Red Lobster (Fashion Walk)

📍就咁聽個名就知招牌菜係龍蝦!依間美國人氣龍蝦🦐主題專門店 主打美國活龍蝦各式各樣嘅龍蝦美食都有 🙈🙉🌀 招牌車打芝士鬆餅餐廳以鬆餅代替餐包 成為餐廳招牌必食!Scone鬆軟微暖 芝士味夠香濃 鹹香味出眾!🌀 新英格蘭龍蝦包 New England Lobster Roll $298餐廳有將排包稍為烘過 比較香口龍蝦包入面嘅龍蝦份量都唔少雖然比較細塊 但價錢上係合理嘅👐🏻👐🏻加埋沙律菜 食落有驚喜 冇係外國食咁好食 但水準之上!🌀 美式蒸活龍蝦 Live Maine Lobster 1Lb $368餐廳職員大力推薦 因為清蒸先可以食到原汁原味可以選擇1Lb/ 2Lb/ 3Lb上枱之前仲會俾時間你打卡 再有專人幫你拆龍蝦肉再還原返龍蝦個樣😂 食落好方便 啖啖肉之餘 仲要超鮮甜 同彈牙! 雖然有兩款醬汁 但建議單食 因為已經好好食😋🌀意式辣味活龍蝦 Live Maine Lobster Fra Diavolo $448用上活北美龍蝦 拌炒意式辣味番茄醬意粉微辣超惹味 龍蝦都係超鮮甜 肉質又結實呢到嘅龍蝦真係好新鮮🌀 龍蝦濃湯 $58龍蝦味超濃 記住加配😂 因為入面真係有粒粒龍蝦碎🙋🏻‍♀️…Read More

限聚令放寬，相隔幾個月，終於可以來一次閨蜜四人飯局，補祝好友8月份的生日，也預祝窩夫10月的生日。被安排坐在一樓其中一間房間內，先確定不設最低消費，滿心歡喜，又沒有限制時間交枱，可以慢慢食，邊食邊傾，結果坐到餐廳打烊才離開呢。坐下來不久便送來車打芝士鬆餅，不知道為什麼會有五個，暖暖的鬆餅外層微脆，窩夫很快便吃掉了一個。夏威夷吞拿魚塔只售38元，初初還以為看錯價錢，吞拿魚配上芒果和豆，紅黃綠三色加上黑白芝麻，賣相吸引，味道也不錯。紅龍蝦招牌沙律($98)是店員推介的，龍蝦肉份量足，生菜新鮮爽脆，千島醬不會太重手，不過如果牛油果、番茄和烚蛋等切得大粒一點，口感和味道會更加豐富。主角美式蒸活龍蝦(兩磅$688)來了，客人拍照後，店員會幫忙拆肉。龍蝦拆肉後上桌，排列得整整齊齊，而且還是熱辣辣冒煙的。簡單蒸製最能帶出活龍蝦的鮮味，啖啖肉又不用自己動手，吃得特別滋味。後加了一客香酥炸魷魚($48)，十分香脆。到甜品時間，愛溢布朗尼($78)超大份呢。奶茶意式鮮奶凍($38)也比預期中大，意式奶凍的奶茶味夠香濃，但珍珠偏硬，有很大的進步空間。…Read More

