Neighbor

係銅鑼灣行完街又係時候醫下個肚仔啦!! 但又唔想成日食個幾個大型商場入面既d餐廳, 即時問下食神朋友係銅鑼灣有乜好介紹, 佢就推介左 Neighbor 比我, 話我一定會喜歡, 黎到的確係我喜歡個類餐廳, 簡約又型格既裝修, 每個位置都花盡心思去設計, 絕對唔馬虎, 又夠空間感, 又坐得舒服, 真係一間好有誠意既餐廳呀~~ Dinner Set 就最啱比有選擇困難症既人用, 因為已經為客人精選了幾個菜式, 個Set 都算貴, 由百幾蚊起, 已經包左前菜, 餐湯, 主菜, 甜品同飲品, 係銅鑼灣區黎講真係超值呀~~前菜先黎一個清清地凱撒沙律, 以沙律菜, 車厘茄同芝士混埋芝麻沙律醬同食, 味道清新~~而餐湯就係黑松露忌廉磨菇湯, 每日都唔同的, 黑松露好香, 個湯都好濃好滑, 好好飲呀~~美國安格斯肉眼           HK$248我地叫左一個5成熟既美國安格斯肉眼配紅酒汁, 大大塊又夠厚身都算重量級, 而且肉質好嫩煮得啱啱好, 又無乜筋, 牛味又夠濃, 牛扒旁仲有大量薯條, 真係超滿足呀~~銀雪魚配檸檬牛油忌廉汁              HK$238另一個Set就叫左銀雪魚, d魚肉真係滑到不得了, 簡直入口即溶甘濟呀!! 帶少少微酸, 食落好開胃呀, 配菜仲有西蘭花, 車厘茄同薯條tim, 都好豐富呀~~ 巴馬火腿芝士                  Set 加$35如果想再滿足d, 可以加埋個巴馬火腿芝士小食, 我個人好喜歡食軟身芝士的, 淡淡芝士味, 同配以帶鹹香巴馬火腿同食就更加滋味~~三文魚他他千層      Set加$28仲加埋另一個小食三文魚他他千層, 其實主要係由三文魚配上桃粒所組成的, 呢個組合都好創新, 食落口感好清新同特別, 旁邊仲有香脆既牛油多士, 好美味呀~~可遇不可求             特飲跟Set加$25   (原價$38) 可遇不可求主要係用桃汁, 青檸汁同少許薑水所調製成的, 飲落味道非常清新同較為清淡的,而且 好清涼~~ Neighbor              特飲跟Set加$25  (原價$42) 呢杯係餐廳招牌特飲, 主要由荔枝, 檸檬同橙汁所調製成的, 應該仲有加入生果打造成的, 因為飲到果蓉, 酸酸甜甜, 不錯不錯~~甜品係乳酪雪糕, 因為我唔食乳酪既關係, 感覺味道有點奇怪同好黏, 不過我亞妹就食得好開心同滋味, 話第一次雪糕個感覺唔邪惡同好健康tim~~ 整體黎講我朋友都算無介紹錯呀~~ 環境同食物質素唔錯, 絕對會再Encore呀~~…Read More

