KOOL (Closed)

D2 Place最近多左好多新餐廳，美國菜、西班牙菜、日本菜應有盡有。經過餐廳見到裝修風格好適合兩個人坐低飲杯咖啡，食住野慢慢傾下心事。香港生活節奏太過緊張，好難搵到一個地方可以靜落黎，體驗下慢活嘅態度。假如你都認同的話，相信依間餐廳可以提供一個休閒嘅環境比你！Dinner Set嘅前菜係牛角包及餐湯煙三文魚牛油果蛋沙律漢堡配香脆薯條 ＄125牛油果同沙律蛋依個配搭都好常見，不過好少會用黎做漢堡餡。但依個配搭襯煙三文魚又唔會好奇怪，反而會令到人覺得好健康，唔會抗拒食油膩嘅漢堡。特別一讚係依度嘅薯條即使放耐左，但都仍然可以保持住香脆嘅口感。美國優質肉眼扒配葡萄酒燒汁跟香脆薯條及時菜 ＄218我點左塊五成熟嘅肉眼扒，因為要一大塊肉眼扒保持住唔會乾身同煙韌嘅口感就一定唔可以太熟。不過廚師控制火候控制得非常好，令到肉汁鎖緊係肉眼扒。並且肉眼扒筋同肉嘅部分非常分明，令我放入口個陣唔會將兩個部分撈埋一齊，破壞左肉眼扒嘅層次。…Read More

今晚約了老婆到D2 place行下街，顺便食下晚飯。自從D2 Place One and Place Two 先後開了以後，這裏閒日晚上也多了很多年青人在這裏逛逛街，食食飯。 而Place One和Place Two也是一街之隔,大多數人自不然兩邊也會行下，這裏特別之處，是大部分商店不是集團式經營，大多是自家創作， 有啲還比較特色， 跟大型傳統商場比較， 更值得一行。:)行到累了，還有很多食肆可供選擇，Place One,Place Two有西式、中式 、日式、食齋、粉麵，各式其式任君選擇。今晚晚餐我便選了這西式的Kool 餐廳, 這裡分為店外和店內, 店外還可以有靠邊的梳化座位， 感覺自在。 但可惜我們太慢才到，想坐外面的梳化也沒機會， 唯有進入店內品嚐。 幸好店內座位闊落， 格局四四方方，座位挺多， 加上裝修新穎， 不錯的進餐環境。這裏的點餐也非常特別，首先看過餐牌， 決定食什麼便走到門外收銀處點餐付款， 之後店員便呈上食物。餐牌上的set dinner也是不錯的， 而甜品和小食也有很多可供選擇, 結果我們點了美國優質肉眼扒配葡萄酒燒汁跟香脆薯條及時菜$218和紐西蘭羊架配迷迭香草汁跟薯蓉及時菜$238, 而價錢還包括餐湯、牛角包和飲品， 比起一般西餐廳價錢， 食過肉眼扒平均超過250蚊，算是經濟實惠了。先來餐湯和牛角包， 餐湯是蕃茄雜菜湯， 未到類似的金寶菜湯， 以牛角包熱辣辣的，表皮很鬆脆，點上雜菜湯嚟食， 味道不錯。餐湯熱過身後，正式便嚟主菜， 看見店員拿來整碟美國優質肉眼扒， 不禁嘩的一聲呼出來， 塊肉眼扒非常巨大，足足兩隻手板咁大塊，初時有啲擔心食得曬。 而視覺方面，點了七成熟的肉眼扒， 表面煎得好靓，有點兒微微焦燶嘅感覺，聞起上來非常香濃。 至於味道方面，由於肉質上乘，食落口非常嫩滑， 沒有多餘的筋，咬入口非常肉質軟口， 牛肉味香濃，點上葡萄酒燒汁，少許酸咪咪卻帶出肉的味道， 因太好食嘅關係，結果成碟肉眼扒畀我食曬， 非常滿足。 而必須一提跟餐的薯條， 薯條炸得非常香脆，薯味濃烈，不需要點上任何茄汁醬，也非常美味，愈食愈滋味。塊肉眼扒超巨大跟着是紐西蘭羊架配迷迭香草汁跟薯蓉及時菜，來自紐西蘭的羊架，食落沒有羊的羊羶味，而大廚煮把羊架煮得很軟稔很入味，點上迷迭香草汁，有少許甘香味，也十分夾食燒羊架。連我太太平時不愛食羊架，因怕太大羊羶味，也食了幾啖，可知味道惹味。飯後，還點了竹炭3.6牛奶芝士蛋糕和士多啤梨朱古力芝士蛋糕，咪看芝士蛋糕就特別膩口。 竹炭芝士蛋糕因配合3.6牛奶，蛋糕做得很軟滑芳香，配上芝士的味道，不太甜，不錯。而士多啤梨朱古力，朱古力的甜度卻帶陣陣酸酸的士多啤梨味，不致太腻口，配合得好。凍檸樂不要额外加錢，正。雖然是半自助式餐廳，但服務員招呼也不錯，加上扒類食物惹味好食，價錢又不贵，下次會再食過。…Read More

