Yung Kee (Closed)

將軍澳區想搵間好味既車仔麵，最近多街坊推薦黎榕記。裝潢精緻舒服，又感覺乾淨，湯底仲要無味精，真係岩哂有時懶得煮飯既我地。巨大靈芝真係好吸精！我地分別選了兩種熱門湯底，蟲草野菌養生湯及胡椒豬肚湯、鹵水併盤及豆漿。大概十分鐘內，所有菜色都上齊，先喝啖蟲草野菌湯，清甜！而且很滋潤，有種家既味道，真係想叫佢加湯😆蘿蔔冇根，索左湯底，一樣咁清甜牛腩另上，鬆軟入味，唔錯！另一碗是胡椒豬肚湯，辣得過癮佢係胡椒辣，飲完身體即刻有少少冒汗，豬肚軟得黎仲有咬感，拿捏得剛好，沙嗲汁另上，點豬軟骨又有一番風味。鹵水拼盤$38豬大腸最出色，軟身又入味，其他都唔錯豆漿最有驚喜，豆香濃而且滑身無渣。…查看更多

榕記車仔麵 位於寶琳新都城三期， 由地鐵站一出，過條馬路直行30步就到啦，非常方便。 室內裝修都幾骨子， 即使只係買車仔麵，都好明顯睇到係有心機裝修嘅， 首先迎面而呢係一大片靈芝做裝飾， 再行入餐廳少少就見到有兩部單車掛咗喺牆身， 應該係老闆特意嘅一番設計。講返今次食咗啲咩先， 榕記車仔麵最 出名嘅當然係佢嘅胡椒豬肚湯及姬松茸和蟲草花素湯， 於是就叫咗兩個車仔麵同埋另外兩個小食。先講蟲草花姬松茸素湯底，湯底非常足料，有大量姬松茸和蟲草花，姬松茸菇味濃郁，湯底非常清甜， 估唔到食車仔麵都可以咁養生。再講埋其他配料， 叫咗蜂巢豆腐魚肉春捲以及柱侯牛腩， 柱侯牛腩因為有醬汁的關係所以分開咗上，唔怕影響湯底個味，做法貼心，而且 牛腩入味， 啖啖肉，係大胃人士必點之選。魚肉春卷彈牙， 蜂巢豆腐又係好好哨頭，非常不錯啊。另外一碗車仔麵叫咗胡椒豬肚湯，湯底仲有幾件豬肚tim! 胡椒豬肚湯做法胡椒味較重，絕對是冬天暖身之選。 送就叫咗雞翼冬菇同豬軟骨，全部都分開上。 冬菇非常厚肉， 又炆得入味， 唔想食肉但係又想有嘢照，一定要點 冬菇。 雞翼都炆得好入味，係淡淡嘅鹵水味，而且雞肉仲好嫩滑tim。 豬軟骨 都炆得入味 ，軟骨可以就咁吃唔怕太硬。另外仲叫咗 醬汁魷魚， 魷魚係水煮魷魚， 份量超多， 爽口又彈牙，而且 醬汁仲夠辣夠惹味呢。雞絲粉皮雞肉煮得不會太鞋， 粉皮爽口，混和花生醬一齊吃味道一流啊， 唯一美中不足的是沒有青瓜絲， 如果加上青瓜絲，口感會更豐富呢 !最後順帶一提 ，接近晚上八時半時段去到，人流不算好多，但店員仍然好好招呼， 是我下次會再來的原因。…查看更多

早已試過在九龍城的這間，知道它在寶琳開了分店，今天帶朋友來試一試。:)點餸紙: 點了大碗大大碗的車仔麵和朋友share吃: 大大碗車仔麵選了鎮店湯底姫松茸蟲草花養生湯(素)做湯底 ，清甜濃郁的養身湯味道，感覺很健康！還點了滿滿的餸大家share吃😂。秘製豬軟骨 - 入口軟腍，味道濃郁！秘製牛柏葉 果然是秘製，醬汁有驚喜！又有咬口，試得過！時菜 - 份量算多 冬菇 - 大大隻冬菇冇得輸墨魚丸 - 彈牙合格 蜂巢豆腐 - 帶點甜味 蘿蔔 - 清甜，車仔麵必選 另外我們還點了柱侯牛腩 $33份量比我們想像的多還要多，滿滿的一碟牛腩！肉身軟腍入味，肥肉不多，好食！時令油菜(腩汁) $16份量多！新鮮清甜可口！皮蛋肉鬆豆腐 $16 這碟大家一致推介！秘製的汁是這碟的精髓！酸酸甜甜，豆腐非一般的滑，加上肉鬆更添層次！皮蛋新鮮，有時在外會吃到怪怪的味，這個一點也沒有！超級推介，一定要試！胡椒豬肚湯最後熱情的老闆盛了一碗胡椒湯我們試試，朋友十分喜歡，我就稍嫌太辣太嗆，喜歡重口味的朋友不妨試試。:)真是吃完不會口喝的一餐，十分難得！一字排開的一餐陣容鼎盛😂 …查看更多