Barg

平日去銅鑼灣食飯，通常去連鎖經營的餐廳。估唔到時代廣場後面有唔少大廈，入面有好多特色餐廳可供選擇。呢間餐廳環境昏暗，好有情調。無論情侶拍拖或者同朋友傾計都適合。而且臨近聖誕已經換了聖誕節的裝飾，充滿節日的氣氛。我和朋友都係大食之人，所以點了五款食物，試吓不同的菜式。羽衣甘藍牛油果沙律羽衣甘藍和牛油果係Superfood, 兩樣加埋做沙律又幾夾。沙律裡還有些水果粒和果仁，加上酸酸甜甜的醬汁，同平時食開既芝麻醬汁和醋唔同，口味新鮮。蟹肉黑松露墨西哥片本身唔鍾意食墨西哥片，因為太淡，無薯片咁惹味，不過加埋蟹肉黑松露醬就剛剛好。黑松露醬汁香濃，為平凡的墨西哥片加添味道。肉醬千層麵一般餐廳的肉醬千層麵都好飽滯和油膩，但呢個芝士唔算多，茄汁味較重，唔會太油膩，我和朋友反而食哂全碟👍🏻羊仔柳成份羊仔柳的亮點在醬汁上。因為薄荷酸忌廉汁完全中和了羊的羶味，還把羊肉的味道提升了。烤春雞平時自己焗春雞好易過熟，但呢隻唔會過熟，肉質鮮嫩唔乾，而且拆哂肉，食的時後啖啖肉，超方便。…Read More

辛苦左成個禮拜又到左happy friday, 緊係要獎勵下自己同身邊果個人啦☺喺銅鑼灣時代廣場行後一條街就見到百樂中心1樓呢間barg餐廳環境一流1664 - $98, Guinness - $98一坐低當然要叫番杯啤啤佢啦, 生啤黎架緊係好飲啦👍又醇又滑又有泡泡👍羽衣甘藍牛油果沙律 - $98先食個沙律做前菜先, 等個胃有d 蔬菜落肚先, 感覺上健康d🙊牛油果就咁食可能冇咩味, 但切粒後拌埋其他料做沙律又出奇地夾👍紐西蘭青口(香辣肉腸汁) - $168突然間好想食青口, 見到餐牌有, 當然要叫番一碟黎送下酒😂個汁好濃厚, 唔算好辣, 辣肉腸切得薄易入口👍青口全部都冇沙, 海水味有些少, 都算係幾新鮮香煎鵝肝 配 焦糖蘋果 - $128好貼心地送左2塊多士比你伴住鵝肝一齊食, 咁樣就可以中和番個濃度, 減低膩感👍鵝肝煎得香, 加埋酸酸甜甜蘋果既配搭, 個感覺都幾好👍意大利海鮮湯 - $88食大餐點少得飲番碗湯呢? 88蚊就有一大碗/碟香濃足料海鮮湯, 都算係咁啦😂烤德國咸豬手 - $218烤得好乾身好正, 唔油膩, 香乾既外皮令你咬到索索聲😂而且肉汁唔會烤到乾晒咁, 一咬落都仍然好juicy😚Tiramisu - $68蛋糕中間空氣感多左dd, 仍然有進步空間😂朱古力心太軟 - $68一切開d 香濃朱古力就撲鼻而來👍朱古力又香又滑而且唔會太甜👍😍…Read More

