Yung Kee (Closed)

呢日老闆話九龍城有間車仔麵好好食，所以專登坐咗車出嚟食，一行六人。同司機講出名嘅車仔麵佢就知係榕記，個位置唔算喺九龍城大街都偏向舊啟德機場最入嘅街，可能咁餐廳唔算好多人，都幾大間坐得舒服。一坐低就見到有唔同色嘅點餐紙，原來係唔同湯底！🍜🍜🍜呢間出名嘅係佢嘅湯底，真係好特別出面唔係周圍有，例如有胡椒豬肚湯、雞絲碗仔翅湯、金蟲草野菌養生湯同酒香藥膳雞湯等。湯底加麵$28，麵類亦有9種揀，同埋最少叫2個餸，餸就由$8到$16不等，選擇都多嘅，但比起湯底就無咁Signature。選擇困難症🤔🤔🤔嘅我除咗麵底，湯底同餸都諗咗好耐，掙扎叫胡椒豬肚定碗仔翅，但驚太飽所以叫咗前者。🤔🤔🤔一試個湯就發覺好正，好濃胡椒🧂味，有丁點嗆喉嘅感覺好爽🤩，唔太俗，唔食得辣嘅我都食到，佢話你覺得太濃都可以幫你溝淡佢～叫咗幼麵都掛到啲湯，索到味，個湯真係無得輸，好味過出面嘅豬🐷肚煲，精華所在真係一淡都唔可以嘥。而且呢個湯底配埋豬肚絲(好味好爽)，等如叫多一個餸咁。😊雖然講到胡椒豬肚湯咁正🤤🤤，但同事叫嘅雞絲🐔碗仔翅湯都一樣無得輸，有啲後悔無叫到添，下次一定會自己嗌，佢仲會加威士忌🥃落去吊味，但略嫌酒味過重。另外有人叫金蟲草野菌湯，都幾清幾濃菇味🍄幾香。餸我就叫咗飛魚籽魚蛋腸同魚肉春卷，但呢兩樣應該都唔係自家整就無乜太特別。不過飛魚籽魚蛋腸本身就已經好好食😋，好彈牙好多魚籽，魚肉春卷就出面有層腐皮，幾唔錯。同事有叫到芝士粟米煎蛋同菜譜煎蛋，熱辣辣送上好好食😛芝士熔熔地好正👍🏻。另外順帶一提店舖到係有貼乜湯底配乜麵食係最好配搭，但我哋食完先見到🙈，而且店員好搞笑地喺上碗麵先話”你個野菌湯其實配白麵會好啲，唔會整油個湯喎”，但其實我哋落單時你同我哋講會好啲囉，仲可以改嘛。😅😅😅同埋店員講野比較串，我哋問多次配乜麵話，佢話”頭先咪講咗囉！”真係唔重覆🤣🤣🤣嗯其實我哋都係想下次識食姐，anyway，都會想再返嚟食碗仔翅湯底haha。其實諗返車仔麵嚟講都唔算平，但值的！…查看更多

今日機緣巧合之下，去左榕記車仔麵食晚餐，老實講如果唔係睇到openrice佢ge好評幾多，都應該唔會去食，因為門面和裡面裝修都唔太吸引。晚上6點幾去到，入面只有我和男朋友兩個客人。menu簡單清晰，唔同湯底分開左唔同ge顏色紙，而餸菜選擇都一樣。酒香藥膳雞湯呢到最出色ge就係湯底，飲得出係用心去整，唔係求求其其。個人偏好藥材味，所以就揀左酒香藥膳雞湯底:)，個人覺得入口味道淡左d，不過咁樣小朋友都會食得到。餸菜方面，就揀左雞翼尖、百葉豆腐、芝心粟米煎蛋。雞翼尖係普遍滷水雞翼尖，冇咩特別；百葉豆腐好少車仔麵店會有，完全係索哂個湯底，所以百葉豆腐配任何湯底都好適合。芝心粟米煎蛋開頭第一啖咬落去，都冇咩特別咁，再咬多幾啖，就會食到一粒粒粟米，同埋裡面有流心芝士，食完覺得好滿足，好有家的味道。胡椒豬肚湯男朋友就揀左胡椒豬肚湯底，裡面仲會有幾舊豬肚，入口真係好重胡椒味，真心正！至於餸菜，就揀左沙爹魷魚、麻辣鱈魚丸、魚肉春卷。沙爹魷魚不過不失；魚肉春卷就好似南記ge質素，入口q彈；最有驚喜係麻辣鱈魚丸，我同男朋友都係第一次食，估唔到裡面ge餡又真係幾辣下架喎！…查看更多

