Taiwanese Hot Pot (Kyoto Plaza)

餐廳：老鍋台式火鍋地點：銅鑼灣駱克道京都廣場菜式：台式火鍋餐牌：午市餐牌有米線，冷面，飯，都有多人火鍋午市套餐。午市二人火鍋套餐價錢$299。包湯底四選一，肉類三選一，丸餃拼盤各兩粒，五彩鮮蔬盤，同米線或者白飯二選一。落單用二維碼。四款精選湯底分別係麻辣鍋，美人鍋，養生鍋同酸菜白肉鍋。「美人鍋」係女仕養顏至寶，材料有桃膠，原隻烏雞一開二，金華火腿，又有杞子，南棗，淮山，黨參，龍眼肉等藥材，仲有冬菇，粟米同香蔥等蔬菜。烏雞吸咗個湯味道超好，雞肉又嫰滑，烏雞唔怕連皮食，好多肉食下。個湯係老火肴制湯底，味道少少鹹香，好飲，打邊爐令其他野食都有味，唔洗特別加醬汁。美國梅花豬肉 肉類可選肥牛，豬肉或者雞肉。美國梅花豬肉一客10片，捲得靚靚上枱，切得夠厚身，質感好好，帶少少咬口又有少少彈牙。豬味濃，唔洗加醬汁都好好食。丸餃拼盤丸餃拼盤係必包食物。丸餃拼盤有墨魚丸，香菇貢丸，鮮蝦豬肉雲吞，同魚皮餃各兩粒。魚皮餃塊皮好肥美油膩，墨魚丸彈牙鮮甜，鮮蝦豬肉雲吞又大又多餡皮好簿又滑，香菇貢丸好彈牙有豬味。五彩鮮蔬盤（細）五彩鮮蔬盤有生菜，油墨菜，娃娃菜，金菇，同冬菇。蔬菜新鮮。冬菇特別香。米線跟餐可以選飯或者米線。米線幼身，夠淋又滑。呢個餐食嗮都好飽。自助調料吧有辣椒，莞茜，蔥，豉油，炸蒜，香醋，沙茶醬，蒜泥汁。餐廳掛滿天燈，都幾有氣氛。呢度四人卡位之間距離夠遠，有私隱度，座位舒適，冷氣夠凍。…Read More

台灣邊爐最吸引人既就系啲藥膳湯底 同港式完全吾同 冇咁單調 而老鍋都系其中一間出名既台式火鍋店🤪餐廳換左裝修 感覺更台灣 仲有天燈玩 比大家打卡📸今次佢地做緊個午市二人套餐 都幾抵食👍🏻Lunch 2人餐 $299湯底四選一 我地簡左美人鍋有幾多藥材 例如杞子 黨參 准山 桂圓 紅棗 重點系有好多桃膠 系女士養顏恩物 不愧系美人鍋👰🏻‍♀️入面仲有完隻開邊烏雞 煲煲下啲雞肉開始好林 髀位同雞翼幾嫩滑 另外又有啲冬菇片湯底味道balance得幾好 雖然咁多藥材 但吾會苦 難入口 淥野食之前我地仲飲左成碗湯先🤭🔸️ 雪花肥牛🐮其實有豬牛雞簡 但打邊爐緊系食牛肉啦肥牛油分適中 淥幾下就食得 食落完全吾嚡🔸️ 丸餃拼盤🍢有墨魚丸 豬肉丸 魚皮餃 蛋餃蛋餃咬落去有啲肉汁流出黎 幾驚喜墨魚丸都好足料 味道幾濃 又有啲墨魚肉咬下 幾有口感🔸️ 五彩鮮蔬盤🥬有娃娃菜 生菜 冬菇 金菇菜咁靚既湯底一定系淥幾條菜食下 健康啲又令菜索到啲湯汁🔸️ 米線🥢主食有兩款簡 飯or米線 醬料區方面都好齊全 有醬油 沙茶醬 蒜蓉汁 炸蒜 蔥 辣椒等等 💭$299/2個人 食到正宗台式邊爐 又有牛肉同其他配菜食 都幾抵食 加些小錢仲有其他台式飲品 咁就更台灣風味🥰…Read More

