味之亭網燒食堂 (Closed)

青衣城開左2期之後 連戲院都有 餐廳選擇又多左 睇戲前後都可以去醫肚😆 我地今次就揀左試呢間主打食牛肉 價錢合理即餐廳🍴我地叫左2個餐 分別係美國和牛小排同燒西班牙黑豚叉燒丼🤤 美國和牛小排餐有齊前菜 沙律 味噌湯 牛排份量都唔小 有2層 油脂分佈平均 所以肉質好嫩 點少少岩鹽真係幾好食👅 牛排底下有炒雜菜 幾有誠意👍🏻而燒西班牙黑豚叉燒丼已配有温泉蛋 拌飯食真係好惹味🤩 黑豚叉燒燒得夠入味 半肥瘦好香口🤤我地仲試左一串牛舌串燒 雖然比想像中細少少 不過好厚身 食落係爽口個種 加左鹽去燒好juicy好香口架🌟

自從青衣城開了第二期，都進駐不少餐廳，今晚同朋友就被日式定食吸引。新店開了不久已有好多食客等位，大約等了30分鐘才入座。裝潢光鮮且帶日式風格，更有間隔一人的大枱，以供少人數客人，座位好寬敞舒適。美國和牛西冷 $158以定食形式的牛排晚餐，有中華沙律前菜、油醋沙律、西冷牛排、味噌湯及米飯，份量頗多，幾豐富飽肚。沙律新鮮好爽脆，用油醋醬汁幾清爽，可去掉牛排油膩。味噌湯不會太咸，只係有點海帶，配料較單調。米飯有日本青森縣出品的米，幾柔軟帶黏。主角和牛西冷，牛味都突出，肉質偏腍，欠缺彈性，配燒肉醬汁味道更好，整體味道尚可，只係沒太大特色。美國和牛小排 $138牛小排比肉質同樣柔軟，但多入彈性同咬口，不過太多筋位，好難進食。兩款牛扒都用椰菜放底，吸去肉類油份，幾好的做法，而且這配菜吸了牛扒的味，所以味道不錯。原本想食讚岐手打烏冬，但要加$30將米飯轉為烏冬，感覺頗貴，所以沒有轉到。