Satay Inn (Hong Kong Gold Coast Hotel)

又係時候解下旅行癮😆今次去左試好出名既沙嗲軒，聽過身邊有好多朋友都推介呢間新加坡菜餐廳，不過今次我就第一次試🥳💓✨佢地而家做緊既係《新加坡嚐味套餐》，人均約$𝟛𝟘𝟘就可以試𝟞款野食，我地唔想諗就直接叫左呢個套餐🙆🏻‍♀️🍖特色頭盤：黄金脆炸魚皮、沙嗲豬肉及雞肉串💓兩款沙嗲串燒都超好味😋燒得好香，香料味好出，而且一咬落去真係會有肉汁咇出黎💦而佢地既沙嗲醬裡面係有花生粒，配埋一齊令口感提升之餘，更加咸香🥜🤤❌黃金炸魚皮係咸蛋黃撈炸魚皮，除左有好多係碎哂，有一半仲好淋，味道一般😢🥣肉骨茶呢款係加藥材熬煮既肉骨茶，隨碟附上脆卜卜既油炸鬼粒👍🏻藥材味好濃，排骨都好入味，熱辣辣飲落好舒服✨不過飲到底就好苦澀😂如果回甘出啲就更好🍚招牌海南雞飯❌呢款有啲期望過高🥲每塊雞皮下面都有一層厚厚既脂肪，而且雞肉都唔夠嫩滑😫但係個油飯就好正，夠入味，每啖飯都食到好濃縮既油香味🐓個人覺得口感黏左少少🤏🏻🍤蝦 (胡椒)有麥皮牛油同胡椒兩款口味選擇💁🏻‍♀️我地就揀左胡椒蝦💓蝦既size都唔細喎，而且已經起左肉，輕輕一挑就可以食到啖啖肉😋😋大蝦新鮮炸起熱辣辣，肉質緊實又多汁，配埋辛辣胡椒，超惹味❤️‍🔥🤤🌶️🥗香辣通菜呢個炒到好好食，好爽脆👍🏻辣度稍高，好香口，醬汁亦唔會過油，最快清哂🥢🥄燕窩椰香黑糯米甜品黎講好飽肚😂可以揀熱或者凍食，我揀左熱食，但個椰漿同黑糯米香味都差啲啲🤏🏻🍹鹹檸檬七喜套餐係無包野飲既，我地另外加左餐飲，都算大杯，但鹹檸檬無乜味🫣…Read More

今日去屯門探朋友，所以去咗黃金海岸食lunch，酒店無咩選擇，所以揀咗近門口既呢間。我哋2個人叫咗3樣嘢，海南雞飯，肉骨茶，通菜牛腩煲，首先講海南雞飯，普普通通一般，肉骨茶偏鹹，味道不太正宗😔個通才牛腩煲非常濃味，口味偏重。。。個人覺得食物質數一般，份量較少，但侍應生服務態度好，特別係個男既侍應。環境清靜舒服😌如果想食好嘢呢度唔會係好選擇😆特別一提，openrice嗰張coupon係一定要print出嚟先用到，咁其實好唔實用好無謂，家下個個都用e-coupon既年代，呢點可以改善下～…Read More

兩日一夜既生日package, 黎到第二日包午餐每人一份。本身唔多想㨂素食，不過因為好多都係辣，所以㨂無可㨂🙈🙈🙈。✨薏米水幾好飲，唔太甜清清地幾健康，我覺得熱好飲過凍，因為凍既比較淡。✨菜粒素雞蛋白炒飯： 個飯都幾大碟，炒飯夠乾身粒粒分明幾有咬口，蛋味都幾香，不過個人嘛嘛地素雞，本身無咩味覺得有d 寡。開頭食果時覺得好咸，佢面頭果下鹽重手左，但食食下又ok 番✨加多加多沙律：唔好睇佢賣相好似一pat......食落味道有驚喜🤩個醬甜甜地又有啲花生同沙嗲味，裏面有菜，豆角，薯仔，青瓜，沙葛，估唔到係幾夾同埋好食嫁喎✨肉骨茶浸中藥味好濃，但又覺得幾好飲，舊肉幾腍幾香，真係想再飲。✨咖喱雞飯: 見番d 肉覺得好開心😂， 原本都驚佢好辣，但我唔食得辣都接受到。d 雞都幾多，有兩隻雞鎚同兩大舊雞胸，啖啖肉！仲有薯仔都好好味， d 汁最後拎晒黎撈炒飯先食得到。…Read More