平時走過都只留意到下層的咖啡店，想不到 走上一層更是別有洞天走美式工業風裝潢，岩曬大班朋友黎開懷暢飲 談天說地夏日炎炎 不多說 先看一看飲品特飲的名字都很特別 由其是 《斯里蘭卡吸精吸血殺人大青蛙》單是這個名字 我就已經想叫一杯送到來樣子也不太嚇人 青綠色的 飲落有淡淡薄荷清清涼涼的 菠蘿的味道比較突出，消暑解渴！求其叫個 求其特飲， 莓果茶的味道，不易掌握 味道不過不失。Order了set dinner, 所以有餐湯及凱撒沙律, 餐湯是最愛的南瓜湯,南瓜未有完全打爛，保留了一點點口感千島海鮮薄餅，餅底很薄，海鮮很多特別是青口，芝士還真的可以拉絲呢！美國安格斯肉眼配紅酒汁，搭配薯菜 黑椒汁牛扒切開 肉汁還很豐富 牛扒要了七成熟 剛剛好，肉質細嫩，味道也很出色，不沾黑椒汁都很不錯香脆紐約薯條，不小心叫多了，忘了牛扒中也有。但也很不錯，薯條很香脆厚身的薯條，口感更捧！有了額外的薯條就可以聊更耐呀最後有甜品 雪糕 ，為美滿的一餐畫上句號…Read More

呢間前身係玩具店既舖位搖身一變成為餐廳, 行上一層就到用餐區, 裝飾帶點工業化味道, 牆身以綠身植物作點綴, 播住輕快歌曲, 加上昏暗燈光, 給人一種放輕鬆感覺木枱上已放好餐具餐牌上由沙律, 小食, 主菜, 薄餅, 意大利粉/飯至飲品都有供應, 價錢夠貼地另外仲有晚市套餐供應, 價錢由百幾至二百幾, 已經包餐湯, 沙律, 主菜, 甜品及飲品, 相當抵食! 既然係咁當然叫套餐啦!定好既凱撒沙律, 爽脆沙律菜配以煙肉脆粒, 多士粒及芝士碎, 口感豐富!餐湯係呢客磨菇忌廉湯, 質感頗濃稠, 飲完都有半飽感覺叫套餐另加($28)就可追加呢客三文魚他他千層, 香滑既三文魚粒同甜桃粒混埋一齊, 放係脆法包片上, 一軟一硬, 雙重口感, 呢$25抵加!小食點了呢客墨西哥鷄鎚 ($58), 一客六隻的式小鷄鎚, 炸後再淋上甜中帶辣既墨西哥醬汁, 鷄肉唔會太乾, 味道幾惹味!嗜牛既友人點選呢客美國安格斯肉眼配紅酒汁 ($248), 除左份量十足既肉眼扒外, 仲有薯條及沙律菜伴碟; 柯打七成熟既肉眼扒切開後仍見帶有血色, 火候控制得幾好, 肉質有嚼勁及帶有肉味, 放棄紅酒汁改為點少少鹽仲滋味!我就叫左呢客銀鱈魚配檸檬牛油忌廉汁 ($238), 魚煎得皮香肉嫩滑, 面頭淋以檸檬牛油忌廉汁, 香滑無比之餘又唔會膩, 有埋薯條, 份量其實岩岩好!呢2杯名叫Neighbor ($43)同垃圾桶 ($25)既特飲, 主要材料係生果, 飲落甜中帶微酸, 係凍檸茶外既好選擇, 大杯又抵飲!甜品係呢客乳酪雪糕, 味道係食開既原味乳酪, 酸酸地而個質感比較煙韌, 特別得黎又幾得意!以銅鑼灣開餐黎講, 價錢實屬抵食, 坐得舒服之餘食物質數又唔錯, 又一開飯熱點!…Read More

今晚放工後與朋友到一間西餐廳晚飯，餐廳位於較寧願的邊寧頓街。下層Bar枱是沖調飲品的地方呢從地下上兩層樓梯就是餐廳，梯邊也放置了植物增添大自然氣息室內設計主要都是樹木，很有大自然氣息。Set Dinner前菜，麵包粒很香脆，配上碎芝士點了七成熟的肉眼扒，肉汁本身已鎖得很好不用點其他汁已經充滿扒本身的肉汁，盤子灑上了少許海鹽，配搭很好肉眼扒份量大而厚銀鱈魚煎得很香，而且煎得剛好，肉質滑，不韌，切下去一片片的，不易散開鴨胸挺厚的黑松露也很入味啖啖濃郁點了份小食芝士汁滿滿的。特飲的名字挺有趣與餐廳名字一樣的特飲，Lychee, Lemon, Orange juice, Sprite，配搭出來也挺Fresh。享受了悠閒的一晚…Read More