Halloween嘅晚上去荔枝角接老公收工， 就係附近搵野食。 最近都鐘意一 d文青風格嘅餐廳。 所以選擇咗位於D2 Place二期嘅 Kool Kitchen食我地嘅哈囉喂晚餐啦。以木為主嘅枱凳令人有溫暖嘅感覺， 但店外又有張英倫風嘅梳化， 可惜已經有客坐咗喇， 唔係我一定坐嗰張。 晚餐都有幾多套餐選擇， 當然都有 d自選菜式啦。 我地叫咗2個餐，先嚟個頭盤 <黑醋沙律> 跟餐湯 <忌廉湯>. 沙律菜好新鮮， 而且我好鐘意呢個陳年黑醋嘅味道， 唔太酸醋味好香。 忌廉湯唔係 creamy嗰款， 但忌廉都好滑， 裡面仲有切到好碎嘅肉同雜菜一齊煮。 適逢係halloween, 所以叫咗杯 Halloween Special ~ Buddy Marry, 無酒精嘅番茄汁+辣椒仔， 係我最鐘意嘅。 主菜嚟啦， 呢個係我嘅<美國天然有骨豬鞍香橙金萬利汁跟薯蓉及時菜> 厚厚嘅豬鞍一點脂肪都無， 配香橙汁一流， 最愛呢個薯蓉好滑溜。 老公嘅主菜<美國優質肉眼扒配葡萄酒燒汁跟香脆薯條及時菜> , 五成熟睇落啱啱好， 帶一點點脂肪， 老公話好味呀。 餐飲都係例牌 coffee or tea, 咁就2杯凍檸茶啦。舒服嘅環境同好友, 情人, 一班朋友享用晚餐係一件美好嘅事.  …Read More

最近同朋友去左荔枝角“D2 Place二期”的市集， 因為近來愛上了自家創作的東東， 發現原來呢度定期都會有市集舉辦， 鼓勵本地年輕人的創作~ 行左一整個下午市集之後肚仔餓， 見到有一間以木為主設計的餐廳---<KOOL>， 店內用的枱椅都係木製的，環境舒適， 店外仲有幾張英倫風格的梳化， 充滿文青的風格~ 晚餐有多款套餐選擇，有牛、豬、蝦、羊、魚等等， 款款都好吸引~ 跟餐的沙律竟然是<煙鴨胸沙律陳年黑腊汁>， 絕不是一般西餐的沙律菜，一點也不馬虎， 煙鴨胸軟嫩、沙律菜新鮮爽口， 再伴上陳年黑腊汁，提升了整體的口感， 非常開胃~ 是日餐湯是<磨菇忌廉湯>， 啖啖磨菇粒，口感非常香濃幼滑~ 主菜方面我最後點左<美國優質肉眼扒配葡萄酒燒汁跟香脆薯條及時菜>， 肉眼扒大大的一塊，份量十足， 外面煎到微焦香口，內裡的肉仍幼嫩，仲保留肉汁， 帶有少少脂肪更美味，放入口仲散發出淡淡的葡萄酒香~ 而薯條炸得香脆不油膩，附有薯仔皮更有口感~ …Read More