Home Feel (Austin Road)

出黎做野之後好少可以番屋企食飯，反而出街又可以食住家飯。今日同朋友聚餐，揀左黎佐敦食呢間住家菜。一湯、六餸。餐牌一目了然。今日老火湯係沙蔘玉竹猴頭菇湯，味道清清地，又足料，果然係無味精靚湯，健康之選。鹹魚蒸肉餅，鹹度剛好啊，而且唔太多肥肉，正！雜菜有西蘭花、芥蘭仲有啲粉絲。麻油雞！鎮江小排骨，酸甜可口，軟骨位有咬口。雞球唔係球狀既，因為去左骨。大大條龍躉！好多肉。最後有糖水送，唔太甜，啱曬我口味！…Read More

通常食冇味精嘅住家菜，大家諗嘅都係喺屋企🏠。估唔到原來外出食飯都可以食到冇味精嘅住家菜！今次同屋企一班人食飯，因為唔想煮到身水身汗，就揀嚟呢度食番餐撚手小菜！呢度嘅小菜選擇非常多，而份量都非常足料，材料搭配亦得宜，味道就梗係一食落口就感受到每道菜都真材實料，絕無味精唔油膩！想知我哋食咗乜嘢餸，就留意下面介紹啦😉而格局方面，為迎合不同客人組合，佢哋有2人枱、4人卡位、同埋有幾張大圓枱，方便大家庭晚飯聚聚。此外佢哋亦有做午餐，分量足料價錢又相宜，大家不妨去開尖沙咀柯士甸道附近可以walk in 試吓，不過小弟建議大家如果大顆人食晚飯就最好提前預約唷☺️…Read More

今晚同屋企人食飯就去左位於尖沙咀嘅住家菜食飯，平時都有去開銅鑼灣果間覺得幾好食㗎啦👍🏻👍🏻今次再附啲人就去尖沙咀果間有得訂位又坐得舒服啲👍🏻👍🏻👍🏻住家菜主打少鹽少油無味精嘅有營食肆嚟，夠健康又岩曬帶屋企人嚟食🥳🥳我地一坐低就緊係叫個老火湯飲下先啦，今日係青紅蘿蔔煲豬骨，成個湯都好清甜唔會話有味精味而且仲好潤。另外最估唔到呢到有太極鴛鴦飯食🤤由細到大都好鍾意食㗎，既然有就緊係叫啦！啲汁唔會話整到一patpat👍🏻👍🏻👍🏻又夠曬味…Read More

作為上班狗既我，成日都要面對OT既挑戰，有幾何可以食下煮家飯😭今日，超級想食煮家飯既我就拉埋女朋友陪我食👫女朋友話呢個月都無滴湯水落過肚，咁就叫咗碗老火湯啦🍵當晚既老火湯係西洋菜煲豬骨湯，飲落真係無味精味，湯水好甜，而且一碗嘅份量都幾多，夠晒兩個人share飲👍🏻食落好有屋企既味道阿👍🏻👍🏻牛柳粒都炒得好軟身，不過西蘭花就有少少乾身，如果可以索到啲牛肉汁嘅話會更加好食。另外，琵琶豆腐嘅味道比起外面嘅餐廳較為淡啲，相對都健康d，可能餐廳係主打健康嘅關係啦，小油少鹽，所以味道方面一定冇外面嘅咁滋味。總括嚟講，都好滿意今餐嘅，至少健康d👍🏻👍🏻…Read More

難得今日有得早收,可以提早去尖沙咀行一行,行到攰啦就打開openrice睇下尖沙咀有咩嘢食,睇嚟睇去除咗韓國菜西餐等,忽然諗到今日想食中菜。因同屋企人食,佢地話想食中菜,之後就選一間健康的中菜。最後選了呢間- "住家菜",呢間中菜位於尖沙咀同佐敦交界,位於柯士甸道一間要上樓嘅菜中菜館 ,當日去到7點幾,入到去見到餐廳裏面有七至八成滿,餐廳裏面標榜無味精同埋有出名嘅老火湯,同屋企人商量完之後決定點一個老火湯加幾個餸,試完之後每樣餸都有驚喜,依家同大家分享下。南瓜老火湯呢個南瓜老火湯,係用原個缸瓦煲上檯,老火湯非常濃味,食完成餐飯都唔係口渴,應該係全無味精。湯裏入面嘅紅蘿蔔等嘅配料已經煲到半溶狀態,非常夠火候,咁大煲都係收50,都算抵,屋企自己買材料煲湯都未必得。中式牛柳 呢個中式牛柳,單睇擺設,成件藝術品咁,不得了估唔到除咗個樣擺得好睇之外,味道仲好好好食,牛柳大大件,入口酸酸甜甜非常之惹味。唔講以為去了高級大酒店。阿麻雞呢個阿嫲雞 味道類似改良版沙薑雞,但無沙薑雞咁死咸重味, 佢有自己特色, 雞肉好滑恰到好處 配合佢嘅芝麻同埋芫茜一齊食份外惹味。糖水- 西洋菜密店內侍應非常貼心,見我哋枱上面嘅餸差唔多食曬之後,就主動走過嚟問我哋糖水上得味,店員話今日嘅糖水係西洋菜蜜,之後我哋每人都叫咗一碗。我初頭好奇怪點解茶餐廳飲嗰啲西洋菜蜜可以做糖水嘅咩?上糖水後,發現原來係真係一碗 ,有西洋菜嘅糖水,入口非常清甜潤喉,之後我仲即刻上網睇佢嘅好處。原來西洋菜密可以非常滋潤。估唔到呢間小店咁貼心 因為呢輪正直天氣乾燥所以煲咗呢個糖水底讚…Read More

很久沒飲湯水，見這店標榜 "屋企 feel 無味精、清淡少油、住家靚湯"，正合我心意  ^_^ 一於到這店晚餐。遠處已看見招牌，不難找 晚上六時已很多人；店內的裝修簡約，很有住家 feel。店內貼了很多與這店溝通的方法，如：可在食評發表意見，讓他們令食物保持水準；但最令我欣賞是有「包伙食」服務，可惜我工作地方不在這附近 -_-我們點了廚師推介的「鮮什果咕嚕肉」，仲有「咸魚茸煎肉餅」、「鮑魚雞粒竹筒飯」及老火湯。老火湯，我們只叫了一位份量，但已足夠兩人飲用 湯料足，無味精，好飲！但熱辣辣會更好 ^_<鮮什果咕嚕肉，真的有很多什果，咕嚕肉外脆內嫩，酸酸甜甜很開胃！這碟咸魚茸煎肉餅，真的要推介，煎得很香口，但又少油 鮑魚雞粒竹筒飯，飯不油膩，有很多鮑魚及雞粒，好味！食得飽飽，仲有糖水送，腐竹薏米糖水，很特別，味道不錯！…Read More

由於放假，和家人懶惰地出地食，不用煮飯住家菜沒有令我失望一如既往地水準高首先，魚沒有老 (每天都一款魚的菜式)咸得剛剛好，豆豉沒有喧賓奪主，份量足配飯好豬排入味有些少甜，令你開懷暢食，haha白飯任食老火湯，大大碗，也有不少湯料紫米露好味，椰汁香滑總結，一定會再來我對有營食肆是非常有信心的。…Read More