今晚一個人喺銅鑼灣做完gym之後好肚餓，所以call咗個朋友落嚟同我食飯。喺喺銅鑼灣physical附近隨便搵左一間餐廳，見佢前門特別，所以入咗去。原來佢哋樓上先係餐廳嘅main floor。餐廳裝修都幾舒服，而且d座位非常之大，幾有空間感，唔會太迫。服務員態度都非常之友善，而且有禮貌同笑容。我哋每人叫咗兩個晚餐食，成個set啲份量非常之足，味道都唔錯，同價錢相比非常之抵食。叫兩個晚餐，如果女仔可以三個人分都夠飽。我哋食咗以下嘅嘢食：凱撒沙律-菜幾新鮮，有d芝士，煙肉碎同麵包糠係沙律菜上面，一齊口感都不錯。南瓜忌廉湯-好濃好香，好重南瓜味。好似有d南瓜肉攪拌係裡面，又有南瓜肉，又有南瓜的甜味。好足料，我很喜歡。美國安格斯肉眼配紅酒汁-塊扒幾厚，又香又Juicy,都有牛肉味。牛扒唔會太瘦，都有點肥肉，脂肪比例平均，所以比較香濃。肉身都鬆軟， 份量又十足，正。黑椒汁也非常香濃，而且有黑椒粒。仲有呢佢啲薯條好多，同香脆，又厚身。伴菜沙律很多。銀鱈魚配檸檬牛油忌廉汁-塊魚肉都幾厚，最重要魚肉好滑，而且一d我唔鯹，仲有魚鮮甜味。個忌廉汁幾香龍香濃而且加上d檸檬汁後，有檸檬香之外，還可以令到塊魚更好味。伴菜同薯條份量一樣多。Neighbour特飲-你個特飲都幾好飲，飲完之後覺得好fresh,又唔會太甜。有荔枝嘅甜味同橙味，仲酸酸地有啲檸檬味，溝得好好。如果一邊吃牛排一邊吃就更為理想啦因為此果汁可以中和的劈完食完牛扒後的飽嘅感覺，幫助消化。熱鮮奶咖啡-咖啡味都幾濃，奶的比例適中，而且幾香。Dessert-乳酪味雪糕，個雪糕球好大個。…Read More

搭巴士經過銅鑼灣，總會見到轉角位咁sharp嘅餐廳招牌。Lee日出銅鑼灣睇戲，完場後嗰肚開始打鼓，即刻諗起位於邊寧頓街地舖嘅Neighbor。驟眼以為餐廳好細，但原來有三層。一入門口，就會見到水吧，順著右邊水泥梯級往上行，來到一樓。時約七點，已有不少食客。餐廳樓底高，空間感十足，座位舒適闊落；裝潢別具一格，在那微黃的燈光下，最適合甜蜜愛侶撐檯腳，或邀三五知己共聚，暢飲一番。很高興餐廳人手安排充足，招呼周到。Menu簡單清晰：Set Dinner包頭盤、主菜、甜品、餐湯/餐茶，定價由百幾至三百以內，肉類有齊雞、鴨、豬、牛、魚，烹調還有pizza、risotto及spaghetti，任君選擇，最重要價錢合理，並不進取。加少少錢就可以試到特色小食。想跳出Set Dinner嘅局限，大menu仲有多款選擇。是日餐湯-西蘭花忌廉湯Lee嗰湯清新又健康，差唔多整個湯都係西蘭花蓉，打得幼滑之餘，仲食到少少顆粒感；西蘭花味好香，忌廉及調味嘅比例適中，飽腹感尚可。如果餐廳可以提供多一款是日餐湯供客人選擇就更好了。