Happy Together Hotpot

餐廳內懷舊嘅裝修，霓虹光管招牌，充滿7、80年代嘅佈置，播著張國榮、梅艷芳等等的懷舊金曲，真的有返到舊時嘅感覺餐廳內冷氣充足，一啲都唔侷促先叫咗個芫荽皮蛋魚頭湯，好多芫荽同皮蛋、魚頭都幾大有肉，啱晒愛食魚頭既人，湯頭鮮甜侍應哥哥推介呢個「賣魚勝推介」如果想$398食晒四款，少兩隻鮑魚就可以海鮮好新鮮，海蝦肉質厚實，聖子、鮑魚、元貝都清洗得好乾淨黑松露墨魚滑釀油炸鬼～香口鬆脆，個汁酸酸甜甜，唔油膩梅花黑豚肉都幾厚身，夾青瓜食幾清新鴨血都唔錯，如果配麻辣湯會更佳皇帝菜～打邊爐至愛懷舊點少得酒樓推車仔既遮仔啫喱，食完童心返晒嚟最後食埋金魚糖不甩～金魚首先放入湯度煮，然後侍應幫我哋剪開一舊舊，撈埋花生糖碎，食得好好享受了一夜懷舊，明天繼續向前進發💪🏻…查看更多

尋晚架機delay搞到成2am先返到屋企, 今日自然醒嘅時間已經食得tea, 但約好左去食間好有老香港特色嘅打邊爐, 留肚留肚😀. 門面裝修已經非常eye catching, 係古老士多, 冰室嘅style. >喺fb Like佢地個page就可以半價享用懷舊糖不甩, 即like👍🏻.>老港沙嗲鍋 (HKD108)打邊爐湯底好重要, 想食濃味小小揀沙嗲鍋, 有好多花生🥜喺鍋底, 又有芝麻, 炸芋頭, 京葱, 當然唔小得濃濃沙嗲啦. >手切特級牛肉(細) (HKD308) 平時食開機切牛肉, 食過手切就會知道好大分別, 厚切後再喺中間加一刀, 厚度淥一淥就食, 無多餘脂肪, 有嘅只係香濃牛味, 推介!>山楂紫背天葵 (HKD28)整杯自家製酸酸甜甜嘅山楂紫背天葵先, 開胃又清熱.>鮮蝦雲呑 (HKD68)一碟六粒雲呑除左蝦肉仲食到啖啖蝦膠(我估係), 好彈牙, 唔係一般貨色.>老友鬼鬼 (HKD68)見到Openrice好似好受歡迎就嗌個試試, 係釀左黑松露墨魚滑嘅油炸鬼再炸, 未淥野食時叫一碟食最正! 一定要點甜甜地嗰碗醬呢.個人認為係必食item.>脆鯇骨腩 (HKD68)新鮮又大條, 熟左多肉又易離骨.>肥美鵝腸 (HKD78)鵝腸經我地淥左好耐之後, 咬落係脆脆嘅口感.>野生竹笙 (HKD88)好靚嘅竹笙呢, 但始終都係感覺三哥嘅竹笙係最好味的🙈.>羊肉片 (HKD98)每片羊肉卷一卷, 0羶味, 食食下仲索了沙嗲味添.>即炸響鈴 (HKD58)打邊爐點可以唔食響鈴? 忘記左圈然後追加返. Server說係即炸的, 所以我第一口唔放湯住, 就咁點甜酸醬, OMG好彩有叫li個, 佢係由數唔到咁多層同勁薄身嘅腐皮炸成, 脆口之餘有綿綿嘅口感, 大鄉里從未食過咁好味嘅響鈴🔔呢. 然後放湯浸一下, 又係一啖精華!