A Smoking Affair

同舊同事吹水局，揀咗銅鑼灣呢間「去滾」，個名已經夠抵死！位置超正，就喺地鐵站腳邊，行兩步就到！餐廳環境裝修好高雅，燈光暖和，用餐感覺舒服relax，適合吹水傾計唔會太嘈。開局先飲啖椰子雞湯，原個椰子上枱夠晒戲！半隻雞滾完依然嫩滑，湯底清甜到忍唔住飲咗兩碗先開始淥料。牛魔必點美國手切牛頸脊，肥瘦均勻，涮幾秒就入口即融，油香十足。順德脆肉鯇魚腩皮脆肉嫩，魚腩位超滑溜；九節蝦彈牙鮮甜無欺場；珊瑚蚌爽口有咬口。自家手打黑白墨魚丸有驚喜，彈牙得嚟仲食到墨魚粒！黑松露餃包得滿滿，咬落松露味爆開，好luxury。脆爆苔條響鈴炸得脆脆地，落湯都唔會即刻軟，食落有層次。最後配竹蔗馬蹄水清熱氣，傾足三粒鐘都唔覺膩！…Read More

聽朋友講銅鑼灣有間環境同食物都好正既火鍋， 叫「去滾」。所以帶埋老公去睇下佢身體好唔好😂 ！ 店面好多好有特色既霓虹燈！有點懷舊同玩味，好適合用打卡！！ 餐牌好多選擇！睇到我地眼花撩亂呀🤩🤩 打邊爐首選必須係沙爹湯！！秘製沙爹湯好香濃！入面仲有好多豬皮同蘿蔔，建議到中後段食，咁樣就超級入味！！基本上有呢個湯都唔駛點醬料😆😆打邊爐必需食牛！叫左美國手切牛頸脊(M)，份量足夠兩個人食！牛肉賣相靚，肉味好濃，好淋！😋 黑松露餃🥟大大粒！冰豆腐超級合適打邊爐！完全係吸晒湯既精華😋😋😋 蝦滑好彈牙🦐！仲有健康之選，鮮淮山！好新鮮爽口☺️。澱粉質愛好者打邊爐一定要叫返個麵😂😂伊府麵又係索湯一流！店家比左個兜兜可以直接放入爐度淥！好方便！！最後叫埋個甜品結尾！雜果味爆爆珠仙草凍以火鍋既造型送上！打完熱辣辣既邊爐，最岩就係食返個凍冰冰既甜品降下火！ 乳酸味既爆珠完全解到膩！總結，「去滾」唔單止好多Gimmick既裝修，食物質素都超高質！！仲可以試下戶外打邊爐！ 寒冬下可以真•測試身體好唔好！😏😏😏…Read More

🙋🏻‍♂️餓底探員去咗銅鑼灣調查呢間火鍋店，一出𨋢門就見餐廳門面寫住「唔滾唔知身體好」，店內亦有多句用霓虹燈做成嘅標語，餐牌上菜式名同樣盞鬼有創意，貫徹咗店名「去滾」嘅概念，咁有特色，點可以唔「去滾」😂🍲密密返啅沙嗲湯 $168🙋🏻‍♂️表示湯底沙嗲味香濃，湯底入面有爽口嘅豬皮同軟稔嘅蘿蔔，吸收咗沙嗲湯嘅精華，非常入味🥩美國手切牛頸脊 $228🙋🏻‍♂️表示牛頸脊油花均勻，肉質鬆軟，食落牛味香濃，配上醬料調味更能提升牛肉鮮味🥩爽滑牛胸爽 $138🙋🏻‍♂️表示牛胸爽係牛胸前嘅脂肪，屬稀有部位，雖然係脂肪，但食落非常爽口，一啲都唔油膩，口感特別🦐哈波子手打蝦丸 $88🙋🏻‍♂️表示蝦丸經手工捶打，口感彈牙有鮮味🐟手工潮汕魚皮餃 $38🙋🏻‍♂️表示魚皮餃手工製，味道鮮香多汁，充滿潮汕風味🦐蝦膠釀油炸鬼 $98🙋🏻‍♂️表示油炸鬼釀滿蝦膠，炸到金黃酥脆，蝦膠爽彈，加上香口嘅油炸鬼，層次感豐富🍧雜果味爆爆珠仙草凍 $118🙋🏻‍♂️表示個仙草凍放咗喺鍋入面，「滾」住咁上枱，入面有多款鮮甜嘅雜果，Q彈嘅仙草凍同好有口感嘅爆珠，加上香滑花奶，味道好正📈吃貨指數😋好味度 8.5/10🔙返啅度 8.5/10…Read More