屯門黃金海岸商場每逢假日很多時也會舉辦特別活動，今次的主題是「小車手遊樂園」，特意和家中小鬼趁五一假期走一趟。 在玩樂之前，先到黃金海岸酒店的沙嗲軒享用一頓豐富星洲午餐。憑消費單據可到商場的客戶服務部免費換取 5 張遊戲卷。 作為酒店餐廳，沙嗲軒的用餐環境富保證，裝潢時尚光猛。 飯餐以三碟香口小吃作頭盤。酸甜香脆炸蝦餅賣相金黃，外脆內彈。蒜蓉多士同樣做得香脆，製作惹味。串燒沙嗲豬口感鬆軟，肉味濃，並帶微微焦香。沙嗲醬以花生味道最為出眾，十分可口，難怪能成為招牌菜之一。 肉骨茶是筆者喜愛的星洲美食之一，取其芳郁的藥材香氣及微微回甘韻味。這碗肉骨茶的味道正合筆者心意，唯一美中不足的地方是肉排炆煮得過久，有欠軟腍。 招牌海南雞是餐廳的另一名菜，碰巧昨日在西沙茶座享用了一樣的菜式，有了比較。論賣相，沙嗲軒的海南雞確實稍勝一籌；論味道，則以西沙茶座的海南雞較細滑及鮮香。 星洲蘿蔔糕的亮點落在醬料之上，味道甜香可口，酷愛大量蛋絲的投入。相比一般蘿蔔糕，這碟蘿蔔糕的質感較腍身，似蒸蘿蔔糕多一點。 福建蝦湯麵是餐廳的另一推介，橙色的蝦湯味道確實不俗，但礙於油麵一向不是筆者的心頭好，難取高分！原個菠蘿海鮮飯以鮮蝦、青口、魷魚等海鮮入饌，飯品出品略淡及濕身，水準只屬普通。 首次到訪沙嗲軒，整體給予筆者不俗的印象。精緻的食物，光鮮的環境，切合星洲予人陽光的氣息。 ******************************優惠情報：假日午市沒有任何信用卡優惠，但可儲 Asiamiles 飛行里數。 ******************************泊車情報：消費滿 $500 可享免費代客泊車兩小時，其後 $40/小時。 ******************************…Read More

今週二入住了黃金海岸酒店的住宿計劃，當中包括了於沙嗲軒享用雙人「味」力星馬午市套餐，於是首日的午餐就在那裡解決。雖說內容只是雙人，但選擇與份量都很豐富，三大一小一起分享都足夠呢!首先是每位特式飲品，有青檸梳打及熱柑桔蜜兩款選擇，正好每樣一杯揀下來，兩款賣相都很對辦。始終是病好初癒，老公凍的青檸梳打我沒有試，但那杯熱柑桔蜜就很合心意，熱暖微甜不會過膩，飲在胃裡十分好受。頭盤十分豐富，可揀肉骨茶或加多加多沙律，當然又是每樣一份。肉骨茶味道不會很濃膩，帶布淡淡的藥材香氣，加上肥瘦合宜的排骨，還有香口吸引的炸油條，足料令人滿意。至於印尼式的加多加多沙律，靈魂部份的醬汁做得夠香濃，其餘的食材也新鮮、清爽、好吃，加起來沒有不滿足的道理。來到主菜選擇更是豐富，共有六款之多，包括海南雞飯、炒貴刁、菠蘿炒飯、馬來叻沙等選擇，我們好不客易才選出椰香咖哩牛腩配白飯。要讚這咖哩味道一點不辣，香口微甜但又濃郁非常，撈飯好吃到要飛天!! 牛腩份量也一點不欺場，肉質也算鬆化，在香濃咖哩的襯托下吸引不得了，如非初癒我簡直要加飯來將之撈光~另一款主菜為了囝囝也可以吃，就點了星洲魚頭湯米粉，成品用料也十足，有大量新鮮的魚片，奶白湯的湯底鮮甜不油不咸，清清的襯以米粉好吃又健康，還加上大量正氣的菜芯，甜魔媽媽與囝囝都吃了很多! 很飽足。飯後還有每位甜品，是馬來摩摩喳喳，香濃熱暖的椰汁之下，是煮得軟稔、甜魔媽媽大愛的甘薯及芋頭，超級喜歡的，再加上煙韌有咬口的三色啫哩條，組合繽紛、口感豐富，是個很滿意的句號。其實一直對沙嗲軒的印象很好，也一直想拜訪屯門黃金海岸的分店，想不到這次可以藉住宿試到其午餐，感覺實在不錯呢!…Read More

