Talk 2 DeCream

夏日炎炎，最好梗係食雪糕啦🤩每次去尖沙咀行街，都一定要去呢間「Talk 2 DeCream」💕激發一下我嘅少女心😂粉紅色的外牆，打卡真係好靚😍而我最鍾意佢旁邊果句說話Life is like an ice cream, Enjoy it before it melts 🥰🔹肉桂蘋果樹$52 ：每次去都必食😎我最愛既肉桂味😍肉桂最佳拍擋一定係蘋果‼️而佢呢杯雪糕入面既蘋果，係自家煮製👍🏻甜度到酸度都啱啱好🥰口感爽口得黎唔會太爛最正既係雪糕底仲有餅乾碎🤩口感層次再度提升🤤超正👍🏻🔹特濃曲奇奶昔$29 ：店員推介我地試呢杯💕佢話成杯都係用Oreo打出黎飲落真係有好濃Oreo既味道😍面頭仲有Cream加朱力醬，勁邪惡🤩今次真係想唔減肥都唔得🙈味道：5/5服務：4/5環境：4/5抵食：4/5…Read More

呢日放假喺尖沙咀剪頭髮加Hea咗成日，中午時間經過厚福街見到間新開勁粉紅Pink Pink💕少女風嘅雪糕店，我就已經決定好當晚要食佢做甜品。夜晚食完飯後我就帶朋友去試下，可能好多人嘅想法同我一樣(食飯後甜品)，所以晚上九點幾嘅鐘數勁多人幫襯小店👏。小店由兩位年輕女店員主理，佢哋又靚女，又好禮貌，淨係買兩杯雪糕都感受到佢哋好好人😊。🍦雪糕店主打各式各樣唔同組合嘅雪糕，水果同朱古力口味皆有。不過我哋就揀咗最特別嗰兩款試下。精細手作肉桂蘋果樹($52)，我由好憎肉桂味變到好鍾意，肉桂同蘋果呢個組合真係無懈可擊😍。肉桂粉令到個雪糕變得好好食，而且有大量蘋果肉／蓉，加埋上面塊好爽脆嘅蘋果乾，好正🍎。食下食下去到中間層Layer，原來仲有餅乾碎添。成個雪糕嘅感覺有啲似Crumbs嘅Froyo，我以前嘅最愛。生蜂蜜玫瑰奶杯($52)，生蜂蜜真係第一次食，佢並唔係蜂巢脆脆，亦唔係普通蜜糖🍯；食落係好甜，但又有種幾清潤嘅感覺，非常唔錯。🌹玫瑰味恰到好處，能為雪糕點綴一下。不過呢杯嘅配搭仲有Oreo曲奇餅🍪，個人覺得唔係好夾，但未至於怪嘅。由於天氣熱，雪糕溶得幾快下，所以我哋都拿拿臨影幾張相算🤣。兩杯雪糕放埋一齊嘅時候，明顯見到蘋果樹大杯過生蜂蜜，點解㗎呢？哈哈。雖然雪糕本身嘅奶香未見突出，但其實兩杯都好好食😋，味道各有千秋，我就鍾意蘋果樹多啲。而朋友就對生蜂蜜玫瑰評價極高👍。除咗軟雪糕外，小店亦有賣飲品，例如梳打同奶昔🥛。小店喺玻璃上寫咗句引言「Life is like an ice cream, Enjoy it before it melts.」。簡單啲講，即係叫我哋要及時行樂😎？題外話，雪糕店係一間撐香港人嘅小店嚟💛，有大大幅連儂牆。總括嚟講，呢個飯後甜品帶畀我哋嘅滿足感仲高過晚餐。價錢而言，$52一杯真係唔平，但佢又確係幾特別嘅，第到食唔到依個口味。再者，雪糕造型靚靚，打卡一流😚。如果換個角度諗，依個價錢買到開心，其實都抵！…Read More

