Fresh Fresh Bakery

放工時見到很多人排隊購買，忍唔住入去睇吓，想不到我在麵包店一樣買到失心瘋🤣🤣。🔸拉絲芝士波波芝士餡中還有芝士粒，芝芝不停🧀🤩香軟得來鹹香味十足，芝士控必愛。🔸朱古力麻糬波波真係冇得輸‼️叮熱2秒，朱古力流心醬滿瀉，配上煙靭的麻糬，口感十分豐富。🔸OREO麻糬QQ球新口味味道不錯😍Oreo 配麻糬，真的好Q軟🔸隕石髒髒包 佈滿朱古力粒粒、朱古力醬及朱古力粉，多料到必然會弄髒，唔怪之得叫髒髒包🤣髒髒得嚟幾開心。味道濃厚，食落層次非堂多😍。🔸肉鬆怪獸波爆多紫菜肉鬆鋪面，內有拉絲芝士麻糬餡，鹹甜交織，超級美味。🔸開心果 /榛子脆脆/ 芒果/芝麻糯米糍糯米糍皮薄爆餡，芒果流心😍，芝麻及開心果香氣十足，真的好食到停不了手。🔸焰燒芝士蜂蜜蛋糕軟綿綿得來帶點濕潤，非常鬆軟，有淡淡的甜味，下午茶時間食一件配上靚咖啡，一流。🔸焦糖布甸蛋糕驚喜度十足。外面係焦糖布丁，入面有煙靭麻糬，再配埋餅底的朱古力蛋糕，一次過滿足你三個願望，正‼️🔸曲奇禮盒 做到手抽筋的手工曲奇，超多口味可供選擇，最啱心大心細的我🤣。我選了斑斕、士多啤梨、朱古力豆、開心果、咖啡、燕麥、紫薯合桃及抹茶杏仁味❤️。鬆化又不油膩，食多幾件都冇負擔。最緊要包裝勁靚，用來送禮也不錯。🔸帝王蛋捲（香濃咖啡味）咖啡味濃厚，蛋卷鬆化，甜度剛好，屋企人超鍾意。🔸奶茶早餐需要醒神奶茶，以優惠價加配，質素不俗。整間店洋溢着溫馨親民的氣氛，產品設計很可愛，如此高質，必須推介大家。…Read More

店舖貨品種類繁多而且價格親民，由港式麵包、手工曲奇、人氣敲敲生日蛋糕、甜品、零食甚至賀年食品(例如手工蛋卷、笑口棗、牛耳、角仔等）都一應俱全，一站式搞掂晒早餐下午茶零食同特別日子，夠曬方便。-🌕開心果麻糬QQ球 $18激推！麻糬QQ球質地真係冇得頂，煙煙韌韌好𡁻口，而且size較一般連鎖店大，唔會唔夠喉！面層塗上一層開心果醬之外仲沾有滿滿開心果碎，非常足料。🌕肉鬆怪獸波 $15另一大推！表層沾滿紫菜肉鬆，內層有拉絲芝士，麵包鬆化有咬口，配料鹹中帶甜唔會膩，沙律醬唔會太多，食落又唔乾﹐口味大眾化，連屋企老人家都話好食。🌗麻糬曲奇🍪 $58曲奇共有八種口味，分別為伯爵茶、焙茶、泰式奶茶、抹茶、開心果、特濃朱古力粒粒、朱古力榛子脆脆及芝士味,每盒有四件曲奇, 口味隨機。今次我試嘅係伯爵茶、開心果、朱古力榛子脆脆、芝士味，當中較為推介伯爵茶味，一打開就聞到撲鼻而來嘅伯爵茶味，食落口味清爽，唔會太濃太甜。麻糬曲奇最緊要嘅就麻糬！呢個麻糬夠曬軟糯，搣開嘅時候有拉絲效果，買完放左一日依然Keep 到！🌗朱古力麻糬布丁蛋糕 $48朱古力蛋糕味道稍甜，適合多人分享；布丁偏流質，切開時會流到蛋糕表面，令蛋糕更加濕潤，味道唔會太甜，如果想食較為挺身嘅布丁質感，可以考慮先放雪櫃待其凝固（未知是否成功，因為蛋糕瞬間清空）；麻糬份量較少，主要集中放中間部份，口感上同蛋糕唔太夾，不過麻糬沾滿布丁醬黎食係幾唔錯。🌖手工蛋卷 $55蛋卷每層較厚﹐質感偏向蛋撻嘅牛油皮，充滿牛油香同蛋香，味道簡單純粹。🌖焦糖爆谷🍿 $28內有蝴蝶型同蘑菇型爆谷，以蘑菇型為多，每粒爆谷都沾有焦糖，而且全部都充份爆開，唔見有未爆開硬磞磞嘅粟米粒~如果可以推出海鹽焦糖味，令味道嘅層次更豐富，相信會更加令人欲罷不能，一口接一口停唔到落黎。…Read More

