食之下，就見到依間kiki麵檔，kiki依個名都聽左好耐，知係台灣野，就一心試下啦～價錢都幾貴...我同友人初時諗住叫套餐，點知無我地岩食同想食嘅野，所以就散叫左啦，我叫左個胡麻棒棒雞拌小醋麵加杯雪絨川味珍珠冬瓜茶，友人就叫左個寶島滷大碗飯同金鳳鳳梨青茶🍍我果杯川味珍味，杯上教先揭蓋飲個雪絨，飲落係唔錯，其實麵係芝士奶蓋嘅朋友但再食珍珠先發現辣嘅🙈再諗下原來川味個意思就係辣嘅🙈自己搞錯左，因為想飲冬瓜茶就叫左依杯，無留意到係辣🤨但整體杯野係好飲嘅但建議餐廳可以標註俾食客知「辣」嘅會更好依友人果杯鳳梨🍍青茶呢🤣自己就覺得一般啦🙈或者對鳳梨無咩好感依我對個麵就真係超級麻麻啦...一黎因為係凍嘅，真係唔太有好感，因為依個天氣想食熱野多🙈同埋麻醬太多、太膩啦，唔會有下次（純粹自己感覺）反觀比較之下，見到友人個飯就吸引啦因為熱食同埋份量好似好多咁但友人就覺得都有啲麻麻底...因為佢覺得個價錢都唔值，我都係咁諗，其他台式餐廳🍴都唔洗咁貴，都有依個份量，所以整體都覺得唔會再試🙈自己較喜歡小店多啲，惟價錢太貴啦🙈…Read More