Kedai Kopi Semua Semua

呢日去荃灣大會堂睇表演所以近近地去後面街搵食大約6點左右入座唔洗排嚟到緊係要整番個肉骨茶飲啦肉骨茶可以揀唔同豬嘅部位我哋要咗豬腳雖然個煲唔係好大但呢度可以免費加湯唔怕唔夠飲！！必食！！檳城福建蝦麵個蝦湯十分香同濃郁唔好見到佢紅卜卜就以為係辣其實面頭個啲係蝦油嚟之前我試過叻沙，覺得蝦麵俾叻沙更好味砂煲老鼠粉熱辣辣上係會有加乘同埋佢份量都幾大個點會唔食埋咖央多士呢？記得一定要趁熱食呀！檳城白咖哩麵呢個我就覺得普普通通因為椰奶味太重，都唔係好食到其他味我哋食咗一粒鐘出嚟7點左右已經見到有少少人排隊所以如果唔想排嘅建議早啲嚟！…Read More

家常且正宗既馬來西亞味道🍝🍝已經食佐不下十次，味道一直都保持緊水準😋必點既一定係 ———肉骨茶 — 無限添加，藥材味適中，味道甘香順喉，真係會忍唔住一添再添，但略嫌冇胡椒嘅調味，我認為係必點之一咖央多士 — 出面食既好多時候都唔夠醬，呢到既醬入口甜而不漏，啲醬幾乎咬既每一啖都會漏出嚟，真係好滿足仲有好多菜式未能盡錄…唯一要挑剔既係，肉骨茶每次都只可添加一小碗，建議放一壺係枱面讓客人添加，避免尷尬情況出現。…Read More

每次行過「蘇媽•蘇媽」都想試下，今天難得有機會到荃灣找好友吃晚飯，就乘勢過來。「蘇媽•蘇媽」荃灣店位於大壩街，大大的招牌非常好找。餐廳座無虛席，似乎頗受歡迎。點餐後，店員會即時為食客倒上一碗熱湯。味道當然是正宗馬來西亞風味，藥材味濃，顏色深，苦澀中又帶少許鮮甜。而且還可以無限refill。而他們的肉骨茶更提供多款選擇，有骨有肉，任君揀選。筆者點的是豬腳彎，即是帶皮的豬腳。肉質熬得軟腍入味，厚厚一片，口感十足。筆者之所以對「蘇媽•蘇媽」感興趣就是緣於這個綠色飯。飯粒加入了斑蘭、椰漿，煮成馬拉特色青綠椰漿飯（讀音就是辣死你嗎）。入口有點清香，蘸參巴醬一起食更會帶點辣感。選擇配咖哩雞肉，惹味香辣，但略嫌肉質有點「鞋」。椰漿飯另外還附有半隻雞蛋、乾魚仔、蝦片、青瓜和花生，頗為豐富。見到幾乎每枱都會點這客椰香咖央多士，所以筆者也跟風。麵包烘得香脆，中間的咖央醬更是精華所在，塗得夠厚，入口香甜重椰味。同行朋友對其讚不絕口。食多士又點少得拉茶？據講起泡越多，味道就越好，熱飲杯上的確起了一層高高的泡沫，飲落茶味也是頗為濃厚。…Read More