不要以為男士們一大班「去滾」是壞男孩呢！其實，去滾是一間超人氣、極具特色的火鍋店。去滾以香港的道地風味為主題，融合了懷舊與現代的元素，環境傳統得來又帶新穎感。入到去，首先一定會被餐廳內部的裝潢吸引眼球。餐廳好多牆身帶有港式懷舊畫，牆上和天花亦掛著香港現代特色嘅霓虹燈，「唔滾唔知身體好」、「登龍街上走」、「女人唔狠」等等，句句香港人先會明白嘅香港話潮語，一看就好有懷舊crossover現代的香港風情。餐單亦設計得別具匠心，採用了類似香港報紙的設計，令人點餐時亦非常過癮。⭐1. 自助醬料區餐廳設自助特色醬料區，顧客可以根據自己的喜好隨意調配醬料，醬料有胡麻醬、沙茶醬、川味麻辣油、芫荽炸蒜等等。任君選擇。⭐️2. 麻辣鮮淮山鴨血鍋火鍋的靈魂在於湯底，麻辣鮮淮山鴨血鍋無疑是去滾的明星湯底。湯底選用新鮮的淮山和鴨血，麻辣的味道恰到好處，淮山清甜咬落去爽口，鴨血亦夠滑嫩，麻辣味將整個鍋提升不少層次。⭐️3. 去滾咪走雞 （1/4隻）新鮮雞肉肉質鮮嫩多汁，將雞肉控制適當火侯，再搭配特製的醬料，每一口都能感受到肉質的彈性，亦非常配合麻辣湯底的惹味。⭐️4. 美國手切牛頸脊手切牛頸脊絕對是非一般普通肥牛。肉質經精心挑選，切割恰到好處，保留了肉的鮮嫩和油脂。下鍋後，牛肉迅速吸收了湯底的精華。餐廳亦教落，大約淥15秒左右，口感就更鮮美，非常滑溜。⭐️5. 皇帝菜皇帝菜是小妹愛食的蔬菜選擇，是火鍋必點的蔬菜選擇。⭐️ 6. 潮汕爆汁手打牛丸餐廳用的是潮汕手打牛丸，Q彈得來，內裡包著濃郁的牛肉汁。咬下去一瞬間，肉汁四溢，肉汁在口中爆發出來。⭐️7. 中國茗茶 香片（每壺）香片茶茶味清新，可以中和火鍋的油膩感，比起飲汽水更要健康。⭐️8. 雜果味爆爆珠仙草凍（甜品）這份甜品外觀精緻，呈上時有冰煙，望起瞬間透心涼。這款甜品有西瓜、哈蜜瓜，與仙草的清香非常配合，帶來清新的口感。食完整個人簡直透心涼。我最後和男朋友說，下次「去滾」記得叫埋我！…Read More

唔滾唔知身體好！週日晚上又跑到一樓上火鍋店去滾別具特色的街頭霓虹裝潢，充滿八十年代懷舊風私人包廂房間內有卡啦OK設備，露台位置更是一個不能錯過的打卡位食物名稱玩味搞鬼得來帶點粗俗，但無傷大雅自助形式混醬區內各款調味料齊備，有十多款選擇:)清酒煮卜卜蜆湯先以料底蒜蓉、辣椒等炒香大蜆，再加入清酒美國手切牛頸脊新鮮紅潤、紋理分明、肉質嫩滑爽滑牛胸爽看似油膩，實際出奇地爽口，香而不膩店家重點推介小食金甲脆魚皮塗滿滿鹹蛋黃醬，鬆脆帶鹹香牛B子手打牛丸擺盤精緻，鮮牛滋味新鮮又彈牙香菇貢丸肉質Q彈、飽滿多汁、香菇香味馥郁飲料竹蔗馬蹄水清熱潤燥、生津解渴，打邊爐絕配…Read More

我又去左打邊爐啦😂 前排凍返🥶, 我去左銅鑼灣呢間好有香港特色既火鍋店 -- 去滾 (雖然天氣冷暖都唔影響我想打邊爐既興致😌)一去到門口已經見到有「老香港」嘅味道😂 入到去仲見到好多80年代霓虹燈設計，夠哂有地道feel👍🏻👍🏻🔹秘製沙嗲湯, 滋味胡椒豬肚雞 鴛鴦鍋 ($296)呢個湯底係亮點之一，有獨特的風味，呢個組合可以同時品嚐到兩種唔同口味的湯底，秘製沙嗲湯帶有香辣口感，而滋味胡椒豬肚雞湯更加濃郁🔸魷魚片 ($68) 、手打蝦滑 ($98)都是鮮味的海鮮選擇，蝦滑好爽彈，為火鍋增添豐富嘅口感🔹美國手切牛頸脊($228)值得一提係呢個"美國手切牛頸脊"，如果你鍾情牛肉係必食，肉質鮮嫩，牛味比較特出，同沙嗲鍋好夾😋🔸金甲脆魚皮 ($98)平時打邊爐都會點脆魚皮，但呢款好唔同，表面充滿咸蛋黃，非常香脆可口，浸下湯底食/ 直接食都一樣咁正!🔹繽紛鮮果涼粉鍋 ($108)外觀鮮豔多彩，一上枱仲冒晒仙氣，打卡一流! 口感清爽，涼粉柔軟爽滑，涼粉周圍擺滿了各種甜美鮮果，有西瓜、芒果、蜜瓜等。仲加入了其他的配料，如紅豆、糖水等。紅豆帶出一種濃郁的甜味，與鮮果的爽甜味好夾，整道菜好清涼可口👍🏻 好有驚喜！📍去滾 - 地址：銅鑼灣登龍街1-29號金朝陽中心二期 - Midtown 27樓 …Read More