這晚相約了朋友吃生日飯，談談近況下班後就到了附近的百樂中心看看有沒有坐得舒服的西餐廳，果然讓我們找到位於一樓的Barg優雅得來帶點藝術感環境寧靜，喝一杯談心最適合不過Menu包括了很多海鮮菜式，而Main course方面選擇也很多，包括了亞特蘭大鱈魚、德國咸豬手、法國春雞、美國豬肋骨、澳洲羊扒、烤乳豬、美國鴕鳥扒、各款牛扒和海鮮拼盤等等。點菜後送上的餐包大大隻的紐西蘭托托蜆！蜆肉新鮮彈牙，不帶海草腥味，很好入口可選凍食或意式白酒煮大大隻托托蜆意式白酒煮得非常香羽衣甘藍的營養價值很高，配上近年大熱的牛油果🥑，實在是健康又Fresh的選擇！honey lime dressing令沙律酸酸甜甜，加上牛油果的細膩幼滑和士多啤梨🍓的酸甜，層次豐富又意想不到的合拍。鮮甜的海膽，是很多港人的心水海鮮吧。而這個海膽意大利飯，真的啖啖海膽鮮味，醬汁充滿非常濃郁的海膽味道甜甜草莓味的Mocktails少女表示好喜歡適合喝杯白酒的環境餐後甜品充滿甜甜蛋香的焦糖燉蛋是個有情調又適合談心的好地方…Read More

今晚約到靚女上司食飯，當然唔會求求其其，揀左好幾間餐廳，最後揀左呢間。餐廳環境幽暗，以深棕色為主調，木質沙發座同裝飾，有種寫意的外國風。設有唔少雙人座沙發椅，在場有不少外國顧客。前菜有蠔等小食選擇，主菜主要食扒、燒春雞、燒肋骨等。前菜係小麵包，好香好軟，正！食西餐點少得飲酒，叫左一杯白酒一杯紅酒▫️是日精選生蠔$98兩隻精選法國蠔好肥美，入口有好水味，配上白酒一流！▫️紐西蘭青口$168紐西蘭青口新鮮，肉質飽滿▫️羽衣甘藍牛油果沙律$98叫碟羽衣甘藍，配上牛油果粒，好新鮮，爽脆！▫️海膽意大利飯$178海膽意大利飯都好正，大大塊海膽，海膽既甘甜岩岩好中和意大利飯，粒粒甘香，正！▫️慢煮美國牛小扒$258因為慢煮關係，可以鎖住肉汁，所以牛肉都好嫩滑，調味的醬汁都做得出色！▫️Tiramisu$68最後來一份甜品，好香酒味，花上完美句號。…Read More

適逢特別日子, 緊係要搵間比較有情調既餐廳同女神共進晚餐啦😍位於百樂中心1樓既Barg, 位置都算方便架, 就喺時代廣場後面條街見到咁有心思既餐桌佈置同埋裝修, 心情特別愉快輕鬆Daily Limited Seafood, 會經常轉換架, 睇下有冇你啱心水既海鮮唔想傷腦筋既話當然可以揀番佢set 好左既二人餐啦👍一坐低緊係要整番杯house white先喺談笑間餐包已經送到- 羽衣甘藍牛油果沙律 - 作為開胃既前菜, 點少得酸酸甜甜既蕃茄仔, 配埋切好既牛油果, 為晚餐揭開序幕- 紐西蘭青口(香辣肉腸汁) - 新鮮青口配以香辣肉腸, 係一個相輔相乘既做法, 辣汁更加可以吊起青口既鮮甜味, 肉腸亦都吸收左青口既汁而變得有亦一種風味- 慢煮美國牛小排 - 慢煮呢個做法深受大眾喜愛, 有別於一般煎扒方法, 牛小排keep 到肉汁之餘亦唔會過份油膩, 口感比較軟稔- 烤原隻法國春雞 - 慢火烤左30分鐘, 鎖到肉汁之餘, 亦都將個雞皮燒得乾身香脆, 唔會好似炸雞咁油淋淋最後食埋件Tiramisu 同埋朱古力心太軟, Tiramisu 很鬆軟亦不失咖啡味👍朱古力心太軟一切開中間, 香濃既朱古力香氣撲鼻而至, 令人食到欲罷不能, 配以香滑vanilla 雪糕, 令口中唔會淨係朱古力味咁單調, 豐富番個層次😍…Read More