Semua係馬拉話係解「全部」，用廣東話直譯音就係「蘇媽」，易記又eye catching😛 呢度肉骨茶、椰漿飯、咖央多、蝦麵咖喱麵等全部都有，仲要份量好大，去一次試唔勻，已經諗定要再encore 魚仔醬蘿蔔糕粒粒煎到外脆內軟，蘿蔔糕仲有冬菇同魚仔乾非常香肉骨茶有分胡椒味既新加坡style🇸🇬，或者藥膳味既馬拉式🇲🇾 我成家都鍾意馬來西亞果隻多d，呢度都真係食到當地既味道🥰 用當歸、川芎、八角等藥材熬製，可以任添添呀😋豬腳彎啖啖肉，細細煲都有四大片厚切，諗真抵食。上面係有一層肥膏，入口即化呢。怕肥既淨食下面大舊瘦肉都唔嚡口老鼠粉有蝦乾、魚仔、肉碎等再加隻蛋撈🥚鹹香味十足仁噹牛肉同牛筋炆到好腍好入味，配綠色既斑蘭椰漿飯好吸睛🍚烘到非常香脆既多士都係必叫，夾住流心既班蘭咖央醬甜而不膩🍞配埋杯拉到起哂泡既拉茶就perfect啦☕️十二點鐘開門，假日都要係開店前早十分鐘排定隊就入到去食第一輪。…Read More

蘇媽蘇媽，我同爸爸都好鍾意黎呢間食肆，因為呢度既肉骨肉又正宗又好飲，而且仲要係任飲。今晚六點半到來，餐廳內已坐了好多人，好彩仲未要等位，再晏點應該就要等位了。坐低後，店員隨即為我們捧上肉骨茶。嘩，好香濃呀，即刻飲返一碗先，太濃郁太滋味。呢度係馬來西亞口味，所以肉骨茶係偏重藥材味的，好味好正架。之後點餐，野食都好快送上。先講一講呢份椰香咖央多士，真係超超超好味，多士又香又脆，中間仲要勁多餡呀，超香既咖央呀，仲要個量係超多，好好味呀，爆餡咁，多士又熱又脆，咖央又甜，椰奶又香，完全係超好味，呢個真係必點。另外點了一份煎脆雞翼，灑上了少少辣粉，仲有個辣醬，好惹味既口味，帶點點微辣更為惹味刺激。雞翼又脆又滋味，啖啖肉又辣辣地，正正。另外點了一份豬腳彎，豬肉都分左好多唔同部份架，又有一字骨、豬手、豬腳、三層肉、棒棒骨。有好多款唔同部位。正。呢次食既豬腳彎都唔錯，肉質啖啖肉又正，仲有少少質膠好彈牙好膠質，唔錯唔錯。仲點了一份主食，古早豬腸粉。好多豬肉碎，有少少似食緊滷肉飯既肉燥咁，好好味呀，仲有個汁都好正，用黎撈腸粉一流一流，腸粉又綿又滑，加埋濃濃既汁醬好惹味，仲有好多肉碎，正。不停食又不停添飲肉骨茶，真係好飽好滿足，記得黎到要飲多幾碗呀。…Read More

平日假日都超多人, 荃灣而間係有2間鋪係隔離, 所以都唔算等左好耐就有位。百吉爹肉骨茶 (一字骨) $128一坐低已經有一碗肉骨茶, 同一字骨既一樣, 藥材味濃, 帶甜味, 怕苦既我都覺得幾好飲。每張台都有貼肉骨茶最佳食法, 先飲湯, 再沾醬汁食肉, 醬汁味道都幾好, 咸淡適中, 食得耐都唔會話好厭, 配料金菇同豆卜份量都ok檳城福建蝦面 $62食開少辣既我地就覺得偏辣, 海鮮味道正常, 油面好掛湯, 份量利講女士應該夠飽, 但如果男士既話, 就應該未必夠。馬來西亞拉茶 $20失望, 飲落好重薑味, 但撇除浸薑味既話, 應該係幾好飲, 但溝埋就好奇怪。椰汁斑蘭冰 $36偏甜, 斑蘭味幾重, 有西米增加口感, 價錢就偏貴…Read More