通常食車仔麵個湯底都係有味精，而只有清湯，沙嗲，同清湯加腩汁嘅選擇。但係鏞記車仔麵檔，你就有胡椒豬肚湯，碗仔翅，蒜汁濃湯等等比你任君挑選，仲要食完完全唔口喝❤️ 店長仲要將同每一項湯底最夾嘅配料配襯方式寫晒出黎貼係牆上！正！魚子腸一定要試。彈牙爽口！…查看更多

車仔麵是經典港式平民美食，變化多端，今次在九龍城榕記車仔麵竟然見到碗仔翅也可變成車仔麵湯底 XD平實小店格局，裝修走港式復古風，環境就比舊式的車仔麵店企理衛生。店內放有不少小擺設，更會不時播放著懷舊歌曲、廣告及劇集精華片段。原來曾經有不少明星到訪過，當然不少得經常流連九龍城的發哥。車仔麵配料十分多元化，就連湯底也選擇繁多，令人三心兩意。芝心粟米煎蛋 $12外層煎得金黃，雖然稍為煎得有點油膩，不過吃起來富有蛋香。內層入口柔嫩，夾雜著芝士粟米，層次感豐富。蒜香生菜 $20生菜保持青綠的色澤，清脆爽口而帶蒜香，只是油份稍為下得重手了點。胡椒豬肚湯 $28胡椒味濃重，香氣十足，一喝下去已爆發辛辣滋味，驅寒暖胃。內裡配料不少，蘿蔔味道清甜不苦澀。辣咖喱牛腩飯 $47上枱已飄來陣陣咖喱香味，煲仔上份量夠多，足夠填飽肚子。牛腩肉質偏瘦，但仍炆得軟腍入味，咖喱味道濃惹滲出辣勁。雞絲碗仔翅湯底車仔麵配兩餸 $52平時的車仔麵湯底多以清湯、腩汁、加辣為主，想不到碗仔翅都可以變成車仔麵湯底，如此有創意的點子，又怎能不點 另外再加兩餸 - 鮮雞柳及蘿蔔。碗仔翅湯頭濃稠，真材實料，配料豐富，而且喝後亦不會覺得口渴，應該沒有加味精吧。選配了上海粗麵，麵量很足，掛湯力強，類似烏冬的滑溜口感而帶少許嚼勁，不會煮得過軟。還加了一杯凍檸樂 $18。…查看更多

難得搵到錶位泊車，梗係周圍行下睇下有咩好食啦， 行行下就見到佢，門口仲有好多明星相推介，即刻望下幾錢，天價車仔麵，小妹自問食唔起！ 點知！出乎意外，價錢超親民，重點係個車仔麵湯，竟然真係「湯」😱，唔係腩汁加水！一於試下先！車仔麵紙，一張傳統車仔麵紙，另外兩張係可以揀「湯」嘅車仔麵紙！小妹揀左姬松茸蟲草花湯，另外揀左三個餸，一黎到超大碗，仲有好多湯料跟埋，好多🍄🍄🍄！今次真係餸多過麵啦🤭小妹第一時間梗係飲啖湯先，飲落清清，都幾香蟲草花味👍🏻男人就揀左胡椒豬肚湯，遠遠就問到胡椒味😍 小妹梗係搶頭啖湯啦🤣 比起蟲草花，胡椒湯重口味好多，不過小妹歡喜😂😂😂😂可惜小妹唔食豬肚！男人話豬肚好爽好好味，小妹就食左蘿白，好入味🤤另外叫左份油菜，份量都ok！同場加影: 檸樂係冰底架！！！！！讚呀👍🏻…查看更多

成日行過見到榕記車仔麵都好想試下🤩今日同朋友一試真係有驚喜😋唔止普通車仔麵咁簡單！鋪面乾淨企理胡椒豬肚湯 - 睇相都知 😻 真材實料 豬肚爽口 蘿蔔鮮甜入味 個湯調味/胡椒味都好濃好正 鍾意食胡椒豬肚既我簡直停唔到口😋朋友叫左呢碗蟲草湯...聞左聞同偷飲左啖，喂正喎！鮮 👍🏻甜 👍🏻清 👍🏻 今日悶悶熱熱天氣飲返碗好滋養 下次我想自己對一碗😹side dish 菜莆蛋煎得岩岩好 蛋金香嫩滑 同入面既菜莆好夾值得一試🤤最期待的車仔麵來了！！都係果句 一睇相就知呢間野真材實料無咩味精，啖啖都係好concrete 既美味藥膳湯底👍🏻好香好補 同米線好夾👌🏻配料都明顯全部係靚貨 咬落去好爽口成碗清哂！👅👅👅超滿足薑汁好立克！！🍹為呢晚畫上完美句號估唔到有咁微妙既chemistry 超好飲 超順口食完面飲返杯堅係 - 爽！！總括黎講係高質既！！真係要試試佢😋😋好多種招牌靚湯底 +港式車仔麵Concept +高級材料我鍾意😻😻…查看更多