今日黎到銅鑼灣，之前有朋友試過依間餐廳話唔錯，今日有機會試下喇。黎到百樂中心樓下你會發現已經有人係大堂排隊，不過好彩依間餐廳係喺一樓既，可以行樓梯上去。上到去發現裝修好有氣氛，啲枱枱櫈櫈都好特別，睇落好有品味。燈光好舒服，有氣氛同柔和得黎唔會太暗。仲有好多卡位好適合一班朋友聚會。我要咗個意大利海鮮湯，湯飲落清甜帶鮮味，應該用咗新鮮海鮮先可以帶依個鮮味。再黎點咗個羽衣甘藍牛油果沙律，羽衣甘藍多數都係烤黎食，見依度用黎做沙律，緊係要試下啦。食落真係好有口感，唔到一般既沙律菜，佢係有咬口既，而且個味道仲好特別，加上沙律油調味同牛油果及大量其他既配菜，令人食到停唔到口。依個紐西蘭青口配香辣肉腸汁，青口肉質比平時食到既嫩滑，有鮮甜味，配上香辣肉腸汁就更加濃味，但如果想試真啲青口既鮮味，可能蒜香牛油汁會好啲，因為香辣肉腸汁大濃味喇。另外其實香辣汁係唔辣架。第一個主菜係慢煮美國牛小排，用慢煮既好處係可以保留到食物最好既營養，而肉類中最適合慢煮既就係牛肉喇。依個牛小排係三粒成寸厚既牛肉黎，牛肉下面鋪滿薯蓉，碟上面有秘製醬汁。慢煮咗既牛小排肉質鬆軟，明顯同普通牛排唔同，但牛肉既味道依然濃郁，係一個好特別既體驗。第二道主菜揀咗唔係咁多地方有既鴕鳥肉。烤美國鴕鳥排，鴕鳥肉肉質依牛排，但佢有低脂，低膽固醇，低熱量既好處，所以應該會愈來愈受歡迎。依三塊鴕鳥排似比較瘦既牛排，但肉質瘦得黎又嫩口，無紅腥味，唔雖要特別調味，就咁食佢本身既肉味已經足夠。最後仲點咗一個甜品作結，意大利芝士蛋糕。一層芝士一層蛋糕咁都配合得好好，有水準。雖然價錢唔算平，但係有水準，有環境既餐廳唔多，想同朋友聚會，或者同另一半有個愉快既晚上，依間餐廳都係不錯既選擇。…Read More

生日飯黎咗銅鑼灣，無論食物、環境及服務都係大讚，食咗一餐又浪漫又好味的大餐。門面：一字樓出𨋢，又或者可以行樓梯點咗以下食物：頭盤：紐西蘭青口（香辣肉腸汁）羽衣甘藍牛油果沙律 主菜：慢煮美國牛小排 烤美國鴕鳥排 甜品：意大利芝士蛋糕 內在環境：黃色為沙發主調，每張櫈都有不同及獨特的圖案，幾特別，亦有幾張獨立卡位，所以亦一班朋友聚會，適合訂枱時應該可以預留食物：首先出場嘅有頭盤青口，約有20隻，份量都足，配上辣肉腸汁，加上有少少蕃茄粒同海鮮，夾起青口配搭，幾特別。仲有值得一提的原粒蒜頭及餐包！烤焗過的原個蒜頭上碟，味道好好！羽衣甘藍牛油果沙律係我覺得最好味，而且女仔都應該特別喜歡，因為完全無負擔，可以放心食，加上上特別調制的蜜糖青檸汁酸酸甜甜，可以蓋咗羽衣甘藍的靑草味，牛油果嘅質地和味道亦是my 飛佛清甜的汁配上蕃茄及士多啤梨做配菜，味道十分有層次。主菜之一，慢煮美國牛小排，煑三十六小時，慢煮後肉質有一種特殊的texture，可以值得一試。配上牛油薯仔，入口即融。另一道主菜係烤美國鴕鳥排之前未試過食鴕鳥排，肉質有D似牛肉，比較有口感，配上檸檬汁，又有D清新感。最後點咗一份home made 嘅甜品，意大利芝士蛋糕，大滿足…Read More