>懷舊糖不甩 (HKD24)都唔明點解兩個人打邊爐都嗌到咁多野, 飽到差不多到頂時醒起我地仲有糖不甩, 原本已經熄左gas爐, server開返然後放兩條”魚”落湯, 計過大約淥左5分鐘, 再黎撈起然後剪成幾件, 再碌滿哂花生甜甜碎🤤🤤, 再•飽•都•要•食•哂•佢, 超軟糯, 只係微微沙嗲味, 甜甜的, 又係必食item. >Remark: server們雖然好年青, 但非常attentive, 拎生料/即炸食物黎時會講低係咩, 唔會就咁掉低就走, 整糖不甩時嘅short talk都令我地覺得佢地好用心對待食物同工作. 題外話如果唸泊車(而唸住安心食), 街錶唔使唸, 我地揾位揾到一啲都唔近嘅東頭村🤣.…查看更多

踏入冬天,，天氣寒冷，我地嘅火鍋癮開始發作,，今晚約左老友...決定去佢最愛嘅火鍋店【同撈同煲】涮返餐。火鍋總是有一種吸引力。就是這種吸引力，飽得捧著肚子回家去。朋友咁鍾意去【同撈同煲】食, 除左因為【同撈同煲】嘅食物有質素又新鮮, 賣相又吸引之外, 餐廳嘅環境亦令到我地對係呢度用餐情有獨鍾。這間火鍋店以懷舊裝修做主題。牆壁畫滿舊香港的街景畫，又放滿火水爐、通花鐵閘、紙皮石地磚，店兩旁全是舊式理髮公司、舊海報等...非常入戲。裝修有特色之餘, 而且座位寬敞, 感覺非常舒適。餐廳位於「九龍城打鼓嶺道」,我地兩個六時多已到餐廳, 不過客人不算太多，今次我地揀左店員推薦嘅今次我地揀左店員推薦嘅秘製麻辣火鍋再加上多款特色火鍋配料, 一於食到要捧住個肚再慢慢消化下。睇睇餐牌其實有好多款式可供選擇...「湯底有冬甫美人雞鍋、花雕雞、泰式酸辣(招牌花蛤蟹鍋)、麻辣等」，等應有盡有。還有時候會推出一些新的優惠，大家參考一下吧...先來麻辣火鍋然後等它慢慢滾起來⋯⋯秘製麻辣湯 $138呢款湯底, 實在太夠濃郁, 陣陣麻辣香味恰到好處, 最緊要係咩? 最緊要緊係鐘意食辣既話又點忍到唔揀咁惹味既麻辣湯望同食都微辣鮮香，好正！火鍋入面已經有一些配料，煲浮游著不少辣椒，麻度普通。老友鬼鬼 $68至愛一定係呢個「老友鬼鬼」老友鬼鬼即是黑松露墨魚滑老油條，我好多時候打邊爐見到這道菜式都會點。今次這個絕對沒有失望，新鮮炸起，熱呼呼的放到眼前來。可以自己決定滾幾 耐，墨魚滑也蠻彈牙可口的，配上油條十分香脆，沾點點酸甜醬一起食用的話，味道超好好呢。如果放入火鍋中的話大概10秒就可以拎上嚟食啦。鴛鴦蚌 $138象珊瑚蚌拔蚌是熱門海鮮火鍋配料之一，蚌都沒有膽固醇和脂肪，在標榜健康飲食至上的今天，牠們的身價不斷上升呢！我就愛其爽口彈牙，口感爽快而肉質鮮甜！要用新鲜的才好吃啊！這裡還不錯！但配上麻辣火鍋的話會減少食到海鮮嘅鮮味因為麻辣湯底真係好濃郁，有少少蓋過了。梅花黑豚肉 $108要享受肉的香味及口感，就靠這一味啦呢一餐！肉片外表肥美，霜降較勻稱，口感柔嫩，一咬落肉汁香甜四溢，肉味之香濃絕非一般的火鍋店豬肉可相比。店員教我們將黑豚肉丸配青瓜再點醬汁，口感會有意想不到的驚喜！此話當真因為食完之後係會停唔到口。金菇 $38看圖就知道份量挺多的。