Habib's (Lee King Mansion)

天色昏暗，今日工作忙到午餐都趕不及吃的我6點放工行到電器道時已經餓到有點浮浮下的感覺，但約左朋友3個鐘後便吃late dinner，咁點好呢？正經過<Habib's>的時候居然傳出陣陣印度式的香料香味！！唔理啦！點都食小小野先！嘻！小小地食個卡巴吧！店內地方不大，但有幾張高枱供客人<快食>之用。原來店內不止卡巴，還有沙律，炒飯和烤肉最後我選了<羊肉卡巴~$65>。卡巴到手的時候都嚇了一跳！咁大卷既卡巴內有好香印度風味的烤羊肉，不是用鬆肉粉整到鬆散散的，有點咬口，但絕不韌。配上新鮮爽口的生菜，紫洋蔥和有點似稀身沙律醬的醬汁，好好食喔！加上蔬菜和肉的比例很好，所以一點都不膩，不過偏細食的我真的吃不完一整個。大概是因為想留肚一會兒和朋友late dinner吧！若果沒約人食飯，我吃這個卡巴當一餐是剛剛好的，好抵食…Read More

今天下午吃了不少東西，晚餐只需輕食。和朋友走到天后電氣道有好多選擇，但如果要輕食，食個卡巴卷也好呢。店面和廚房雖小，餐牌的選擇頗豐富。一個羊肉卷，一個雞肉卷，肉就是在這兩條大大的肉卷上切下來。最後我們點了一個沙律和一份卡巴。地中海沙律原來有feta cheese，青瓜，車厘茄，紫洋蔥，生菜，青椒，兩款不同的沙律醬。入口即溶的芝士味道濃郁，大大粒很滿足。 其他蔬菜都十分新鮮 ，口感清新爽脆，搭配的兩款沙律醬，橙色那款有點微辣的感覺。然後重點就是這羊肉卡巴， 體積相當之大，切開一半也覺得好大份， 一個人吃應該飽到反轉。 配料除了了轉轉羊肉，還有蕃茄、生菜和沙律醬。羊肉片的份量頗多，切成小小片比較容易咬。經過調味的羊肉的味道香濃但沒有羶味，肉質軟滑，非常好吃 搭配爽脆的生菜和蕃茄，還有微微煙韌的外皮，無論口感還是味道也是非常豐富呢。說要輕食但其實並不輕了啦。店家的價錢不貴，羊肉更是甚有風味，一百元左右，又大份又抵食！細食的兩人分享一個更抵，哈哈！…Read More

卡巴係土耳其名物，裏面有夾乜都得，所以變化性好大！小弟喺維園打完波諗住食晏，行過電氣道，見到佢有lunch set，所以入左去試下！食肉獸既我當然搵有肉既卡巴啦。有牛，雞，羊，係冇豬！因為穆斯林唔可以食豬！我揀左羊卡巴，因為夠羶！小弟覺得羊唔羶唔好味！羶係羊味，唔羶同牛分別唔大！師傅即叫即切！可以選擇辣同唔辣！重口味既我選擇左辣！一開二，幾大舊下，我一個人食都飽！小心，超級熱，廝開將錫紙果時要特別小心！裏面有菜，番茄，羊肉同秘製醬汁！辣味好過癮，唔係好辣，又有辣味，好矛盾既味道！一試上癮！肉既份量都多，每一啖都食到肉。卡巴卷皮脆脆地，好新鮮！午餐可以選擇一款飲品，有汽冇汽，任君選擇，好周到！…Read More