入到Barg, 一眼望到雞蛋黃色沙發座位，有一種溫暖的感覺。意式焗生蠔：用了菠菜釀入生蠔再加入芝士，食到蠔的咸香味，配了菜混合,有濕潤的口感焗美國鴕鳥牛排，基於低脂健康的考量，包括高級的法國料理也以此為食材做出新菜色。吃起來就跟牛肉一般的好滋味！口感相同，細嫩中帶著嚼勁，鮮甜不油膩，再搭點新鮮蔬吃，除去肉的膩口多了爽口，第一次品嘗西餐的鴕鳥肉，留下深刻印象。出外食都可以食得健康，叫了羽衣甘藍沙律。羽衣甘藍, 這個神奇的蔬菜不只是高纖維和葉酸, 還能排毒抗氧, 所含的維生素更是有A、B6、C還有K。Kale吃起來味道跟口感很像芥蘭, 配上牛油果， 杏仁薄片 ，士多啤梨更配上秘製sauce，清新，開胃。…Read More

銅鑼灣圍著時代廣場的幾條街，每棟大廈都轉型做了樓上餐廳，而百樂中心更是食肆林立，繁忙時間更需要打去管理處約電梯，真是太誇張了。而今晚就去了1/F的Barg。餐廳播著輕快又激昂的音樂，好似前面有一大班人在跳舞，轉來轉去的感覺，令整餐飯愉快又輕鬆。有晚餐亦可以單點，價錢比套餐貴少許，但可以不受限制，點自己喜歡的食物。餐包配原個焗蒜頭餐包共有四款，而且微暖，配上香草牛油，外脆內軟，再加上蒜頭的味道，充滿蒜蓉牛油的香味。意大利海鮮湯一飲入口就有一陣濃郁的魚湯鮮味，另外帶點番茄洋蔥味道，還有青口、蜆、墨魚及蝦，海鮮份量十足，而且湯甜可口，鮮味十足，若黑椒粒可以蘑碎一點會更好。羽衣甘藍牛油果沙律羽衣甘藍有別於羅馬生菜，色澤呈深綠色，葉綠素應該比較豐富，但爽脆程度不及羅馬生菜，配上牛油果、草莓、松子仁及蜜糖青檸汁，酸酸甜甜，味道清新且開胃，是一個幾有特色及較少見的沙律。烤美國鴕鳥扒第一次食鴕鳥肉，肉質比較瘦，油份不多，但一點也不會鞋，而且非常嫩腍，有淡淡的酒香及孜然粉的味道，沒有任何的騷味，不過略嫌煎得乾身，不夠juicy；薯仔是連皮一起焗，薯皮煙韌但薯仔很腍；沙律配上黑醋汁，正好能中和飽滯感。法式焦糖燉蛋表面的焦糖帶點焦香而且又薄又脆，燉蛋奶香味濃反而蛋味較淡，燉蛋非常軟滑，而且不會太甜，食完都不會太滯，做得不錯。總括而言，餐廳氣氛令人感覺愉快且輕鬆，食物質素中上，價錢中上，服務態度良好，每食完一道菜，店員會即時換上新碟，給人一種乾淨企理之感，十分抵讚。…Read More