唐生菜 $38切得有厚度，30秒熟透，食落唔會太薄又有口感，爽爽的配麻辣湯頭挺滋味喔。新鮮雞件呢樣火鍋配料真係值得一提因為師傅刀工精湛把雞件切得好像用機器般一樣，每一件雞件都切得非常齊口啊！好勁！雞味被鎖住而且肉質非常嫩滑而且雞件啖啖肉勝在價錢也非常平喔！呢樣啫喱作為飯後甜品實在一流。可以解膩又解辣今晚滿足了。這邊的環境玩味十足，把7、80年代的裝潢重新呈現食客眼前。一整晚吃得非常豐富，現在我的心一直都惦記著吃火鍋時的快樂跟隨性吧！火鍋總是有一種吸引力喔。讚啊！【同撈同煲】…查看更多

今日咁啱經過九龍城，天氣又轉涼，不如搵下有咩火鍋食，最後決定試下呢間充滿古式文化、7,80年代嘅舊式茶餐廳。今日可能係平日，不用等位就可入座，7,80年代除左從播嘅歌可以感受到，裏面嘅裝修亦能睇得出。火鍋湯底嘅重要性，相信中意打邊爐嘅人絕對明白。一輪選擇下，揀左冬甫美人鍋，店員話要先飲湯再食野。湯底因爲有雞嘅緣故，加上冬瓜、蟲草花、紅棗等嘅緣故，飲落好清甜，雞味好足，值得一試。打邊爐點可以冇牛呢，最後揀左安格斯牛小排。牛味雖不算重，但入口即溶，肥瘦適中，like，真係好食過任食肥牛好多！韭菜餃，唔算係好大隻，不過皮嘅厚度啱啱好，最重要係個餡，韭菜味好突出，對於韭菜控來講，不能錯過。老友鬼鬼，佢係新鮮炸起，油炸鬼配上墨魚滑，彈牙可口，加上醬料，配搭更佳。店員建議亦可放入湯裹，嘗試另一種口感。個人覺得即炸即食為佳。田園拼盤，都屬於正常，為整個火鍋平衡一下。不過佢入面竟然有大豆芽，有點意外，食落好爽口。紅薯粉，唔算十分特別，正常味道，不過份量好足，食完一定覺得好飽。最後店員話like facebook可以半價魚狀糖不甩，不可不試。出乎意料原來先將魚放入湯，再剪開同糖、花生配合，味道食落好特別，唔算好甜。最後，還送左甜品，即係今晚食左2樣甜品，邪惡呀哈哈！PS: 一邊打邊爐一邊聽老歌，感覺好懷舊👍🏼…查看更多

天氣涼左，就心思思想食飽d食暖d，友人LDM近排發左達，話請我食飯，咁我就當然唔同佢慳啦！間中都會lunch過去九龍城食既，咁就search下晚餐有咩好去處啦。就發現左呢間 「九龍城同撈同煲」，見到飛驒牛做緊十月半價優惠既，我就同友人講：「我想食日本飛驒牛啊！好唔好啊？」其實我諗住試下佢既，但點知，佢好爽快咁話：「好啊，你想食就叫啦！」我即刻心心眼，估唔到佢又真係對我咁好！咁我都待佢不薄，見做緊特價先話想食，正價成5百蚊個牛，依家半價勁吸引！平時叫碟牛都二百幾，今次係日本飛驒牛！GO GO GO！離遠就見到好sharp醒既店面，睇得出裝修方面好用心，努力重演80年代既香港情懷，招牌燈，地下磚仔，音樂，牆上掛畫，全部都係睇電視見到既野！座位方面，都坐得幾鬆動舒服，我地2丁友都有卡位坐，如入無人之境，密密傾密密講！慢慢玩壞隻LDM!本身我地打算叫個花雕醉美人鍋，不過店員就推介我地試冬甫美人鍋($188)，話有半隻雞連鍋上，用料比較滋潤，岩依家轉天氣時飲，仲有養顏功效咁話！