Caesar Salad作為starter，份量適中；新鮮乾淨的romaine、車厘茄，還有焗至香脆的粒粒toast，煎香的bacon都均勻地沾有caesar醬，連同上面的cheese一起拌勻，吃起來有點鹹又有點點微辛辣。很開胃～鵝肝多士Lee款鵝肝多士眞係冇得輸。焗至香脆嘅法包，上面舖咗一件厚切鵝肝，煎至微焦嘅鵝肝甘香肥美，入口即溶。畢竟鵝肝嘅texture會令人感覺heavy一d，所以配菜有好fresh嘅沙律，自家製嘅芝麻沙律醬最不可多得，並唔係用普通義大利黑醋。如果唔係為咗留肚俾main course，眞係要encore～水牛城雞翼Buffalo wings也不平凡。金黃微焦嘅雞皮我最愛（我眞係好鍾意食雞皮🙈），內裏雞肉嫩滑。醬汁濃稠度適中，酸辣惹味～ 如果配埋🍺更一流～美國安格斯肉眼配紅酒汁侍應一奉上嘅時候，我留意到除咗黑椒汁以及茄汁，粗鹽也被放在一旁，可見店鋪之用心～ 塊扒大過我🖐️，order七成熟，準成，肉質鮮嫩，沒有肥膏，邊位有d連帶跟腱，屬可接受程度。啖啖肉，連食肉獸男友都豎起👍🏼。響應均衡飲食嘅生活方式，配菜除咗粗薯條之外，仲有沙律菜，同頭先buffalo wings嘅沙律菜一樣，太鍾意嗰汁嚕，清碟行動mission completed～銀鱈魚配檸檬牛油忌廉汁銀鱈魚份量唔算特別大，但充滿魚油，煎香後肥美可口，魚肉口感扎實，嫩滑之中帶點微爽。配上酸酸甜甜嘅檸檬牛油忌廉汁，別有一番風味。不得不說，嗰汁整得好用心，食到絲絲脆脆哋嘅檸檬絲，amazing～有部份薯條浸咗喺嗰汁度，雖然吸收咗d汁，係茄汁以外嘅另一番風味，但腍咗嘅薯條始終爭少少。垃圾桶品嚐咗咁多質素唔錯嘅出品之後，我哋有少少貪心，決定加錢upgrade普通餐飲做特飲。「垃圾桶」嗰名眞係好盞鬼，雖然係風馬牛不相及，但少d gimmick嘢又點突圍而出呢？其實佢係mango & lemon soda，酸酸甜甜，清新又消滯～期間，見到隔離檯嘅食客order 咗signature Neighbor，樽身幾得意，下次一定要試下～Latte沖調者有一定水準，一份expresso，三份奶再加一份奶泡，配埋嗰靚靚拉花，一杯latte誕生。有豆香，酸度適中。當然，咖啡的口味很個人，總體而言還不錯。甜品 - 乳酪雪糕🙈掛住試兩杯嘢飲，冷落咗嗰甜品。不過嗰乳酪雪糕口感幾特別，比較實，又有d黏，非常滑。唔知道係自家製定還是同邊間vendor合作嘅呢🤔總的來說，Neighbor從室內設計，餐單組合與設計，食材與烹調方面，均能在百家爭鳴的銅鑼灣突圍而出，確實為不一樣的鄰家西餐廳～ …Read More

今天約左幾個朋友食飯，佢哋話帶我去試新野，係間新開既西餐，佢地話呢度食物味道唔錯，仲有甜品。呢間餐廳係銅鑼灣，所以地點都幾方便。入到去，牆上佈滿左好多綠色嘅植物，好似去左個花園食飯好有feel, 而且燈光比較陰暗，令人好放鬆好舒服望下個menu, 我地就諗住叫多d選擇，大家可以share嚟一齊食，就叫左美國安格斯肉眼同千島海鮮薄餅。首先就嚟咗個沙律同埋湯，湯係蕃茄湯，仲用個可愛嘅紅色咖啡杯裝住，味道酸酸甜甜。