約左朋友去荃灣廣場行街，行完見到呢間個fd話好好食&好想食就跟左入去（半信半疑）～叫完野食一人送一碗肉骨茶 $0味道ok啦 唔太特別～百吉爹肉骨茶早知有個湯送就唔叫啦😂瘦肉部份粗糙，好鞋無食豬皮，太多毛～玻璃魷魚配通菜個fd食得好重味（味蕾可能已經壞死）叫完多醬搞到成碟菜太辣正常醬嘅話就應該幾好味嘅魷魚好彈牙👍🏻～魚仔醬撈啦啦又係多醬，令到成碗蜆太咸我就夾左碗底無沾醬嘅蜆仔黎食還算可以，略帶鮮味，不過太多沙😮‍💨好差～個fd話味道ok我淨係試左一啖湯好似清湯加少少辣沙嗲味咁唔會覺得正宗嘅味係咁總之就好似湯包加水開稀咁（太稀）～馬拉沙嗲串燒最好味係個醬，一定要點醬食沙嗲醬微甜，重花生味👍🏻～海南鴛鴦燒麵包我淨係搣左4份1塊黎食（牛油刮走）普通，見到menu張相以為會有美祿/朱古力粉點知只係普通多士加咖央醬～檸檬薏米水偏酸，千祈唔好食薏米，好大陣膉味D薏米應該喺倉底放左好耐🤮～總結：食材質素麻麻，唔知呢個價錢係咪算好抵食唔敢踩太盡…Read More

成日俾朋友話我淨係鍾意歎咖啡食西餐，食野唔夠平民。其實我想平反，我都好鍾意食平民特色野，只不過有時餐廳人多要快手快腳或者環境淺窄唔夠打卡able時選擇左直接襯熱開動。今日就嚟都有馬拉平民美食之稱既蘇媽蘇媽開餐。.蘇媽蘇媽其實係馬拉文「咩都有」既意思。開左好長時間，主打馬來西亞菜，係平民美食界名氣幾響，相信好多人就算未食過都一定聽過呢個餐廳。荃灣分店都算大有兩個鋪位，雖然次次去門口都有人龍但係地方大大家都係快吃類別，所以入座都算快。裝修有少少似舊式冰室，幾有風味。.因為怕等，平日唔少時間係叫外賣所以佢地好多名菜都試過。今次難得同朋友選擇坐低食，簡單打張卡紀錄一下。.肉骨茶💲0⭐️3.5/5坐低首先每人黎一碗熱騰騰既肉骨茶，呢個係佢地既名物，免費的。佢地既肉骨茶標榜即日煲，每日開爐兩次，保證新鮮好味。味道上盡量平衡肉湯同藥材既風味，顏色上比較深。 .一字骨肉骨茶 💲128⭐️3.5/5一字骨係最傳統既食法，餐牌有教肉骨茶四步曲：檯面有碟仔同各種調味料，調醬 (蒜+辣椒+黑豉油+頭柚)，先飲湯，再嚐肉骨，肉記得要點醬食先夠風味，最後可以叫侍應加湯再飲，任添既。肉骨茶其實一向唔係我杯茶，唔多評價，淺嚐暖一暖胃。一字骨有三大枝骨，朋友就話足料好食。.檳城白咖哩米 💲55⭐️3.5/5湯底既椰汁感滿重，配料係簡單清淡風例如魚旦、豬紅、豆角等等。味道合乎期望，不過不失，純粹係因為叫左一份邪惡小食想減低罪惡感而叫既。 椰香咖央多士 💲32⭐️4.2/5呢到既咖央多士先至係我的最愛餐點，餡料特厚但多士屬於傳統茶記港式白麵包，即係薄身版本。烘得香脆基本，重點係佢既厚料咖央醬同牛油，清甜不膩，一個人可以完整地食一份先覺得夠。.總結：咖央多士出色，雖然個人唔係肉骨茶粉但試過其他唔同菜式幾次，覺得整體水平不俗，可以偶爾再encore。…Read More

成日路過都見大排長龍，今日終於一試。 肉骨茶又幾好食，淡淡既藥材味，唔會太濃難以入口。肉都比得好豐富。 怡保肥仔芽菜， 味道一般，冇咩味，價錢都偏貴。 椰香咖央多士，味道一流。 面包烤得香脆，入面既咖央醬味道濃厚而不膩，十分推介。…Read More

