Mundi cafe (Closed)

OT完近近地同同事喺公司附近搵野食，見到呢間餐廳comment唔錯所以去試下😝。Menu選擇頗多，主要有鐵板餐、burger同熱狗，跟set有齊飯/沙律、小食同野飲，大胃王表示好滿足😎。🔅澳洲草飼肉眼 ($98)塊肉眼扒好大塊🤤，叫左五成熟，肉質夠淋又夠嫩，點埋汁perfect😎。另外自助區醬汁係自己拎，想要咩汁都得👍🏻。🔅美國安格斯封門柳 ($92)呢個都係叫左五成熟，燒得啱啱好，好嫩好濃牛味😋　。呢個價錢有三大舊安格斯封門柳好抵食🥺。🔅香脆炸薯格 ($13)薯格炸得熱辣辣好脆，份量都唔少🥺，散叫都係$13蚊幾抵。🔅薯條 ($13)🔅芝麻醬雜菜沙律🔅是日煮藍青口🔅香草意粉🔅紫菜飯🔅熱朱古力🔅凍檸茶 (+$5)💬鐵板扒餐選擇夠晒多，連飯/意粉都有幾款揀🤤。加上小食高質，上菜又快，整體幾滿意😚。…Read More

📌 滿地餐廳 - 灣仔天樂里3-5A號僑康大廈地下C號舖🗓(19/12) 星期一 ⏰ 晚上7點左右 💈特式：琴日阿根廷🇦🇷捧世界杯咁高興，所以今晚就決定去剧扒賀一賀佢，係灣仔收工見到呢間滿地餐廳有鐵板餐，仲要價錢一d都唔貴，就選擇佢嚟食慶功宴啦。🥩🍔🌭🌮🥗🥯🥘🍲🍝🍣🥟🍤🍱食物：講得食鐵板餐就梗係要叫牛扒啦，今日就叫左佢地個招牌Mundi牛柳同美國安格斯封門柳，鐵板餐本身有包左頭盆/配菜同飲品，另外再加左個法國黃金翡翠螺，等我又同大家講下🐮味道先。頭盆 - 我地兩個餐，一個揀左羅宋湯，一個就揀左是日煮藍青口；我本身好鐘意飲羅宋湯，佢呢個都做得唔錯唔太酸，仲有勁多配料係入面，好滿足；藍青口就係用白酒去煮、食落去都好新鮮，肉質亦做得好嫩滑，鮮味十足。Mundi牛柳 - 用得自己個餐廳名，一定係有信心嘅主打，而且朋友一向都鐘意食牛柳，貪佢會偏軟淋，但又不失肉味，呢個牛柳就叫左5成熟，上枱時切開覺得生熟程度控制得好好，唔會過晒火喉，而且份量亦都唔細，有兩大件牛柳同好多配菜，肉有油香又有肉汁，另外如果想要額外調味，餐廳亦設有自助調味料區比客人自己攞鐘意嘅調味料。美國安格斯封門柳 - 因為想試多個唔同嘅牛，所以就特登同朋友叫唔同餐，呢個封門柳我都係叫5成，先覺得呢個都係咁抵食，份量都係咁大仲要平幾蚊，相比起招牌牛柳就無咁淋身，但肉味就再濃少少，兩者都有各自嘅優點。法國黃金翡翠螺 - 呢個只需要加$32蚊就食到，雖然只有4隻，但size都幾大粒，又新鮮，有輕微海水味，有酒店凍海鮮咁嘅質素。配菜 - 我地兩個餐，一個揀左芝麻醬雜菜沙律，一個就加$3揀左黑松茸薯條；個沙律好大盤，沙律菜亦好新鮮，如果揀呢個就真係抵食，又可能食多d蔬菜中和下；黑松茸薯條雖然要加幾蚊，但都建議可以加，一d都唔會後悔，薯條本身炸得好香口又唔油膩，加埋都幾多嘅黑松茸醬，香上加香。☕️🍵🥤🧋🍺🍷🥃🍹🧉🍾🍶🥛飲品 - 飲品就可以加$6轉朱古力雪山，呢個首先賣相已經好靚，而家好大杯，朱古力味又濃，如果怕甜就可以叫佢少甜，我就唔係好鐘意飲甜野，叫左少甜之後真係唔太甜，認真唔錯。🍽環境：餐廳面積雖然唔算好大，但坐位都鬆動舒適，亦有好多特式擺設，尤其係有關香港嘅擺設就真係令人睇到好舒服，而且餐廳位置都好方便，就係正電車路旁，附近又有過海巴士站，四通八達。🤵🏻🤵🏻‍♀️🤵🏻‍♂️服務：員工服務態度好好，會好詳細介紹/講解menu同菜式，落單後亦會同你覆返一次單以防落漏，提供服務同上菜/收碟速度都快。💰💸價錢：咁多野食，埋單都只唔洗$250，而且仲有埋頭盆/配菜/餐飲，呢個價錢真係好抵食。🐲💬總結：我覺得真心本土嘅餐廳絕對值得支持，尤其是呢d價廉物美又有良心嘅餐廳，我一定會多多幫襯。推薦指數：❤️❤️❤️❤️❤️…Read More