哩間麵包鋪本身得幾間分店，都係賣一袋袋五顏六色嘅麵包仔🍞同卡通主題生日蛋糕🎂，因為價錢平民，以前經過都會買袋5色包🎨，仲食過佢地嘅流心生日蛋糕，又平又好食😋。今次荃灣哩間鋪由南豐中心搬左去荃錦中心🚛，仲搵咗大型Social Media📸幫佢宣傳新出嘅麻糬波波，就睇下佢開始做大咗之後，仲係咪keep到性價比咁高🔎。紫番薯麻糬波波 ($25)一袋有5個包。哩款包感覺好似健康啲咁👩🏻‍⚕️，中間個麻糬非常之軟糯☁️，係可以拉絲嗰種。而紫薯餡就好甘甜，入邊有一啲紫薯嘅纖維，所以個餡係用真紫薯做成🍠。個包就好軟熟，唔會話放咗一晚之後就好硬。雖然個麵包係紫色，其實佢係冇咩味，所以連埋嘅紫薯餡一齊食甜度就啱啱好😛。黑糖麻糬合桃波波 ($25)都係一袋有5個包，佢個樣好似西餐的餐包仔咁🍞，同上面嗰款一樣，都係一個好軟糯嘅麻糬喺中間☁️，但係哩款唔係紫薯餡，係黑糖餡🖤。佢嘅質地係有少少好似麥芽糖咁，係可以拉到絲嘅糖醬🍭，不過食落冇想像中咁甜，仲幾夾幾好食。但係有個唔係太鍾意嘅地方🙊，就係佢嘅包入邊係有合桃，本身成個包都好鬆軟，但係有啲合桃碎喺裏面，反而覺得唔係太夾🤔。班蘭紅豆包 ($18)一袋有5個，同上款兩款麻糬波波包裝有少少唔同，佢係一個透明袋裝住五個包，好似一個聖誕圈咁🎄。中間係滿滿嘅紅豆餡🫘，好似唔洗錢咁，面頭就係一啲梛絲🥥。雖然佢成個包綠色🟢，但其實唔係好食到班蘭嘅味，你問我反而覺得佢似椰絲紅豆包，不過紅豆同埋椰絲都好甜，如果你好鍾意食甜包🍬，應該會like。肉鬆怪獸波 ($15)一盒有兩個，哩款包比起上面啲包相對貴啲，得兩嚿，但係都足料啲同埋大嚿少少🤏🏻。個麵包係原味嘅麵包，但係上面就放滿左肉鬆🐽、紫菜同埋沙律醬，基本上就算冇餡，淨係哩個配搭已經係一個好好食嘅肉鬆包😋。個餡都係一舊好軟身嘅麻糬☁️，但係哩一款就係放咗芝士🧀，佢個芝士介乎於芝士醬同芝士粒之間，有少少凝固左，但係又有少少流質🫕。佢個價錢牌上面標榜係拉絲芝士，但其實都唔係好拉到絲，主要都係靠個麻糬。講返個味道，個芝士鹹鹹地，昇華咗個肉鬆包，令到個包多咗種層次同埋咬口，味道都豐富咗😳，哩款會回頭買🤤。⭐️總括而言…新出嘅麻糬波波系列$25一袋有5個，價錢都合理💰，而且幾足料同埋好食😋，仲有好多口味選擇，性價比依然咁高。仲係我間唔中經過會買包返屋企食嘅鋪頭👏🏻。見佢尋日仲新出咗款開心果麻糬波波🤩，作為開心果控，已經好想去試下。…Read More