屋企人好鍾意食龍蝦，喺未有限聚令前帶佢地試黎自美國既Red Lobster，當日近乎full house，我地訂左位所以獲安排坐樓上，比較闊落舒適，呢度除左龍蝦外都有其他海鮮、pasta同pizza。 🍽芝士鬆餅入座前店員已將鬆餅已擺喺枱上，雖然佢只係免費嘅前菜，但唔好睇少佢，差不多枱枱都會refill，鬆餅外脆內鬆化，牛油同芝士味平分秋色，我食嗰陣係微暖，如果新鮮出爐應該更好食。🍽夏威夷椰子蝦炸粉加左椰絲，啲蝦炸到酥脆，面頭有菠蘿同紅椒粒，配充滿椰香嘅Piña colada醬，好食不過呢啲熱氣野淺嚐就好。🍽夏威夷吞拿魚塔個塔由蠶豆、醬油醃吞拿魚桶芒果粒砌成，三樣食材嘅味道同口感都好鮮明，賣相唔錯，配幾片無咩味嘅薄脆，我唔鍾意食生野所以唔評論魚生啦。🍽美式蒸活龍蝦(兩磅)龍蝦原隻上，畀客人影完相再由店員拆殼，我地嗰隻僅僅熟所以好黐肉，見店員都拆得好辛苦，淨係呢個服務都值回票價。龍蝦係北美貨，鮮甜多汁，都算彈牙，配熱牛油醬好夾，望返啲相好掛住喺歐洲旅行餐餐食海鮮嘅日子。🍽蟹肉鮮蝦扁意粉意粉好大份，仲配湯或沙律，係飽肚之選。是日例湯係南瓜湯，香料味太勁，我地飲左少少就放棄。個意粉普普通通，配料有烤南瓜、鼠尾草同果仁，鮮蝦爽口，個汁油左啲。🍽松露、芝士、蘑菇手工薄餅餅底較薄，口感似餅乾，toppings都唔少，食到松露味，但整體比較乾同單調，可skip。🍽烤焗冰島比目魚即叫即焗所以都等得比較耐，上枱見到個份量真係嚇親，足足28安士好抵食，四人分享都有啲勉強，比目魚皮脆肉滑唔腥，近尾嘅位置都幾多骨啲要小心啲食。整體黎講海鮮質素唔錯，夠新鮮仲要無收加一，員工態度都好好，會成日check有咩未上枱，龍蝦迷可以一戰。…Read More

