大漠

喜歡食羊既我，朋友介紹我，點都要黎一次大漠！一入去，成間店都充滿住羊既味道，超正！同埋暗暗地，加埋d裝飾品，好有異國風情！今日係星期四，唔太多人，靜靜地幾好！因為得兩個人，本身想叫二人餐，但又好似太多，最後就散叫。羊肉粉絲湯，好濃既羊肉味！極力推介！叫左一碗大，兩個人飲都有d多。酥炸小羊排，酥酥脆脆，不過放左陣就凍左lu.羊肉串，羊肉有d韌，好似西環間巴依好食d。最後要左個紫椰菜，好好味，佢加左花生同提子乾，好有咬口！食完，超飽！下次要再黎呀！…Read More

因為訂位關係，一行四人無需等位。首先試油酥餅，好厚身但一D都唔油，好味。主菜係羊肉拉麵、羊肉串同招牌羊鞍，全都完全無羶味，非常讚餐廳環境氣氛好，好適合朋友聚會，每樣食物都食得出心機，一定會再去。…Read More

對呢間新疆菜有印象，係來自09年啲工展會，是關響香港搵唔到有孜然粉買，上堔圳買落黎又唔係咁放心，但係竟然比我響工展會上見到(雖然都係國產野，唔知點解就係會放心D)，當然要入下貨啦，雖然幫襯左只係10元8塊，但係肥仔老板依然好好招呼，所以對老板好有印象，當小儀同金剛啲節目一出街，好記性啲Cobi爸就立即記起呢位肥仔老板，仲話要去試菜添。因為知道自己會早食晚飯，所以冇訂位，不過6:30pm去到果陣已經坐左8成人，都好旺場啵~我地全部都order左同羊有關啲菜式，一於黎個小啲全羊宴呀！羊肉串將羊肉切成丁方，入口容易，羊肉粒同羊肉粒中間冇咩虛位，視覺啲效果好充實，再加埋我同Cobi爸都十分鍾情啲孜然粉，香氣十足。不過入口就發覺個羊肉串唔夠熱，但依然好juicy，調味亦見適中，試完孜然粉再試辣椒粉，好夠香辣，好有響王府井掃街啲感覺，不過2串收$44，就略為貴左少少。羊肉Pizza6吋大，2個人食剛剛好，批底有D似葱油餅，入口脆脆地，羊肉處理得宜，好嫰滑，又唔韌，cheese味亦足夠香濃，最重要D芝士比到我有拉扯出黎啲感覺嘛~清真古法燒羊鞍一上枱啲感覺係…咁大件啲? 可能係自己一相情願食新疆菜啲羊鞍一定會用蒙古羊仔架，但以我食蒙古羊咁多年都係比較細件頭，唔通係大羊羊? 咁會唔會韌架? 由外觀而論，D羊架係燒好至cut開一件件，因為咁至可以做到肉身just pink啲效果，因為羊鞍啲香氣已經刺激緊我啲口水分泌，影完相後就立即加孜然粉放入口中，羊鞍被燒到外脆內嫩，而且仲非常juicy，混合埋D新疆孜然粉，好match~食到最後，我連帶骨部份啲肉都唔放過！係廚師出色? 還是羊鞍本身啲肉質好呢，令到我好似變左Cobi咁，竟然拎住支骨食到咁滋味…果然係必食菜式！手抓羊肉卷個菜式冇咩特別，同平時食開啲肉卷都差唔多，只不過材料就完全唔同，由1塊油酥餅卷住D羊肉碎，配合埋D香料、花生碎、青提子乾、生菜，入口有少少騷味，but I like it！個油酥餅軟熟得黎又唔太油，如果可以配合多1片生菜，可能個口感更見清爽，依家食1件就夠哂。羊奶涷賣相好奶白色，未入口時好怕有羊奶騷(羊肉騷就一D都唔怕)，入口時感覺好滑，好似食緊日本D牛奶布丁咁，唔係太甜，都幾好味。雖然我未去過新疆，未食過地到啲新疆菜，所以我唔可以評價佢正唔正宗，不過轉少少材料又或者係改變下佢地啲烹調方法黎適合香港人口味，令大眾更容易接受，又何樂而不為呢? 總括黎講，呢餐係令我同Cobi爸都滿意啲一餐。有特式的食物總叫人着迷，值得推薦比大家一試。p.s.而且仲有一個令人滿意啲洗手間，唔錯！…Read More

拖左好耐先有時間去食新彊菜,間野比我想像中細,(可能晚市full晒吧)令到走廊的感覺水泄不通,但是食品比我想像中還要好,果然一分錢一分貨要推薦的就是手抓卷,雖然佢個賣相不討好,但是真的好好吃!!!!皮同配料非常之夾!!!羊肉串燒亦都是誠意之作~香草好特別,而家羊肉亦能保持多肉汁同鮮嫩,特別一提的是,羊肉串份量好多,超級抵食!!主菜order了炸哈密瓜牛腩,十分之有新意的配搭!!而家哈密瓜令牛腩不太膩~推介~至於個duck breast.........有所保留..............個人黎講可以煮得更加好食~^^原本近幾日沒有胃口的,(平日吃早餐後便不吃了)不知為何手抓卷令我的味蕾甦醒~感謝~!!服務方面,好喜歡有疑似學生哥的侍應有禮貌地為我們介紹菜式,抵加人工吧~~如果密d加水就perfect啦~如果大漠的位置在旺區,我想一定會客似雲來,至少我不用轉兩次車來土瓜灣~…Read More