假期午市12點到，餐廳已經坐滿人，所以記住要早d到，就唔駛排隊等位。叫左檳城白咖哩麵($55)，三層肉($48)，椰香咖央多士($28)。麵類食物有好多款可以揀，尼款係白咖哩，可以自己揀辣度。湯底奶白色，好大陣椰香味，而且愈飲愈上癮，超好味。有大量配料，其中有魚蛋、豬紅、蛋、已除殼既蝦、豆角、芽菜，好豐富。油麵份量多，唔算掛湯，但一啖麵一啖湯，好jeng。成碗湯飲哂冇難道。個人鍾意尼個湯多過肉骨茶。肉骨茶好濃藥材味，顏色深，入口甘，不過好易凍左，所以飲到一半，要refill熱既。 估唔到一小個碗，都裝到好多件三層肉。每件肉都肥瘦層層可見，肉易咬，不過唔算好入味。咖央厚塗甜而不膩，而且烘得夠脆夠香口，放耐左先食都一樣好味。多士一開四件，方便食。不過牛油如果都係厚切一塊夾住，會更加有口感同好食。整體，侍應做野手腳快，而且食物好快就到，雖然餐廳唔算大，但坐得舒服。…Read More

星期日去屯門行山，出發前黎荃灣醫下肚先~蘇媽蘇媽 呢間黃店深信有睇開其他 Foodie 都一定會推介，終於有機會試到，真係值得黎食！雖然黎到都要等位，都等起差唔多15分鐘以上，不過都係值得。叫咗 肉骨茶 配捧捧骨，湯咖哩麵 同 咖央多，牆上有介紹肉骨茶嘅食法，先飲湯再食肉，再飲湯~茶係我食過咁多間最濃味嘅，#當歸 味最出，而捧捧骨就咁食就有D Dry, 但跟牆上介紹Mix 個豉油醬立即惹味晒！食到尾仲可以叫佢地加湯，呢個食法真係好少見！而湯咖哩麵係配米通粉，初時都驚會太辣，但入口只係好輕輕輕輕嘅微辣，甜甜地仲有好重椰香，米通粉質感比米線更滑，不過就有D 碎，食到中途已經夾唔起要用「畢」黎食，入面好多料，方型嘅魚蛋好特別好好食~而咖央多對我第一次食嘅人黎講甜度剛剛好，多士 脆脆的，醬又唔會太膩。而食食下男朋友都話唔夠食，最後加單加咗個#滷肉卷，十分脆皮而入面係滿滿芋頭肉餡，唯一嘅缺點就係跟埋黎嘅辣醬因為唔係分醬上所以沾到少少，已經好麻辣，辣到我地2個都食唔到，如果想食可以試下叫佢分醬上先得。另外叫咗2杯凍飲，凍話梅 桔仔水 個人十分推介，冰涼得黎又清清地，仲可以解辣，唔會好似鹹柑桔咁。而男朋友叫個杯凍冬瓜龍眼水都唔差，不過濃味D甜D，重口味人士可以一試。整體唔錯，係坐位逼咗少少。值得返轉頭！…Read More

經某電視節目介紹又經開荃灣, 所以到蘇媽馬來西亞茶餐室試試味道如何。下午茶時段叫咗"檳城褔建蝦油麵", "桔仔話梅水"(特飲加9蚊), 另外再點, "椰香咖央多士"同"百吉爹肉骨茶(豬腳彎)"。其實仲想叫招牌砂煲老鼠粉, 但怕食唔晒, 所以放棄了。點完餐後無耐就斟咗碗肉骨茶比我, 嘩! 好香好甜既藥材味,我的最愛呀! 再來百吉爹肉骨茶(豬腳彎),肉質好軟錦,豬皮無毛乾淨, 如果加埋黑鼓油及辣椒, 味道更濃, 食不停口 。但需要趁熱食, 如果凍咗, 肉質變硬, 就算加埋黑鼓油及辣椒也感覺頂胃。檳城褔建蝦油麵好多料,鋪滿成個碗面, 湯底好香濃, 油麵都算彈口。桔仔話梅水酸甜味道適中, 好解渴。椰香咖央多士不算太出色, 但很脆口。…Read More

