IKEA Café

IKEA 今個聖誕左左新的限時菜式, 一於去試下.我就叫左個海鮮番茄紅花飯($49)海鮮都有唔少, 同埋幾新鮮有4隻青口, 3隻大蝦,3隻元貝配埋番茄紅花飯, 有D番茄的酸甜味的燉飯, 真係好開胃!我地仲叫左個兒童餐($19),係有4件由植物肉整成的麥樂雞, 同薯蓉, 同包埋飲品,由植物肉整成的麥樂雞, 口感比真的肉結實, 點左番茄醬其實都一般麥樂雞一樣. 但因為係物肉整成的, 感覺上好似健康D!其他小食拼盤, 肉丸, 同芝士餅 甘多年都係好食抵食!…Read More

Megabox非常多家庭客長期人山人海，平靚正又出名的宜家餐廳更加長期爆滿。星期六下午四點幾去到終於有位坐。$29凍蝦是本餐廳名物，一大碟又真係幾平，不過如果你去開街時就知道，這一款不是新鮮蝦體積又這麼小其實也是很平，但始終餐廳嘛。當小食食都幾好。雞髀$15不是很大隻，配埋雜菜餅$8做下午茶剛剛好， $30有找，以香港Standard是非常便宜，味道普普通通，不過不失。招牌菜肉丸$22十粒，是非常平，我覺得好似仲平過急凍版外賣返屋企自己煮，仲配埋薯蓉，冇得輸。朱古力榛子鬆餅$10個，平過Starbucks，個人覺得好似仲好味啲，起碼柔軟又暖。兩個人食左$84好飽好飽，捧住個肚走。…Read More

到Megabox睇戲食飯係不錯既選擇，想平平地食餐飯，IKEA更是不錯既選擇，想食少少買小食又得，想食豐富d百元左右已足夠豐富到捧住個肚走。今次我地都嗌多左，應該少叫一份小食，但因為樣樣都吸引，所以買下買下要多左個豬手其實大到足夠2個人食，係幾入味。烤雞肉質比想像中滑，唔會太乾，d薯格好脆，新鮮炸起。 在出面有調味料可自由加。肉丸之前食過好食，所以黎到又想再食，而且有薯蓉配埋。呢個唔記得個名，類似素菜丸之類，味道比想像中好，幾好味啵。而且這裡位置大，搵位好方便，易有位。…Read More

係九龍灣MegaBox呢間宜家傢俬嘅餐廳，永遠都人山人海。今日同朋友經過見到心血來潮想試吓，淨係排隊買嘢食都用咗15分鐘，可以見到佢有幾受歡迎。肉丸唔使我多介紹，係宜家傢俬必食，一定要加埋個果醬，過咗收銀處調味區可以自己加。加埋個薯蓉一流。豬仔骨好驚喜，佢整得好腍，一啲都唔老，啲肉好易撕開，個汁調味啱啱好。而且佢係配蕃薯條，好有心思。小食拼盤就不過不失，下次會試吓第二樣。個朱古力鬆餅都好驚喜，朱古力味好濃，中間仲要係流心。性價比極高，鍾意食朱古力唔可以錯過。總括而言呢間餐廳性價比好高，係難搵位，最好人少少先嚟食。同埋提醒大家呢度係要自己執盤㗎！…Read More