星期六夜晚同老公出灣仔食鐵板扒餐。呢間鐵板扒餐超級抵食，一個餐包頭盤、配菜同飲品，眼見好多一家大細黎食飯。頭盤: 羅宋湯、加拿大海蝦。羅宋湯微辣，幾多料，飲完好開胃。加拿大海蝦唔係霉晒個種蝦，都幾大隻，仲有4隻甘多。主菜: Mundi牛柳、美國安格斯封門柳。Mundi牛柳叫左五成熟，牛柳厚身，肉質軟腍，好易咬。美國安格斯封門柳 同樣五成熟，封門柳牛味出啲，肉質都係好好咬，唔鞋唔韌。配菜: 熊本咖哩飯、薯條。熊本咖哩飯咖哩份量足夠，撈得晒成碗飯。薯條 (+$3)要左鹽味薯條，薯條熱辣辣，夠香脆，正。飲品: 朱古力雪山 (+$6)、熱檸茶，朱古力雪山 屬於小朋友口味個種。煙肉pizza芝士焗熱狗另外叫左個熱狗食，煙肉同芝士包住條腸，面頭仲有大量青瓜絲同醬，相當飽肚。…Read More

前幾日就去咗灣仔嘅一間主打港式西餐嘅餐廳🍴 食物種類都唔少㗎，大家可以選擇鐵板扒🥩、漢堡🍔同熱狗🌭，仲可以加錢要小食，價錢親民又抵食，而且味道都唔差架！今次就叫左兩個鐵板扒套餐🥩🥩叫到成枱都係嘢食，食到勁飽，都係二百幾蚊咋！🤤😋套餐嘅前菜及配菜都好吸引，加6蚊就可以upgrade嘢飲，要凍朱古力雪山👍🏻🧋頭盆是日煮藍青口青口肉質嫩滑無渣又Juicy，味道鮮甜且充滿清新嘅海洋味，餐廳用了白酒去煮青口，令到味道更加鮮甜美味❤️加拿大海蝦🦐🍤第一次見鐵板餐廳嘅前菜有凍蝦食，冰凍海蝦嘅味道比較鮮甜，肉質比較光滑細嫩，食落去嘅口感非常爽口🦐🍤一啲都唔會太霉👍🏻主菜Mundi 牛柳🥩🥩 $91大大塊嘅牛柳有兩塊，牛柳係各個牛部位中最軟嫩和最瘦的部分，油花比較少，食落去嘅肉質軟腍，肉汁亦豐富🥩五成熟加上鐵板嘅餘溫 就熟得啱啱好，牛柳底下仲有紅蘿蔔、椰菜花、粟米及豆角等等配菜🌽🥕🥦美國安格斯封門柳🥩🥩 $88封門柳係成隻牛，肉味最濃的一部分，同時脂肪不多，食落去肉質都比較嫩滑，肉味都比較濃郁，重點冇諗過$88都可以食到封門柳🤭🤭配菜薯條（黑松茸）+$3外脆內香軟嘅薯條🍟，再配上黑松茸醬汁，份量又多👍🏻真係好惹味😋😋作為配菜來講都真係性價比高，出面普通餐廳一個黑松露薯條至少都要$40或以上，呢一度跟餐只要加$3嵐味炸薯格 +$3我最愛就係食薯格❤️ 用薯仔製成薯蓉，經調味後調整成格仔形狀再油炸，炸到外面香脆入面係香滑嘅薯蓉😂飲品凍朱古力雪山+$6 🍦🍫🥛最開心就係見到朱古力上厚厚嘅cream🍦🍦 超級邪惡，再配上冰凍嘅朱古力😋好滿足呀！餐廳都設有調味料Bar，我哋可以按個人喜好去選擇自己喜歡的醬汁❤️超方便又周到👍🏻…Read More