港人最愛打邊爐，任何時候都有得食，銅鑼灣行完街，嚟個午市邊爐，原來呢度都幾受學生歡迎，服務態度好，應該都係一個賣點午市二人餐 $299 (免加一）我哋揀咗美人鍋，湯料有原隻烏雞丶桃膠丶紅棗丶南棗丶圓肉丶准山丶 等，都幾足料㗎！雪花肥牛質素幾好，厚度適中，淥幾下就食得丸餃拼盤，四款都好食，特別係魚皮餃，無以往食過嘅咁油膩，而墨魚丸亦爽口彈牙。蔬菜盤有油麥菜丶唐生菜丶娃娃菜丶金菇丶冬菇跟餐嘅米線，份量好多，食唔哂添～…Read More

醬料區乾淨整潔 唔會因為自助就污糟邋遢蔥花蒜蓉辣椒醬汁樣樣齊 任君選擇👭2人套餐 $299湯底二選一🍲膠原美人鍋呢款湯底可以補充滿滿膠原蛋白又滋陰養顏 超啱愛美之人精選肉類雞牛豬三選以一🐮雪花肥牛有10片 放成一卷卷都幾instagrammable牛肉肥瘦恰到好處 肉同脂肪分佈均勻肉質嫩滑容易咬 唔會好多筋或者乾乾硬硬🍡丸餃拼盤 墨魚丸 魚皮餃 香菇貢丸 台灣蛋餃 各2粒特別鍾意香菇貢丸同埋台灣蛋餃貢丸圓碌碌又多汁 蛋餃餃皮金黃色薄薄一層 蛋香味濃之餘索哂湯底嘅精華🥬新鮮蔬菜 五彩鮮蔬盤（細）包括冬菇 金菇 生菜 娃娃菜 同埋比較少見嘅唐蒿習慣性一開始就加入冬菇 煮到最後先食佢 索滿湯汁軟稔稔🥢主食類揀咗米線米線屬於比較軟嘅嗰種 好啱打邊爐湯汁可以更容易依附喺米線上面侍應都會俾個筲箕你方便撈 貼心加分位整體食物擺盤都幾啱影相適合鍾意打卡又想食輕便打邊爐嘅人士。📍 老鍋台式火鍋 (銅鑼灣)…Read More

天氣涼涼地lunchtime想食野暖下胃，朋友介紹呢間台式邊爐，原來午市仲有$300二人餐，包丸餃拼盤、鲜蔬、美國梅花豬肉同麵類，都幾豐富。鍋底選了美人鍋，可以話好正！用上原隻烏雞，配埋桃膠、紅棗、菇類等，令湯底好清甜滋補，仲可以食埋烏雞，肉質好甜香彈口。 食物方面，美國梅花豬肉幾有水準，豬肉切片厚度適中有嚼勁，滿滿豬肉香味。另外蔬菜雜菌拼盤款式幾多，吸曬美人鍋湯底精華格外好食🤤🤤除左本身店內好多天燈佈置外，仲可以去天燈牆到customise 天燈message打卡，真係食得又玩得！…Read More

午餐時間到啦！我朋友話想食火鍋，突然想起老鍋火鍋，好耐都未食過啦！而家老鍋有二人餐，仲要係超抵食！🧏🏻‍♀️膠原蛋白美人鍋我哋揀咗呢個美人鍋，單點都要二百幾蚊，但套餐竟然都有得叫👍🏻我仲諗住套餐個份量應該少啲啦！原來唔係，真係原隻竹絲雞喺入面，肉質好滑，唔鞋，唔錯唔錯👏🏻👏🏻👏🏻鍋裏面有好多桃膠，食極都有，好滋陰😻加上鍋料配菜好新鮮，大滿足💯🐮雪花肥牛一碟賣相好靚嘅雪花肥牛，望落去就知道係高質素啦！並唔係坊間外面嗰啲合成肥牛。一入口就牛味濃，又唔羶，每一片都好大塊，真係好正呀！我朋友對呢盤肥牛讚不絕口，仲要讚咗幾日添😂真係好睇又好食😋🥟丸餃拼盤呢碟拼盤包括魚皮餃、台式蛋餃、墨魚丸同貢丸，雖然每款一人一粒，但可以食哂咁多款，啱晒我三心兩意嘅人👍🏻👍🏻又唔怕食唔哂！細心🧡🥬五彩鮮蔬盤（細）雖然細細盤，但有唔同款式！金菇、鮮菇、娃娃菜、生菜、唐蒿，每款蔬菜都好新鮮👍🏻🍜米線一大碗米線配埋一個專門用嚟煮麵嘅小筲箕，放入湯裏慢慢滾，又唔怕散開哂，又唔怕夾唔到，老鍋真係諗得好周到💓💓💓🤫後記由於我哋勁肚餓，又心急食雞，我哋見到湯滾就夾隻雞食，點知唔夠腍，撕唔開！跟住店員行過嚟講我哋隻雞未熟，佢提醒我哋啲雞要滾到腍先至代表熟哂！其實呢度每個店員都好窩心，服務一流👍🏻有禮又細心…Read More