去到megabox可能大家都會發覺野食既選擇真係唔係咁多，所以就造就左九龍灣ikea餐廳基本上係長期都咁多人。ikea餐廳好強調佢地來自瑞典，但係好老實講，我又唔係太分得出ikea瑞典菜同普通西餐有咩好大既分別喇。不過本人就真係無去過瑞典，呢方面就再去過瑞典既朋友去評價啦。先講環境其實都算係幾舒服，樓底好高，坐位之間既距離都合理。ikea身為一家賣居家用品既公司，其實都投放左唔少心思入去。例如，有個位置可以比小朋友放電既地方，家長可以食住野咁睇小朋友玩。又例如呢度既燈係款式係特別多，裝飾都係用ikea貨品為主。可以講，就算你食緊野都係佢地showroom裡面咁。係呢度係採用全自助既形式，睇左menu就排隊可以叫野食。而因為呢度係長期多人既關係，有時係覺得都幾混亂。而當日有啲廳盤就有啲食物碎係上面，明顯係清潔唔乾淨。香烤三文魚柳 - 疑似無烤過既三文魚，配以類似忌廉汁，蔬菜和薯容。首先個三文魚就都幾明顯係好鞋口，但係唔乾身。所以我覺得似係用水煮過頭，而且三文魚塊裡面除左三文魚味之外就無其他味道。忌廉汁就有啲甜配個無味既三文魚都可以。而蔬菜都應該無咩特別味道。薯容就不過不失，同平時食到既差不多。蔬菜薯餅 - 薯餅味道方面都係類似係忌廉同薯仔既味道。口感方面，因為本身有少少煎過，有少少香口，間唔中仲食到少少西蘭花既碎。個人就覺得幾好味。香草三文魚沙律 - 煙三文魚，沙律菜配以香草醬。煙三文草如果就咁食就偏咸少少，如果落返檸檬汁就中和返啲咸味同提鮮就好味啲。沙律菜就略為少左少少，不過都好新鮮。香草醬本身係甜甜酸酸係出面係未食過，配係沙律係幾好味。瑞典肉丸 - 比較肉味濃，而且都幾香口。最重要既只係20蚊10粒，基本上大家黎到都會叫既菜式。小食拼盤 - 雞翼，脆皮腸，薯角，粟米。雞翼炸得太乾身，薯角同脆皮腸幾好味。最後，因為呢度係自助式餐廳既關係，希望大家都可以食完野將用過既餐具放係收集處。等下一手食客可以用返張枱。而如果你地係ikea餐廳食過好味既野，其實都可以去cashier後面既瑞典美食郎買返屋企食。我就見過薯餅，肉丸加肉丸汁，煙三文魚，三文魚排，連茄汁都有得賣，鐘意就買返屋企煮黎食喇。…Read More

IKEA 出名賣傢俬，價錢大眾化。但佢附設餐廳就更出名。野食荀之餘，仲全自助式，咖啡，汽水可以無限添飲，讚呀。今日約朋友嚟到吹吓水，點知人山人海，簡直係大眾飯堂，8點幾都坐無虛席。睇下我今日精讚: 羊架，肉丸，小龍蝦沙律，磨姑卷，超飽。我要推介係沙律，無得講，正呀，有橘子，火箭菜，紫椰菜，粟米，小龍蝦等等，重要係新鮮，粟米唔係罐頭，係新鮮粟米嚟，橘子清甜，七彩繽紛，顏色吸引，讓我喜出望外。至於，肉丸就唔駛講，稱得上首席菜式，加埋草莓醬，一絕。磨姑卷不過不失啦！最差竟然係羊架，好大層羊味，認真麻麻地。記得下次到IKEA 買野，不妨探訪下餐廳，或者有意外收獲。…Read More

嚟過宜家傢俬嘅人都知道，佢嘅餐廳嘢食出名抵食夾大件 ，今次同朋友嚟行宜家傢俬，都唔例外，順便入嚟探訪一下呢間餐廳，呢間餐廳主要都係以自助形式，自己攞嘢食，跟住埋收銀俾錢。款式不定期變吓，今次就試吓佢個豬仔骨，肉丸一定係必點，雞翼只係幫手填飽個肚。第一次試豬仔骨，亦是最後一次，以後都唔會再試，因為佢嘅醬汁問題，太多都算，濃得嚟係唔好食，煙燻味太重，又酸，搞到完全食唔到豬仔骨嘅味道。肉丸保持一定水準，加埋紅苺醬，冇得輸。…Read More

