TSUKADA NOJO (Closed)

Covid來襲下的生日不知不覺已經係第三年。以往每次經過都見到門口大排長龍，今日去食飯時間都只係有七成滿座。朋友一早告知，此餐廳性價比偏低，純粹吃裝修，食服務。可能有心理準備，冇期望便會有驚喜。美人鍋，梳乎理玉子燒喺必食推介美人鍋份量略少，追加了日本蠔，湯底已經好夠味，附上的醬汁基本上都用不著，肉類賣相一般般，但係都幾新鮮。此外，order左三文魚牛油果美人卷，以及三色刺身盛。兩個人的晚餐，份量剛剛好，不會太飽。配以無敵海景，細心有禮的服務員，總括來講都有70分。是慶生飯的一個不錯選擇。…Read More

海港城優惠券狂熱第二浪時朋友嚟過，重點推介和牛美人鍋。今日中午決定來一次看看是否非試不可。1點左右來到，沒有人等位，侍應立即帶我們入座。沿着大廳經過見到很多人點了午餐定食及美人鍋。早餐吃太飽，所以我哋只叫了一個牛肉豚肉美人鍋，配一個拉麵。侍應話佢哋嘅sukiyaki 最出名，所以我哋點左呢個湯底，點左烏冬。等咗一陣，個鍋攞上嚟，肉片好薄，排得好整齊，很美的擺盤，肉片下邊嘅生菜鋪滿好像花環一樣。白色豚肉片配sukiyaki不知怎的有鹹肉的味道，像是奶奶曬的鹹肉的千年氣味，也有點像風乾火腿的味道，忽然之間有種意大利農村感覺。牛肉不是順疊所以未能逐一夾起，要兩雙筷子才可以逐片分開。牛肉是順紋切的，不過因為切得薄，只須拖一拖熱湯便可，所以也沒有咬不開的感覺。擺得像花環的生菜真的讓人大開眼界，那些菜全是黃黃啡啡的，好像已等候欣賞他的人多天的時間似的，但那人沒出現，變成經歷單戀到失戀的生菜絲。先不說生菜價值多少，啡黃的生菜絲配上牆上的陳舊裝飾和座位上厚厚的塵埃，果然別具風味，刮目相看。小朋友點的拉麵未到，跟餐的豚肉飯送上，女兒説鹹得像鹹魚肉餅飯。我哋點的是雞丸子柚子拉麵，麵條方切粗麵，是較田園風味的，入口粗糙，比我們自己在家做的烏冬和拉麵萬同。小朋友不吃，最後送入爸爸肚裏去。最終小朋友什麼也沒吃飽，回家時買一些甜點。…Read More

失策無訂枱⋯要排隊等（因為佢無票拎）雖然排第二⋯但都等左差唔多成個鐘⋯因為佢地有空枱就留俾啲訂枱⋯⋯（但其實有幾多張訂左又真係會黎食？因為我等咁耐都係見到兩張訂枱入左去😤）Anyway,,我地等位個陣見到食緊嘅人係咁加野食仲笑人大食⋯但原來呢度啲野又真係唔係好夠飽⋯我地叫左個美人鍋⋯望落都好多菜呀牛呀豬咁⋯再叫左碳燒雞（必叫！雖然價錢有啲貴）⋯不過幾好食⋯再叫左個炸蝦壽司同一個薄餅⋯兩個人食⋯雖然好似好多野咁⋯但我地到最後都唔係話好飽⋯其實我覺得價錢上係偏貴⋯兩個人食左唔係啲咩名貴野⋯又唔係望住個海食⋯都食左成$1200 兩個⋯⋯我諗未必會再黎食lu..因為性價比唔係咁高。…Read More