週四下午收到契妹來電，告知已成功為小肥契哥集齊印花換購迷你兵團行李箱，收咗工第一時間就去咗購物。以表謝意，XO仔都好識做地請食晚飯，地點就由靚女揀咗喺「Barg」。店子以木為主o既裝設，配上前後兩排合併式散座，環境簡潔清爽。牆上寫出每日精選項目o既黑板仲加有手繪圖案，製作相當認真。啱啱又收集多個迷你兵，時光咁歡樂，兩契兄妹當然係要碰碰杯，賀一賀佢啦！小肥有新玩具玩，點選食物就交由契妹一手包辦。麵包籃：熱烘烘o既麵包共有四款，均軟熟甜美。羽衣甘藍牛油果沙律（$98）：放咗幾日「菜假」後，契妹叮囑小肥晚餐一定要食沙律，仲專登揀咗個營養價值出名高o既羽衣甘藍沙律。深綠色o既羽衣甘藍爽脆健康，伴上潤滑o既牛油果同醋，很是開胃。野菌蘑菇湯（$68）：以雜菌打成蓉o既蘑菇湯足料得黎菇味芳香，個人只係略嫌唔夠咸。烤乳豬配蘋果醬（$218）：主菜烤BB豬皮層超級乾巧脆卜卜，肉質幼嫩香濃，輕輕塗上蘋果醬更覺清新，可謂整晚之最！這個夏天有迷你兵兵陪伴左右，XO仔有戲睇、多咗文具用、有新玩具喺手、週四晚仲買埋搶眼o既行李箱，旅行都可以帶埋兵團遊山玩水，當真令人十分興奮！多得契妹介紹，購物完喺「Barg」品嚐到超脆o既BB豬，味蕾彷彿也跟迷你兵兵一同可愛起來，勁high！…Read More

參與朋友飯局來到ＢＡＲＧ。入門後看到餐廳的長方形格局，門口位置區間出左右兩翼。格局佈置充滿空間感，餐枱擺放沿牆，枱與枱之間有足夠距離，配合柔和燈光，感覺舒服。羽衣甘藍牛油果沙律 $98不是一般的用羅馬生菜，紫生菜，火箭菜，珊瑚菜等做沙律，而是用上羽衣甘藍這種香港不常見的沙律菜種類。羽衣甘藍這個名字十分優雅，而且聽聞營養高又防癌。羽衣甘藍甘甜爽口，牛油果入口軟綿軟滑，新鮮健康配搭。帕爾馬火腿薄餅 $138上枱已經被薄餅香味及賣相吸引了。餅底鬆脆，餅邊微微燻脆，芝士份量多幼滑帶有焦香，帕爾瑪火腿大塊而且很多，切開每件都有一大塊，肉質油潤柔韌且充滿鹹香肉香，加上舖面的香草菜，味道口感都十分豐富，富有層次感。法式蟹肉虎蝦多士 $138單看賣相己已經十分吸引，誇張點可說是霸氣外露。蝦開邊後舖滿了蟹肉，經火槍輕燒後，更加香口。蝦肉彈牙結實，蟹肉軟淋鮮甜，多士香脆鬆軟，出色的組合！燒春雞 $218吃西餐往往不喜歡吃雞肉，因為怕雞肉煮得太乾太鞋，但朋友想吃燒春雞，就順他意吧！想不到有驚喜，燒春雞做到皮脆油香，肉質ＪＵＩＣＹ嫩滑。雖則某些部位無可避免有少許乾，但皮下雞油帶出油潤作用，令肉不鞋口。…Read More

