Jinseki Steak and Seafood (East Point City) (Closed)

好感動神石燒愈來愈多分店，而今次是在門口先購票，然後有個送餐裝置放在自己的坐位，就有店員送上食物！勁方便！等待期間自行去裝飯、沙律和麵豉湯。今次店內除了播放Rubberband還有其他歌手的歌。日本A5佐賀和牛二人前【日本A5佐賀黑毛和牛】一片片油脂極濃厚，入口軟熟，輕輕放上石板煎一煎剛好。真是超級享受，絕對令人難忘！【美國極黑豚】難得吃到很重的豚肉味道，但不致於羶，一條條有口感得來，一啖咬到脂肪一啖咬到肉。【美洲頂級厚切牛脷 】兩大片牛脷，一分四，煙韌程度剛好。【美國黑安格斯牛膈肌】中間深紅色，肉質有彈性，而且牛的味道濃烈。【北海道珍寶帶子 】大大粒，主力煎一邊，上面軟熟，下面又金香。【日式清酒煮蜆】開胃的前菜，清甜沒有腥味。…Read More

神石燒終於開到嚟將軍澳～😍將軍澳人口密集 ， 商場食肆平日晚上都會好多人， 今日放工專程早少少到來品嚐美味嘅石板燒。入座後便到自助販賣機下單付款， 放好感應器喺座位 ，店員隨後便會送上已點食物。每款石板燒烤肉都附送沙律， 餐湯，白飯～ 唔怕唔夠飽。 今日嘅沙律吧都幾有睇頭～ 泡菜牛肉湯 好惹味，帶少少辣又有啲似羅宋湯， 好多泡菜而且夠熱！還有味噌湯~ 難得還有薯仔沙律～ 椰菜沙律：有粟米，車厘茄，青瓜，蘿蔔絲， 仲有幾款唔同沙律 醬汁， 十分有誠意。使用日本產米，有飯香， 加添飯素更有日本feel！今次揀了日本A5佐賀和牛二人前， 非常豐富。佐賀黑毛和牛100g ～ 油花分佈平均， 肉質柔軟， 入口融化。美洲頂級羊扒～ 很少吃來自美國嘅羊扒，多數係紐西蘭，澳洲。 羊架燒到七成熟也不韌， 有肉汁，羊味濃而不羶， 實在美味，屋企人贊不絕口。北海道珍寶帶子～ 巨型，肉厚， 不用烤太耐， 很鮮甜， 肉質好爽。另一款帶給我驚喜的是「西班牙極黑豚肉」， 諗住豚肉要燒熟啲， 竟然一啲都唔韌， 咬落仲充滿肉汁， 而且有豬肉本身嘅香甜， 先不要加任何調味料， 品嚐原始嘅豚肉味道。最後要炮製 「美國黑安格斯牛膈肌」。由於真係太厚，切開一小塊來烤， 七成熟肉質都好腍， 肉味好濃， 感覺係有少少調味～清酒煑蜆～ 普普通通，也有酒香， 蜆肉冇沙。套餐嘅肉類烤到3至4成熟， 自己再放上熱石板調教熟成度， 如果石板凍咗可以叫店員更換。餐廳空間比較窄，大部分都是面壁位，很有日本食堂 feel，抽風系統一般~外賣也做優惠， 成為會員更有折， 住得近落嚟開餐都抵，可以諗諗喎。:)…Read More

最近東港城開左神石燒，每次經過都見到長長人龍，所以我地今日食早啲，6點就去到餐廳！門口有部售賣機，隔離有位店員幫手，可以直接同佢落單，點好餐之後店員隨即安排座位。▫️趁主食未到前，可以去出面自助吧拎野食先，沙律、白飯同湯都係任食。沙律有兩款: 薯仔沙律&雜菜沙律! 沙律菜都幾新鮮，好爽脆～ 神石美國極級天然牛扒 200g牛扒切到都幾厚身，可以係熱板上自己控制生熟度，個人比較喜歡燒到有微焦，食落會香口啲，但牛扒味道就不過不失，牛肉味唔夠濃郁，但口感尚算唔錯。枱上仲有幾款調味料:燒肉汁、生薑燒肉汁、岩鹽同黑胡椒，可以自己調味。美國極黑豚 200g反而豚肉好有驚喜，係石板燒完之後已經聞到好香，食落好香豚肉味，口感有彈性，加上用石板燒到外皮帶有微焦，十分香脆好味。…Read More