之前往海港城逛商場時見到這家網紅日本過江龍餐廳🍴要排隊，但是也想一嚐其招牌「美人鍋」，因此決定提前在openrice訂座。用餐當日由於已預約，所以不用排隊很快就可以入座，景觀確實很好，維港夜景一覽無遺，還有露天用餐的區域，但是天氣比較清涼，所以還是在室內用餐為佳。由於前幾天的用餐都是多肉少菜，所以當日晚上就點了蔬菜比較多，而且是最經典的「美人鍋」，然後再加一份讚岐烏冬、玉子燒及三文魚牛油果美人卷，兩個人而言已經很足夠了。先說一下這個招牌的「美人鍋」（兩人份量），湯底黃金骨膠原雞湯是用大量雞骨熬煮，味濃鮮甜。至於配菜則有雞肉、手製雞肉丸及各種蔬果，擺盤色彩豐富，用料新鮮，再加上烏冬，滿滿的飽足感。至於玉子燒用料很足、三文魚牛油果美人卷味道也清新。食物而言味道不錯，至於服務方面雖然周日比較繁忙，但是也ok，不過不失，不是人流高峰時去光顧的話用餐體驗應該會更好。…Read More

塚田農場-美景配美食又大一歲既我，當然要食餐好既黎慶祝，朋友偷偷地book咗海港城既「塚田農場」，話俾個驚喜我。一坐低就見到餐廳送出既小心思，有自己名既歡迎咭，完全感受到被重視。🐻美人鍋 $420美人鍋絕對係必點單品之一，湯底用上雞骨經長時間熬製而成，上枱既時候呈奶白色啫喱，經加熱後變成濃郁雞湯。服務員會先裝一碗俾你試味，入口滿滿骨膠原，非常黏口。之後服務員會將色彩繽紛既蔬菜同雞件放入鍋。不得不提「塚田農場」既蔬菜全部都係日本空運到港，所以特別甜，至於雞件亦都非常嫩口，好有雞味。最後我一滴不漏地KO成個鍋。🐻三文魚蟹肉沙律壽司卷 $78🐻帆立貝玉子壽司卷 $78壽司細細粒非常岩女仔，可以一啖一粒，賣相非常討好，兩款壽司都俾到一種清新感我，而口感方面我比較鍾意三文魚蟹肉沙律壽司卷，除咗面層鋪上蟹籽外，裡面仲有小黃瓜，口感非常豐富。🐻NOJO南蠻炸雞（原味）$78南蠻炸雞外脆內滑，每件雞都食到佢既juicy，一d都唔「嚡」口，點埋沙律醬酸酸地更加醒胃。🐻石鍋雪糕新地-芒果 $78最後點咗個雪糕黎作句號，雪糕用上石鍋裝上，唔單止貌相吸引，更可以減低雪糕溶既速度。雪糕比較硬身，入口有淡淡呍呢拿味，再加上芒果醬，味道更加突出。…Read More

🐓塚田農場🐓🥚🍲《尖沙咀》再黎呢間開喺海港城LCX下層嘅日式菜餐廳環境一流 對住個維多利亞港有個超級無敵大海景！正！🌌 我地叫左💁🏻‍♀️美人鍋 $420聲稱煮左八個小時嘅雞湯🐓🥚有豐富嘅骨膠原佢嚟到嘅時候係啫喱狀嘅要慢慢煮溶 配料其實得好少有雞啦雞肉丸同埋啲蔬菜 個湯底係幾好飲幾濃同埋啲雞好有雞味 是靚雞 蔬菜🥬都好新鮮 唯一缺點就是份量太少價錢較貴了🥴🤪三文魚牛油果米紙卷（$48）清新之選🥑 略續dry左少少🤪…Read More