話說我對ikea係有種偏愛，間唔中都會想去食吓嘢同行吓😛但我正係鐘意九龍灣嗰間，因為人流相對沙田同銅鑼灣嘅少好多😂荃灣嗰間我就冇去過，但感覺都係九龍灣呢間最舒服咁😛豬肋骨比我想像中大份喎！有五六條骨，同行朋友就一路食一路話啲豬肋骨好甜😂而我就覺得墊底嘅炸薯格真係大劣🤦🏽‍♀️完全唔熱唔脆，有啲唔知自己食緊薯格🤦🏽‍♀️呢個combination嘅小食拼盤就一直好吸引我(好似間中會轉配搭)，次次嚟到見到都好想叫嚟食，我最愛係肥嘟嘟嘅蜜糖腸😍其實整體食物都唔夠熱，如果可以熱啲就好啦🙈兩個人叫咗以上嘅嘢食，再加多碟十粒肉丸配薯蓉($20)，人均$6x，飽到上心口😂其實又唔算十分平，但就都算食得滿足，都話我對ikea係有份偏愛嘛😌食飽飽就去行吓ikea消化吓，雖然行親都冇買倒嘢😂…Read More

黎到就好似食自助餐甘見到咩岩食就話要黎ikea食野係平，推著車仔食埋氣氛，好似開心餐甘😂😂小食拼盤（冇相）係好食同下次會再叫😍😍牛肋骨配薯格，勁大份，薯格夠脆！牛肋骨個汁似燒汁甘，我個人就覺得麻麻地龍蝦意粉，叫左多汁，粉就冇咩特別，有龍蝦食都抵嘅招牌肉丸，必食！！啲汁又好味😍😍藍莓紅莓芝士餅，啲莓好似藥水味....最後提大家呢度係自助形式，食完記得乖乖地收拾一下你的餐具餐盤，希望大家唔好食到張台太污糟🙊，甘大家都食得開心啦…Read More

放假冇野好做, 同男朋友黎到MEGA BOX行街睇戲每次黎MEGA BOX都會好自然黎IKEA行下, 食個LUNCH先再去睇戲本身想食肉丸, 冇諗過肉丸原來係配一大舊薯容最近減緊肥所以都比較少出去食飯, 而且食澱粉質都少左見到個薯容都已經有D飽飽地肉丸一如以往都係配上佢地呢度既汁同紅莓醬, 味道都ok不過個人略為覺得肉丸冇以前咁好食小食併盤咩都有, 雞翼都係每次黎到必食, 咸咸香香幾入味而且外層乾身但入面都仲好juicy不得不提係呢個小食併盤果幾條腸仔, 原來係脆皮腸, 味道都幾好嫁!!! 好新鮮d肉唔會好干同死實實凍蝦杯永遠都係男朋友黎到必叫必食, 每次都有佢呢款凍蝦係IKEA小食店果度都有一包包買, 不過每次都係呢度食冇試過買返屋企雖然凍蝦係死左不過味道依然鮮甜可口可能因為係海蝦關係吧所以先有呢個口感吧! 肉質唔係好林, 個人覺得都唔錯的不過蝦既size都比較細隻, 所以食極好似都好似冇咩野zip牙隙如果凍蝦可以大隻返d就更好了!…Read More

講到IKEA不得不提既緊係肉丸啦，唔講佢D肉丸本身有咬口又好味，重點係佢D汁真係超級好味，係第2度完全食唔反E隻味，好好食仲好獨特。加埋有薯仔，配埋D汁，食一碟又飽又滿足，仲要好鬼平，想平平地又食得飽，突登行去都抵呀。…Read More

落MEGA BOX買野諗住行下IKEA同吉之島睇下有冇先去到IKEA真係超級多人呀......行完哂都搵唔到想買的，咁就食番個熱狗先啦HOTDOG~~~真係好抵，加埋杯汽水都係10蚊雞，仲可以自己加醬添！其實食一個已經夠飽肉丸喎，9蚊雞有5粒！好味喎！總消費都不過20大元，就已經超飽了！真係太抵了…Read More

其實位有好多，等位就唔駛幾耐，不過排隊買野食就用o左起碼20分鐘。呢度d野食出晒名好平好抵食，但我地都唔係特登黎食o既，只係咁o岩有野買 兩個人黎食，其實只係我一個食，因為老公約o左人只陪我一陣~雞翼 - $23有8隻，一個字抵! :) 肉丸 - 必食推介! 又好味又平! $19有10粒，仲可以配薯仔或者意粉! 三文魚千層麵- $33，不過不失，味道唔差，但太凍，個皮有d硬!有機蕃茄湯 - $13~比較酸，但應該冇咩味精，飲完唔會好口渴~牛油栗米 - $3~份量唔少，但唔夠熱，冇咩牛油味!另外汽水咖啡茶o個d只係$7就可以任飲~…Read More