講到咁好，為左美人著想，try try no harm！黎到發現湯底都幾多料，有冬瓜、蟲草花、桃膠同紅棗，個湯飲落無味精，幾鮮味，而且幾膠下，唔錯喎，美人都話好飲。日本飛驒牛(半價$249)難得有個半價優惠，當然要好好再把握，叫份大嘅。一黎到識噴煙都幾型，因為牛肉比較薄身，輕輕淥一淥就食得，一入口就溶化左，搞到好快就清左一碟。肉質係嫩嘅，油味重但完全不膩，食完都唔夠喉呀！之後我地叫左個老友鬼鬼($68)，佢係油炸鬼包黑松露墨魚滑，點酸甜醬食，好有錦鹵雲吞嘅感覺，都係好脆口，但裏頭墨魚滑比較煙韌，有d咬口。至於放落去打邊爐又得，油炸鬼索左個湯，又係另一番風味！一向打邊爐都鐘意叫百葉豆腐($48)，貪佢滑得黎又有口感d，仲有最大優點係唔會煲爛！傳統布巴豆腐，放湯一陣唔夾就碎晒，百葉豆腐放左落去想幾時食都得，輕鬆！特色腸粉($38) 有個篩隨碟附上，話比我地用黎淥腸粉喎。一向食開都係蒸同炒，淥就第一次，本身預期會又爛又無味，又無喎！反而索左個湯嘅味，又幾有趣！質感比河粉厚實，但滑身好多，都係個幾有趣嘅體驗。之後仲叫左個Shake Shake 魚皮($78) ，個玩法有d似shake shake 薯條，都係倒粉再shake下佢。呢度有6種粉可以揀，包括麻辣、孜然、芥末、蕃茄、蜜糖同BBQ，而我就揀左孜然！依家拍條shake shake片上fb 即減$50，就黎平過魚蛋粉叫碟魚皮，仲要即炸！我就覺得香脆好多，必叫之選！因為之前like左佢地fb page，仲有甜品送呀！甜品雖然免費但絕不馬虎，啫喱仔上面插住紙遮，好似舊式茶樓個d甜品咁，係懷舊呀！至於個鯉魚形糖不甩係即叫即整，用返雞湯黎淥，煙煙靭靭口感，加上自家制花生糖碎（老闆話係炒過架），甜得黎又唔會膩，好味道！總結黎講，今次埋單4百令蚊個（最後都係夾反錢比隻LDM，下次食貴d先叫佢請），係散叫火鍋餐廳入面都屬於正常價位。但呢間就勝在老闆n員工夠用心細心，周不時主動幫我地撇油加湯較火力，又幫我地碎上隻雞！員工又會留意住我地食到咩level，見我地停哂手，就主動問我地上甜品好唔好，我地飽到都冇左件事，但甜品就有第二個胃既。下次要叫多d frd黎一齊食，又可以試多d款啊嘛！…查看更多

這晚的飯聚，前後已約了多時，難得今晚即興一行七人同行，選了很有特色的九龍城同撈同煲，睇過很多介紹也很不錯，無論食品，餐廳裝潢也很有心思，十分期待。由巴士下車走到餐廳，其實也十分之近，到了餐廳確實令我眼前一亮，燈管十分有特色，而店内裝修也花了很多心思，值得大家去打打卡湯底先選了招牌花甲蟹海鮮鍋(泰湯) $388湯滾起後先品嚐湯底，沒有想像中那份酸辣味道，反而帶出了海鮮類的鮮甜美味美道出來，而花甲非常的多，蟹肉鮮甜，我也不客氣先品嚐一番百頁豆腐 $48蜂巢豆腐食得多，百頁還是第一次試，口感很彈，但又是滑身，十分推薦朋友點這個來試。