上次去過旁邊既餐廳食北京烤鴨😏已經留意到呢間餐廳🙌🏻呢間餐廳喺日本係開設左自家農場.每日都會由產地將最新鮮嘅食材送到港!而且聽到好出名既美人鍋.感覺已經係覺得好滋補養顏.必試🤪食物方面:🔘美人鍋✔️追加意大利麵鍋物包括有彩色蔬菜.雞肉.手製雞肉丸.豆腐雞湯加熱後就聞到好香嘅味道!其後煮左雞先.肉質好嫩滑😬雞肉丸吸收左湯底都好鮮甜彈牙.令我最驚喜嘅部份係彩色蔬菜!因為吸收晒雞湯嘅精華非常濃郁而且有營養👍🏻最後加意大利麵同樣吸收晒雞湯!超級鮮甜.非常好食😋🔘帆立貝豚肉豚平燒上枱聽到鐵板既炸炸聲已經好吸引🤗一入口食到帆立貝嘅鮮甜味.同埋好多豚肉.而且蔬菜比例岩岩好!整體方面:美人鍋湯底係用雞骨長時間熬製而成.所以雞骨都溶哂係湯入面.所以令湯變成固體.而且充滿骨膠原!感覺好滋補養顏.食料都好新鮮👍🏻重點係對住維港.真係特別好食😍特別一提.我一坐低店員就俾咗一張卡片我.原來係店員親手寫歡迎我.真係特別窩心.好適合同男/女朋友慶祝.同屋企人享受下既時間食!…Read More

前幾日到嘉禾海運戲院看《安眠醫生》優先場，開場前就來到位於海港城海運大廈末端的塚田農場打邊爐。店面面積廣闊，坐得寬敞舒適，採用木色調裝潢，簡約淡雅格調和諧，散發濃濃和風禪意。全透明的落地玻璃窗加上戶外用餐空間，坐擁維港景致。露天雅座可以飽覽開揚維港夜景，感覺舒服又自在。棟棟摩天大廈投射出的璀燦燈光，醉人景色盡入眼簾。塚田農場是日本九州宮崎縣人氣居酒屋，設有自家農場，主打農場直送的雞肉料理，美人鍋更是招牌菜。美人鍋 $420就連火鍋賣相都盡現日本人的精緻和細心，不禁令人食指大動。一場來到又怎能錯過招牌湯底？！美人鍋採用產自日本農場的走地雞，花上八小時熬製而成，冷卻成奶白色的骨膠原啫喱，再由日本空運到港。一上桌仍是震騰騰的果凍狀，加熱數分鐘後就會逐漸溶化。奶白色湯身略帶濃稠，真材實料以日本走地雞熬煮出來，不含味精濃郁純正，浮油不多，湯頭的濃厚度，感覺就像喝了一整碗的膠原蛋白。配菜則有雞肉、手製雞肉丸及彩色蔬果，一鍋就已經是二人份量。蔬菜色彩繽紛，來貨新鮮，豐盛的食材不但為賣相加分，吃下肚後的滿足感更是滿分。將骨膠原雞湯配上雞肉，富含蛋白質，味道更加鮮甜。雞件亦夠啖啖肉，肉質滑嫩不鞋口，沒有絲毫雪味。就如平時打邊爐的蝦滑般，用小匙捲成丸子狀就可將手製雞肉丸下鍋。雞肉丸子是和風鍋物的常見食材，口感爽彈，肉汁豐富。豆腐質感滑溜，含豐富蛋白質，脂肪含量低，貫徹美人鍋的養顏作風。以甘甜的腐皮包裹著青葱，點綴了湯頭的鮮香。這裡主打和風火鍋，所以醬汁都是以日式風味為主，甚有特色，個人尤其喜歡麻醬，麻香四溢，為火鍋料理的美味更上一層樓。另加 $15就可追加烏冬或拉麵，今次就點了每款各一。烏冬口感順滑，輕輕一吸就從舌尖滑到喉嚨裡。拉麵麵條幼細而吸湯，口感彈滑，盡吸美人湯底精華。梳乎厘玉子燒 $88將玉子燒製成圓鼓鼓的球型相當趣緻，軟滑的玉子燒在入口即化的同時， 每一口裹滿濃郁蛋香。內層入口吃起來柔嫩濕潤，享受玉子燒香甜軟嫩的滋味。…Read More

