港宴海鮮火鍋

Open Now

Now Closed

柯士甸道嘅港宴海鮮火鍋，自設魚缸，海鮮類保證新鮮！港宴嘅特色係可以order一大煲湯底，亦可order一人一鍋，超級flexible！場內有多個卡位，亦有數間VIP房，Gathering一流！醬料區亦不乏XO醬、蔥酥油等特別佐料！美顏花膠雞湯 $78內含花膠、雞件、竹笙、桃膠、蟲草花、杞子等，湯底清甜圓潤，含豐富蛋白質，好味又養顏！安格斯特級手切肥牛（細）$268油花漂亮，厚薄適中，焯幾秒就食得！肉質軟嫩兼肉香出眾！頂級黑毛豚肉柳片 $158大大片嘅黑豚肉口感柔軟，亦有適量嘅油脂甘香，唔錯！鮮腐竹 $68薄而滑，輕輕烚一烚就食得，好味又健康！

前排經過港宴海鮮火鍋，見到大大的落地玻璃入面係好精緻的裝修，空間感大，枱與枱好闊落，已經列入心水餐廳。今日朋友話要打邊爐，就決定要去呢間。我同朋友都覺得餐廳入面的裝修好，枱夠大，枱與枱之間有距離，可以坐得舒舒服服、靜靜地傾下偈。而且通風系統好好，食完身上都唔會有火鍋味。用餐體驗都很好，服務也很細心。價錢方面，覺得食材反應了定價，因為今晚食的，我地都好滿意，高質和足料，絕對唔係細細份。係一間可以再去的餐廳。美顏花膠雞湯（$268) - 湯底非常清甜，未開始打邊爐之前，一定要試下。湯料有一大舊冬瓜同半隻雞，為今晚加料。不得不提，雞的肉質非常滑，大愛呢個湯底。本地手切騸牯 ($398) - 鐘意食牛的我，見到本地手切騸牯即雙眼發光，全因本地騸牯夠新鮮，牛味香濃，手切令牛肉有厚度，增加口感。㨂了頸脊，肥瘦適中，有油花之餘，有肉的平衡，口感軟熟。台山蠔（$188) - 一碟有10隻，大隻厚身，食落鮮甜。朋友本身一直鐘情美國桶蠔，食完台山蠔之後，話以後多個選擇，好鐘意台山蠔，覺得鮮嫰多汁，夠蠔味。