蜂巢豆腐 $28而蜂巢豆腐雖不是滑身口感，但其洞洞卻吸滿了滿滿的湯，很濃濃的味道極級盛大併盤$498首先當然每人一口日本飛驒牛，可刺身食，可放湯渌一下，很濃濃的牛味，入口融化確實至名歸。安格斯牛肉牛味甚濃，稍稍滾一下，十分嫩口，喜牛的不要錯過這併盤，還有牛肉粒等等老友鬼鬼 $68呢款是黑松露墨魚滑加老油條，新鮮炸可以即食，有甜酸醬配炸物十分滋味特色腸粉 $38湯浸腸粉入口很滑，且吸收了濃湯味道，十分推薦而原來餐廳還有燒烤提供，雖然火鍋已很飽，但也點了茄子來品嚐一下，味道十足最愛那孜然味道。甜點有鯉魚，當店員把鯉魚放進湯內，我當時呆了眼，不是說好了的甜點嗎？ 原來是會把魚撈起再混上了花生沙糖粒粒，入口只有甜味，而花生粒令口感外脆內軟，也很美味。另還有Jelly杯，而最令人興奮是Jelly上那把紙傘，兒時回憶湧了回來，整枱也議論紛紛，只可以說我們也有一點閱歷。整晚也在熱熱鬧鬧氣氛渡過，愉快輕鬆的渡過了一晚，能跟朋友一起就十分滿足。值得一題，店主不時有做優惠，可留意其媒體平台, 有時還攪下比賽，依家有個shake shake 炸魚皮，好好笑，大家可以去睇下…查看更多

同好友們去九龍城食好西今次唔想食泰國野喇，轉左去試打邊爐，呢間好懷舊港式嘅裝修好吸引我地視線門口同入面都有影相位，好得意上網睇竟然全部好評，所以就一於試試佢真係好鍾意呢啲舊香港裝修好特式，好似回到過去咁當然大家都有影下相啦一行5人叫了一個鍋，見好多人都推薦呢個。有半隻雞，有一大片冬瓜，滾起左後大家都飲番碗先好正！冬瓜同雞湯嘅清香味入晒湯底仲有啲花膠，竹笙喺入面唔多但估唔到有，好正好滋補好搞笑，個紙袋都好懷舊。脆卜卜嘅魚皮加埋香濃嘅孜然粉，好夾仲可以拍段shake shake片上佢地fb再減$50丫好抵呢個好脆，墨魚滑好香，點埋甜酸汁更開胃不過價錢有點少貴，因為得6件呢個大家都食到停唔到口個汁超惹味，份量都好多，有點麻辣果種令人上癮嘅味道朋友飲薏米水，話正常。我飲天葵，淡淡的酸甜味好似淡版嘅酸梅湯仲幾大支下，撞岩佢仲買一送一，$28兩支好抵飲呢個係店員推薦，果然好靚好大隻滾熟後蝦肉沒有縮水，仍是大大隻啖啖肉鮮甜，彈牙，真係好新鮮大家都喜歡食牛，叫了兩種。份量勁多封門柳比較有牛本身的肉香味，唔un，下湯後一變色就好食了我比較喜歡安格斯，油脂更多，更淋。入口啖啖肉香+油脂香，無得頂最尾竟然有花奶啫喱好開心呀！上一次食花奶啫喱已經係廿年前真係由頭到尾都好懷舊P.S:佢會問你要唔要花奶，朋友就有啲唔要花奶…查看更多