該店位於海運大厦二樓的尾端，位置稍為偏僻，需步行一段時間方可到達。座位可享維多利亞港美景，實屬難得。是日一行四人光顧該店，人齊後迅即點菜。首先上台的是炸粟米塔，其賣相頗吸引，看似平時食開的馬仔加件雪糕在頂。粟米食落頗具質感及咬口，配上雪糕倍添味道，好甜者不會失望。梳乎厘玉子燒咬落流心饀料溢出，口感不錯，味道調較亦佳。長竽芝士燒製作畧欠火喉，太早從爐中拿出，令味道稍欠應有之風味。喬麥麵配上三文魚子，配搭頗佳，屬頗健康之選，清淡中流露鮮味。帆立具味噌燒屬臨枱即時製作，食材簡單但配搭得宜，即製即食，颇為可口。美人窩以骨膠原冷凍鷄湯底為賣點，上枱時貌似一盆啫喱，味道颇為濃沃。此菜式亦屬臨枱即時製作。食材擺放頗為用心，色彩繽紛，賣相極佳，頗配合其美人鍋之名。鷄肉鮮嫰可口，各類蔬菜亦頗具口感，侍應對泡製時間控制得宜，實值一讚。美景配美食，實屬頗為令人滿意的一次消閒進食經驗。…Read More

趁現在不用排隊周圍，就約朋友下班去吃了個美人鍋。美人鍋同其他餐廳唔同，湯底用雞骨烹煮 8個鐘濃縮而成😉再放入雪櫃！ 所以上台時變成一個布甸咁， 震騰騰開心心， 煲滾的時候你已經聞到濃濃的骨膠原味！ 最正係點呢個鍋會有專人埋位服待你，坐係到等就有得食！材料有半隻雞，蔬菜串，好新鮮，仲有有免治雞肉。大家絕對唔使擔心整污糟隻手，店員會幫你鋪到靚靚然之後你就等啲食物熟先食。另外值得一提嘅係一個沙律🥗沙律菜係新鮮切嘅所以好趣。好好味😋不過粟米就唔知係咪罐頭啦🤪…Read More

自從在九州食了一次塚田農場後一直都很想再食 可惜香港的分店常常都要排隊 今次平日晚上時段經過 見到不用排隊所以立即試試😚每枱必點美人鍋👩🏻雞湯非常濃郁 湯頭帶點黏稠 感覺充滿骨膠原!配菜有雞件 手打雞肉丸和不同蔬菜 其中很喜歡腐皮葱卷 腐皮吸滿雞湯配搭葱粒 食起很清新!非常滿意的一道料理!玉子燒熱辣辣上枱 食時會燙口 加入了高湯的玉子燒食起蛋香濃郁 更帶點鹹鹹的鮮味 梳乎厘蛋口感鬆軟q彈 內餡的粟米和芝士令整個玉子燒更添層次和風味🤤每卷壽司上都放了五塊忌廉芝士🧀咬落先嘗到濃厚芝士味 再有鰻魚的鮮味和三文魚子的鹹香🍣個人很喜歡食芝士所以很滿意 如果不喜芝士的會覺得有點過膩🤭沒有甜點怎算一頓完美的晚餐🤔點了最新推出的抹茶芭菲 除了必有的白玉蕨餅啫喱 還有甜甜脆脆的多士 水準不錯🍨望著海景 食著美味的料理 再喝杯甜甜的清酒🍶緊繃的心情也慢慢放鬆了😌…Read More

每次行過都見有長龍,今晚特登嚟試由於有訂枱所以無需等候就入座被安排坐卡位,對住中環夜景食飯好有氣氛我地2人點左一個美人combo海老牛油果美人卷皮薄而且配菜新鮮,口感重重帆立貝玉子壽司卷帆立貝鮮味十足加上玉子,一流美人鍋湯底黎既時候係啫喱狀,等佢慢慢煲熱變湯底侍應過嚟幫我地載起2碗湯比我地試下我地都急不及待, 一入口係濃郁既雞味好creamy之後佢就幫我地落埋其他野雞肉加骨膠原湯底,雙重享受有3種醬汁,雞滑點左醬汁更加highlight左雞既鮮味蔬菜吸哂湯底既味…Read More