5月份的最後一日,在銅鑼灣工作的好友約局來一頓精緻西餐晚宴,當作一個完美的收結;在其安排之下,約了另一好友,三人飯局就成行了;而這次晚宴的地點是在時代廣場附近的耀華街中間的百樂中心;大家都約定七時半左右在銅鑼灣地鐵站A出口出現,皆準時到達後就一起步至餐廳所在的大廈;樓下入口處有很多廣告版,而Barg這餐廳所佔的版位頗多且醒目,的確容易佔據食客的眼球位置;搭電梯出一樓後,木色牆面上用射燈照射著的銀色金屬做成的店名,給人的感覺是簡約中又有點雅緻!進內坐下後,整個環境給人的感覺也是相當舒服;樓底夠高,燈光柔和,餐桌椅的鋪排也很闊落;加上現場播著輕柔的音樂,令人倍添安逸!餐廳附送的香草牛油多士焗得很脆口,三人一邊細嚐著一邊研究餐牌;餐牌上有著中度份量的選擇,咨詢了侍應生與經理的意見後,各人都選好了自己的心頭好食物就跟著落單;餐廳經理更特意推介最好配上House wine,照其意思大家都點了紅酒;大家在閒聊了一會後,紅酒與第一道牛肉他他率先登場;牛肉他他口感相當軟滑,有香草及胡椒的祛腥提味,吃起來那肉臊味都給消去了,回味有著甜味與辣味,相當可口;配菜的香味令人聯想到西域風味,襯托著牛肉他他,兩者的觸碰也是十分特別!尤其在欣賞其回味之時,喝上一口紅酒,酒中的果味與單寧,碰上牛肉最原始的本味,令味蕾留下更深刻的印象!第二道前菜--羽衣甘藍牛油果沙律隨後也上來了;作為蔬菜的羽衣甘藍夠新鮮,清甜味與綿中帶滑又淡味的牛油果來一個很好的平衡;在全晚以肉類為主打的菜式中,以這沙律作前菜確是很好,感覺上也算健康些吧!第一道我點主菜的帕爾瑪火腿薄餅,賣相吸引;餅底很香很薄很脆口,完全是我喜愛的類型;中間的芝士焗得有點焦香,奶香加上煙燻味,配合著帕爾瑪火腿的鹹香,又有香菜的特別味味道,嚐起來層次感十足!而各樣食材口感上與質感上都各有趣味:餅底乾脆,芝士軟滑,帕爾瑪火腿柔韌;但正正就是這各種因素的堆疊,恰恰構成了這道美妙的菜式!這薄餅配上紅酒也很好,芝士帶來的煙燻香氣,與酒中的橡木氣息也是結合得頗一致!好友點的燒春雞,一上來時香氣撲鼻!吃起來很入味,醃製及調味的功夫都做得好;但由於我吃的是上裝部份,有些地方的肉質多少帶點柴;慶幸的是雞皮相當油潤,以此可平衡那點乾削的感覺!而壓軸主菜,另一好友點的--烤乳豬上來了;趁著其保留著熱暖的時候,大家都快快動手分食來嚐味;外表燒得油亮脆潤,內裡的肉質腍滑有彈性;調味得宜,伴隨著輕巧的煙燻味,吃起來每一口都是香濃的豬肉本味的細緻表現!配上紅酒更是解去過多的油膩,令人吃得更盡情!要說全晚最令我驚喜的是,其自家製的甜品--藍莓芝士蛋糕!首先其擺盤造型已相當別緻;嚐其味時,蛋糕清輕的甜度,與藍莓及士多啤梨的果酸譜出了美妙和諧之音!而蛋糕的質感也很實在,吃下去後芝士味在口腔內徘徊著;雖然層次不算有很多變化,但著實是妙品!總結此餐,作為五月收結的一頓晚宴,與好友在一個環境舒適的餐廳內,共享了美酒佳餚的一夜,又是個美好的印記!飯後水杯指數(食店食物調味濃淡度,5杯為最濃),本人給予2.5杯,以此類西餐廳食物來說值得頗高程度的推薦!…Read More

