Cafe Paradise (杏花邨)

到杏花邨找朋友，被店內的旋轉木馬吸引，決定當一晚少女店長積極有禮，經他推薦下點了比較划算的五道菜晚餐！是日餐湯是忌廉湯，配上用心形小碗盛載的田園沙律，感覺清新主菜選了這裡的招牌美式BBQ豬排骨！排骨份量不少！嫩滑的豬肋骨配上特製的燒烤醬汁，真係食到啜手指！還可試試另外配上的燒汁，味道截然不同！惹味非常！是日甜品是果汁啫喱，重拾兒時回憶由於少女心大爆發的關係，不惜另加二十五元點了洋甘菊花茶作餐飲！茶有小火爐保温，貼心的店長還提醒我不要煮太久，以免茶會變苦澀呢眼見鄰桌很多小朋友，這真的是一間十分適合親子活動的主題餐廳！…Read More

咁岩要黎杏花村工作，否則都好少會踏足呢個地方。由於唔熟路既關係，都係決定係杏花新城解決我既晚餐。商場内食肆都幾多，最後比呢間餐廳既裝修吸引左入黎。竟然係一個餐廳見到旋轉木馬，又唔係係主題樂園。餐廳内仲有好多不同既公仔，睇得出店主落左好多心思去裝修同佈置。Menu選擇都幾多，最後為左容易d揀就揀左個set。美式BBQ豬排骨 豬排骨好大條，幾乎同我既手臂一樣。望落色水唔錯， 切落發現其實肉比想象中小，但都飽既。旁邊有個醬汁，不過我就唔推薦點，因爲原本舊豬排骨已經好夠味。 蟹籽蟹棒忌廉意大利墨汁寬條麵 寬條麵上面鋪滿蟹籽，一d都唔吝嗇，撈完都仲見到粒粒既蟹籽係每條麵上。麵條食落都ok，但如果可以硬少少就更好。朱古力慕絲套餐仲父送左個甜品，好似每日都唔同，今日係朱古力慕絲，味道還可，略嫌少少硬。總括而言，呢度好適合有小朋友既家庭或者朋友黎，環境不錯，食物都ok既。…Read More

非港島區居民入杏花村呢個可能性幾乎係零～不過因為工作關係要去柴灣，順便搵地膽食下飯啦！佢話最近杏花村開左新餐聽帶埋豬太郎去試～有新野食絕對唔可以錯過～～.#粟米甘筍忌廉湯完整嘅西餐梗係由餐湯同前菜開始，粟米甘筍忌廉湯都幾濃稠，好重忌廉味又唔會好甜！放咗陣先飲都唔會”杰”晒～而且佢都幾大碗！jengs～.#凱撒沙律前菜好大盤！沙律菜唔會好大塊，用叉食都好方便～蔬菜新鮮咬落好爽脆，陪埋大大粒麵包粒口感好豐富呀！.#墨魚餅小食方面佢有幾款揀,我地覺得叫個特別D會好D,所以選擇左墨魚餅.平時小食D配菜多數用黎隔油,但佢D菜真係可以食,仲用左匹配墨魚餅嘅沙律醬,確係細心!墨魚餅好有彈牙口感而且鮮味足,最好就係點埋泰式醬汁吊吊味..#千島海鮮滋味薄餅啲薄餅款式好吸引！最後揀咗千島海鮮～主要都係蝦同青口，無諗過啲青口會咁大粒而且都幾新鮮，起碼無雪藏味又無沙，啲蝦夠鮮，口感又彈牙，唔會因為放入焗爐而影響口感，個千島醬都唔會太漏而芝士仲拉到絲，加埋脆之餘又夠咬口嘅薄餅底，係好高分嘅pizza～.#美式BBQ豬排骨最開心都係見到BBQ排骨！佢啲肉幾乎係零脂肪可以盡情食，啲肉都好容易切開離骨，手殘都唔怕食唔到。仲有兩款醬汁可，豬太郎就鐘意跟番指定動作點BBQ醬最惹味，每件唔算太多肉，食多幾件都無問題，但兩個人嚟講都幾大份～男仔大食啲都唔使擔心！…Read More

我住小西朋友住杏花村,俾你揀都梗係杏花村食野啦~~朋友話杏花村有間西餐佢都想試,咁就o岩啦~~~晚餐佢有2款選擇,貴少少嘅2人餐有埋小食餐湯顏色都幾靚,入口feel到陣陣甘筍味,甜甜地幾開胃架一般套餐D沙律都好細分,但呢個沙律真係大碗到好似單點咁!沙律菜好爽又有好多面包粒,最好就係唔多醬汁唔咁heavy小食方面我地選擇左墨魚餅,食西餐嘅地方竟然有墨魚餅,得唔得呢?每塊墨魚餅都好厚,咬落去feel到墨魚肉都有好多好彈牙,唔覺有麵粉味,點埋酸辣醬可以降低油份添!千島海鮮滋味薄餅上面D海鮮好大粒,每件pizza都有好多料,每一口都味道豐富,薄餅底都幾厚下,所以食兩件已經好飽.BBQ豬排骨都幾分明容易切開,本身已經調過味所以唔點醬都已經好好食,咬落D肉都幾林,連骨都可以"損"埋架~至於薯蓉好扎實,咪睇佢好似細細球咁,因為密度高,食一半都好飽,好彩佢夠熱夠薯唔會有too much的感覺,呢個菜真係高質!食完會跟一個甜品,其實去到呢度我已經食唔落,實在太飽,但發現佢係士多啤梨jelly,酸酸地又ok wor~~~menu~…Read More

