T-Pot

落雨，入咗秋之後凍咗少少，一凍又想打邊爐🤣。上op見到呢間火鍋好似幾有特色，咁就去咗食呢間。睇到有唔少嘅VIP房，都好多人book咗，一大班人聚會。裝修風格參考機場，喺唔少嘅位置都會見到關於機場嘅嘢。🛫$88 香格里拉羊肚菌昆布鍋 🫕有幾粒羊肚菌，昆布嘅湯底。清香，啱晒食海鮮，唔會重味精影響食海鮮嘅鮮甜。$199 (原價398)新鮮手切牛頸脊（250g）🐮份量都好大碟，而家做緊半價，都差唔多有二三十塊牛肉，好濃嘅牛味。$148 活蟶子皇(4隻）聖子好大隻，洗得幾乾淨，鮮甜彈牙，食落冇沙。$58 羊肚菌鮮蝦丸(冬甩）（半份4粒）🍩賣相好得意，成粒冬甩咁。係蝦滑入邊加咗切碎咗嘅羊肚菌。$148 加拿大桂花蚌份量都好多，好新鮮，淥得啱啱好嘅話，就爽口鮮甜，彈牙。$38 娃娃菜$15 可樂🥤$15 忌廉🥤樽裝架！ 正！…Read More

旅鍋火鍋私房菜專門店 (尖沙咀) 📍尖沙咀漆咸道南53-55號嘉芙中心地庫-🍲平時打邊爐多數都會選擇一個價錢任食果種，勝在食幾多都唔怕傷到銀包仔🤭 雖然有無限供應，但本身食量唔驚人就理應對自己好少少，著重下肉類嘅質素啦！🤔-🛣️旅鍋個門面用咗機場做主題，一入門口就好似去咗閘口等上機✈️ 相信老闆一定十分熱愛去旅行！-🏡店內有好幾間VIP 房，每間房更可以容納最多14 人，非常適合家庭聚會！最低消費大概$2000-$3000 不等，視乎平日/weekend而定。當日係星期日，眼見都有最少兩間房book咗，幾個家庭有大有細，非常熱鬧！👨‍👩‍👧‍👦-🍽️至於大廳位置大概有5-6 張，枱與枱之間有充足間距，一啲都唔迫！-🥘首先要選擇鍋底，有多款特色湯底，更有名貴食材，價錢大概$88-$348。-🐮而我地就揀咗潮州牛丸牛坑腩鍋 $218！ 清湯底包括咗好多粒手打牛丸同多件牛坑腩。爆汁牛丸爽彈味濃，超讚！而牛腩亦炆到好入味，又非常稔！望落清澈嘅高湯都出奇地清甜，未開始打邊爐我都已經飲咗一碗🤭-✨重點一提，湯底上枱有煙霧效果，絕對係打卡位！-💕我地order咗一份和牛拼盤，丸類，蔬菜，同響鈴！而店主亦有按人頭送上大大隻南非鮑魚💕-❉雪山和牛拼盤 $438佢地係擺盤方面做足功夫！而家相機食先嘅世代，佢地都非常配合，運用乾冰製造煙霧離漫嘅效果！大大盤嘅牛和賣相絕對一流！-和牛拼盤內分別有6 款牛，雪花分明，油脂豐富，味道香甜，和牛更加係軟稔有入口即溶嘅感覺！ 呢個拼盤有齊晒想試嘅類別，樣樣都有啲好抵！✽A4和牛 ✽本地手切牛✽極黑和牛肉 ✽牛小排✽和牛舌 ✽牛胸爽-❈鮮活南非鮑魚 $58 （送）有掌心咁大隻嘅新鮮南非飽，煮5-6 分鍾就岩岩好！非常爽口鮮甜！-❈羊肚菌鮮蝦丸 （冬甩）$58 （半份）❈黑松露墨魚丸 （冬甩）$58 （半份）兩款丸類都係呈冬甩形狀，賣相可愛！調味唔多，但羊肚菌味同黑松露幾香。蝦丸同墨魚丸張力都好夠，彈牙！-❈海棠春蔬 （雜菜拼盤）$78估唔到普通一個蔬菜拼盤都咁高質，所有菜都超甜！-❈手工響鈴 $58大概有5-6條，如果4-5 個人食就岩岩好了！-㊙️埋單先發現多咗個8 折！原來佢地做緊全時段8 折優惠，仲送每人一隻南非鮑魚！真係非常抵食！㊙️…Read More

之前行經嘉芙中心，發現地庫開咗間非常有特色嘅火鍋店，竟然用旅行做主題，夠晒gimmick。今個周末就一於試吓好唔好食～餐廳為於嘉芙中心地庫，餐廳面積不算大，但設有多間廂房，並以唔同國家做主題，大廳有6-7張枱，走私房菜路線。見到店主都花了不少心機在裝修方面，到處都有精心設計過，例如地板是一條機場跑道，跟設有射燈，非常有趣味！湯底價錢普遍都要過百，但絕對係真材實料，我哋叫咗潮州牛丸牛坑腩鍋 $218，真係清湯腩嘅湯底，有大量配料，牛丸超多汁彈牙，牛坑腩軟淋鮮甜多汁，非常高質。職員會在你面前放湯，而材料入邊有少量乾冰，所以放湯時會煙霧離漫，夠晒特別！每位客人仲會送上一隻鮮活南非鮑魚，價值$68，而且係勁大隻！老闆真係非常闊綽😆雪山和牛拼盤 $438個拼盤非常具大，擺盤好靚，包括了A4和牛 本地手切牛 極黑和牛肉 牛小排 和牛舌 牛胸爽，其中A4 和牛 同牛小排都係勁正，雪花均勻，肉味非常鮮甜。羊肚菌鮮蝦丸/ 黑松露墨魚丸（冬甩）$58 （半份）必點推介，手打丸爽口彈牙，羊肚菌和黑松露味道夠突出，高質！手工響鈴 $58自家炸嘅響鈴，質素都可以，有幾舊比較深色有少許炸太耐海棠春蔬 （雜菜拼盤）$78有菜心、生菜和娃娃菜，非一般嘅蔬菜，係勁幼嫩和鮮甜，似有機蔬菜🫣總結：以旅行做主題非常有趣，但重點在食物質素上，用料上乘價錢合理。而且店舖做緊全時段全單8折！ 係8折啊！仲要送上超大隻活南非鮑魚，非常抵食！ 服務亦非常一流，員工殷勤有禮。店舖有多間包廂，可容納8-12人，夠晒privacy非常適合家庭/朋友聚會（星期日至四min charge $2500，星期五六min charge $3500）。下次真係要帶埋屋企人來試吓！…Read More