Homie Food & Dessert (Dragon Centre)

忙完一日，係附近玩具街搵完玩具，梗係過黎食返啲住家飯。播嘅歌都比較舊，相信八十後九十後都會即時浮現讀書時期嘅回憶。老火湯味道十足，飲完唔口乾，甜味夠出，好好飲！沙薑汁吸引，但手撕雞唔算特別出色。看似普通嘅鹹魚煎肉餅飯反而有驚喜，味道突出，煎完之後好香！另外必須一提佢嘅白飯。我平時好怕街外食飯，餐廳好多時都會落多左水，煮爛晒⋯但呢兩個飯唔爛，軟硬適中，似有用心煮飯，真係有家嘅感覺。…Read More

又黎深水埗食呢間野，今次主要叫小食為主～不過都叫左兩個主食～真係好平好抵食！今次試下個新既鰻魚炒飯先！😋呢個炒飯好足料好大份，用日式豉油炒出黎，味道偏甜，口感唔似茶餐廳果種快炒乾爽既飯，係比較軟既口感配搭埋粒粒鰻魚，都係唔差既！豬扒蓮藕餅飯都係每次黎會食既菜式之一，今次個擺盤都幾靚🥰 豬扒入味，唔會太乾～今次叫左4碟小食🤪多到張枱都差啲擺唔落，因為佢每碟都份量十足！炸饅頭依然係我必食既野😛呢個涼拌海蜇手撕雞都幾正，朋友都覺得幾好食😋用雞髀肉黎整，每塊肉都係嫩口～手拍青瓜夠開胃！老火湯依然出色～呢個價錢其實真係好抵食～…Read More

放工到深水埗閨•家吃晚飯😊， 位於西九龍中心， 之前食過對這裏的手工麵印象深刻🤤， 今次再來晚餐。 可惜當晚沒有手工麵😅，所以我點柱候牛筋腩烏冬$50、 咖哩豬扒飯$50、滷水鳳爪$30、 老火湯、 熱檸茶$5、凍檸茶$7。 🔸柱候牛筋腩烏冬🍜 ～ 牛筋軟滑， 牛腩有兩大件， 沒有手工麵，烏冬都不錯。   🔸咖哩豬扒飯🍛 ～ 咖哩味濃香， 豬扒都很入味。 🔸老火湯🥣 ～ 老火湯真材實料， 飲完不會口渴。 🔸滷水鳳爪🍲 ～ 鳳爪滷得幾好，滷水汁帶點甜味。 🔸熱檸茶☕ ～ 熱檸茶消滯。 🔸凍檸茶🥤 ～ 凍檸茶味道正常， 茶味都幾濃。 今次沒有手工麵，下次要再來食過😆。…Read More

以住家菜為主打的小店，款式選擇豐富：碟頭飯、粉麵類、咖喱、小食類等等，碟頭飯更會附送老火湯一碗，性價比高。手剁鹹魚煎肉餅飯 ($48)• 份量頗多，不論是白飯還有肉餅的大小。• 肉餅底面都煎得香口，帶有點焦香。肉餅口感充實，有啖啖肉的感覺，咀嚼之下會慢慢滲出鹹魚獨有的魚香味。• 當中還有酸菜和香蔥伴碟，令口感和味道更有層次。麻辣雞腎 (大 | $28)• 十分之惹味的小食，麻和辣的程度相對輕微但欲令人一口接一口。• 雞腎口感爽脆、醬汁均勻入味地滲透在肉內，當中混入不少香蒜粒令口感和味道層次更加豐富。老火湯• 隨餐附送的老火湯，有住家的味道而且底部充滿湯的食材相當足料，味道鮮甜、鹹味亦適中。…Read More

閨家呢個名聽就聽左好多次，但咁耐都未有機會食，今次黎到深水埗撞岩新開冇耐嘅閨家就試一試！💛香煎蓮藕餅豬扒飯 $56 +溏心蛋 $6蓮藕餅真係好好好好味！平時都好鍾意食蓮藕，呢到蓮藕餅好香，仲好爽好有咬口，又唔會好似平時啲肉餅咁油👍🏻👍🏻👍🏻豬扒都超好味，又淋又入味，好正！溏心蛋就貪得意另外加嘅，就咁食嘅話有點兒太鹹，一定要送飯💛手剁鹹魚煎肉餅飯 $48呢個肉餅又係超好味，鹹魚味勁香，鹹得岩岩好，就咁食都唔會太鹹，仲要$48有兩大塊肉餅，好抵食！💛手拍青瓜 $28真係估唔到28蚊有咁大碟青瓜，好抵食，對我黎講唔算太辣，少少辣少少麻幾開胃🤤🤤💛跟餐老火湯💛呢個不得了，唔怪得杜生飲完都咁大反應！同出面啲19餐湯差好遠，飲得出佢好重料，蘿蔔味勁香，超鍾意😋😋…Read More