天氣轉涼又想打邊爐，星期日午餐去左銅鑼灣老鍋台式火鍋。老鍋台式火鍋係由30年台灣經驗廚師主理，首創美人鍋 ，賣點係新鮮湯料同食材天然味道，醬料精髓提鮮而唔影響原有風味。 落單用二維碼。今日叫左個午市二人火鍋套餐，價錢$299。包以下食物：老鍋有四款精選湯底，分別係麻辣鍋，美人鍋，養生鍋同酸菜白肉鍋。「美人鍋」係女仕養顏至寶，材料有桃膠，原隻烏雞一開二，金華火腿，又有杞子，南棗，淮山，黨參，龍眼肉等藥材，仲有冬菇，粟米同香蔥等蔬菜。上枱時桃膠特登放喺烏雞上面。烏雞吸咗個湯味道超好，雞肉又嫰滑。個湯係老火肴制湯底，味道少少鹹香，好飲。美國梅花豬肉 肉類可選肥牛，雞肉或者豬肉。美國梅花豬肉一客10片，捲得靚靚上枱，切得夠厚身，質感好好，外圍係脂肪邊，帶少少咬口又有少少彈牙。豬味濃，好好食。丸餃拼盤丸餃拼盤有墨魚丸，香菇貢丸，蛋餃，同魚皮餃各兩粒。魚皮餃好肥美，墨魚丸彈牙，蛋餃既蛋皮好簿又滑。五彩鮮蔬雜菌盤五彩鮮蔬雜菌盤有油墨菜，生菜，娃娃菜，金菇，食材新鮮。米線跟餐可以選飯或者米線，我地揀咗米線。米線超大碗，好淋，攤凍食都有少少煙韌，可以加芫荽同蔥一齊淥。自助調料吧有辣椒，莞茜，蔥，豉油，炸蒜，香醋，沙茶醬，蒜泥汁。而家仲有天燈玩。呢度有好多四人卡位，枱同枱之間既距離夠遠，有私隱度，座位舒適。…Read More

風球過後，天氣陰涼令不禁想打邊爐🍲暖身，見到老鍋有火鍋lunch set就馬上用Openrice book去試吓。同朋友大約12pm入座後，感覺環境寬敞舒適，店員友善地向我地說明如何點餐及指示火鍋醬料的自助區。首先，掃QR code睇menu點餐，睇到有單點既野食、特飲、米線/飯既lunch set & 午市火鍋套餐。二話不說，我哋就㨂左二人火鍋套餐。 湯底就㨂左多人讚好既美人鍋，入面當歸、杞子、桃膠、成隻烏雞。店員會主動幫你加湯，湯底有啲越滾越咸。食完估唔到係會咁飽既，好在冇衝動額外加點配菜/小食。總括然而😋性價比評高…Read More

