Kopitiam Bagus.Bagus

同朋友去開深水埗買唱片，朋友介紹去食馬來西亞菜，好久無食馬來菜，大約晚上七點左右到，唔使等位，餐廳入面有七至八個客人，餐廳裝修有70年代馬來西亞風格，地方整潔乾淨。一字骨肉骨茶 $ 88 （客人有點肉骨茶可以無限添飲）肉骨茶用沙煲上，有7至8粒杞子，一字骨有三件都好大舊，一字骨煲得好淋，唔黐牙，肉骨茶有藥材味，個人口味，藥材唔夠重，湯色深啡色（馬來煮法）。無限添飲肉骨茶是侍應用茶煲添加到客人碗內，比一字骨沙煲上還要淡一些味道！黑豉油帶甜味配蒜蓉及辣椒碎點一字肉食更好味。淨黃薑飯 $18一碗飯粒粒分明，好有黃薑味。馬拉沙爹串燒 6串 $108串燒，豬、牛、雞每款兩串，燒時間剛剛好，肉質嫩唔乾，沙嗲醬帶甜有好味。招牌老鼠粉 $ 68其實係銀針粉，銀針粉彈牙，有兩三塊魚片，及兩三塊半肥瘦豬肉片再配合醬汁及肉碎、豬油渣、菜譜、蔥花攪拌銀針粉，更有口感及野味。檸檬薏米水（熱$32，凍$ 26）正常味道，不太甜，不太酸，薏米偏小。…Read More

【肉骨茶無限添飲😆亞參喇沙配大愛甜甜蝦膏】新馬菜餐廳除左蘇媽，仲有捌哥！呢間馬來西亞餐廳入面人流唔多，藍色瓦磚配啡角吊扇，有種說不出的風味！最推肉骨茶，仲有無限添飲！✏✏✏✏✏✏✏👅味道：7.5/10 🌌環境：8/10👍🏻推薦：7.5/10 ______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作細滲肉骨茶 $108 (💝8.5/10)-肉骨茶有好多款，我地揀細size既，咩都有d既，細滲肉骨茶，有五花腩、雞腳、豬肚、豆卜、金菇、連肉豬肋骨、豬手-肉骨茶有藥材成份，都算濃，不過安心唔會係廿四味果種苦澀，係有骨湯既甜、微甘涼茶，有d似五花茶、蛇舌草果種回甘既味，但放心，唔係好涼茶，呢種回甘係我飲左三四碗先明顯少少😬-最好係佢可以任飲架！我今日做野無時間飲水，去到餐廳好口乾，我真係飲左五六碗😇-豬手唔多肉，唔太淋，五花腩肥瘦分明-最有趣係我同fd都唔食雞腳同豬肚，其實如果想飲湯為主的話，可以叫款平d既，多d肉既肉骨茶😝😝玻璃魷魚蕹菜 $68 (💝7.5/10)-朋友媽媽係馬來西亞華人，佢介紹我試佢地既家常小菜，上面既魷魚加了炸蒜，魷魚添了辣醬，辣醬就辣左各少少，蕹菜其實指我地叫開既通菜亞參喇沙 + 蝦膏 $78 (💝7+9/10)-餐廳有3種喇沙選擇：咖哩、娘惹、亞參喇沙，亞參喇沙既湯底有種酸maymay，飲到有魚露，魚湯既湯底味，比起娘惹喇沙少了椰醬香。亞參喇沙係比我一種似食泰式木瓜沙律果種酸酸既感覺，湯底係真係辣既，食到舌頭都麻，喉嚨有啲痕-最中意係亞參喇沙配既蝦膏，佢好似甜醬咁，甜甜地，杰杰地，staff話係蝦膏黎，我真係咩都點黎食，佢有d似中式煮食甜醬既角色，我食到有d海鮮味(好似蠔油😹)可惜去東南亞食品店搵唔番，有無人知邊度有得買🙊，話我知啦怡保芽菜雞 半隻 $108 (💝7/10)-怡保係馬來西亞一個地方，我覺得普通左d，雞無太多既調味，無乜雞味，但唔Un既，下面既芽菜肥肥短短，醬汁調味比較淡口。想食芽菜雞既朋友，我推薦元朗有d名氣既過橋麵檔，好味又多汁，有埋蔥蒜topping，醬汁配飯一流，我之前都出過post，大家可以睇睇架😇______________________________@hkdine360 每個食評都好比心機寫架，大家可以follow page同like post支持下!*IG story highlight出世啦💝每個波波分既location，方便易用，好食度😋😋😋+打卡度📸📸📸爆燈先會榮登IG story！快d睇下有咩心中餐廳！！______________________________(📍深水埗) 捌哥.捌哥特色馬拉茶啡廳深水埗汝州街188號地下…Read More