今次係二次黎食，事緣上次黎既時候有架大郵輪停泊左，完完全全阻住哂個景。今次又有好友相約，就又黎試試運氣啦。首先，呢個位置係相當係唔方便，係海港城近碼頭入口起計都要行十分八分鐘(~_~;)行得黎都肚餓了。不過都好既今晚，因為終於見到個景了咁當然都係繼續叫美人鍋啦，其實無覺得特別好食，不過都叫材料新鮮既。其實個人黎講比較喜歡佢啲卷物材料新鮮 配搭得都唔錯 唔算好amazing 但都幾夾 個帶子甜蛋卷都幾好食總體黎講，有呢個景呢，就性價比ok geh但如果想食好好食既日本餐廳就應該唔係呢度了…Read More

閨蜜book左呢間日式料理同我慶祝生日，一入到門口已經覺得好清靜、好舒服😌雖然已經有打電話book，但係window seat已經full曬，只可以揀table同bar枱，今次揀左table枱。入到有張卡仔寫住book枱人既名，連埋有件日本衫仔都幾得意。呢到最出名就係美人鍋，叫左$668既set餐，包左雞尾酒、前菜、鍋同甜品，另外再叫左個即切牛油果三文魚salad。上菜其實都幾快，大約十分鐘就已經有個鍋上黎，但係只有我地呢枱佢冇俾個配菜架我地睇，完全唔知道係咩樣。等個湯滾左後，侍應會黎問你落唔落雞，之後連埋配菜砌到靚靚甘，呢part做得不錯👍🏻食呢個之前同時會有兩個前菜，前菜個脆蝦卷👍🏻👍🏻👍🏻外脆內軟配埋調味真係不錯，美人卷有d失望，似係春卷包住一堆野，個汁又搶曬味。最好既係呢間餐廳冇限時，中意坐幾耐都得，我同朋友7點坐到9:20先離開，好岩傾計。美中不足係侍應態度有d差，朋友問餐既內容答得好hea, 同堆有被敷衍感覺。不過整體黎講都係不錯，好值得再食既一間餐廳👍🏻仲送會員卡可以換野食…Read More

喺日本時一直係塚田農場fans，所以上年開店後試過一個月食三次😂香港menu有微調過，例如日本的炊餃子雞湯鍋變左美人鍋，可以打邊爐，更啱香港人口味。最有驚喜係有頂枱的話，枱面巾張卡仔寫左客人名，重有個和服摺紙，真係好有心機！隔左一排再同朋友返來食，發現menu有唔少新野，例如美人鍋可以加當日特別海鮮，亦有唔少季節special，同埋多左combo㨂。先講每次必點美人鍋，因為充滿骨膠原，所以上枱時係冬L冬L既啫喱形，點左火就慢慢融化。湯滾後先飲湯，即刻會個人暖笠笠，湯雞味超濃，我地一啖接一啖飲到停唔到，結果店員要加雞湯比我地先可以加埋雞肉塊，免治雞肉，各種蔬菜。今次重叫左南蠻炸雞（原味），呢個日本常見菜式喺香港唔算popular，呢度又整得好味，嗰日朋友生緊痱滋都要食。炸皮夠脆夠薄，有微微酢酸中和返炸物既油膩。雞肉十分juicy，點埋tar tar sauce真係一絕。炭燒走地雞用鐵板上，風味十足。雖然驟眼睇黑麻麻，但雞肉入口十分彈牙，炭香味重，燒得啱啱好。美人卷盛合可以㨂三種口味，啱晒sharing。Chopped salad (salmon and avocado) 即席喺枱隔尼料理，足料之餘，因為啱啱chop好，所以食物味道更加突出。呢間餐廳價錢適中，再加埋一大片海景，真係cp值爆燈。絕對係值得一去再去。…Read More