Mimila

大前日(22-6-2019 Sat) 同老公睇完戲就到lunch time,要搵嘢食,去La Terrazza Bar & Grill食,但都只係西餐,唔食喇,走入新城市廣場,記得除咗地下外,上面近頂層都有食肆,於是帶老公嚟睇,見到呢間食馬拉嘢嘅,就試吓啦.睇完menu,我哋叫咗:2. $78.00嘅新加坡白胡椒肉骨茶端上嚟,見到白色唔係深色嘅,豬軟骨有好多舊,食落,白胡椒味幾重,我食唔到肉骨茶嘅茶材味, 豬軟骨夠腍好味.我都係覺得馬來西亞版嘅肉骨茶啱我口味.味道:4分1. $88.00嘅馬來蝦湯配手撕雞摻摻原本老公揀蝦籽撈麵,但佢見menu介紹佢嘅蝦湯用好多蝦殼煲咗7,8個鐘而成,所以轉呔叫個.端上嚟我嗅到好香蝦味,啖湯有輕微辣,米粉索晒啲湯,好正.隻蝦竟然係半乾,咁樣味道反而更濃.味道:5分3. $58.00嘅老巴剎雞翼未食過老巴剎雞翼,落單時問辣唔辣,侍應答唔辣.一客四件大大隻中翼,原來係炸嘅,味道我就唔識形容,只知可以接受,外脆內裡多汁.味道:3分4. $26.00嘅熱馬來拉茶呢個口感滑,味道偏甜,我覺得麻麻.味道:2分5. $58.00嘅貓山王芝士蛋糕落單時叫後上,榴槤味唔太濃,都食到芝士嘅鹹味,呢個係鹹榴槤,而口感係對版嘅.味道:5分環境:粉藍色主調,好有馬來西亞feel.服務:唔錯,有禮貌.抵食係2.7分…Read More

很久沒來沙田新城市了，這天為了看燈飾展覽而來，發現頂層真的多了很多特式餐廳呢。本來就很喜愛星加坡/馬來西亞菜的男友就看中了Mimila的蝦麵和喇沙，所以就決定一試啦！　大約晚上六時多，餐廳已經坐滿了大半的人，我們非常幸運的不用等位！首先必點的當然是招牌菜－馬來辣蝦湯配摻摻！蝦湯是用鮮甜海蝦以六小時慢火熬製和八小時手工炒料而成。 而店員亦很細心的向我們推存馬來西亞最著名的摻摻，即是油麵加米粉。一上來就已經聞到一陣陣非常濃郁的鮮蝦味！ 而賣相亦相當吸引，足足有５隻大蝦！ 再拌以油麥菜和份量很多的豆芽。蝦湯味道濃烈得來又不會太鹹，而且辣度剛剛好，整體鮮味十足！每隻蝦都新鮮彈牙，幸運的還吃到三隻有蝦膏呢 哈哈！ 油麵與米粉夾雜著一起吃，口感特別，充滿馬來風！第二個就是這個咖哩喇沙湯油麵配美國牛肉！美國牛肉的份量很多，而且質素很高質。 配菜亦跟喇沙大同小異相當豐富，有雞蛋、豆卜、魚片和豆芽，盡情地吸收咖哩喇沙的湯汁，超惹味！湯底是咖哩混合喇沙，比一般喇沙多了一份微辣的感覺，但味道出奇的夾，而且加倍刺激味蕾 哈哈！ 店員推存這個湯底配上油麵，能夠造到掛麵的效果！我們再點了一個小食 — 老巴剎雞翼！外面炸得香脆可口，熱辣辣咬下去充滿油脂肉汁，肉質鮮嫩！飲品方面，我們點了桔子梳打 & 桔子可樂，清爽又解渴！…Read More

黎到7樓, 有好多唔同既食肆, 見到呢間既門面好搶眼, 所以決定一試~由於時間尚早, 所以未算好多客.店面唔算好大, 但都坐得幾舒服, 仲有sofa位坐~見到本menu就覺得好吸引喇~就感受下馬來西亞菜 鮮、香、辣!馬來辣蝦湯配油麵今次揀左油麵. 除左油麵仲可以揀米粉, 河粉同銀針粉~個湯底就係不得了, 好香!! 蝦既鮮味帶有D微辣, 令到碗油麵upgrade哂!三蝦撈麵個蝦子麵好爽口, 而且有好多配料,啖湯清清地, 唔會搶走蝦子麵既味~馬來串燒(雞)飯雞肉串甜甜地, 幾好食.而且個飯帶有蒜香, 好特別~ 老巴剎雞翼雞翼控朋友表示喜歡, 個皮脆卜卜, 好香口, 而且唔會好乾身, 正!桔子蜜飲酸酸meimei, 好開胃, 亦都唔會太甜美祿暴龍可可貓山王芝士蛋糕又到左甜品時間!~不嬲都幾鍾意食cheese cake,呢個蛋糕真係full of榴槤味, 食落唔會太濟, good!…Read More

今日黎到沙田同女友仲有伯友一齊食個豐富午餐，一下子想食啲東南亞野食，見到有呢間就上黎一試！一開始係肉骨茶，同平時食到深啡色既唔同，佢湯比較清，有幾重胡椒味，有唔同部位既豬骨，其中豬軟骨位都幾好食。咖哩喇沙幾香口，我覺得咖哩味有啲重，肥牛都係中等質素，滲滲有兩種唔同既麵，令你可以試到三個唔同組合既麵食！馬來辣海鮮湯米粉係我推介既湯麵，湯底飲到幾濃郁既海鮮味，大蝦都有三隻。之後我地叫左一個小食，由於小弟幾鍾意食炸雞翼，呢個老巴剎雞翼幾岩胃口，佢炸得幾好，唔會太乾，同時雞翼都算大隻，好香口既選擇！最後要介紹既係呢到既奶茶，叫左少甜，飲落幾滑，奶味幾濃但又不失茶味！總結呢到位置方便，有專用升降機上七樓，服務都周到，食物唔差，其中推介海鮮湯同奶茶👍🏻…Read More

又開左間新餐廳，終於有時間幫襯下啦Mimila新派南洋風麵店，Mi 是馬來話“麵”的意思，以鮮、香、辣元素用心製作特色南洋麵食，入面有好多唔同既湯底粉麵，包括油麵、米粉、河粉、檬粉、銀針粉、粗米粉或摻摻唔鍾意有湯，想乾身d仲有撈麵揀添小食、飲品、甜品當然唔少得蝦麵湯底好香，餐廳每日嚴算三十斤鮮甜海蝦淆湯底，所以入口好濃好鮮甜，成碗蝦麵就緊係有蝦，數量都幾多，仲有d通菜可以索湯添粉就揀左摻摻，即係油麵加米粉咁解而呢碗喇沙就用左椰奶鮮雞同豬骨做湯底，呢款味道仲濃過上面果碗架雞絲就夠哂幼細雞翼炸到好香脆但入面依然咁滑…Read More

Happy Friday同朋友試新野, 睇menu係無乜選擇, 不過勝在食物質素搭夠.店內環境整潔, 服務員態度亦算殷勤.特別推介馬來辣蝦麵, 其實唔算好辣, 辣味釣出鮮甜蝦湯味, 最好係麵底可以揀, 可以配米粉呀!檬粉呀!河粉!銀針粉等等等等…Read More