係深水埗睇完鋪當然係該區覓食，選人氣食店食晚餐😋今次選了捌哥捌哥，環境較大舒適，裝修有特色，適合打卡！馬拉菜食物較特別！終遊說到嘴刁大少 Raymond Hei Chan 大駕光臨🤣🤣以為晚市會少人，但都多人要等位！老公等位時，我就周圍逛逛睇鋪。原來 汝州街 都多美食餐廳，有些餐廳都幾full。等了20分鐘後，終於可以入鋪內等位區，一邊坐住等一邊選食物。間鋪好細心呀，安排座位俾人坐住等。因為限制令😷 關係，坐得較鬆動及唔駛同人搭枱😌 當然等的時間會較耐🤣 好多特色食物想試，最後選了細滲（雜錦肉骨茶）、娘惹喇沙、鮮牛油咖央多士，玻璃魷魚蕹菜，魚仔醬蘿蔔糕，仲送左辣魚蛋🌶 添（唔知點解呢）。🥪鮮牛油咖央多士：最緊要係唔會燶底又夠脆香口！醬料份量適中，牛油咖央好match,唔會有膩感👍😋🍲肉骨茶：有些藥材味，飲完唔會渴，我鍾意食豬手，豬肚及豬腸😋🍜娘惹喇沙：麵彈湯濃，滲滿辣味既豆卜好好食🐠魚仔醬蘿蔔糕：蘿蔔糕較淡，加點魚仔醬較香惹味🐙玻璃魷魚蕹菜：魷魚彈牙，蕹菜雖淡，適合連同醬汁一起食肉骨茶可無限refil（如果你有無限既胃）👍下次想日頭來試飲拉茶及其他美食！會再encore肉骨茶、娘惹喇沙、鮮牛油咖央多士👍😋 深水埗對於我地來講較遠，希望佢地快來港島區開分店😁#MagicCherry攻飲食 🍒🍽 #MagicRaymond#嘴刁Raymond #Openrice😋#Cherry攻商鋪 #馬來西亞美食…Read More

本身諗住食另一間馬拉嘢但太多人就嚟呢間試下估唔到都幾ok喎芽菜雞芽菜都有幾成似係怡保食果啲雞都幾滑不錯呢個魷魚辣到飛天但人係犯賤愈辣愈想食佢隻辣係初初入口又唔係好覺好辣架喎係慢慢回滲出嚟果隻辣仲要愈嚟愈辣果種但又幾香口所以食唔到辣或者唔係好受到辣最多試一兩舊好啦😂辣得濟好彩有嗌咖央多嚟解辣烤到脆卜卜幾好食又唔會甜到膩咁都幾好食肉骨茶天氣凍最啱飲飲完成個人真係暖晒呢隻肉骨茶都幾好飲仲有埋豬腳雞腳比你「損」😂整體都唔錯價錢都合理…Read More

深水埗區有好多好野食，但一時三刻都唔知食乜好，約左個fd試吓呢間。先飲碗肉骨茶（必有）雞夠入味還好，但個黃薑飯唔夠香和薑，而且上枱時已涼，沒有什麼特別梅子桔蜜都可以🐷手仔肉骨茶好味，有三舊🐷腳食，正喂！好大肉磚，食一舊都好飽飽…Read More