沙律就好fresh, 好新鮮。安格斯肉眼五成熟，牛肉味好濃，外面煎得好香，而入面顏色仲係粉紅色，肉質好嫩口。另外，碟既邊邊仲有少少海鹽，可以增加肉味。薯條好粗身，炸得好脆！千島海鮮薄餅比我想像大。我比較喜歡薄身既pizza, 冇咁鍾意厚批嘅Pizza。呢個就係薄身既pizza, 有魷魚蝦等等嘅海鮮，配埋千島汁同番茄汁，味道酸甜，好開胃仲叫左個鵝肝多士，鵝肝好甘香，多士厚身又夠脆甜品係乳酪雪糕，味道酸甜，不過個texture好得意，係煙煙韌靱，係煙韌既雪糕總括來講，呢度嘅氣氛同情調都唔錯，食物味道幾好，dinner set 仲有齊餐湯沙律主菜同甜品，好豐富！！…Read More

有日經過，看見餐廳門面有點像我到外國時吃過的一間餐廳，好有熟悉的感覺，決定找一晚來用膳餐廳有3層，周圍都有放置小盤栽，今次在二樓進食，不過洗手間在3樓，所以有上去望望，原來座位風格都有些不同。餐牌主要有兩份，選擇幾多，當然叫Dinner Set會比較抵吃^^和朋友share吃兩個set，再加一個小食跟特飲～餐湯先送上是蘑菇湯，菇味濃郁，夠杰身，暖胃一流。杯身印有餐廳名，好靚^^凱撒沙律暖了胃之後，來吃吃沙律～以為一碟送上，但原來是一碗，份量都幾多，沙律沒有太多醬，幸好生菜頗鮮，又有爽脆麵包粒，有芝士絲，作前菜的確挺開胃。冬蔭公蟹肉雞柳意大利粉 ($168)很fusion的一道，意粉煮得剛好不稔不硬，充滿冬蔭公的辣味，會令人不捨得停口！再加上雞柳肉和菇，好好味，增加咬口，但可惜蟹肉就比較少。美國安格斯肉眼配紅酒汁 ($248)牛扒食開七成熟，今次也不例外。牛扒有西蘭花仔托一托，但仍有汁流在沾板上，幸好沒弄濕愛吃的薯條XD先說牛扒，厚身，很易切開，內部呈微紅，入口食到微焦，肉質不韌，也不會很油膩，再沾沾旁邊的粗鹽，更加增加口感，調出牛肉味後更吸引。旁邊的薯條的薯肉夠林，外皮脆口，不錯。墨西哥雞鎚 ($58)雞鎚有6件，醬汁又甜又辣，好惹味！而雞鎚肉不會老，啖啖肉～(不過會愈食愈辣，怕辣的話要注意XD)甜品 - 乳酪雪糕一球送上，內裡綿綿的，外圍雖然好快融化，但入口不會融化成液體，每吃一口都充滿乳酪味，有實感，到現在都很回味呢~求其特飲 ($25)吃到尾聲已經好飽!!朋友問我飲什麼，我說「是但啦」，朋友就說「是但即係求其啦」，誰知真的有一杯叫求其特飲XD飲品包含士多啤梨、藍莓、紅莓、檸檬和梳打，竟然不會好酸，反而有點甜，很好喝。垃圾桶($25)看到特飲名稱...好奇之下朋友還是點了XD (下次再來要問問為什麼名稱是這樣-v-)飲品包括芒果、檸檬和梳打，未入口聞落已經很清新，飲落也一樣，可以消消膩。Dinner Set都包沙律、湯和甜品，好抵吃，加上環境舒適，店員都很親切^^，整晚吃得很愉快！…Read More