說實話已經好耐冇黎過黃金海岸啦~記得細個個時媽咪有帶過我黎行街影相, 同埋去過個沙灘玩架''*最近期都係好幾年前黎食過 Buffet, 真係令人懷念!!!這次是品嚐於黃金海岸酒店內的餐廳 ~ 沙嗲軒 Satay Inn❤ 雞肉及豬肉沙嗲作為頭盤沙嗲串燒, 係平時必食之選!!!這裡的沙嗲醬非常特別, 帶有花生碎粒, 可以增加口感；仲混入了菠蘿蓉, 令醬汁多了份酸酸甜甜的味道, 特別醒胃''*雞肉串燒燒得剛剛好, 十分香口惹味~反而豬肉串燒就稍為乾嚡, 下次有機會想試埋個牛肉串燒添!!!❤ 家鄉福建薄餅薄餅皮煙煙韌韌, 內裡包著滿滿的餡料!!!內裡有生菜, 蛋絲, 蝦肉, 豬肉絲, 紅蘿蔔絲等等的餡料~而且仲帶有少少辣味, 口感很豐富及有層次感''*❤ 肉骨茶這裡的肉骨茶沒有馬來西亞那麼濃烈的藥材味道, 較適合香港人口味''*味道絕不苦澀, 而且內裡材料十足, 有鮮菇, 肉排及杞子等~~鮮菇及肉排非常入味, 已經好軟腍, 不錯喔!!!另外仲配有油條粒, 可自行加到肉骨茶內一同進食~不喜歡加入肉骨茶的話, 更備有兩款醬料可用來調味!!而我就喜歡沾滿肉骨茶味道的油條粒, 一啖過食令人感覺滿足''*❤ 招牌海南雞海南雞的賣相不錯, 顏色也不錯, 皮肉相連~已去骨的海南雞, 皮薄有光澤但不油膩, 肉質嫩滑肥美!!每人更備有個人的醬料, 不用與友人共用''*醬料有辣醬, 甜豉油及薑蓉, 我最喜歡點上甜豉油, 十分美味~喜歡吃雞的我覺得這海南雞好正, 果然係招牌菜!!!❤ 星洲焗胡椒蟹好巨型既胡椒蟹, 未上台已經聞到陣陣胡椒香''*喜歡食海鮮既我對這道菜滿心期待啊~細心的廚師既幫胡椒蟹拆件及將蟹鉗預先把殼輕輕敲碎~最正的莫過於兩隻大蟹鉗, 打開後大大舊肉呈現眼前, 真係啖啖肉啊''*爆香過的胡椒配上鮮甜的蟹肉真係絕配~香脆的胡椒粒沒有蓋過蟹原本的鮮味, 好惹味香口!!!食過翻尋味啊''*香濃既咖喱配上好軟腍既牛肉~這咖喱味道不辛辣, 且帶有甜的味道, 一定要撈飯食''*牛肉軟腍唔難咬開又入味, 不錯!!!❤ 馬來叻沙帶有椰香及辣味的叻沙, 味道給椰奶中和了所以不算太辣~份量很足料, 內裡有魚蛋, 雞絲, 蝦肉, 豆卜等配料, 十分豐富!!瀨粉吸收了香濃的湯底味道, 使我一口氣吃完這碗叻沙''*味道真是令人回味~~~❤ 馬六甲椰汁西米布甸賣相可愛的椰汁西米布甸, 令愛好甜品的女士們忍不住口''*一粒粒晶瑩彈滑的西米, 入口煙韌, 很有口感~特別地由椰汁配上焦糖醬, 滲透入西米布甸內, 不太甜但能帶出焦糖椰香味!!!很有驚喜, 令這晚餐完美地作結~~…Read More