近日天氣轉涼，真係好想約朋友去打下邊爐，於是坐言起行，去了這間台灣邊爐專門店食～店內做緊天燈主題，除成個天花板都係天燈外，仲有得即時自訂天燈message，真係又可以食野，又可以玩！喺佢地個website app內打入想要的message/ 揀template，就可以即時放到上去大mon佈置上～食物方面，一如以往地有水準！🍲鍋底鍋底選了「美人鍋」，入面有成隻烏雞同好多桃膠，感覺好滋補😆烏雞可以在湯滾起後攞出來食下，幾嫩香多肉，肉質甜甜。湯底內還有其他菇類，都幾多配料。🌟食物▶️千張豆葉紙幾特別，係薄薄的一片，淥一下就ok，但吸曬美人鍋湯底精華，食落去薄薄腐竹咁，味道夠甜😋▶️各款丸類質素都不錯，特別喜歡墨魚丸，好夠彈口▶️肉類方面，個人比較喜歡美國梅花豬肉（有機）薄片豬肉有嚼勁，而且同樣吸曬湯底的甜味，加上本身豬肉香，味道幾好。💕睇得又食得之選-老鍋台式霧之戀冷麵見到餐廳有呢款新出嘅老鍋台式霧之戀冷麵，真係好吸引，店員上菜時食物旁不斷出霧，感覺好夢幻。冷麵比較似日本烏冬texture，幾彈口，與下面有蘿蔔絲、青瓜絲，與蟹子同蛋黃撈在一齊，粒粒蟹子黏住麵來食，好香口。😋飲品方面，點了冬瓜茶同清香冷泡茶，夠解渴。又玩又食又打卡真係好難得，下次再來！…Read More

約朋友到位於銅鑼灣的老鍋台式火鍋打邊爐🫕， 兩個人唔算好肚餓， 點了以下菜式🥢 ～ 美人鍋、 精選牛肩肉、 千張豆葉子、 海蝦、手打墨魚丸和魚皮餃。 📌美人鍋 ～ 原隻烏雞、紅棗、杞子、桃膠、淮山、黨參、冬菇和粟米， 湯底足料， 烏雞嫩滑， 原隻烏雞份量都好多。 📌精選牛肩肉 ～ 牛味濃， 打邊爐必點牛肉😋。 📌千張豆葉子 ～ 吸了湯底的味道， 幾好食。 📌海蝦、手打墨魚丸和魚皮餃 ～ 海蝦和墨魚丸都好爽口。 餐廳門口有靚靚天燈打卡位📸， 店內環境舒適， 位置方便。🏷️溫馨提示～ 整個用餐體驗均屬個人分享意見， 只作參考😊。…Read More

前排突然想食台式邊爐，朋友就推介去呢間地點方便又有空間感嘅餐廳。餐廳位置幾大，而且充滿台灣風格佈置仲有新鮮養住的海鮮～因為想滋寶一點，就和朋友點了原隻烏雞美人鍋，真係超足料！湯入面原隻烏雞上 ，配上桃膠、紅棗、超多菇，味道甜甜的幾特別。仲可以煲一陣後即撈起雞來食，肉質好彈口+甜～果然質素不錯點了幾款打邊爐必選食物，特別喜歡黃金咸蛋黃豬肉丸，外層豬肉彈口，入面是好香濃嘅蛋黃😋味道+口感都好好。另外見佢有海鮮食，都點了🦐，新鮮彈口得來都唔細隻～另外他們的美國梅花豬梅肉水準都幾好，是有點厚度得來食落去淋香。蔬菜雜菌拼盤都好多款菜，而且份量都多，吸曬美人鍋湯底精華，好想繼續食多d吃著吃著，不經不覺間原來去了1/3 湯，店員見到後會主動幫我們加湯～店內還播著台灣歌，好有feel。他們的自家製飲品夠曬大杯，特別喜歡冷泡白桃烏龍茶，味道清香😋下次再來打特色邊爐！…Read More

喺眾多火鍋店林立之下， 台式火鍋喺香港仍然佔有一席之地， 就知道佢係有過人吸引之處。Lunch朋友話好想回味一下台式美人鍋， 銅鑼灣呢度就有一間。 醬料吧都有唔少選擇， 最緊要有愛最鍾意嘅沙茶醬。湯底餡料真係非常滋補， 有烏雞，杞子，當歸，桃膠， 仲有粟米同大量菌類 ，味道好清甜， 放湯打邊爐定係就咁飲都一流。 食完之後朋友都話覺得自己靚咗xd點咗幾個餸同埋台灣特色王子麵， 豚肉片幾爽口彈牙, 同美人湯十分夾。最後兩個人埋單都係幾百蚊唔算貴。…Read More