經常出沒銅鑼灣都會經過一間餐廳，由外面望入去感覺座位唔多，似是一間普通餐廳，所以都冇再留意。今晚朋友約食飯竟然帶左我嚟呢度。沒抱太大期望的我入到餐廳有另一番感覺。地鋪比人悠閒的感覺，但原來除左地鋪，上樓梯都仲有好大個空間，上層燈光稍暗，但整個格局都好有氣氛，甚有情調。真係唔入嚟都唔會知道。睇番餐牌食物種類都幾多。凱撒沙律餐湯 - 西蘭花忌廉湯西蘭花忌廉湯濃度恰到好處，不太淡又不太咸。入口會食到西蘭花蓉，湯既份量又多，有驚喜的餐湯。鵝肝多士 $68鵝肝好大件，入口即溶，配埋又熱又脆口既多士，夠哂吸引。美國安格斯肉眼配紅酒汁 $248美國安格斯肉眼雖然又厚又大塊，但非常易切，叫左medium，但切開似七成熟，不過口感好好，完全沒有韌的感覺。同時牛肉味都幾出，一兩粒的粗鹽已經比任何醬汁更合適。黑松露意大利粉 $98意粉散發住很香的黑松露味，入口勁creamy，而意大利粉質地較硬身有口感。值得一讚係意利粉裡面的餸非常多，絕不吝嗇。斯里蘭卡吸血殺人大青蛙 $38個名好架勢，令人想入非非。成杯綠色，造型十足十青蛙，非常吸睛，由薄荷+菠蘿汁製成，入口充滿薄荷味，菠蘿汁鮮甜可口，兩者配合得唔錯。求其特飲 $38雖然個名叫求其特飲，但用上紅色十分搶眼，絕不求其，岩晒女士飲。內有士多啤梨、藍梅、紅梅及檸檬梳打。雜梅與梳打混合後一點也不酸，入口很清新。甜品 - 乳酪雪糕質感黏黏的，唔會太甜，口感好滑，岩晒怕甜的朋友。呢度真係自己走漏眼，自以爲普普通通的一間餐廳原來別有洞天，餐廳和食物都好有驚喜。如果平時直行直過就真係會錯過。今次只怪少年你太年輕了。…Read More

銅鑼灣總是與舊同事相約聚舊的好地方，而鄰近地鐵站的 Neighbor 則是更為合適的好地方。門口的招牌大字非常奪目，裝橫亦有種上世紀的 Raw 味。沒有華麗擺設，以紅磚與水泥牆，配搭草木盤栽，打造了一種鄰家小房了裡吃樸實西餐的感覺。工作勞碌了大半天後，喝一口溫熱的西湯感覺甚為暖和，而且味道開胃又香濃。晚市套餐可加配巴馬火腿芝士，這配搭在香港當然已經不是新鮮事，但值得一提的是 Neighbor 選用的芝士是羊奶芝士，質地軟身，帶著強烈的芝士濃香且羊奶獨特味道，與火腿的鹹香調和配合，味道在口腔內久久不散。安格斯肉眼配紅酒汁 － 吃牛扒我愛吃 Medium Rare，老實說在我落單之時，我在掙扎應否叫 rare 一點，因香港大部分餐廳都會把扒造得過熟。切下肉眼扒時，我的憂慮消失了，血水充份被保留在肉眼扒裡，濕潤非常，每一口軟熟的肉，帶表面微焦碎香還有鐵質的味道。另附薯條，非常美式。德國燒豬仔骨件頭頗大，女孩子普遍應該吃不完。甜酸醬汁完完全全塗抹在豬仔骨表面，開胃得令人一根接一根吃，不顧儀態地吮手指。肉質不算結實，以刀輕易分開。…Read More