到九龍灣Megabox宜家傢俬行街, 梗係要係度食埋野啦先黎薯餅做頭盤, 配生菜好健康之後係肉丸, 次次都一定要食再黎係闊條麵, D汁酸酸地好開胃最後係咸豬手配意粉, 咸豬手有4大塊, 意粉就無乜味要加埋肉丸D汁先好食D…Read More

如果根據地產代理說，價值四百萬的樓是窮人恩物，這社會的物價應該是貴得去到瘋癲的地步吧。除了樓市外，飲食市場應該也是另外一個加價劇烈的地方罷。小時候，記得旺角還有十元一碗的雲呑成，現在雲呑成卻是最低消費十五元了。相信熱愛便宜人士也必定記得這平到開行的食店吧。時移世移，老實說，有幾多間還會以平價作招倈，一間又一間的商鋪加完價又加，市民接受的就只是把銀包奉上，將從前十蚊可以買兩個包到變成可能得番買半個飽。其實，社會係唔係行得太快，定係我搵錢能力太慢，我唔知...不過社會還未絕望，我們有社企，提供平靚正又做善事的選擇，又有如洪慶的老闆增飯給老人家，亦有盛記的老闆為大眾提供社會正能量，我們的香港其實未至於絕望。當然，思前想後，其實香港還有不少這些平靚正的好地方。宜家平靚正唔係第一日知，吃了這麼多次，第一次這麼細心留意這間發展得越來越成功的餐廳，可能大家都覺得不外如是，但的確類似這間餐廳模式的鋪頭著實不多。今日來到這個餐廳，星期日當然多人。排隊當然排到傻，不過大家都好乖好有秩序。排除前有個好大的水牌，介紹近來推薦的食物，彩色鮮豔，容易令人目不暇給。排了近十五分鐘排隊，終於可以叫東西吃了。由於就晚飯的關係，只叫了十五粒肉丸，凍蝦盤，還有新上市的青口，加上一杯任飲的汽水，咁多小吃也只是七十多元。忌廉汁肉丸依然是最好吃的。那個汁配合肉丸天衣無逢，而且肉質鮮嫩，加上甜醬，非常開胃。而碟也有伴菜，是大大舊的薯仔，平常不喜歡的我也接受，因為很爽很入味，吸取了所有甜醬和忌廉汁簡直一流。凍蝦是另一宜家的名物。一碟大約有二十隻。雖然每隻不算太大隻，但每隻蝦都有鮮味，腳下面都有好多蝦的春子，蝦頭都有時會有一點類似膏的充斥著，的確二十三元的蝦可以這樣實在物超所值。而青口就是新的產品，大大碟也是二十元，實在抵食。其醬汁應該是類似蕃茄汁，配合青口的味道卻十分新奇，雖然一碟只是十多隻，但每隻都吸入了其醬汁的鮮味，絕對值得推薦。吃完便離開了，因為很多人在等我們的位置，虎視眈眈。不過在這裡吃飯雖然多人而且位置不好坐，但在這裡吃飯是開心的。因為環境舒適，有很多設施，而且這裡的食客大部分是開心的。因為價格便宜，適合一家大細，兩口子拍拖，一班朋友小聚，或者是在商場行攰了的下午茶選擇，ikea 不是社企，但它在物價高企的情況下還能維持低價實在是令香港人欣喜，雖然我知道可能用這個價他們已經大賺，不過他至少不像大家樂和麥當勞一樣繼續忽視民意不斷加價，所以實在喜歡這店的風格和特色，希望可以繼續維持，特別是他們會要求客人自己收碟這個台灣的傳統，絕對可以提醒個人的公眾意識，這裡有好多小朋友，一定可以起到教化作用。相信Ikea會可以繼續這個方向，像俠盜羅賓漢一樣，不一定要劫富，只要維持著低價同提供優質的食物給大眾，特別是給在貧窮線下的一群，讓他們也可以有機會在有限金錢下吃到優質的食品。…Read More