疫情嚴峻之下， 與媽咪到銅鑼灣買些日用品， 順便食埋晚飯就趕快回家。 到地點方便的駱克道京都廣場老鍋台式火鍋， 入到餐廳門口店員非常謹慎做足防疫措施， 首先有酒精消毒雙手，體溫測試， 再檢查我們有沒有手帶， 最後還要擦一擦鞋底才進入店內， 在這段時期做足衛生措施，感覺非常細心和安全。 其實之前都食過老鍋台式火鍋， 就是因為地點方便，所以今次又來。 首先就點了一個美人鍋， 因為太肚餓的關係，所以點了款小食鹽酥一口豆腐， 然後到火鍋配料和飲品～美國梅花豬肉， 墨魚丸， 千張豆葉紙， 唐生菜，王子麵， 冬瓜茶和櫻花茶。美人鍋～ 鍋底有原隻烏雞， 桃膠，杞子，南棗和金華火腿淆製而成， 滋陰養顏， 啱曬女士們。鹽酥一口豆腐～ 外層酥脆裏面軟腍， 一啖一口，正！美國梅花豬肉～ 打邊爐經常都會點牛肉， 有時食到悶都可以轉下， 梅花豬肉肉質新鮮， 嫩口好味。墨魚丸～ 手打墨魚丸口感煙韌。千張豆葉紙～ 味道有點似腐皮， 放入湯底大約用十秒時間已經可以吸曬湯底的味道， 第一次吃這一款，味道唔錯。唐生菜～ 打邊爐點少得吃菜呢， 唐生菜新鮮爽口， 打邊爐必備。王子麵～ 今次試下王子麵， 跟公仔麵的感覺差不多。冬瓜茶和櫻花茶～ 兩款茶都不算太甜， 入口清涼解渴， 打邊爐一流。間中都會約朋友到老鍋台式火鍋打邊爐， 個人感覺價錢經濟，食物質素又幾好， 今次仲見到防疫措施做得好足， 令客人食得放心。…Read More

兩個人，人少少，去左食老鍋打邊爐🤩而家最緊要要用公筷，同搵間衛生做得好嘅火鍋店先好去💪🏻去到老鍋，門口已經有消毒地毯，枱同枱之間亦有相當空間，店員仲安排左我地坐私隱度較高嘅卡位👏🏻係新岀嘅椰子鍋同美人鍋之間揀左美人鍋🤣希望食完變美人，美人鍋著重骨膠原同養顏嘅食材，有烏雞、桃膠、淮山、紅棗、杞子等等煮到中段，店員仲幫我地將烏雞剪成小舊，方便食用👍🏻火鍋料就揀左本地手切牛肉、梅花豬肉、櫻花蝦滑、鵝肝墨魚丸、臭豆腐、響鈴、魚皮餃、冬瓜片同新竹米粉🥳手切牛肉到嘅時候店員提醒我地唔需要煮太耐牛味超級濃，肥相對較少，幸福啊❤️梅花豬肉油脂足，微微帶羶🐖櫻花蝦滑非常爽口，裡面亦有未完全打成膠嘅蝦粒增加口感😋墨魚丸包鵝肝餡，相信係自家製，鵝肝油份多，咬落有爆汁感🤪臭豆腐應該算係里度嘅招牌，新鮮炸起，熱辣辣，估唔到香脆嘅外皮，裡面盛載住好多湯汁🥰響鈴亦係新鮮炸起，酥脆掛湯😛最後食埋吸哂美人鍋精華嘅冬瓜同米粉，超級滿足的説🤭其實疫情影響好多餐廳都變得好難經營😔見到晚市得幾枱咁🙁希望好餐廳都要努力捱過去💪🏻…Read More

就算（差唔多）炎炎夏日都係食火鍋既好季節，呢間「老鍋台式火鍋」淨係CWB都有兩間分店上次去過另一間分店，今次黎呢間都係好近MTR站，但係內裡環境較寬敞，坐得仲舒服😌朋友個胃唔係咁好，所以冇點麻辣鍋🤭 點左「美人鍋」 好大件烏雞淨係鍋裡面既配料都好多，抵手切牛肩肉好靚，厚薄剛好仲點左餃子拼盤、豬肉丸、蝦丸火鍋食靚料d, 好過點任食其他配料都好正，好似咸蛋炸魚皮（好邪惡）、響鈴咁又大件又大份仲有台式火鍋，應該要點水蓮，未見過呢款菜😆😆 我都係第一次試，口感幾好 …Read More