今日去九龍城買餸打邊爐, 順便過黎食返碗車仔麵做LUNCH坐低後, 填紙落ORDER 就得開頭對住D點菜紙, 好似張張都差唔多, 之後發覺係揀湯底先再填呢度最有特色就係湯底, 除左清湯外, 仲有胡椒豬肚湯/ 酒香藥膳雞湯/姬松茸蟲花湯雞, 雞絲碗仔翅湯底等我地揀左一碗胡椒豬肚湯, 一碗酒香藥膳雞湯, 再自己揀配料配料種類多, 如果唔知點搭好, 可以參考牆上既配搭胡椒豬肚湯黎左之後, 緊係飲番啖湯先湯底濃郁, 胡椒味重, 好正, 飲完好暖胃, 好啱咁凍既天氣飲, 幫助驅風散寒配左豬皮蘿蔔, 魚肉春卷, 都係正常水準酒香藥膳雞湯, 有較重既藥材味, 味道甘甜, 湯入面仲有幾片藥材, 真係真材實料配豬紅, 冬菇, 沙嗲魷魚豬紅冬菇都入味 店員好醒目自動將沙嗲魷魚另上, 唔使沙嗲同湯底MIX 埋沙嗲汁好惹味, 店員話係佢地自家製既不過我叫左米線, 就煮得太淋了由於兩個湯都好好飲又無味精, 俾我地飲到見碗底菜脯煎蛋, 係即叫即製, 熱辣辣上枱, 要趁熱食蛋香濃郁,  裡面仲有D 蛋汁, 加上菜脯, 好有口感見食評推介薑汁好立克/奶茶, 我都要返杯薑汁奶茶, 女仔最鍾意有薑既野奶茶裡面有薑片, 薑味唔算太濃, 混合奶茶, 配搭新鮮又幾好飲另外要左杯熱朱古力, 味道都幾濃, 唔落糖都夠甜…查看更多

來到九龍城今天不吃泰菜就決定一起來吃車仔麵餐廳電視播著八十年代的變色龍車仔麵招牌湯底是胡椒豬肚湯味道有胡椒香非常惹味蘿蔔清甜軟腍無渣是上品點了一客菜甫煎蛋煎蛋熱辣辣質感嫩滑看來師傅的技術也相當不錯咖哩牛腩飯是廚師推薦咖哩屬於經典港式類非常香口辣味在舌尖停留短暫伴上白飯食用最適合不過另一車仔麵點了姬松茸蟲草花湯湯頭非常非常之清甜最後也喝得一滴不剩三餸點了魚肉春卷蘿蔔豬腸邪惡的豬腸味道不錯魚肉春卷也是記憶中的味道薑汁好立克更是冬日中得一點甜好食物好味道就是這樣簡單…查看更多

日本人食拉麵會飲晒啲湯，代表嗰拉麵好好味，對廚師嘅讚賞。不過我哋喺香港同日本食咁多拉麵都無試過飲得晒嗰湯，太肥啦。不過我哋竟然喺九龍城榕記車仔麵食到飲晒嗰湯，全因嗰湯底真係太好味。M佬之選：胡椒豬肚湯 (油麵+雞中翼+魚皮餃)網上啲人話嗰湯講到咁正，就梗係要即刻飲返啖先。未飲已經好香胡椒味，嘩，一飲落口，就有好濃嘅胡椒味，辣到條脷都有啲麻，真係好足料喎。湯底仲連埋豬肚，有成六七舊咁多，好抵呀，豬肚吸埋胡椒味，爽口彈牙，正。車仔麵嘅餸都好出色，雞中翼有淡淡嘅鹵水味，雞肉嫩滑，魚皮餃一咬就有好多魚油，好香濃。A姐之選：姬松茸蟲草花湯 (上海麵+麻辣鱈魚丸+魚肉春卷+豬腩片+雞翼尖)養生嘅A姐揀咗姬松茸蟲草花湯，一嚟到就好香菇味，菇味濃郁，非常清甜，有媽咪煲老火湯嘅感覺。食麻辣鱈魚丸要小心啲汁會射出嚟，辣辣地好惹味。魚肉春卷彈牙，豬腩片新鮮，雞翼尖入味。雞絲碗仔翅比坊間嘅碗仔翅足料，雞絲唔覺得韌，加埋冬菇雲耳，口感豐富，最重要係有埋麻油清香，大滿足。菜脯煎蛋雞蛋煎得啱啱好，一啲都唔老，有少少焦，加埋菜脯，有口感之餘，仲有少少咸味，正。蒜香生菜蒜味濃郁，唔單止係表面加少少炸蒜，係生菜本身都有蒜蓉味，唔錯。（記住Like同Share畀朋友）…查看更多