前身係玩具店既呢間舖位, 依加變成左呢間西餐廳, 經過樓梯後就上到樓上既用餐區, 昏暗既燈光配以木系傢俱, 播放著輕快流行英文歌, 餐具印上自家寶號, 好有年輕玩味FEEL給人感覺活力年青既侍應哥們送上餐牌, 知道呢道主打意大利菜, 食物選擇幾全面, 由前菜沙律, 小食, 意大利飯, 意大利粉, 薄餅及主菜都照顧到, 仲有特飲, 沙冰及咖啡! 除散叫外, 特設套餐, 價錢望落都幾親民!一於叫個套餐再加少少散叫吧, 套餐包括是日餐湯 - 磨菇湯, 入口好香菇味, 質感頗"杰", 飲完好暖肚; 而沙律就係凱撒沙律, 清脆沙律菜配上醬汁及麵飽脆粒, 味道清新!係主菜未上前, 點左個水牛城鷄翼, 一客六隻($62), 比起食開其他店既呢款無濃味醬汁包住鷄翼, 食落有少少味道, 似乎未夠入味, 普通左D!侍應推介呢款三色芝士薄餅, 話好多客人黎到都會叫, 身為芝士控的我, 聽後當然心心眼啦, 上枱時已經聞到好香芝士味, 相信好多人都知傳統既意大利薄餅餅底係薄脆, 呢度當然唔例外!三色芝士包括藍芝士, 羊奶芝士, 菲達芝士, 芝士.......................全部都係芝士, 拉出黎會見到芝士絲, 熱辣辣一口咬落去, 食到芝士既咸香味及薄脆餅底, 果然好"芝"味............正呀!想飲D凍飲COOL DOWN 一下, 分別點左呢2杯(左邊係叫"NEIGHBOR" ($43), 右邊係叫"垃圾桶" ($38), 名字相當搞鬼), 2杯都係以生果作主材料, 飲落味道酸甜, 相當易入口, 留意返................ 價錢同容量成反比, 絶對要叫返杯!好啦...........主菜出場 - 美國安格斯肉眼配紅酒汁 ($248), 以木板上菜, 大塊鮮嫩肉眼(點了五成熟)配以薯條, 熱辣辣香噴噴, 唔係講笑, 快快起動切開後見到入面仲有紅色, 可見廚師火喉控制得幾好, 欣賞佢燒到件肉眼外面脆口, 內裏仍然保持嫩口! 雖然佢另有醬汁點, 但靚既肉顯然要食佢原汁原味啦, 頂多點少少佢側邊既鹽, 提升肉味! 呢款肉眼超好味!大胃友人要吸收澱粉質, 點了呢款龍蝦汁蟹肉大利粉 ($108), 份量都幾多, 可供2-3人分享蟹肉都唔少, 有口感既意大利粉被龍蝦汁包圍住, 食到好香既龍蝦, 味道相當唔錯, 價錢超抵!套餐包埋甜品, 原來係乳酪雪糕, 食落質感有D煙韌感, 幾過癮!總括黎講, 食物質素高, 價錢親民, 回頭率相當高!…Read More

銅鑼灣新餐廳都有唔少，此店門面都幾耀眼吸引👀最愛玻璃夠透明化，初初以為是快餐小食店，原來樓上先係叢林大花園🌳有我最愛木系橙櫈配牆上綠葉成蔭💡燈光柔和順眼👉Set Dinner有六款，一人獨吃只好點了一個晚餐，我選了<美國安格斯肉眼配紅酒汁> <時日餐湯> 🍵當日係牛肝菌忌廉湯，牛肝菌味重濃厚🍄而且內有大量細少菌粒，但又唔會太結身 <美國安格斯肉眼配紅酒汁> 🐮$248牛扒五成熟，真係剛好完全無過火，肉嫩微粉😍因是用紅酒汁去煮，所以一路切會有好多汁流出，同樣地放進口肉汁四濺口腔💦凱撒沙律菜跟炸薯條伴邊，有無留意木碟下方有海鹽提味<椰林飄香> 🍹$38因為餐湯或飲品是2選一，所以我另外叫了這杯特飲🌰香滑椰香再滲出菠蘿清新味道🍍都幾濃味無交行貨✨另會附上跟餐甜品～我當日唔記得咗影🙈搞笑了後記:通常新餐廳都有好多位需要改進，但整晚又搵唔到挑剔位，只係張檯有啲搖😂要搵嘢攝下…Read More