估唔到係荃灣，都好似飛3個幾鐘去咗馬來西亞，找回馬來西亞嘅味道。同阿媽兩個人食分別叫咗檳城亞參叻沙米線跟蝦醬同檳城福建蝦麵配辣醬。兩者我相對鐘意檳城福建蝦麵，有濃濃蝦頭味嘅湯底，食落仲有少少辣。配料有蝦同兩片腩肉。而檳城亞參叻沙米線就比較清新，湯料有大量爽口蔬菜，例如洋蔥、青瓜，特別嘅地方係仲有罐頭菠蘿，湯底酸酸美味好開胃。蝦醬甜甜地，同港式係大澳買嘅蝦醬唔同，但因為唔知道係點食，所以都冇點太多。食馬來西亞嘢，必食有肉骨茶，呢到仲係任添！之前去旅行聽到導遊講馬來西亞同新加坡嘅肉骨茶係有唔同嘅，馬來西亞嘅肉骨茶比較重藥材味。呢度嘅係還原喺馬來西亞飲嘅肉骨茶，好濃郁嘅藥材味，放心入口唔會苦。如果冬天飲一定勁暖身。原本想食棒棒骨，但考慮到得兩個人食未必食得晒，所以叫咗豬肚。$42都好多件豬肚，每舊都好厚身，好抵食。我哋仲叫咗串燒。沙嗲醬好惹味，有一粒粒嘅花生。雞肉比豬肉好味，燒得脆口d，同埋比較入味。兩個人食都捧著個肚走。下次一定要多啲人嚟食，試埋奶茶同斑蘭特飲，仲有好多人叫嘅多士。…Read More