其實我好少會過黎杏花村，以前細個有親戚住呢度就黎得多。由細到大我都覺得杏花新城呢個商場特別靚特別夢幻，而家長大左呢個感覺都係無變。呢度既店鋪都配合返商場個主題，變得同係其他地區既分店唔同。行行下見到座旋轉木馬，覺得幾特別，所以就決定係度食。周圍都裝修得好夢幻，好多公仔，同個名一樣，好似置身係天堂咁。睇得出店主花左好多心思係裝修度。立體Menu，打開時都幾有驚喜是日既餐湯係洋蔥煙肉蘑菇湯，湯内煙肉和洋蔥粒都唔少，飲落都有蘑菇既味道。沙律都幾大份，2個人都幾乎食唔哂香煎墨魚餅睇相都見到係煎得好靚，肉眼都睇到d墨魚粒，都幾多幾足料。點埋旁邊個酸辣醬汁，就perfect!美式BBQ豬排骨豬排骨有手臂咁長，其實我覺得豬排骨上既醬汁已經好足夠，不過旁邊仲有個美式BBQ汁。蟹籽蟹棒忌廉意大利墨汁寬條麵個寬條麵整得幾好，唔會太淋剛剛好。都落得幾多蟹籽，幾乎每一啖都食到蟹籽，口感更豐富。Chocolate Mousse朱古力味道濃郁，甜度適中，但略嫌有少少硬。套餐+$15就可以轉特飲，我杯荔枝沙冰係超多荔枝肉，多到其實用肉眼都見到。其實我不嬲對cafe既食物要求都無咁高，畢竟我覺得cafe唔多唔少都係食個環境。但我覺得呢度作爲cafe黎講，食物都唔錯。而且d staff都好nice，我見到仲會同隔離枱d小朋友玩。…Read More

老友搬左去杏花村, 叫我上佢屋企參觀下...可惜佢係地係無飯夫妻, 唔煮飯, 無廚房, 無得食!不過原來杏花村好方便, 朋友就帶我黎Cafe Paradise, 佢話佢成日都帶姪仔黎食!Cafe Paradise係一個旋轉木馬主題餐廳,真係岩晒小朋友黎食!而且食物價錢亦大眾化,簡直可以用平 靚 正 黎形容!套餐好抵食, 餐湯+小食+2個主菜, 仲有甜品跟餐茶,都只係HK$328兩位! 而且選擇頗多哩~凱撒沙律及甘筍忌廉湯就一般, 正正常常. 小食我地點左香煎墨魚餅,雖然煎得黑黑, 但入口唔油膩且啖啖墨魚粒哩,配上泰式醬, 非常惹美!千島海鮮滋味薄餅好好味, 批底厚薄剛好;海鮮不外乎大蝦蟹柳等等, 估唔到會有青口;芝士加上千島醬配合得天衣無縫!另一個主菜點左美式BBQ豬排骨,份量非常大, 足夠三個人食哩!燒排骨調味好好, 加上啖啖肉, 食兩條骨已經飽飽!套餐仲有餐茶及甜品, 甜品係紅豆奶凍. 少少甜配大大粒紅豆, 飽飽都食得落!…Read More

今日同朋友去左杏花村行下街睇下D 運動OUTLET行得落就梗係會餓啦,跟住就四處搵下野食經過Cafe Paradise 門口覺得幾好咁,望埋D餐牌都覺得可以試下店員好快安排好座位睇下餐牌有咩食先睇左一輪就決定好叫兩個SET晚餐美式BBQ豬排骨,另一個SET係菠菜三文魚千層麵再加個小食三色芝士焗墨西哥粟米片..飲品就要左英式奶茶同黑牛先黎個餐湯先,甘筍忌廉湯--夠晒香滑沙律--D菜都幾新鮮好味,好有田園既味道小食三色芝士焗墨西哥粟米片--粟米片夠晒脆而且芝士同香料加埋既香且脆唔錯既選擇菠菜三文魚千層麵--面頭既芝士真係好香口,入面三文魚千層麵口感同味道都幾唔錯美式BBQ豬排骨--豬排骨都幾入味,薯蓉筍等都唔錯黑牛--石板街雪糕凍入心中,配合可樂真係好正呀英式奶茶--撞奶入去沖返個奶茶飲下先甜品奶凍--凍凍地入口,少少甜都幾好既飯後品個環境都幾得意幾舒服既…Read More