Red Lobster #銅鑼灣❗️美國大熱過江龍龍蝦店❗️數個月前呢間嚟自美國，全球最大型嘅海鮮餐廳嚟到香港開業🦞但始終龍蝦唔平，適逢Restaurant week $298/1 dinner可以食到佢哋嘅3 course menu🤩即刻book位試吓！當日我哋一行六位，所以真係試到各種唔同嘅菜式，好似食緊九大簋咁🤣。先來送上每人一個芝士鬆餅🧀有留意開嘅人都知道佢嘅芝士鬆餅係非常出名❗️個人甚至覺得出色過佢啲主菜🤤鬆餅非常鬆軟，但又唔係散開，咬多幾啖依然有鬆餅紮實麵粉嘅感覺，的確唔錯🥰。味道: 4.1/5然後每人一個餐湯🍲分別有三種選擇。1️⃣廚師推介湯 - 南瓜湯🧡2️⃣新英格蘭周打蜆湯🤍3️⃣龍蝦濃湯❤️三碗湯都偏稠，推介龍蝦濃湯，重龍蝦鮮甜味，入面仲有啲小龍蝦肉💕反而南瓜湯就甜得好誇張，有浸馬蹄嘅甜，少少怪。味道: 3.6/5之後到頭盤，有兩款選擇。1️⃣紅龍蝦招牌沙律🥗唔好以為沙律就麻麻，佢真係有好多龍蝦肉🤩而且仲加上啲牛油果、青瓜、蕃茄粒同埋千島醬，味道都唔錯㗎。味道: 4/52️⃣夏威夷椰子蝦🍤呢個椰子蝦其實係炸開邊蝦，免頭再加左啲酸酸甜甜嘅菠蘿肉，有啲泰式嘅感覺，每人仲要有三舊添！味道: 4/5嚟到主菜，一共有五款選擇。1️⃣加勒比海烤蝦🥗嚟到呢度點可以唔試佢嘅龍蝦，所以我哋冇嗌到呢一款。2️⃣加勒比海海鮮三合一🍢呢個三合一包括龍蝦🦞三文魚🐟蝦🦐講真我覺得係咁多個選擇入面最抵！唔使加錢又已經可以試到龍蝦同埋各種海鮮🤩而且仲要係烤過，比其他烹調方式更香口。不過當然隻龍蝦就細隻好多🙈但係三文魚就真係麻麻，好淡，一啲三文魚油嘅香氣都冇。味道: 3.7/53️⃣新英格蘭龍蝦海鮮煲🍲冇諗過海鮮煲其實係一道意粉😟唔知道係刻意用上兩種唔同闊度嘅意粉定係煮嘅過程之中撈埋左一齊，大部份係闊條麵但亦有少量係幼麵😵除咗龍蝦之外亦有青口、蟹腳，配上龍蝦汁嘅湯底，但味道較清，有少少似白洽🤭強烈建議加大量嘅檸檬汁，會令到成個味道濃烈，鈎返龍蝦嘅鮮味出嚟！味道: 3.3/54️⃣美式蒸活龍蝦🦞+$188佢哋嘅龍蝦的確好大隻，侍應會先比客人影一陣相，然後會純熟地拆晒啲肉出黎，仲將啲膏另外裝起晒🥰用上美國嘅紅龍蝦，煮到剛熟，味道鮮甜，肉質唔算韌但係較實，食完之後真係好飽。味道: 3.7/55️⃣蘑菇忌廉焗龍蝦🦞+$200相反呢個要加$200但就味道反而冇咁好🙈因為用咗蘑菇忌廉去焗，味道有啲奪去咗龍蝦本身嘅鮮甜味，反而清蒸仲食到紅龍蝦本身嘅香甜。味道: 3.4/5另外每個主菜都配有兩個side dish，分別有baby potatoes, mashed potatoes, roasted pumpkin, mixed vegetables, steamed broccoli，推薦薯蓉同埋烤南瓜！我哋仲另外多咗個意粉1️⃣大蝦意粉配龍蝦醬🍝$98用上幼身麵條，口感比al dente淋少少，不過份量的確好大。每一條麵條都比龍蝦汁包圍着，但龍蝦嘅鮮甜味誇張到有啲啲苦，蝦嘅份量亦唔算好多，一般。味道: 3.3/5最後甜品，有兩款選擇，冇諗過Restaurant week嘅甜品係同平時Menu嘅份量一樣咁大！真係飽到上心口。1️⃣經典紐約芝士蛋糕🍰大件超大量忌廉！無可否認的確會係好rich，個餅底仲要脆脆地有啲砂糖嘅感覺，而且富有牛油消化餅香氣😛但就真係超級膩，再加上面頭嘅白朱古力，好邪惡，美味但非常之甜🙈。味道: 3.5/52️⃣野莓酥餅🍪呢個酥餅更加誇張，就係一層生果一層忌廉再加一層牛油餅乾碎，跟住再重複成件事多一次，聽到都已經覺得肥膩😵值得讚嘅係佢嘅忌廉其實都算滑，但成件事真係非常heavy。甜品完全感受到美國食物超大份嘅感覺。味道: 3.4/5整體來講，食物質素正正常常，勝在夠晒大份，食完真係飽到上心口，亦滿足到自己想食龍蝦嘅慾望🙈但覺得一次就夠。整體性價比: 3.8/5 (咁大份來講其實算抵食，不過味道就唔算太突出)不過餐廳嘅服務態度真係一般🙈我哋等咗好耐都冇人理，而且個侍應執執下張枱走咗唔記得上甜品，好在Restaurant week唔使收加一服務費🤣。…Read More

Red Lobster 係銅鑼灣名店坊開張啦！一聽到Red Lobster係香港開分店就即刻叫埋朋友一齊夜晚去試下，晚餐時間都坐滿晒人，好彩一早打電話book左位。前菜有最出名既車打芝打鬆餅，侍應話係新鮮出爐，最好出爐後15分鐘內食就最好味，仲可以免費任添！有濃濃既芝味，我同朋友都話要叫多份食😋Red Lobster當然要叫番個龍蝦食啦🦞 叫左個1LB 美式蒸活龍蝦，會有侍應專人幫你剝蝦殼，服務要一讚👍🏻提供幾款醬汁點龍蝦肉食，熱牛油汁配上龍蝦肉非常邪惡，香口。之後食左加勒比烤蝦，肉眼牛扒配龍蝦肉，夠晒飽！最後食埋甜品，巨浪朱古力蛋糕🍰最岩打卡影相，底盤有乾冰加上熱水會有好靚既煙霧，雪糕配埋蛋糕一齊食就最好食！各種野食價錢合理，鐘意食海鮮既朋友值得一去，下次要試埋其他野食…Read More