最近想同朋友打邊爐，就上網睇吓邊間鋪頭值得一試，發現呢間新開嘅火鍋店裝修一流，好有舊香港嘅感覺，俾個環境吸引，去到果然冇令我失望，裝修好有心機，所有擺設、壁畫、用具、座位設計等等都好懷舊，影相打卡一流連牙簽筒同其他裝飾都好有心思湯底嘅選擇唔算太多，但如果大家想試滋補嘅湯底可以揀美人鍋、醉雞鍋等等，而餐廳仲有活魚刺身可以揀每枱都有一盤調味料，有辣椒、乾蒜、莞茜、蔥、醋、醬油，可以自己調配我地揀咗沙嗲鍋，貪佢夠惹味，湯底都算濃郁，喜歡濃味嘅朋友可以試吓先講牛肝菌黑豚肉餃🥟，水餃夠大粒，裏面嘅肉餡都好豐富最吸引嘅就當然係極級封門牛，薄薄嘅牛肉食落好軟滑，完全冇筋，牛肉脂肪比例夠平均，而且牛味足夠，打邊爐一流而脆鯇魚片份量好足夠，魚身好爽滑，配上湯底嘅沙嗲味好夾，唔鍾意食魚骨嘅朋友好值得一試另外點左份老友鬼鬼，其實係黑松露蝦滑老油條，預先已經炸好咗，只要放落湯底滾一滾已經可以食得，不過我哋覺得份量比較少，只有六塊細細舊，而黑松露味道亦可能被湯底蓋過餐廳最後好好送咗甜品俾我哋，除咗有糖不甩之外，仲有啫喱仔，呢把傘仔令我諗起細細個嘅童年回憶，好多年都冇係香港見過餐廳坐得好闊落，環境好乾淨，只係略嫌上菜速度有點慢，大家如果想影吓相懷舊一番，一定要嚟呃下like喇…查看更多

九龍城好近屋企附近，自己勁鍾意打邊爐，今日加上見到呢到咁有特色，就去呢間新開充滿香港情懷嘅火鍋店都幫襯。環境好靚裝修好有特色，好似置身一個舊香港一樣，又有一啲彷似街市賣魚檔的位置，連牙簽同都係用郵筒整成，又有一個係舊式綠色信箱📪就係用嚟放餐牌嘅，而餐具🍴就係用咗一啲類似青花瓷器同埋一啲有雄雞嘅餐具。全部都好有香港嘅特色，好感受到香港舊式嗰種人情味。湯底要左沙嗲煱，因為貪佢惹味，又唔會太辣。啱幾個人唔同口味嘅人一齊食。叫咗最鍾意食嘅紅薯粉，不過呢到係比較幼身的。我鍾意啲粗身嘅因為好煙韌。而幼嘅一淥就食得超快。之後就叫左呢個老友鬼鬼，係黑松露蝦滑釀油炸鬼。　黑松露味都幾香同埋仲有自家製嘅酸甜醬汁比客人點，配埋一齊食其實都幾帶出到蝦同埋油炸鬼嘅味道，香香脆脆最適合點酸甜醬。 而鵝腸亦都好爽脆，打邊爐食就最啱。呢個牛爽肉質地特別，係平時好少食到嘅牛肉嘅口感，呢個餐廳又有個秘製沙嗲醬一齊食，好特別。另外最鍾意食芝士嘅我一定唔可以錯過呢個芝士🦐丸。我哋叫咗半份。芝士味好香一咬落去仲有芝士拉絲，蝦肉亦都傳出陣陣鮮蝦味，好新鮮。蜂巢豆腐係吸湯底最好嘅蔬菜配料。蜂巢豆腐非常之淋身，高密度吸到好多沙嗲湯底，同埋啲湯汁一齊食一流。另外我知道餐廳非常之貼心會送上我最鍾意嘅飯後甜品比客人，仲係我最鍾意食嘅湯圓就係糖不甩啊！餐廳呢度嘅糖不甩非常之特別，造型係一條鯉魚，鯉躍龍門。鯉魚要落去個湯底嗰度一齊煮熟，鯉魚好似係池塘裏暢遊一樣，好似取如魚得水之美意。呢度店員會幫我地睇吓熟透未，幫我地處理。之後切成一粒粒，仲幫我地撈埋糖不甩必備嘅花生糖碎，我哋就可以品嚐喇，都幾細心。食落去鯉魚形狀嘅糖不甩都幾有咬口，唔錯。呢個甜品真係令我可以大快朵頤！係可以令呢一餐打邊爐好圓滿咁完結左☺️呢度環境其實一流，好靚，好令人想留低，因為人都係鍾意懷舊嘅...～～不過可以改善嘅地方係，食物分量太少，如果一班人一齊打邊爐，但係怕未必夠share，大家可以注意下喔～…查看更多