黃金海岸…就是給人很浪漫 、渡假既感覺~特別是黃金海岸酒店 ，一踏進酒店已經不禁投入悠閒的懷抱~前幾次來到黃金海岸酒店都是品嚐自助餐 ，今次作出新嘗試...來到主打星馬菜的〝沙嗲軒〞， 而味道同樣出色!家鄉福建薄餅薄餅包著滿滿的饀料 ，像草卷般~蛋絲、雜菜絲、蝦肉 …用料豐富~餅皮夠薄 ，薄得黎足以包裹著滿滿的饀料 ，不令饀料鬆散，可一啖入口~配合地道做法 ，當中加入少許辣椒， 食到中間有少許辣味~煙韌的餅皮..配上新鮮饀料，整體口感清新 ，作前菜是很不錯的選擇!雞肉及豬肉沙嗲沙嗲醬料味道偏甜 ，屬花生醬風味~醬汁濃度適中..帶有花生碎粒，增加咬口感~沙嗲醬當中混入菠蘿蓉 ，在甜味中又帶點酸 ，很有層次感~唯豬肉串肉質稍為乾韌，但沙嗲醬汁味道搭夠~酸酸甜甜..夠開胃!肉骨茶用多種香料 、藥材煮調的肉骨茶~香香的藥材味，不帶苦澀感~肉骨茶配以明目的杞子 、冬菇 、肉排，冬菇很入味~個人喜歡藥材味較重的肉骨茶 ，所以我飲到一滴都冇淨 (^ ^)附上炸油條蘸湯來吃，設甜豉油醬汁及辣醬來調味..其實我覺得不需再調味 ，原味的肉骨茶味道已很足夠~滿有肉骨茶味的炸油條，口感及味道是雙重享受，很滋味~招牌海南雞雞皮有光澤 ，當中一塊雞肉裝飾得像一片羽毛，賣相很美 ~已去骨的海南雞，入口肉質嫩滑 ~挺喜歡每位自己都有一碟專用醬料(豉油醬汁 、薑茸、辣醬) ，很不錯~沾甜豉油醬汁時不要太重手，否則很容易變成豉油雞..XD ， 嫩滑的雞肉配上甜甜地既豉油，入口很香滑!色香味俱全，難怪是招牌菜式!星洲焗胡椒蟹未食已傳來陣陣胡椒香氣~烹調後擺設回蟹身的形態 ，全隻蟹是也~整碟看上去很有氣勢..大大的蟹鉗~蟹鉗大得差點不能放進剪鉗器..XD不過不難處理 ， 廚師早已預先在蟹鉗 、蟹腳細開了關鍵位 ，所以只需輕輕剪鉗便可~肥大肉厚..啖啖蟹肉!殼面佈著滿滿的胡椒，胡椒並沒有搶走蟹肉的鮮味 ，惹味中帶點鮮 ，味道超搭!巴東牛肉牛肉燜煮得很入味..肉質烹調得夠軟腍，沒有咬牙切齒之感~咖喱汁夠濃郁 ，用來撈飯真是一流!連平時晚上不沾飯氣既我都忍唔住要撈飯~馬來叻沙叻沙湯配以米線 、魚旦 、蝦肉 、雞絲、雞蛋，湯汁香濃~當中米線有點像瀨粉 ，中間通穿窿浸透著叻沙味~味道比我想像中辣 ，但又不是辣得要即把水灌進喉嚨之感..辣的同時又聞著椰奶香 ，是惹味得令人欲罷不能~端上桌來時 ，看見西米布甸Q彈得震滕滕..超有動感 (^ ^)看見粒粒晶瑩的西米，入口煙韌 ，口感挺有趣~配上椰汁 、少許焦糖醬汁，整體不太甜，味道剛好，入口有椰奶香~食到中段焦糖帶出似有似冇的咖啡味...令本身平平無奇的西米增加了不同味道的層次感，大推介!服務員在用餐時經常為我們換碟 ，令下一道菜的味道不會被之前的醬汁打亂，細心之餘服務態度很好~黃金海岸酒店大堂的新年佈置很美啊!食飽飽..影下相...行沙灘…Wonderful Day~…Read More