一班同事一齊試新野，最好就係可以開心share~~~餐廳裝修好似附近既一間馬拉店整體都好乾淨企理。檳城福建蝦麵 $60首推，小小辣，好足料，而且麵質有咬口，非常非常惹味❤️肉骨茶 $72係馬拉款既肉骨茶，藥材味較重，接受唔到胡椒味既可以一試，送飯一流，而且任添肉骨茶，所以價錢較高(我估😜)老鼠粉 $48 (前) & 芽菜雞+黃薑飯 $68 (後)老鼠粉加左炸豬油粒，好脆好惹味，而且唔會好油，配埋個醬汁都幾好味。芽菜雞一般，雞下面墊咗好多芽菜，仲有豉油source。無太大驚喜，可以不試。辣死你嗎配咖哩雞 $68個人對咖哩不太大興趣，視覺效果好靚，飯亦有椰漿味，不過咖哩雞味道一般馬拉拉茶 (跟餐)都幾滑幾香，下次都會再叫🥰…Read More

其實都係咁岩去開深水埗，搵餐廳發現呢間野好似唔錯所以入去試吓，覺得都幾值得嚟試食物❤️❤️❤️❤️每樣食物都唔錯，我最鍾意份多士同埋杯奶茶，仲有無限添飲嘅肉骨茶都係我覺得比較特別嘅地方，感覺上幾開心🥳份量❤️❤️❤️❤️由於有無限添飲嘅緣故，一定會夠飽，所以份量滿分。環境❤️❤️唔算非常舒適，因為枱之間嘅距離比較近，好容易撞到隔離，而且枱面唔太夠位擺野。服務❤️❤️❤️侍應生比較忙，但係服務態度都唔算差。價格❤️❤️❤️❤️❤️感覺上超級抵食，因為食完出嚟好飽，食物又唔差，每人出嚟都唔使一舊水！😁…Read More

今晚係附近打完波，就緊係要醫返個肚補充體力。要想係深水埗食馬拉風味，呢間♥捌哥.捌哥特色馬拉茶啡廳♥就數一數二了！環境都幾光猛，到左夜晚9點幾都仲有好多人黎食，入面既風格都有馬拉既特色～餐牌仲有好多唔同選擇，所有都係馬拉既主要食物。除左有喇沙，麵既款式都有幾種，我覺得最特別就係老鼠粉啦！仲有好多唔同特色既飯類同小食，真係花多眼亂呀。。。。如果你係茶樓飲茶，都會自己沖壺茶，而食馬拉野，店員都會沖碗茶比你，不過佢係肉骨茶，最正既係佢可以無限TIM飲！呢到既肉骨茶就無馬拉果邊咁重藥材味，但反而咁樣會覺得更易入口，會想飲多兩碗。捌哥肉骨茶 - 豬腳灣 $32心思思仲想試下加左配料既肉骨茶，我地就揀左呢款豬腳灣，入面仲加左啲杞子，整個感覺都幾養生，哈哈！佢豬腳既份量都幾多，我地三個人食都好足夠，最鐘意既係佢既豬腳都煮得幾淋，好好咬！咖央多士 $20每次食馬拉野都會口痕想食埋當地出名既咖央多士，麵包整到脆卜卜的，最喜歡就係佢入面既醬，甜甜的，係獨有既味道。囉口也炸豆卜 $28見到隔離果咸點左呢款小食，我地又貪得意又食，點知原來真係幾好味，豆卜炸到脆脆的，加埋佢既醬配上花生粒，會令人食完一粒又一粒。辣死他啦配仁噹牛肉飯(藍花飯) $48佢既賣相非常吸引，藍色既飯係真係幾特別，呢個飯都有好多唔同配料，分別有參巴醬、椰絲、椰菜絲、紅洋蔥、豆角、薯仔、咸蛋、咖哩牛肉。真係相當豐富！不過建議唔食得辣既朋友就盡量唔好點呢款，因為都真係幾辣！但整體都係好食，除左辣辣地，仲帶有好香既椰醬味！怡保雞絲老鼠粉 $48因為都仲想試下呢到既老鼠粉，就叫左個比較清甜既怡保雞絲，入面仲會有三隻蝦同兩粒魚蛋，第一口食呢碗粉，佢真係勁有蝦味，清甜得黎又幾濃郁，呢個粉都好好食！…Read More