Happy Friday!TGIF收工之後食完晚餐意猶未盡，好想食杯雪糕🍦見到呢間粉紅色的💛💛店，一於入去試下。🤎先來過滿足我呢個朱古力🍫控既三重奏朱古力杯$53超特濃朱古力雪糕底，上面有脆脆，oreo仲有朱古力醬！超正，非常香濃，大滿足喲。🍎另一杯就要左好fresh既精細手作之肉桂蘋果樹$53。入面有人手制作的果肉，雪糕係香濃又滑的牛奶雪糕，加上肉桂粉，呢個酸甜清新的甜品，真是好吃😋…Read More

今日去sogo 行街想食d sweet treat見到呢間OPENRICE 好多好評就去試下啦門面已經覺得好吸引 PINK PINK 好搶眼選擇都幾多 有大概10款唔知食咩好見左個介紹吸引左叫左呢2個肉桂蘋果樹-$52朋友話肉桂份量剛好 唔會太搶食落陣陣蘋果味 唔錯我簡左個店員推介的新產品黑白芝麻奶杯-$47好香濃的芝麻味雪糕奶味都好香好滑正呀另外 店員係2個靚女姐姐好有禮貌 整野都好細心食之前仲提我地可以用佢地提供的洗手液清潔下 好貼心下次再來試埋其他味先…Read More

每次經過厚福街都一定有口福，今次經過一間迷你粉紅小店叫Talk 2 Decream，我同女友都被入面文宣吸引。雖然啱啱餐飯好飽，但女仔係有兩個胃，女友用楚楚可憐嘅眼神望住我，我點一點頭，然後拖住女友既手走入店𥚃。Talk 2 DeCream味道種類唔多，不過有一至兩款味道幾新奇，例如肉桂蘋果味。經過一番掙扎，我同女友分別選擇肉桂蘋果樹同三重奏朱古力杯。- 三重奏朱古力杯🍫三重奏指榛子醬，朱古力雪糕同朱古力餅底。朱古力好濃郁，微苦唔會太甜，不過三重奏尤其係榛子醬太heavy，感覺有少少膩。- 肉桂蘋果樹🍎雪糕係玫瑰牛奶雪糕，中間係自家製新鮮蘋果醬，加上餅碎、忌廉、肉桂粉，層次非常豐富。我第一次試肉桂便愛上，另外蘋果醬入面真係有一粒粒果肉。餐廳外牆印上 ‘Life is like a ice cream, enjoy it before it melts’。雖然雪糕太大杯，融化之前食唔曬，不過都係咁好味，兩款雪糕平分秋色。…Read More

厚福街轉角位的這間美美雪糕店，遠處已看見令人難以抗拒的粉紅色，思前想後，幫襯了一杯肉桂蘋果樹🥰 先吃掉蘋果乾，薄脆的果乾蘸上雪糕，一口吃掉，暑氣立即驅散☃️ 金黃色的肉桂粉伴著雪糕一起吃，甜甜的香味充滿口腔🥰 滿滿的蘋果肉圍繞著雪糕杯，每口雪糕都有肉桂香和蘋果肉粒，口感豐富😍 原來吃到下層還有木糠和果醬，木糠帶點鹹鹹的，伴著雪糕吃，為夏日的炎熱帶來了一份清新感覺，好像吃了一份優雅的法式下午茶一樣😋…Read More

經過厚福街看到有間粉紅色的店鋪，自然把我吸引了過去看看。名字挺特別叫Talk 2 DeCream，是專賣雪糕的呢。店員介紹了它們的雪糕，特別推介了兩款，是坊間少見的味道。肉桂蘋果樹 $52肉桂蘋果樹放了日本紅蘋果蓉、消化餅碎及忌廉。原來牛奶軟雪糕以天然玫瑰水打成，有陣陣玫瑰香，最後再加些肉桂粉和風乾蘋果乾，好豐富。生蜂蜜玫瑰奶杯 $52這個同樣用上了玫瑰水牛奶軟雪糕，入面有流心生蜂蜜，上面放了一個紐西蘭生蜂蜜蜂巢，蜜糖味天然。…Read More