「蘇媽 ﹒蘇媽」馬拉文就係解「甚麼都有」，所以店舖提供唔同正宗嘅馬來西亞菜式，部份材料嚟自原國，務求做到原汁原味🇲🇾店內設計復古懷舊，富有傳統馬拉風格。 即使開咗分店，店外都依然出現人龍，大受街坊歡迎👍🏼💗無限添飲肉骨茶肉骨茶加咗20款藥材煲足兩個多小時，尤其當歸味最濃烈，湯頭微暖唔算太熱，充滿藥材香，茶底濃但冇苦澀味反而有回甘，藥材味已經比馬拉個d已經淡咗少少。另外帶d豬肉嘅鮮甜味，飲落香醇順喉🍲💗百吉爹肉骨茶大雜錦 ($145)有齊5款肉類，棒棒骨炆到骨肉分離，肉質偏瘦不過都幾淋，豬肉味濃，食到絲絲嫩肉🍗；豬手帶皮，筋位口感爽脆富骨膠原，佢係唔係屬於炆到軟冧個種保留咬口，挑剔嘅係仲有d豬毛；三層肉食落較鬆化帶油香，肥脂同瘦肉比例係1:3，已經相對較瘦🐷；豬肚好新鮮，食落爽口彈牙，清潔得好乾淨所以冇羶味；雞腳唔會煲到軟爛，由於彈性十足要花時間下，呢個好睇個人喜好，悲傷小姐就係鐘意呢款有嚼頭嘅🐥。將辣椒碎、蒜蓉、黑豉油同頭抽拌勻後，用嚟配肉食更惹味🧄底下加咗吸湯一流嘅豆卜同金菇🍄呢款仲送油炸鬼同響鈴，好可惜係冧哂一d都唔脆。呢鍋湯冇原裝肉骨茶咁重藥材味，多咗一份肉嘅甜味，味道比易接受，不過比較油膩🤔💗招牌砂煲老鼠粉($78)老鼠粉其實就係銀針粉，口感QQ咁證明冇煮過火。加咗兩款特調嘅豉油炒成，雖然睇落好深色，但食落好香唔會咸。面頭舖上滿滿嘅肉碎、豬油渣、江魚仔🐟、 蝦米碎🦐、蔥、炸蒜同流心蛋，非常足料，撈勻後份量有成3碗多。脆脆嘅豬油渣帶油香，豬肉碎惹味又唔鞋，其他配料鹹鹹地又脆口，生雞蛋趁熱撈勻變成熟蛋碎，一齊食口感非常豐富🍳💗椰香咖央多士($26)多士即叫即製，厚度切得適中，烘得香脆唔太燶🍞平均搽上綿滑嘅咖央醬，每啖都食到椰香同班蘭香，內餡甜而不膩，不過牛油嘅份量可以再多d。咖央落得足夠，悲傷小姐貪心dd 可以再塗厚就更加香濃🥥💗馬拉沙嗲串燒($85/6串)串燒可以試哂牛、雞、豬三款。雖然燒得焦焦地有炭火香，但有d燒過火肉質就普通🍢尤其牛肉最韌較難咬開，勝在牛味濃; 雞肉就過熟未算最嫩滑; 豬肉係最驚喜，甚至係食過最好食嘅豬串燒。肉質彈牙外食落超juicy，而且一d都唔肥膩。當然沙嗲先係主角，帶濃烈嘅香茅同椰香味，但花生香唔算突出，汁底味道偏甜而且唔辣，唔夠最惹味🥘💗玻璃魷魚配通菜($48)通菜新鮮無渣，淥完都保持翠綠，食落爽脆。晶瑩剔透嘅魷魚非常爽口，唔韌而且冇雪味，份量對得住個價錢🦑面頭嘅炸蒜同辣油係提味嘅關鍵，惹味十足🌶唔好睇少佢細細pat，辣味慢慢滲出嚟相當刺激。💗怡保肥仔芽菜($46)芽菜比香港嘅較肥同短，但食落更清甜多汁，而且入口爽脆。只係放落高湯灼熟，再落少少豉油、胡椒粉同蔥花調味，食咗咁多濃味嘅菜式，食番個清淡嘅蔬菜解除口中嘅咸味同油膩感🥬💗馬來西亞拉茶($22)跟足馬拉沖法，加入煉奶同淡奶，來回拉8-10下，令奶味平均。飲落幼滑香醇，茶味層次豐富，香氣比較特別☕️相比港式奶茶，最大分別係奶味偏重，而且較甜。悲傷小姐作為奶茶控都覺得甜度適中，而且有特色風味🥛…Read More

#throwback呢舖真係玩自己系列😂之前講過喺荃灣廣場，見到蘇媽蘇媽開咗喺對面，就話點都要過嚟排隊一試。好揀唔揀，揀正中午嚟排隊😂淨係排隊都出晒汗。入到去個冷氣好似冇開咁弱😓唯有同自己講心靜自然涼。好傳統既器皿😍落完order，侍應送黎兩碗肉骨茶嘆下😍藥材味呀🤤其實每人一份主食已經好夠，但係兩隻為食貓貪咀嗌埋個椰香咖央多士🤤好好食，唔會好甜，無嗌錯🤤主食黎到，明明已經好熱，仲要嗌辣麵同肉骨茶，係咪玩自己😂肉骨茶啲肉好淋，又好入味🤤雖然好熱，但係都忍唔住要清晒成個湯🤤檳城福建蝦麵，個湯好有蝦味🤤啲餸好多好足料，魚蛋好彈牙👍🏻最後以一杯凍白咖啡作結，平衡下個體溫😂…Read More