放工後輕鬆一下，相約朋友一起晚餐。我們來到餐廳時，店員有禮地帶領我們到座位，及後殷勤地送上清水和餐包。餐包以小籃子盛載，有4款不同的麵包，有芝麻包，麥包，蒜蓉包等等。麵包較為硬身，抹上特別的香草牛油，軟滑中帶著鹹香，別有一番風味。另外有如蓮花芯形狀的焗蒜頭，但因為本人不愛蒜頭的味道，所以沒有吃。朋友則樂於嘗試，覺得蒜頭甜味增加了，挺爽口的。看見羽衣甘藍這特別的名字，就點了這個羽衣甘藍牛油果沙律。深綠色的羽衣甘藍，皺褶的外形像一把把小扇。上網搜尋，羽衣甘藍是很健康的蔬菜，纖維素高和營養價值高，含有豐富的維生素A、B、C，鉀質等，有助美顏排毒。菜的口感較硬身，味道甘甜。沙律醋的味道，就像是橙加西柚的清新味道，不會過酸，與菜配搭很好。沙律中還有草莓，洋蔥，牛油果，粟米粒等，都是新鮮味美。餐湯叫了意大利海鮮湯。    海鮮份量多，有青口，魷魚圈，蜆和蝦。另外，蕃茄湯中有一片片小巧的車厘茄。喝一口湯，海鮮味突出，特別喜歡魷魚圈的彈牙，青口的嫩滑。本人喜歡吃蕃茄，覺得如果加入多些蕃茄蓉，令湯變得濃稠就更好了。主菜是烤乳豬配蘋果醬   218乳豬表皮灑上香草，烤出深啡色。用刀一切，發出卟卟聲，感覺像薯片一樣酥脆。這烤乳豬肉比一般酒樓的乳豬厚身得多，入口，乳豬皮在口中繼續發出卟卟聲，而豬肉的肉質鮮嫩，鹹淡得宜。吃著吃著，還吃到了有嚼口的軟骨部份，感覺像吃著骨膠原。把豬肉沾上蘋果醬， 酸甜開胃。配菜薯角新鮮製作，熱烘烘的，咬起來鬆軟，薯香味散發。最後點了甜品--藍莓芝士蛋糕 。        表層和底層硬身，中間的蛋糕紮實有口感，牛奶味濃郁，藍莓味香甜。餐廳店員服務周到，很有禮貌。而且環境舒服，讓人自在地度過了用餐時間。…Read More

每天營營役役, 師妹升職剛好”屈”她一餐, 大吃一頓, 以惠寂多年來教導她之恩; 我們選了銅鑼灣一家樓上店, 這裏的人流不算太多, 不用排隊, 環境漆黑優雅, 於鬧市中尋找這一片恬靜的樂土,談心事的好地方;菜單上的價格跟一般的西餐廳無異, 我們點了套餐, 有餐包, 羽衣甘藍牛油果沙律(98), 野菌蘑菇湯(68), 香煎亞特蘭大鱈魚配野莓汁(168)及一杯Mojito(98); 餐包特色之處除了平常西餐廳吃到的芝麻包, 還有焗整顆蒜頭; 相信很多人都不喜歡蒜頭味道, 但這裏的蒜頭, 味淡淡的, 吃完不怕整口都是蒜頭味, 而且十分健康;而沙律, 羽衣甘藍這沙律菜名第一次聽, 覺得名字很幽雅,它混以牛油果, 洋蔥圈, 草莓及瓜子仁, 瓜子仁香脆可口, 草莓酸酸甜甜, 沙律菜青綠色清爽新鮮, 帶點兒苦澀味, 相比其他混以沙律醬的沙律菜, 口感及味道都十分獨特;而野菌蘑菇湯, 濃郁的蘑菇味, 沒有加上忌廉, 雖然欠缺加上忌廉幼滑感, 但沒有那個膩的感覺且比較健康; 而主菜鱈魚, 厚切的鱈魚扖, 魚皮香脆, 魚油豐富, 雪白的魚肉, 魚鮮味濃郁, 完全沒有魚腥味及魚骨, 但魚肉欠缺了一份肥美的魚油感; 野莓汁酸酸甜甜, 醒胃之餘, 使魚味增添了一份美味感而飲品是特意調配的, 淳厚的酒香, 十分順滑, 隱約散發出薄荷葉的清香, 而且帶有蔗糖的甜美; 十分獨特。吃完這餐, 看來又要我的師妹大破費了。    …Read More