Fungsteak (Closed)

熱石煎牛扒近年逐趨熱潮，係旺角已經開左至少四間，試過幾間之後終於搵到間唔止扒好食，連自助個部份都高質既餐廳。-每個石板燒套餐，都可以享用自助沙律吧，自助沙律吧包括白飯、湯、沙律菜任食。除套餐可以自己去雪櫃拎一款飲品，包括自家製嘅冷泡茶。🍵自家製蜜桃烏龍冷泡茶因為冇落糖完全冇個種糖嘅甜味，但會飲到蜜桃嘅香味。🍵自家製桂花烏龍冷泡茶飲之前已經聞到好香嘅桂花味，一路食扒一路飲完全可以消減個油膩感。🫕湯每日嘅湯都唔同，當日係羅宋湯，唔會剩係得湯，湯嘅餸都好足料，無論蔬菜定係肉，會飲到牛嘅甜味，唔想食咁多飯飲湯就好適合。🥗沙律菜沙律係一樽樽擺喺雪櫃自己攞，好方便唔需要自己夾，店舖有提供沙律醬芝麻醬，令到食客可以唔使淨係食肉，食沙律可以減低個油膩感。🍚白飯白飯係正常不過佢帶飯焦，最好食就係佢個飯素，令到佢個飯加唔少分，佢個飯素係自家製，好重味，平時好少食飯幾我都食咗兩碗。1️⃣ 澳洲M7和牛肉眼💰168（👅: 8/10）牛味好濃，食落唔會好韌，個人覺得牛味比牛小排更重，而且肉質更腍。店員一早將塊肉眼切開咗，有肥肉同冇肥肉嘅部份，好方便分開來煎。店舖有建議加牛油落去煎，加咗落去牛油嘅香味滲晒落牛肉度。調味方面喺自助吧有燒肉汁、黑椒汁、豬肉汁。而每張枱都有海鹽同埋黑椒，我個人覺得淨係加黑椒或者海鹽已經好夠味，令佢個肉味更出。如果鐵板唔夠熱可以叫店員換過另一塊。呢間鐵板燒好處就係會將牛扒用碟分開上，唔會直接擺喺塊鐵板上面，所以可以自己控制塊扒嘅生熟程度，同埋控制每次煎嘅份量。-2️⃣ 美國安格斯牛小排💰148（👅: 7.5/10）肉質食落幾香嫩，好香嘅牛味，油脂算均衡。煎到三至五成熟已經好好食，夠油脂味。-🌟喺旺角食過好多間類似嘅鐵板燒，例如牛極，依間鐵板燒算係最抵食最高質一間，低至78就可以食到一塊扒加自助沙律吧，而佢嘅扒都唔會話好韌完全無肉味，沙律吧都唔係得任食，味道上來講係有質素。-👅味道: 8/10🍴環境: 7/10💰消費: $168 (服務費: NA)…Read More

今日早左放工，去咗朋友介紹嘅石燒餐廳，餐廳細細地，我哋好早到，所以人唔多。其中一邊放咗飲品櫃，沙律，飯同埋麵豉湯。餐廳形式係自助，落咗單後，可以自己拎一款飲品，同埋任食沙律，飯同麵豉湯。我哋兩個人，點左兩款牛肉，兩款小食。美國安格斯牛小排$148美國Prime封門柳$98芝麻雞翼$20珍寶帶子$40餐廳會首先將牛肉處理一成熟，然後送上熱騰騰的石板，就可以放將牛肉放上石板上燒到自己喜歡的熟度，這兩款牛牛味很濃，而且很有咬口，加上牛油一起去燒，好香好Juicy。芝麻雞翼好好味，係一大驚喜，另外珍寶帶子好鮮甜，絕對唔係平嘢，充滿誠意。麵豉湯正常，白飯就有非常大的驚喜，因為有飯素呀，白飯配飯素就咁食都可以食幾碗，沙律菜好新鮮配上芝麻醬，清新可口。二人埋單$306 ，可以燒下野，又夠晒飽，絕對抵食，同埋抵玩👍🏻…Read More

行過旺角見到先遲附近新開呢間石燒牛，其實石燒都食過好多間，間間都有唔同特式同吸引之處，今次俾牛小排同榴槤炸彈引左入去。沙律是分配好一罐罐再自己加汁，幾好，避免啲人簡黎簡去，又唔驚啲人手殘整跌晒湯-是羅宋不是忌廉湯，好甜，是疏菜同牛的甜味，似自己屋企煲咁，正呀，飲左兩碗美國安格斯西冷 - 二百克，呢個牛脂位置會比較香，香味不錯，配上牛油更加錦上添花。不過好快過熟，最好逐少放上鐵板燒美國安格斯牛小排 - 二百克，兩塊咁大，初初期望唔高，但有驚喜，食落油脂均衡，香，冧，軟，味道又正，有啲似坊間和牛級，唔怪得148，都值。蜜桃烏龍茶-好鐘意呢種茶包，唔甜但又茶果香味，好似「無*」啲茶包咁，仲要透心涼。榴槤炸彈-榴槤控必點，熱辣辣，食住等個扒就岩晒。值得一讚，店員都好熱心，好快手，又好細心咁介紹每隻牛既分別，老闆又親自落手，以半自助燒肉度燒肉店好難得有咁好既服務。同埋個扒佢分碟上咁就可以慢慢燒，唔驚一次熟晒！…Read More